رواية عشق حياة الفصل الحادي عشر 11 بقلم زوزة

في الشركه الشناوي صباحا

في مكتب عدي

اتت رساله الي تليفون عدي ونظر بها وصدم مما قراءه ” حلو التصميم عدي باشا اكيد هيعجب حضرتك افرح بيه دلوقتي هعملك مفاجاه يوم الصفقه ” .

عدي بغضب : مين اللي باعت الرساله دي وازاي يقولي كده .

عدي بعصبيه لسكرتيره: خلي باسم يجيلي فورا .

السكرتيره : حاضر يا فندم .

وبعد مده قليله اتي باسم بتوتر الي مكتب عدي .

باسم بتوتر : خير يا فندم التصميم فيه حاجه .

عدي بعصبيه : التصميم كويس بس مين غيرك يعرف عنه أو مين اللي عمله يا بااااسم .

باسم بتوتر : محدش غيري يعرف عنه يا عدي باشا انا تعبت في التصميم ده جدااا .

عدي بعصبيه : متاكد من كلامك يا باسم انا هشوف في الموضوع ده وقسما بالله لو طلعت بتكذب هدفعك التمن غالي اوووي .

باسم بتوتر : يافندم انا تبعت في التصميم وانا اللي عامله .

عدي بعصبيه : ماشي روح كمل شغلك يلا .

باسم بحقد : حاضر يا فندم وتركه وخرج وهو يلعن في عدي .

عدي لنفسه: يعني مين اللي باعت الرساله دي ومفاجاه ايه اووووف بقا بكرا نسافر ونشوف بعد بكرا ايه اللي هيحصل في الصفقه معتش وقت نصمم تصميم تاني .

عدي وهو يتصل علي أحد : هبعتلك رقم تعرفلي مين صاحب الرقم ده خلال ساعه .

الشخص : حاضر يا فندم .

عدي : وعايزك ترقبلي باسم وتعرفلي التصميم ده حد غيره شافه والا لا .

الشخص : هحاول يا فندم .

عدي : ماشي .وقفل معه .

وبعد ساعه اتصل به الشخص وقال : يافندم الرقم ده مش متسجل ومعرفناش نوصل لصاحبه .

