recent
أخبار ساخنة

رواية عشق القاسي الفصل الثانى 2 بقلم صابرين علاء

 رواية عشق القاسي الفصل الثانى 2 بقلم صابرين علاء
رواية عشق القاسي الفصل الثانى 2 بقلم صابرين علاء

رواية عشق القاسي الفصل الثانى 2 بقلم صابرين علاء

ركبت معاه العربيه ومشيو سوا بعد ما كسر قلبها علي ارنب صغير كانت فرحانه بيه وبتربيه 
وطلع من مزرعته وماخدش باله من اخوها ايمن  من اللي شافهم وشاف اخته ازهار راكبه معاه ف عربيته 
ايمن اخو ازهار شافها قاعده جنب امير الفرماوي كان راجع اجازه من الجيش راح بسرعه عند اوضه ابوه وامه ومصدقش اللي سمعه منهم وهم عمالين يتكلمو عن بنتهم وهو واقف جنب شباك الاوضه ومش شايفينه 
سنيه قالت : بقي ياربي بنتي الوحيده اشوفها مكسوره وفرحتها مطفيه كدا .... منه لله احمد الفرماوي منه لله 
ابراهيم قالها : انتي بتبكي علي ايه دلوقتي ياسنيه ....... بنتك خلاص دخلت نارهم ادعيلها الله يكون ف عونها  ويسلمها منه 
سنيه قالت وهي مقهوره : بس انا يا ابراهيم كان نفسي بنتي تخرج من عندنا معززه مكرمه 
بالفستان الابيض والطبل الزمر وكل الناس تعرف انها اتجوزت ..... مش تصليح غلطه 
ايمن سمع كلمه غلطه ومقدرش يقف جنب الشباك اكتر من كدا دخل عليهم وهو دمه فاير 
قال لامه وابوه : غلطه ......هي مين دي اللي غلطت ...... اختي ازهار غلطت ومع مين 
احمد الفرماوي دا انا هااقتله واقتلها واشرب من دمهم هم الاتنين ازاي يعمل كدا ف اختي 
ابراهيم كان قلبه هايقف من الخوف قاله: لا 
اختك ماغلطتش يابني اختك اتجوزت علي سنه الله ورسوله 
ايمن قال : امال ايه الكلام اللي انتو قاعدين  تقولوه دا 
انا خلاص سمعت وفهمت كل حاجه وانا ف الحوار دا يا قاتل يا مقتول مش كفايه بقالنا عمر معاهم واخدين شقانا وتعبنا كمان ياخدو عرضنا وشرفنا دا اللي انا مش هاسمح بيه 
ابراهيم مستحملش كلام ابنه حس انه هايخسر ابنه زي ماخسر بنته اغم عليه وسنيه مراته  قعدت جمبه تحاول تفوقه 
ايمن ساب ابوه واقع علي الارض ومشي 
وسنيه فضلت  قعده  جنب جوزها وقعدت تقول : ابراهيم فوق ياخويه متخافش علي عيالك هم كبار متشلش هم 
وقعدت جمبه تعيط ومش عارفه تعمل ايه 
***********************************
وصل امير القاهره بعد فتره ووصل علي القصر اللي فيه عيله الفرماوي 
دخل وكان ماسك ايد ازهار وكأنها بنته 
الكل قام وقف والعيله كلها استغربت مين دي ؟
امير اتكلم بشجاعه قدام كل الموجودين ف القصر وقالهم : احب اقدملكم ازهار مراتي 
كان الكل قاعدين وبيتغدو وفجأه الكل ساب اكله وقام يشوف اللي بيحصل 
وكانو اللي قاعدين يوسف الفرماوي في نص السفره و فريده هانم ام امير واحمد جنبه وجنبها قاعده نهال بنت يوسف الكبيره وعلي الناحيه التانيه جنب يوسف مروه بنته الصغيره ف كليه اثار 
فريده هانم سألته بإستغراب   : مش دي ازهار بنت ابراهيم ؟؟
نهال اتكلمت بشماته وقالت : اه بنت الكلاف اللي بيكنس تحت البهايم ف المزرعه ياراجل انا كنت فاكراك جايبها تشتغل ف القصر 
يوسف الفرماوي زعق لبنته وقالها  ؛ نهاااال ياريت متكلميش ف امور اصلا متخصكيش 
دي بقت مرات امير الفرماوي .....يعني اهم منك 
نهال بصت علي ازهار بإستحكار وقالت دي ؟؟!!
