recent
أخبار ساخنة

رواية مثلث برمودا الفصل الثلاثون 30 والأخير بقلم بنت الصعيد

jina
الصفحة الرئيسية

                           رواية مثلث برمودا الفصل الثلاثون 30 بقلم بنت الصعيد

رواية مثلث برمودا الفصل الثلاثون 30 بقلم بنت الصعيد

رواية مثلث برمودا الفصل الثلاثون 30 والأخير بقلم بنت الصعيد


(حينما يأتيك العوض من الرب ، ينسيك ما مررت به من صعب ❤️)Bermuda Triangle🌊🌪️
دخل ياسين عمر باحراج  .. احم بابا أنا عايز اعترف لك بحاجة 
عمر حط رجل علي رجل وقال تعالي يا ياسين 
ياسين قعد وبلع ريقه وقال .... بابا أنا عايز اعترفلك بحاجة 
أصالة وعمر عقدوا حواجبهم واستغربوا ياسين مش من عادته يكون جد اوي كده 
عمر قاله باهتمام .. قول سمعك 
ياسين ... رأفت غالي والد كنز لسة عايش أنا سمعت خالد بيحكي مع مراته ورحت ساومته بأنه مقابل سكوتي يوافق علي ارتباطي ب مايا 
عمر اتعصب ورفع ايده عشان يضرب ياسين بس أصالة اتوقعت أنه هيعمل كده فمسكت أيده وهزت راسها لعمر كأنها بتقوله اوعي تكسر عزة نفسه أما ياسين فبمجرد ما شاف ايد والده بتترفع عليه غمض عينيه كأنه بيستعد للضرب من غير مقاومة 
نزل عمر أيده وقال بحزم ... والله وكبرت يا ياسين واتعلمت تساوم بس بتساوم علي مين يالا علي اهلك 
ياسين كان وشه في الأرض .. أنا اسف يا بابا أنا عرفت غلطتي وجيت اعترفتلك عشان تتصرف وقف بعدها بحزن وهو لسة وشه في الأرض وقال عن اذنكم 
أصالة بعتاب ... كده يا عمر الولد اعترف بغلطه بدل ما تشجعه علي الصراحة بتكسره .. وبعدين مين رأفت غالي دا اللي انت زعلان عشانه نسيت أنه هو السبب الأول في بعد ياسين عنك السنين دي كلها 
وقفت وهي بتديه ضهرها ... انا بجد مصدومة فيك يا عمر 
عمر كان زعلان من نفسه علي تصرفه مع ياسين بس فضل السكوت وكان بيفكر هيعمل ايه وهيقول ايه لياسين 
*************
كنز صحيت م النوم وفضلت تتأمل ملامح ياسين وتمشي أيدها علي وشه وهمست في ودنه ... حبيبي 
ياسين صحي وبصلها  وابتسم ... انتي اللي حبيبي 
كنز كانت هتقوم وهي بتقوله هاروح اخد شاور عشان اجيب الفطار 
ياسين شدها ناحيته وهو بيقول .. تؤ تؤ أنا عايز افطر بطريقتي الخاصة 
كنز ابتسمت بخجل ... خلاص بقي ياسين يلا ننزل نفطر تحت مع العيلة *بتحاول تفك نفسها من حضنه*
ياسين شد حضنه عليها وقال ... طب عليا الطلاق ماحنا نازلين انهاردة اليوم كله 
كنز بصدمة ... عايز تطلقني يا ياسين يوم صبحيتنا طب اوعي بقي انا مخصماك ، ابعد عني 
ياسين وهو بيضحك ... انا اطلقك أنا ماصدقت اتجوزك دا بس تأكيد انك مش هتقومي من جمبي انهاردة ابدا  !
***********
خالد اخد مراته وبنته ورجعوا مصر 
واول ما وصل راح باستعجال علي دار المسنين 
وصل وسأل عن عمه واتفاجئ 
لما الدكتور قال 
... خالد باشا عم حضرتك مات من شهر واحنا حاولنا نوصلك بكل الطرق اتصلنا ع رقم حضرتك ، وبعتنا حد ل فيلتك بس كانت مقفولة ف دفناه بطريقتنا ، وعلي فكرة هو سابلك جواب فتح الدكتور الدرج خرج ورقة أداها لخالد 