عدي بعصبيه قفل التليفون وخبط علي المكتب بايده وقال يعني مين باعتها دي .

~~~~~~~~~~~~~~~~~~~~~~

في شركه المعز .

في مكتب وعد

وعد بابتسامه : ولا هيعرف مين صاحبه الرساله دي غير لما انا اقوله .

سجده : طب ليه بعتي ليه رساله .

وعد بهدوء : عايزاه يدور ورا الناس إلى هو مشغلهم هو شغله ممتاز لكن باين أن قلبه طيب اووي فلازم يتعلم يخلي عين قدام وعشره ورا .

سجده بتفكير : طب ممكن يكون هو مشترك مع اللي سرق الملف .

وعد بهدوء : ودي حاجه تفوتني مثلا لا هو شغله محترم وده اللي خلاني ابعتله الرساله دي عشان بعد كده يبقي حريص وعارفه بعد ما الصفقه تخلص هعلن ليه المفاجاه اللي نفسه يعرفها .

سجده بتفكير : اممم ياتري هيعمل ايه وهيصدق والا لا .

وعد بهدوء : يصدق أو مايصدق ميخصنيش انا ليا معاه التصميم بتاع المهندس اللي شغال عندي هاخده ذوق وده اللي هتعامل بيه معاه في الاول مجبش نتيجه هاخده عافيه وانتي عارفه ان مفيش حد بيقف في وشي .

سجده بتفكير : طب ما ممكن يكون هو شخص قووي و متقدريش تاخدي منه التصميم .

وعد بغموض : هو قوووي وانا عارفه ده كويس بس هو لما يشوفني اصلا ده هيكون صدمه ليه .

سجده بتفكير : ليه يعني .

وعد بهدوء : لانه شافني قبل كده ولو شافني تاني اكيد هيتعصب لان المراتين اللي شافني فيهم هزقته فيهم .

سجده بذهول : يخربيتك انتي مفيش حد من الرجاله مش بتهزقيه .

وعد : ماهو غبي الصراحه في المره الأولي والمره التانيه كان اغبي .

سجده بضحك : ولله مافي غبي هنا غيرك انتي هتلاقي الراجل قالك كلمه حلوه والا حاجه وانتي اتعصبتي عليه .

وعد بعصبيه خفيفه : وعارفه لو حاول يقولها تاني هيبقي اغبي في المره التالته بقا بس مش هسكت تؤتؤ عشان انا وعد المعز ومبرحمش وانتي عارفه كده كويس .

سجده بضحك : انتي عارفه ياوعد اللي هيتجوزك امه داعيه عليه في ليله القدر ولله .

وعد بهدوء : ومين قالك اني هتجوز اصلا .

سجده بضحك: انتي اللي هيتجوزك هيكون حقق المستحيلات ولله .

وعد : وانا مش عايزه اتجوز والا اخلي حد يحقق المستحيل .

سجده بتفكير : طيب يا ستي براحتك بس قوليلي هتاخدي فوفا وعشق معاكي زي ما كنتي بتقولي والا ايه .

وعد : انتي عارفه اني مقولتش حاجه والهانم سجده هي اللي دبستهم فيا صح .

سجده بمرح : مش كنتي عايزه تصالحي فوفا اعملك ايه بقا .

وعد بهدوء : هستناهم هناك بعد الصفقه ما تخلص بتلات أيام عشان رجال الأعمال كلهم يكونوا سافروا بردو ومحدش يشكل خطر عليهم وهنقعد هناك تلات ايام وعارفه الصفقه هتكون مدتها تلات ايام وانا هسافر بكرا قبلها بيوم فإنتي يا حلوه هتمسكي الشركه عشر ايام لوحدك ومش هسال عنك في اجازات هههههههه .

سجده بصدمه : عشر ايام شغل كل الشركات عليا لوحدي حرام عليكي ولله .

وعد بضحك: عشان تقنعي فوفا تسافر معايا بعد كده هههههههه.

سجده بصدمه : حسبي الله ونعم الوكيل فيكم كلكم يا عيله المعز ولله.

وعد : طولت العشر ايام الجايه اقعدي حسبي مع نفسك بقا وانا بتفسح وبعمل شوبنج وبلف مع فوفا وعشق هههه.

سجده : انا بفكر اجي معاكوا ونقفل الشركه احسن .

وعد بمرح : عشان اقفل راسك قبلها ياختي .

سجده : ايه ده ياوعد طريقه كلامك بقت اوڤر اوووي .

وعد : بت يا سجده قومي امشي من قدامي انتي شكلك فاضيه ولله .

سجده بمرح : خليني ارتاح انهارده ياختي ما انتي بكرا مسافره وانا هشيل الهم فوق راسي .

وعد بابتسامه : حبيبه قلبي سجده عايزه ترتاح .

سجده : اه ولله يا وعد ايه رايك اخد اجازه انهارده واروح اشبع نوم للعشر ايام اللي جاين .

سجده بهدوء : ويعني ايه يا سجده روحي يا حبيبتي روحي .

سجده بشكر : تسلميلي يا وعد كتييير وتقوم كي تغادر ولكن وعد ناديت عليها وقالت : روحي يا سجده علي مكتبك وخلصي شغلك يا ماما احنا مش فاضين للاجازات .

سجده : اوووف منك ياوعد .وذهبت وهي تتكلم في سرها وتقول : انا ايه بس شغلني في الشركه وايه خلاني اصاحب البت دي بس بموت فيها اعمل ايه .

وعد : سجدتي يلا يا حبيبتي علي الشغل مش فاضين للكلام .

سجده : حاضر يا آخرة صبري .

وذهبت سجده الي مكتبها ، وظلت وعد تعمل بمكتبها تحاول أن تنهي أعمالها في العشره ايام القادمه .