امير قال : ازهار مراتي علي سنه الله ورسوله 
وبعد امي ف البيت دا واهم عندي من اي حد
والده امير كملت وقالت : واللي مش عاجبه الباب يفوت جمل 
نهال رمت الشوكه اللي ف ايدها وسابت الاكل وسابت كل اللي ف المكان وخرجت علي برا  
فريده هانم قالتله بفرحه : اخيرا اتجوزت ياحبيبي انا فرحتي بيك متتوصفش 
مروه اخت نهال قالت: الله اخيرا ابيه امير اتجوز وبكرا هايجيب بيبيهات ونلعب بيهم 
والده امير رجعت بصت علي ازهار وقالتله : شكلها صغير اوي يا امير .....بس حلوه 
امير باس جبينها وقالها : دي هاتبقي بنتك يا امي ربيها علي ايدك زي ما انتي عايزه 
يوسف قام وقال ل امير تعال معايا ع المكتب عاوزك !!
امير قاله : ماشي ياعمي اتفضل 
ومشيو سوا مع بعض 
فريده هانم  قالت ل ازهار : اما انتي بقا تعالي اما اقولك هانعمل ايه  وتعالي معانا انتي كمان يا مروه 
مروه  قالت : اها  اكيد طبعا انا جايه  معاكم يلا بينا 
ومشيو التلاته وياترا رايحين علي فين 
اما يوسف بيه وامير ابن اخوه  ف راحو سوا عا المكتب 
واول ما الباب اتقفل عليهم امير قاله : احمد دا لازم يتربي وحيات امي ما انا سايبه سامعني 
يوسف قاله : اهدي بس  يا امير وسيبهولي انا هاعرف شغلي معاه الظاهر اني دلعته زياده عن اللزوم 
بس انت اهدي  علشان الفتره اللي جايه دي مهمه جدا وداخلين علي صفقات كتييره و كبيره و مهمه دا غير حمله الانتخابات بس بدايه كدا احنا لازم نعمل فرح كبير ونعزم عليه كل الصحافه والاعلام 
امير اتعصب وقال : فرح كمان  .....فرح ايه انت صدقت ....الجوازه دي هاتنتهي قريب 
بقلم صابرين علاء. 
يوسف قاله : مفهوم مفهوم بس يعني لازم يكون في فرح علشان لو الفيديو دا نزل علي النت الكل يفكر انك انت ......من حسن حظنا ان الاضاءه ف الفيديو مش واضحه اوي  ومش باين اذا كان انت اللي ف الفيديو ولا احمد لانكم تؤام والشبه بينكم كبيير 
امير اتنرفز ونفخ من الغيظ 
ويوسف قاله : 
اهدي يا امير  اهدي وجهز نفسك للي جاااي 
************************************
ازهار كانت قاعده ساكته وام  امير  عماله تختار فساتين وعماله تتكلم مع الكوافير علي كل اللي هي عايزاه 
وتؤمر ماجده رئيسه الخدم 
وازهار ف كل دا مضايقه مش فارق معاها كل اللي بيحصل ومره واحده صرخت وقالت : بااااس اسكتو بقى ...ً.....اطلعو برا كلكم مش عايزه اشوف حد ابعدو عني 
الكل سكت فجأه وكانو مستغربين 
مروه هزرت وقالت : دي حته من فيلم صح ؟؟!!