فتح خالد الجواب كان مكتوب فيه 
(الي خالد  
كان نفسي يا ابني لما اموت تكون جمبي ،كان نفسي زي ماربيتك وشيلتك وانت ضعيف تشلني في ضعفي كنت فاكراك ابني بس مع الاسف كنت غلطان أنا اخدت عقابي ع اللي عملته في كنز زمان الأمانة اللي سابتهالي والدتها وماكنتش قدها  دلوقتي بكتب الجواب دا وانا في كامل قواي العقلية ،انا قررت اتبرع بنص املاكي للجمعيات الخيرية والنص التاني كتبته باسم مايا اللي كانت حنينة عليا زي كنز بنتي ، انا مبسوط لاني رايح لكنز وأميرة اعتذراهم  وانت ربنا يسامحك يا ابني )
خالد الجواب وقع من أيده وانهار بكا ع الأرض حس قد ايه هو طماع ومش بيصون الايد اللي ربته 
اخد الجواب بهدوء وقرر أنه يرجع امريكا تاني يصلح علاقته ببنت عمه ويرد جزء من جمايل عمه اللي كان ناسيها وموت عمه فوقه وفكره بيها 
************
بعد شهر بالظبط 
خالد فاق من حزنه وصدمته وسافر امريكا تاني  وحكي كل حاجة لكنز وياسين واعتذر لكنز وعيط كتير علي عمه اللي مالحقش يطلب منه السماح 
كنز كمان انهارت من العياط هو فعلا كان قاسي معاها لابعد الحدود بس دا في الاول وفي الاخر ابوها ، ياسين كان حزين علي مراته وحبيبته مسك راسها بهدوء ودفنها في حضنه وفضل يطبطب علي ضهرها وفجأة صوت شهقات كنز يختفي 
ياسين بعدها عنه بقلق لقاها فاقدة الوعي 
ياسين طبطب علي خدها بقلق ... كنز كنز حبيبتي فوقي أصالة قربت منها وقالت لحظة دي مغمي عليها أنا هاطلب الدكتور بسرعة
ياسين بقلق ... لااااا أنا مش هاستني الدكتور ، شال كنز وطلع بيها ع المستشفي 
وصلوا ودخل علي طول علي اوضة الكشف ووراه أصالة وعمر وخالد وشاهيناز ومايا وياسين عمر 
الدكتور فحص كنز 
وقال ل ياسين بقلق .. المدام حامل بس 
ياسين بقلق ... بس ايه يا دكتور 
الدكتور ... المدام محتاجة عملية والعملية طبعا مش هينفع تتعمل الا بعد ما تجهض الطفل دا والا حياتها هتكون في خطر 
ياسين بتوتر وخوف ... نزله يا دكتور نزله المهم كنز أنا مش عايز غيرها
كنز فاقت وسمعت الكلام دا وصرخت اكتر .... لاااااا جري ياسين وحضنها وقال ..  اشششش حياتك عندي أغلي من اي حاجة أنا مش عايز غيرك 
كنز وهي بتعيط ... لا يا ياسين أنا عايزة ابقي ام أنا مش هنزل ابني حتي لو هموت 
ياسين بعصبية .. انتي هتنزلي الطفل دا يعني هتنزليه مش عايز نقاش تاني 
كنز زقت ياسين بإبديها وانهارت ..  أنتوا ليه عايزين تحرموني من ابني ، نفسي ابقي ام ، ياسين عينيه دمعت علي حالتها وحضنها جامد وما اتكلمش 
********* 
ياسين عمر كان قاعد في كافيتريا المستشفي مع مايا 
ياسين ... ابوكي دا جنني خلاص ، أنا كل يوم بحلم حتى حلم فظيع واصحي مرعوب بسبب ابوكي الله يخرب بيت ابوكي 
مايا بصدمة ... ايه اللي انت بتقوله دا كده تغلط في بابي أنا غلطانة اني قاعدة معاك 
ولسة هتقوم شدها ياسين قعدت تاني ع الكرسي وقال .. اهدي يا حاجة مش عايزة تسمعي الحلم وبعدين كمل بنحنحة .. دا عني أنا وانتي 
مايا بتهز رجلها بعصبية ... قول أنا سمعاك اهو 
