recent
أخبار ساخنة

رواية أقتحمت قلبي حورية الفصل الثاني 2 بقلم هاجر أحمد

                                               رواية أقتحمت قلبي حورية  الفصل الثاني 2 بقلم هاجر أحمد 

رواية أقتحمت قلبي حورية  الفصل الثاني 2 بقلم هاجر أحمد

رواية أقتحمت قلبي حورية  الفصل الثاني 2 بقلم هاجر أحمد 

فى شركه السيوفى، حور وصلت عند مكتب فريد السيوفى واستاذنت من السكرتريه انها تدخل، قربت عند الباب وخبطت طق طق
فريد: اتفضل
حور: صباح الخير يا فندم
فريد: صباح النور، انتي مين
حور: انا حور محمود من قسم المحاسبه
فريد: ايوه حازم كلمني عليكي، وبيشكر فيكي وفى شطرتك فى الشغل وادبك واخلاقك
حور بخجل: والله مستر حازم بيحب يجامل اوي
فريد بأعجاب: لا فعلا عنده حق، حازم نسي يقولى انك حوريه من الجنه تبارك الخلاق فيما خلق
حور بخجل: متشكره يا فندم
فريد: من النهارده ياحور انتي تعتبري زي بنتي بالظبط واي حاجه تحتاجيها تطلبيها مني من غير كسوف
حور: ربنا يخلي حضرتك يا فريد بيه
فريد: يابنتي انا لسه قايلك انتي زي بنتي تقوليلي يا بيه والله عيب
حور: طب اقول لحضرتك ايه
فريد: تقدر تقوليلي يا عمو او اي حاجه تعجبك
حور: حاضر يا فريد ب.... يا انكل فريد
فريد ابتسم: ايوه كده، يلا بقا نبداء شغل، هتخرجي بره ل نهي السكرتيره تساليها عن استاذ جلال وتطلبي منه ورق مزانيه الصفقه وترجعيه كويس اوي وتيجي تقوليلي وصلتي ل ايه
حور: حاضر يفندم عن اذن حضرتك
فريد: اتفضلي
فى نفس الوقت وصل رعد قدام الشركه وداخل من الباب كل من شافه وقف احترام لي، حور كانت وقفه مع جلال بتتكلم معه عن الصفقه ويحصل اللى ميجيش في بال حد
تعالو نتعرف على جلال الاول، جلال شخصيه حقيره جدا وعينه زايغه ومفيش بنت في الشركه سلمت منه ومن قذرته ولما شاف حور عجبته وقرار يجرب حظه معه
حور: تمام يا مستر جلال انا هراجع الورق واروح ل فريد بيه
جلال بنظره تفحص لجسم حور: هو القمر معانا في الشركه من امتي
حور بتوتر: ده اول شهر ليا
جلال: عشان كده مزدنيش الشرف اني اشوف الجمال والحلاوه دي كلها
حور: افندم
جلال: ايه يقمري مالك
حور لسه هتتكلم لقيت جلال حط ايده على جسمها وهو بيكلمها وكا رد فعل منها ضربته بالقلم
حور بعصبيه وصوت عالى: انت حقير وحيوان والقلم ده عشان حطيت ايدك القذره دي عليا وده طخخخخ عشان لو فكرت تعمل كده مع اي بنت تاني تفتكر القلم ده
رعد كان متابع الموقف من اوله لانه كان وقف بيتكلم فى الفون واول ما حور ضربت جلال اتصدم من تصرفها لان حور كان باين عليها الخوف والتوتر لكن قدرت تخبيهم وتظهر انها قويه،رعد فاضل انه يقف يتفرج ويشوف ايه اللى هيحصل للاخر،وفى لحظه الشركه بقيت فى حاله هرج ومرج وتساؤل عن سبب ضرب حور ل جلال،خرج فريد على صوت الدوشه
فريد بعصبيه: ممكن اعرف ايه الدوشه دي وليه كل واحد مش بيشوف شغله
جاسر: مش عارف يا بابا انا خرجت من مكتبي على صوت الدوشه دي وسمعت ان الانسه دي ضربت جلال بالقلم
فريد بصدمه: انتي يا حور،ليه كده ايه اللى حصل
حور بدموع وعصبيه: فريد بيه انا ممكن استحمل اي حاجه لكن اني اسمح لواحد قذر زي ده يحوط ايدو عليا مستحيل اقبل بكده
فريد بص ل جلال بعصبيه وقرب من حور ومسك ايدها عشان يهديها
فريد: طب ممكن تهدي وتفهميني ايه اللى حصل
حور بصوت بيروح: يفندم انا كنت وقفه بتكلم معه فى الشغل بدا يتكلم معايا كلام مالهوش لازم ونظرته كانت غريبه وراح حط ايده علي جسمي
جلال بصوت عالى: كدابه يا فريد بيه دي هي اللى فضلت تقولى انت مرتبط ولا لا لو مش مرتبطت انا فاضيه وكلام استغفر الله العظيم
حور بعصبيه: حسبي الله ونعمه الوكيل فيك انت مش بني ادام
فريد اتعصب جدا وقرب علي جلال وضربه بالقلم
فريد: مش عوز اشوف وشك فى الشركه دي تاني قرار رفدك هيتمضي مع اقرار انك متشتغلش فى اي شركه فى مصر لسوء سلوكك،جاااسر
جاسر: ايه يا بابا
فريد: اطلب الامن يجي يرمي الزباله ده بره
جاسر: حاضر
جاسر طلب الامن ل جلال واخدو وخرجو بره الشركه
حور: انا اسفه يا فريد بيه بس مكنش ينفع اسكت على حاجه زي دي