فريده هانم   قالت : طيب الكل يطلع برا مش عايزه حد هنا ف الاوضه 
وفعلا الكل خرج و قعدت جمبها وقالت : مالك يابنتي .....انتي زعلانه من حاجه ؟؟!!
ازهار بصت علي ام امير  وشافت فيها امها اللي مش معاها و اترمت ف حضنها وعيطت وقالت : انا تعبت .......
انا ليه بيحصل فيا كدا ؟؟!!
فريده ردت عليها وقالت : انتي لسه صغيره ويمكن تكوني مش  فاهمه اراده ربنا ف كل حاجه بتحصل معاكي 
بس اللي هايخاليكي تكملي ف الدنيا دي 
هي ايمانك ......ايمانك ف ربنا لازم يكون قوي 
لازم تكوني فاهمه ان اي وحش هاتشوفيه ف دنيتك  هتلاقي   بعديه حلو اكيد ....بس انتي اصبري 
ازهار اتنهدت وقالت :انا مؤمنه جدا بربنا بس  انتي مش فاهمه حاجه 
انتي مش عارفه اي اللي حصل وانا بمر بإيه   
ابتسمت فريده  وقالت: مش مهم افهم المهم اني اقدر اساعدك ف حياتك لاني شايفاكي بنتي
وانا بقي معنديش بنات ايه رأيك تكوني بنتي الاولي  
وعايزه اشوفك مبسوطه ديما انتي وامير 
ازهار سكتت وبصت ف الارض بيأس 
ورجعت  قالت : ممكن بقي تسلمي امرك لله وتفكي التكشيره دي و البنات يدخلو يشوفو شغلهم 
ازهار  ابتسمت وهزت راسها وقالت : حاضر 
وبعد ماعدي شويه وقت فريده  دخلت بفستان فرح وقالت : يلا يابنات عايزه اسمع احلي زغروطه لوصول فستان الفرح 
ازهار التفتت وبرقت وقالت : فستان كمان !!
ماجده قالت : هو في فرح من غير فستان يلا قومي اعملي بروفا علشان نشوف الفستان محتاج ايه 
ازهار لبست الفستان وكان حلو فوق الخيال 
وكان احمد واقف بعيد ومش مصدق اللي هو شايفه قال ف نفسه : اي دا ازهار عندنا ولابسه فستان فرح  هم مصممين بردو  اني اتجوز الزفته دي  يعني هم فاكرين بكدا بيحطوني قدام الامر الواقع ولا ايه انا بقي مش هسمح بالجوازه دي انها تتم ابدا مهما حصل 
***********************************
في مكان تاني في القصر كانت نهال  في الحمام الخاص بغرفتها بتتعاطي مخدرات جوزها هاني  دخل عليها فجأه وقال : هاتفضلي طول عمرك مدمنه ورخيصه .... 
كلمته من غير اهتمام وقالتله : وانت هاتفضل بتاع نسوان وسافل ...... لما تنضف من وساختك ابقي تعالي  نضفني واهي النضافه حلوه برضو 
قرب منها ومسكها من شعرها وقال : انتي عارفه لو ابني شافك ف مره وانتي بتتعاطي الهباب دا انا ممكن اقتلك فاهمه 
ريهام ردت عليه وقالت : انت متستهلش الولد دا اصلا وعلشان كدا ربنا انتقم منه وجي  معاق
هاني قالها: هو جاي معاق من كتر الهباب اللي بتشربيه ليل نهار والخمره اللي مش بسبيها من ايدك  
يلا ظبطي نفسك علشان ننزل فرح اخوكي 
واياكي تهب منك وتعملي اي حاجه غلط فاهمه 
ساوت شعرها وظبطت مكياجها ومشيت معاه 
************************************
عدي الوقت بسرعه وجه معاد الفرح وامير لبس البدله وبقي جاهز علشان ياخد عروسته ويطلع بيها قدام كل الناس 
فريده  خرجت من الاوضه ووشها اصفر و مخضوضه  وقالت : ازهار ! 
