recent
أخبار ساخنة

اسكريبت دون حب الجزء الثاني 2 بقلم سولييه نصار

jina
الصفحة الرئيسية

 اسكريبت دون حب الجزء الثاني 2 بقلم سولييه نصار

اسكريبت دون حب الجزء الثاني 2 بقلم سولييه نصار

اسكريبت دون حب الجزء الثاني 2 بقلم سولييه نصار


-جدي دي كدابة  أنا معملتلهاش حاجة. 
-لا يا جدي عمل  أنت شوفت بنفسك 
بصله جدي بغضب وقرب منه :
-وكمان ليك  عين تكدب... أنا شوفت كل حاجة.... أنت إنسان مش محترم... مش عايز تتجوزها بس عادي تلمسها... دي بنت عمتك أحترم صلة القرابة حتي. 
عينيه اتغيرت حسيت بنار بتطلع  منهم.... بصلي بصة  عمري ما انساها وعرفت أن عمر ناوي يعمل حاجة... حاجة بشعة. 
بص  لجده  وقال :
-أسف يا جدي  مش هعمل كده تاني 
-وهتتجوزها 
-وهتجوزها حاضر. 
كنت مصدومة.... وخايفة.... عمر أكيد هيأذيني.... مستحيل يكون استسلم بالسرعة دي... 
أبتسم جدي  وقال :
-حلو  اووي..تحبوا نعمل الخطوبة الأسبوع اللي جاي 
لسه هعترض لقيت كريم بيشدني  ويمسك أيدي ويقول:
-ياريت يا جدي  وياريت نسرع في الفرح... اصلي نفسي اتجوزها اووي مفيش حد عاقل يرفض واحدة جميلة زي كرمة.. 
بصتله بذهول فقال:
-متبصليش كده لأحسن أقع في حبك يا كرمتي -طيب علي بركة الله.... انزلوا النهاردة اشتروا اللي حاجات الخطوبة واصرفوا براحتكم 
-أكيد يا جدي. 
...... 
في المول 
كان ماسك  أيدي واحنا بنختار  حاجات الخطوبة.... كان بيعاملني كويس... بيضحك ويهزر.... بصراحة خوفت.... أنا عارفة عمر كويس عمر خطير لما  بيظهر غضبه... بس بيكون أخطر  لما بيخفيه... 
بصلي بحب وقال:
-شكلك تعبتي يا  حبيبتي صح .. 
-ها 
ضحك وبانت غمازاته وحسيت إني بغرق... كمل كلامه وقال:
-شكلك تعبتي نحب نقعد 
-آه ماشي 
مسك أيدي وقعدني علي الكافية وطلبنا آيس كريم... 
كان مسالم جدا وده مش ريحني لسه هسأله  لقيت واحد حلوة قربت منه وهي بتقوله :
-اتأخرت عليك يا حبيبي. 
قام عمر وسلم عليها ومسك ايديها وقعدها معانا... كنت ببصلهم بذهول وصدمة.... كانوا بيضحكوا ويهزروا ولا كأني  هنا .... اتعصبت ووشي حمر فبصلي  عمر بخبث وقال:
-آه يا حبيبتي نسيت أعرفك بكرمة بنت عمتي وهتموت  عشان تتجوزني 
بصلي  وضحك بتريقة وقال :
-أعرفك بسلمي حبيبتي الجديدة واللي هتبقي خطيبتي... شكرا اووي يا كرمة أنك تعبتي  ونقيتي معايا حاجات خطوبتي أنا وسلمي وبالنسبة لثروتك انتي وجدك  بلوها واشربوا ميتها... قوليلوا أن العريس هرب زي ما اللي بتحبيه زمان هرب منك وراح لصاحبتك باين صح علي حسب ما سمعت... عنده حق بصراحة أصل مفيش واحد عاقل هيتجوز واحدة زيك لا عندها احترام ولا أخلاق مين برأيك هيأمنك علي عياله أكيد مفيش حد بس دي مش غلطتك دي غلطة أمك اللي سابتك كده من غير تربية.. 
حسيت أن الدنيا  بتدور بيا.... دموعي  نزلت مسك هو ايد سلمي  ومشي وفضلت أنا أبكي! 
يتبع .....
لقراءة الجزء الثالث : اضغط هنا
google-playkhamsatmostaqltradent