~~~~~~~~~~~~~~~~~~~~~~~~~~

في قصر الشناوي

في غرفه تالا .

تجلس تالا تبكي علي كنان وعلي حبها له .

مايا : يابنتي بطلي عياط بقا ايه اللي حصل لكل ده .

تالا بدموع : ما انتي متعرفيش ايه حصل يا مايا .

مايا : يابنتي بطلي دموع واحكيلي .

تالا بدموع : حاضر هقولك .

فلاش باك

تالا بخجل وتوتر : جدو انت كلمت كنان اطمنت عليه .

خالد الشناوي : اه هو كلمني اول ما وصل الصعيد طمني عليه بس مكلمتوش م يومها .

تالا : طب محدش كلمه بعدها يطمن عليه أو ينفع تكلمه دلوقتي يعني بعد اذنك وتخليه يكلمني عايزه اطمن عليه .

عدي بعصبيه: وتكلميه ايه انتي ومالك وماله ابعدي عنه يا تالا وكلام معاه لا .

تالا بدموع : عشان خاطري يا عدي اسمع صوته بس حتي من بعيد لبعيد .

مؤيد بزعل علي تالا : انا هرن عليه عشان هو وحشني وكلنا نكلمه .

عدي بعصبية : مش انا قولت لا انت هتكسر كلامي يا مؤيد .

خالد الشناوي بعصبية منهم : رن يا مؤيد علي اخوك خلينا نطمن عليه وانت ملكش دعوه يا عدي .

عدي بعصبيه مكتومه : حاضر براحتكوا انتوا عن اذنكوا وتركهم وذهب الي غرفته .

مؤيد وهو يحاول أن يتصل بكنان وهو فاتح الاسبيكر وبعد مده رد كنان .

مؤيد : ازيك يا حبيبي عامل ايه .

كنان بحب : انا بخير يا حبيبي طمني عليك انت وجدو وعدي وحشتوني ولله .

مؤيد بحب : وانت ولله وحشتني جداا يا حبيبي .

خالد الشناوي وهو يدخل في المحادثه معهم : طمني عليك يا كنان عامل ايه .

كنان بحب : بخير الحمد لله انت عامل ايه يا جدو وصحتك عامله ايه .

خالد الشناوي : الحمد لله بخير يا ابني انت خد بالك م نفسك ها .

كنان : حاضر يا جدو وانت خد بالك م نفسك ومن عدي ومؤيد .

كنان بحزن علي التي تجلس جانبه ونسي أنه علي الهاتف : يا حياتي ممكن تهدي شويه ليه كل ده انتي عارفه أن دموعك غاليه عليا اوووي متعيطيش بقا يا بت وانا هجبلك كل اللي نفسك فيه .

تالا بدموع : مين دي اللي معاك يا كنان وتبقي حياتي وبعصبيه انت بتخوني يا كنان اتكلم رد عليا .

كنان ببرود : ها يا مؤيد هسيبكم انا دلوقتي عشان مش فاضي وقفل معاهم واتجه الي تلك التي تبكي ونسي امر تالا .

تالا بدموع : شوفت يا جدو شوفت .

خالد الشناوي : ممكن عيله يا تالا اهدي يابنتي .

تالا بدموع : عيله ودلوقتي في الوقت ده الساعه 1 بالليل وتركتهم وذهب الي غرفتها وظلت تبكي …….

____________________________

تالا وهي تبكي: ده كل اللي حصل يا مايا يعني هو معاه حد وبيقولها يا حياتي وبيحب فيها وكان خايف عليها وسايبني انا هنا قاعده اعيط .

ثريه وهي تدخل بعد ما سمعت كل شئ وهي تقف علي الباب وتالا لم تأخذ بالها منها .

ثريه بغل : اهدي يا حبيبتي انا هرجعهولك ندمان .