امير استغرب وقالها : مالها ازهار ؟؟
فريده قالتله: ازهار مش ف الاوضه 
امير قالها : يعني ايه مش ف الاوضه ودخل بنفسه لاقاها فعلا مش موجوده 
اتخض عليها وخرج برا القصر من الباب الوراني علشان محدش من المعازيم ياخد باله 
وطلع تلفونه وقال : كاميرات البيت كلها تتشاف 
واتصل برقم تاني وقاله:  كاميرات مدخل الكوماوند تجبهالي بسرعه مفهوم 
وخرج بعربيته وقعد يلف ف الشوارع وفجأه تلفونه رن وقال : الووووو
الحارس قاله : امير بيه ..... لقطنا اللي خطف العروسه من كاميرات المراقبه 
امير قاله ؛ انطق مين ؟؟
الحارس قاله : احمد بيه من حوالي ساعتين كان واخد  مدام حضرتك معاه ومتخدره وحطها ف شنطه العرببه 
احمد رزع الفون ف العربيه وقال : اه يا غبي ؟؟
************************************
احمد حطها ف الشقه وجاب ميه ورشها علي وشها وقال : فوقي يامه هو انا كنت بخيت ف وشك سم ولا انتي ماصدقتي 
ازهار بدأت تفوق وبصت حواليها لاقت احمد ف وشها قاعد وبيحاول يفوقها 
اتخضت وزحفت لورا وقالتله : انت عايز مني ايه مش كفايه اللي عملته 
احمد قالها : بصرف النظر عن انك حلوه اوي النهارده بس انا جايبك هنا عقبال ما الحفله دي تخلص وينسو بقي حوار الجواز دا  واطمني محدش هايقدر يعرف مكانا
انا الشقه دي لسه مأجرها النهارده 
ازهار قالتله : انت اتجنت انت فاكر ان امير هايسيبك ...امير هايلاقيك وهاينتقم منك 
و 
احمد  ضربها كف جامد خالاها يغم عليها وقال : مبحبش رغي الفلاحين دا ابدا خاليكي هنا زي الكلبه وانا هاقعد برا ماليش مزاج ابص ف خلقتك 
الصفحه الرسميه الكاتبه صابرين علاء. 
احمد طلع برا وكانت المفجأه 
احمد اتصدم وبحلق جامد بعينه وقال : اميييير انت عرفت مكاني ازاي
امير ضربه لكمه علي وشه وقاله : ماهو من كتر ما انت غبي سايب تلفونك مفتوح واقدرت اوصلك من التتبع وبعدين مسك شعره وقاله : فين ازهار ......... بقولك فين ازهار 
احمد وهو بينزف دم من بؤه قاله ؛ مش هاتجوزها يا امير. ......مش هاتجوزها مهما حصل 
امير قاله : دي مراااتي يا روح امك  .
احمد اتصدم وامير اداله لكمه تانيه داخ فيها ووقع علي الارض 
امير دخل يدور علي ازهار ولاقاها مربوطه ومغم عليها قرب منها وفوقها وفكها وسألها : انتي كويسه 
ازهار ردت عليه وقالت : ايوا 
امير حط ايده علي وسطها وقومها ودي كانت اول مره يقرب منها كدا 
ازهار بصتله بخوف وبعدين نزلت من عنيها دمعه امير مسحها ومسك ايديها وخرجو من المكان 
وهما ماشيين سوا جت عربيه مكشوفه  في منتهي الجمال مليانه ورد وبلالين كلها الوان 
امير نزل وقالها : يلا تعالي 
ازهار قالت : اي دا ؟؟!! هو احنا هانركب ف العربيه دي 
امير قالها : دي علشان ندخل بيها الفرح ف جنينه القصر لان الكل دلوقتي بالهم مشغول بسبب هروب العروسه يوم فرحها والصحافه كلهم ومحضرين نفسهم للخبطه دي  هناك لازم الكل يعرف ان العريس مجهز مفجأه لعروسته 
ازهار ضحكت وقالت: يلا مايضرش .