ياسين بيبص للفراغ .. خير اللهم اجعله خير 
وفجأة وقف وقال ... هو ايه اللي بيحصل ماما وبابا بيجروا ليه قومي قومي 
وقام ياسين ومايا عشان يعرفوا فيه ايه 
**********
كنز فاقت تاني يوم بحالة من الهيستريا من الدموع ...  كده يا ياسين كده تحرمني من ابننا ، نفسي يكون عندي ابن منك شبهك وفيه حتة من روحك   
ياسين حضنها جامد وقال ... والله ماعايز غيرك انتي حبيبتي ومراتي وبنتي وكل ماليا اصلا روحي مرتبطة بوجودك ماقدرش علي فراقك يا كنز 
حضنته وعيطت .. ياتري هاقدر اخلف غيره 
ياسين ... ربنا كرمه واسع وعوضه كبير ، هيكرمنا أنا واثق 
كنز عيطت وقالت .. ونعم بالله .. ياسين أنا مش عايزة اعيش في البلد دي تاني كل حاجة فيها بتفكرني بإحداث صعبة مرينا بيها 
نفسي نرجع اسكندرية وحشتني اوي 
ياسين باس راسها ... هنرجع يا حبيبي هنرجع عشانك 
*************
اسكندرية عام  ٢٠٢٢ 
ياسين واقف علي شط البحر لابس قميص ابيض مفتوح وبنطلون اسود برمودا وشارد وبيتأمل في البحر فجأة قطع تفكيره صوابع صغيرة اتمسكت بإيده بص ياسين بابتسامة ل مالك الصغنن ابنه من كنز كان عنده سنتين 
مالك بيحاول بيكلم .. با با رسكا (بابا عايز فريسكا)
شاله ياسين وحضنه وباسه .. عايز فريسكا من عيون بابا يا قلبه 
جات عليهم كنز وكانت ماشية حافية ورجليها بتغرز في الرملة قربت ... الاحضان واللحظات الرومانسية دي أنا ماليش نصيب فيها ولا ايه 
مالك اول ما شاف كنز ..  ما مي 
ياسين نزل مالك ووطي علي كنز باس شفايفها وقال ... كل الحب والرومانسية لاجمل مامي في الدنيا 
قعد ياسين ع الرملة وكنز جمبه سندت راسها علي كتفه وقالت .. أنا لسة فاكرة كلامك الجميل يا حبيبي لما قولتلي أن ربنا عوضه كبير اوي ، الحمد لله ربنا عوضنا ب ماسة ومالك
ياسين مسك أيدها باسها وقال بحب .. ربنا يخليكم ليا يا أغلي ماليا 
أصالة كانت ممدوة علي شيزلونج ع الشط ولابسة نضارتها الشمسية 
أصالة بابتسامة وهي شايفة ياسين وكنز ... ياسين وكنز عمرهم ما بيزهقوا رومانسيات انا بجد كل ما اشوفهم بحس انهم لسة عرسان جداد 
عمر كان ممدد زيها اتعدل وقلع نضارة الشمس بتاعته وقال ب رفعة حاجب .. قصدك اني أنا مش رومانسي وبعدها قام وقرب وشه من وشها وقال ايه رأيك نطلع نجيب اخت لياسين ويامن 
أصالة وهي بتضحك وتحاول تبعده عنها ... لاااا الاخت دي بقي يتجدعن ياسين ابنك ويجيبها 
وصل خالد وشاهيناز وخالد قال ... احم احم نحن هنا ايه كل واحد قافش المزة بتاعته ونازل رومانسية ولا معبرين الراجل اللي دفنينه في الرملة دا (قصده علي شريف )
عمر ضحك .. دا علاج يا ابني خليه مدفون كده عشان هشاشة العظام وبعدين ماسة ويامن مش مقصرين معاه 
بصوا كلهم ل ماسة ويامن وهما بيحطوا رملة علي شريف وضحكوا كلهم 
ماسة( ٦سنوات)  ... جتو (جدو )كفاية كده ولا احط لملة(رملة) تاني 
يامن( ١٦سنة )مسك ايد ماسة وقال ... بت أنا قلت ماتلبسيش الفستان القصير دا تاني انتي ايه مش بتسمعي الكلام ليه 
ماسة عيطت ... بااااااااابي 