تالا بدموع : بيحب عليا حد تاني يا ماما وكان خايف عليها ومردش عليا وسمع عياطي وقفل وراح اهتم بيها يا ماما .

ثريه بغل : يومين يا قلب امك ويكون هنا في الفيلا وهتكوني انتي اللي جنبه .

تالا بفرحه : بجد يا ماما هتكلميه وتخليه يجي .

ثريه بغل : انا مش عارفه بتحبي كنان علي ايه بس ماشي هجبهولك هنا وانتي خدي راحتك بقا .

تالا بفرحه : هستناه يا ماما هستناه .

ثريه : بس هتسمعي كلامي في كل اللي اقولك عليه .

تالا بفرحه : حاضر يا ماما بس خليه يجي هنا .

ثريه وهي تخرج من الغرفه يومين او تلاته بالكتير وهيجي هنا .

وبعد أن خرجت اتصلت بشخص .

ثريه : كنان بيشتغل في مستشفى حكومي في قريه …. في الصعيد عايزاك تخلي حد م رجالتك انهارده هيهوش بس عليه اصابه خفيفه عشان يوم او اتنين يكون هنا .

الشخص : ماشي هشوف الموضوع وهنفذ انهارده بس ليه أصابه خفيفه من خليها للابد زي اللي قبله .

ثريه بغل : للاسف مينفعش دلوقتي وبعدين تالا بتحبه جدا .

الشخص : ماشي هتلاقيه جاي بكرا أو بعده بالكتير وهتسمعي اخبار حلوه بالليل .