امير ابتسم بسيط وركب جمبها العربيه وراحو الفرح 
كانو الكل قاعد مستني نزول العروسه الفرح 
والناس بدأت تتكلم وتسأل بعضها 
واحده قالت : اي ده هي العروسه اتأخرت كدا ليه هي رجعت ف كلامها 
اللي جمبها قالت : رجعت ف كلامها ايه بس هي تلاقي واحد زي دا فين دول بيقولو انها بنت الكلاف اللي شغال عندهم ف المزرعه بس متقوليش لحد 
التالته قالت : ياخوانا بطلو رغي ايش جاب بنت الغفيرلبنت  الامير 
وفجأه دخل امير علي الكل ف الحفله باالعربيه اللي مليانه ورد واول ما دخل بدأت الالعاب الناريه تطلع ف السما
والكل كان عمال يصور جمال العربيه 
والناس قالو : ايوا بقا علشان كدا اتأخرو 
كان بيجهز مفجأه لعروسته 
واحده تانيه قالت : معقوله دي بنت الكلاف دي حلوه اوي دي اكيد بنت رجل اعمال زيهم 
الكل كان مبهور من جمال العروسه والعريس 
وشكلهم الوسيم والصحافه صورت والكل عرف بخبر جواز امير الفرماوي ب ازهار 
*************************************
والحفله خلصت والكل مشي 
وامير خد عروسته وطلعو علي اوضته واللي هي اكبر اوضه ف القصر كله ومميزه جدا 
امير قالها : ادخلي 
ازهار دخلت وامير مسك فستانها شقه اتنين 
اتفزعت وقالتله : اي دا ؟؟!!انت هاتعمل ايه 
امير ضحك بسخريه وقالها : متخافيش انتي مش نوعي المفضل زوقي اجمل بكتير من زوق اخويا اقلعي الفستان ده 
امير جرحها لما قالها كدا 
لمت الفستان علي صدرها وكانت زي اللي خايفه 
ودخلت الحمام قلعته وامير خده ورماه ف بسكت الغسيل 
طلعت من الحمام بقميص احمر وروب وكانت مكسوفه جدا امير قالها : ايه القرف اللي انتي لابساه دا فاكراني هاريل عليكي ولا ايه 
ازهار قالتله : انا مالقتش غيره ف الدولاب مافيش اي هدوم خالص 
امير مسك ايديها وقالها : بقولك ايه انا مش ناقص صداع خشي اترزعي هنا لحد الصبح 
وخدها راماها ف البلاكونه ف عز الليل وف عز البرد 
ازهار اتكومت جنب كنبه صغيره ف البلاكونه  و هي كانت لابسه خفيف اوي ولازم تنضر من البرد 
متنسوش تعملو متابعه لصفحتي اسمها الكاتبه صابرين علاء 
امير نام الليل الطويل ومفكرش فيها خالص ولماصحي الصبح لاقاها واقعه علي الارض 
قام بسرعه و
فتح الباب الإزاز ودخل وقال : ازهار ......
ازهار انتي كويسه. .....فوقي 
وبص عليها لاقاها مغم عليها 
قرب عليها ومسك اديها لاقاها متلجه وقال : ازهار .......ازهار فوقي متفكريش انك كدا هاتصعبي عليا .........
وشالها ودخلها جوا علي السرير  وقعد يفرك ايديها ورجليها بخوف ويقول : ازهار .....فوقي يا ازهار ردي عليا 
***********************************
كانت واقفه ف بتشرب كاس ف الاوتيل وبتشوف الاخبار علي الانترنت وفجأه شافت خبر جواز امير ضغطت علي الكوبايه جامد واتكسرت منها وقالت : امير انت ملكي لوحدي 
ومافيش واحده ف الدنيا هاتشاركك فيا حتي لو وصلت معايا للقتل 
*********************************
يتبع ......
لقراءة الفصل الثالث : اضغط هنا
لقراءة باقى فصول الرواية : اضغط هنا
google-playkhamsatmostaqltradent