فريد: المفروض انا اللى اعتذرلك عن اللى الحقير ده عمله،بس بجد يا حور اثبتيلي انك مش زي بنات اليومين دول،ربنا يحميكي يا بنتي
حور: متشكره يفندم
فريد: اهدي شويه وارجعي كملي شغلك وانسي اللى حصل
حور: حاضر يفندم
فريد: جاسر كل واحد يرجع على شغله
جاسر: حاضر يا بابا
راجع كل واحد على شغله ورعد كان واقف متابع الموضوع وكان مستغرب من حب فريد ل حور،استنا لحد مكل حاجه خلصت وداخل المكتب عنده فريد،اول مدخل قدام التحيه العسكريه
رعد: اومر ساعتك يافندم
فريد بفرحه: رعد حمدلله ع السلامه يحبيبي وحشتني اوى
رعد حضنه: وانت كمان وحشتني اوى يا بابا
فريد: كل دي غيبه يا رعد
رعد: منتا عارف يا بابا غصب عني ودى ظروف شغلي وانت لازم تقدرها
فريد: اقدرها يوم اتنين عشره لكن مش ست شهور يا رعد
رعد: منتا اتفقت عليا انت واللواء رفعت وخاليته حكم عليا باجازه تلات شهور
فريد: ايوه احسن عشان تبقا معانا
وهما بيتكلمو جاسر داخل واول ما شاف رعد حضنه اوي
جاسر بفرحه: وحشتني يا سياده الرائد وحشتني اوي
رعد: وانت كمان يا جاسر وحشتني طمني عليك
جاسر: انا كويس المهم انت انا حاولت اوصلك كتير بس معرفتش
رعد: انا مكنتش فى مصر
جاسر: اومال كنت فين
رعد: كنت فى مهمه كده فى المانيه ضد اكبر مافيا تجاره مخدرات
جاسر: يجامد انت يبتاع المهمات الصعبه
رعد: بس يا تافه
فريد: اقعود يا رعد هخلص الورق اللى في ايدي نتكلم
رعد: انا هاروح اقف نحيه الشباك لحد متخلص
فريد: ماشي،جاسر صفقه الحديد اخبارها ايه
جاسر: تمام كل حاجه جاهزه وياسين سافر اسكندريه يمضي العقود وجاي النهارده
فريد: ممتاز جدا
الباب خبط وكانت حور
فريد: تعالى يا حور
حور: انا رجعت الورق كله يفندم والمزانيه بايظه خالص لازم المزانيه تتحط من الاول عشان فيها غلطات كتير
فريد: تمام يا حور اللى انتي شايفه صح اعمليه
حور: ممكن سوال يفندم
فريد: اكيد
حور: هو مين اللى كان عامل المزانيه دي
فريد: جلال ليه
حور: بني ادم براس كلبه
جاسر ضحك: هههههه عندك حق انا مبطقهوش اصلا
فريد: ليه بتقولى كده
حور: يفندم كان كاتب حاجات كتير غلط كان ممكن يخسر الشركه فوق العشره مليون
فريد: انا كنت شاكك فيه من الاول
حور: يلا اهو كل قلم محترم
كل ده بيحصل ورعد وقف فى اخر الاوضه عند الشباك وحور مخدتش بالها منه خالص وكان كلامها كله مع فريد وجاسر
جاسر بضحك: هههههه قلم واحد حرام عليكي ده اكل قلمين عنب
حور: يستاهل عشان مش محترم
جاسر: ده انتي طلعتي جيمس بوند واحنا منعرفش
حور: والنبي تسكت جيمس بوند مين ده انا بترعب من خيالى انا معرفش جبت الشجاعه دي منين اصلا
فريد: دي مش شجاعه يا حور ده رد فعل تربيتك واخلاقك النضيفه
حور: متشكره يفندم،انا هاروح اظبط الورق بس مش هلحق اخلصه انهارده ممكن على بكره
فريد: على مهلك لسه الاجتماع الاسبوع الجاي
حور: تمام يفندم،عن اذنكو
فريد: اتفضلي
جاسر: انا اول مره اشوف فى شركتنا بنت محجابه وبالاخلاق دي
فريد: فعلا حور مش شبه بنات اليومين دول
رعد: على قد مكانت مرعوبه والخوف باين فى عنيها الا انها قدرت تخبي ده وتضرب جلال بالقلم
جاسر: انت شوفت اللى حصل
رعد: من الاول للاخر
فريد: طب متدخلتش ليه يا رعد
بصراحه يا بابا حبيت اشوف هتعمل ايه هتحترم الحجاب اللى هي لبساه ولا لبسه زينه وبصراحه اتصدمت من رد فعلها طلع اقوى من اللى جه فى بالى
فريد: من اول ما شوفتها وهي دخلت قلبي بجمالها وادبها ربنا يحميها
جاسر: انا بقول نسيب شغلنا واللى ورانا ونتكلم عن حور طول اليوم
رعد: بس يا تافه
جاسر: بسيت ياعم انا رايح مكتبي اكمل باقي شغلى
رعد: وانا هاروح اشوف ماما وارتاح شويه عشان تعبان
فريد: ماشي يا حبيبي وانا وجاسر هنخلص شغل ونرجع علي البيت
رعد: تمام عن اذنكو
فريد: فى رعايه الله

♕كل صدفه وليها معادها لحد دلوقتي رعد بس اللى شاف حور وكاعاده اي حد بيشوفها بيعجاب بادبها واخلاقها وجمال قلبها قبل جمال شكلها،ياتري ايه اللى هيحصل هنعرف مع مرور الاحداث.....يتابع......
.
يتبع.....

لقراءة الفصل الثالث : اضغط هنا

                                                           لقراءة باقي فصول الرواية : اضغط هنا

 

google-playkhamsatmostaqltradent