وقفلت معه وهي تفكر بشر ….

~~~~~~~~~~~~~~~~~~~~~~~

في مستشفي الصعيد الحكومي .

كنان : حياه عندنا انهارده عمليتين هنخلص ونرتاح شويه وبعدين اخدك افسحك ماشي يا طفلتي .

حياه بمرح : ماشي يا كنونتي وهتعملي كل اللي عايزاه .

كنان: حياتي تؤمر وانا انفذ .

احمد الاسيوطي وهو يأتي إليهم : بس متتاخروش احنا معنديناش بنات تخرج مع أولاد برا .

حياه وهي تقبل احمد الاسيوطي من خده : بس كنان مش غريب كنان ده اخويا اللي كان نفسي فيه وطول ما انا معاه اوعي تخاف عليا .

احمد الاسيوطي: ماهو يا حبيبتي انا بكون مطمن عليكي وانتي معاه وعشان اكده روحي اتفسحي في البلد بس بلاش تخلي حد يعرفك ماشي .

حياه : حاضر ، صحيح هي تيتا هتخرج انهارده ومعتش هشوفكوا .

احمد الاسيوطي: كيف ده انتي هتروحي معانا علي الدوار تجعدي هناك وتيجي المستشفى الصبح وكنان هيجي يجعد عندينا انت ضيفنا يا داكتور .

كنان بهدوء : اللي حياه عايزاه هعمله بس اهم حاجه تكون مبسوطه .

حياه بفرحه : خلاص هنروح هناك يا كنان .

كنان : ماشي يا حياتي زي ما انتي عايزه .

حياه : جدو انتوا عندكوا حصان عشان نفسي اركبه اوووي .

كنان بضحك : هبقي اخدك البيت عندنا عشان اعرفك علي حصاني ماشي .

حياه بمرح : كنونتي انت عندك حصان بتاعك انت .

كنان : ايوه يا حياتي هبقي اخليكي تشوفيه .

احمد الاسيوطي: واحنا عندينا اسطبل يا بتي كان امك الله يرحمها بتحبهم بردو كتييير وكان ليها مهره هنا والمهره دي كبرت وجابت رعد حصان جميل يابتي لازم تبجي تشوفيه .

حياه بفرحه مثل الاطفال : هشوفه هشوفه بس بعد ما نخلص العمليات .

كنان : ايوه بعد ما نخلص شغلنا نبقي نروح ونتفرج وتلعبي زي ما انتي عايزه يا طفلتي .

احمد الاسيوطي : هسيبكم انا دلوق وهروح انا والحاجه وانتي يا بتي ابعتلك العربيه امتا .

كنان : انا هجبها واجي بعربيتي .

احمد الاسيوطي: خلاص ماشي هستناكوا يا اولاد سلام عليكم وتركهم وذهب .

وهم ذهبوا لكي يقوموا بعملهم …..

وبعد مده طويله انتهوا من عملهم .

حياه بارهاق : عمليتين اصعب من بعض ولله تعبت .

كنان بابتسامه : لازم تتعودي عشان تكوني دكتوره ناجحه .

حياه بابتسامه : طول ما انت جنبي واثقه اني هكون دكتوره ناجحه .

كنان بابتسامه : طب يلا يا حياتي عشان نروح نأكل عايزه تأكلي ايه بقا .

حياه بضحك : طبعا انا كنت تعبانه امبارح صح .

كنان وهو يفهمها ويضحك : ايوه صح .

حياه بضحك : يبقي نعوض امبارح وناكل ليه ولانهارده .

كنان بصدمه : ايوه وبعدين .

حياه بضحك : هنروح الأول نأكل كشري تمام كل واحد طبقين كبار .

كنان بصدمه : طبقين كبار وكشري هنودي فين بس .

حياه وهي تضحك : ماهو لسه فيه جاي .

كنان بضحك : وبعدين ايه تاني .

حياه بضحك : هنروح مطعم شاورما ونطلب كل واحد 2 شاورما 2 كريب.

كنان بصدمه : لا كده اكتر انا مقدرش اكل كل ده .

حياه بضحك : هتاكل ولو مقدرتش انا هساعدك متخفش .

كنان بصدمه منها : انا خايف تاكليني دلوقتي ولله .

حياه بضحك : لا متخفش وبعد كده هنعمل ايه يا كنونتي .

كنان بضحك : اوعي تقولي هنروح مطعم تالت .

حياه بضحك : لا هنروح نجيب شكولاتات كتييير وشيبسي وبيبسي ونحلي بقا .

كنان بصدمه : هو لسه هنحلي .

حياه بضحك : ايوه طبعا .

كنان بصدمه : طب يلا ننهض عشان يدوب نأكل من دلوقتي .

حياه بضحك : يلا يلا .

كنان بابتسامه : تعرفي اني ببقي فرحان جدا لما بشوفك بتضحكي كده .

حياه بابتسامه : وانا بكون ديما فرحانه جمبك يا كنونتي .

كنان : طب يلا يا حياتي .

وذهبوا وتناولوا الطعام وسط ضحك حياه وفرحه كنان بها .

بعد ان انتهوا من تناول طعامهم .

كنان بضحك : بقا تقوليلي كل واحد ليه اتنين يا نصابه .

حياه بضحك : ما انا بحسك مش قادر فبسعدك يا كنونتي .

كنان بضحك : اكبر نصابه ولله بس بموت فيها .

حياه بضحك : طب يلا نروح نجيب الشكولاته .

كنان بضحك : يلا اكبر نصابه بس هناكلها في بيت جدك ماشي عشان منتاخرش .

حياه بابتسامه : حاضر .

وذهبوا واشتروا شكولاتات وحلويات لهم .

كنان حياتي هجيب حاجه من المحل اللي جمب هنا وانتي شوفي لسه عايزه ايه وهاتيه انا سايب الحساب مع الراحل ماشي .

حياه بابتسامه : حاضر .

خرج كنان كي يأتي لها بورود فهو يعرف أنها تعشق الورد دون أن يأخذ باله من الذي يصوب اتجاهه بسلاح أطلق الرجل طلقه في وقت إتيان حياه بضحك ومرح وهي تقول كنونتي حياتي انا جبت كل دوووول دون أن تأخذ بالها من الذي اطلق طلقه باتجاههم هما الاثنان ……….

يتبع..