يامن بخوف ... بس اتسدي انتي عايزة عمو ياسين يجي يعملنا قلق هنا ولا ايه 
***********
في امريكا 
ياسين عمر مسك ايدين مايا وقال ...مدام هو رافض يجوزنا يبقي مافيش غير حل واحد نهرب علي برمودا علي طول تمام 
مايا ... تمام يلا بينا يا حبيبي 
وراحوا علي مثلث برمودا باليخت ونطوا في البحر وفجأة قرص طاير يطلع من المية فتدخل مايا في برمودا أما ياسين يتعلق في القرص الطاير ويفضل يصرخ مايااااااااااا مايا 
وفجأة 
.... حبيبي مالك اصحي فوق ياسو حبيبي كل يوم تخصني كده من يوم ما اتجوزنا من شهر وانت كل تحلم نفس الحلم 
ياسين فتح عيونه بالعافية من نور الشمس لقي مايا جمبه ع السرير بص لها وقال .. منك لله يا خالد غالي يا حمايا عملتلي عقدة 
مايا حضنته وقالت ... للدرجة دي بتحبني يا ياسو 
ياسين .. المشكلة مش في حبك المشكلة أنا بخاف كل ما تتخيل أنه الفضائين هيخطفوني 
مايا ضربته في كتفه بغيظ ... كده طب المرة الجاية بقي مش هصحيك عشان يعرفوا  يخطفوك كويس ولسة هتقوم من جمبه قام شدها تاني وقعت فوقه باس أنفها وقال بحب ... انا بهزر حبي الكبير ليكي عاملي عقدة ورعب من انك تبعدي عني 
مايا بخجل ... وانا كمان يا روحي .. يلا بقي لحسن الكل اتجمع تحت عشان يجهزوا عيد ميلاد مالك انهاردة 
ياسين .. ماتفكك منهم احنا لسة عرسان 
مايا وهي بتبعد عنه ... قوم يا مقعد 
ياسين ... ماشي يا بنت غالي تعالي بقي اطلع عقدي عليكي 
وقام يجري وراها وهي تصرخ وتضحك! 
************
اتجمعت العيلة كلها وطلبوا وجبة سي فود كاملة كانوا فرشين ملايات كتيرة ع الرملة وبياكلوا ع الأرض ويضحكوا وكنز بتأكل ياسين في بقه ومالك وماسة أولادهم حواليهم وياسين عمر كل شوية يبوس خد مايا ويبص لخالد كأنه بيغيظه 
وخالد يبصله  بضيق وبعدين يبص الناحية 
ويضحك علي جوز بنته المجنون 
في منطقة الزمكان المجهول 
يامان و نوريس وجان وتالين وجين وكنز بنت يامان قاعدين حوالين البلورة السحرية ومبسوطين وهما شايفين عيلة ياسين كنز متجمعة وسعيدة 
ياسين كان شارد ومش مركز وعمر كان بيكلمه ولما لقاه سرحان شاور بإيده قدام عينيه وقال ...  ياسين رحت فين 
ياسين وهو باصص للفراغ ... عندي مشروع هيقلب موازين العالم كله وهيكسبنا دهب
كلهم انتبهوا لياسين وعمر سأله بدهشة ... وايه هو بقي المشروع دا يا ابو العُريف 
ياسين .... شركة سياحة نسميها( مثلث برمودا )ونطلع رحلات منها علي اتلنتس المفقودة قولتوا ايه دا مشروع جبار هيكسبنا دهب واحنا عارفين طريق العودة 
ياسين عمر ... يسلم عقلك يا ياسو يا حبيبي 
كنز ... الله يا ياسين أنا بجد اشتقت لنوريس ويامان وتالين وكنز الصغيرة وكل العيلة الملكية احجزلي اول واحدة في رحلة الي برمودا😉
(اذا جعلك الله تنتظر كثيرا فكن مستعداً لتحصل علي ضعف ما كنت تتمني )
🥀🥀🥀🥀🥀تمت🥀🥀🥀🥀🥀
الرواية انتهت اتمني تكون نالت اعجابكم
واتمني اكون قدرت ارضي خيالكم واصطحبكم معايا في رحلة خيالية لعالم الزمكان المجهول داخل مثلث برمودا 

google-playkhamsatmostaqltradent