رواية أول مايو الفصل التاسع 9 بقلم هبة النحاس
رواية أول مايو الجزء التاسع
رواية أول مايو البارت التاسع
رواية أول مايو الحلقة التاسعة
#الحلقة_التاسعة
تخرج شهد من المحاضرة وتجد لينا سرحانة وبتشرب قهوة
شهد (باستغراب) : ايه ده من امتى بتشربي قهوة …. حصل ايه اكيد مصيبة
لينا : (وهى سرحانة) ربنا يستر
شهد (بخضة) فيه حاجة مع رامى ولا مامتك رجعت فى كلامها ولا ايه؟
لينا : لا ده ولا ده
شهد : ما تقولى يا لينا رعبتينى… فيه ايه
لينا : هاقولك بس خليكي هادية ارجوكى
شهد : (بعصبية) هو انتى كده بتهدينى … انا كده باتعصب اكتر …. فيه ايه يا لينا …. بسنت عملت ايه
لينا : هى مجتش بس فيه مصيبة تانية
شهد : يوووووووووه يا لينا
لينا : خالد شافها مع سامى وقال للشلة كلها
شهد تقع على الكرسي منهارة
شهد: هو ده اللى كنت عاملة حسابه … يالا يا لينا نمشي انا الدنيا بتلف بيا
لينا : مش هنستناها
شهد : أنا لو شوفتها دلوقتى هنخسر بعض
تمشي لينا بقلة حيلة ترى بسنت داخلة على الكافيه
تراها شهد
بسنت : ايه يا ماما شهد ماشية رايحة فين
شهد (بسخرية) : لا ماما ايه ده انتى اللى ماما … والحمد لله سمعتنا هتبقي فى الارض على ايدك
لينا : براحة يا شهد
شهد (بزعيق ): بأى راحة انتى كمان اهم شافوكى مع بابا سامى … استنى بقا الكلام اللى هيطلع واوسخ سمعة اللى شافك واسوء شلة
بسنت (ببرود) : اه مش خالد اللى شافنى ما انا عارفة
شهد : (بعصبية ) يا برودك يا شيخة
بسنت : ليه كل ده عادى يعنى عمى خالى جوز عمتى اى حاجة
شهد : شايفة يا لينا … يالا عشان متشلش انا ماشية … دى كل الازمة بالنسبالها
لينا : يا بسنت ايه اللى بتقولى ده
بسنت : روحى معاها … روحى … قولى لها لو قلقانة من الغندورة بنت خالتها قولى لها رجعى لها الحليوة اللى خدته منها وهى هتقفل بوقها
لينا : انتى اتجننتى يا بسنت …. وهتخسري كل اللى بيحبوكى … سلام
وتمشي لينا لتلحق بشهد وتتجه بسنت للكافتيريا
بسنت : نسكافيه يا محمد
خالد يراها ويذهب لبسنت ويقعد على الكرسي امامها
خالد : صباح الخير
بسنت : صباح الخير يا خالد .. خير
خالد : على فكرة انا سيبته عشانك
بسنت : اه عمو سامى …هى عربيتك محصلهاش حاجة اصلا
خالد : اه عمو سامى… هو مين ده يا كوكى
بسنت (تبتسم) : كوكى دى انا …. ماشي
خالد : (بحنية) ايه ده … ده ضحكتك حلوة اوى على فكرة
تضطرب بسنت وتضحك : هو انت عايز ايه يا خالد
خالد : والله نسيت … بس انتى عارفة اسمى يعنى
بسنت : طب ما انت عارف اسمى …. وبعدين لينا صاحبتى تعرف ريهام صاحبتكم
ريهام : الحق يا شاهر … خالد بيرسم على بسنت … انا خايفة اوى …
شاهر : يا دى النيلة … انا قلت له يبعد عنها بس انتى عارفة خالد … هى شهد فين
ريهام : شهد برضو … ماشي يا عم الحبيب … شهد دى شكلها هتفك العقدة ان شاء الله
شاهر : يا سوسة قصدى فين عشان تاخدها
ريهام : لا انا هاقول للينا … شهد مغرورة اوى ومبتكلمش حد
شاهر : هو المحترم عندكم يبقي مغرور … عموما انا هاتصرف …. يرن موبايل شاهر …
شاهر : ايه ده مكتب عمى .. ربنا يستر … الو … ايوه يا عمى … احنا فى الجامعة … اه معايا … اهدى بس يا عمى … حاضر جايين حالا … حاضر
ريهام : فيه ايه يا شاهر
شاهر (بتوتر) : مش عارف بس أكيد فيه مصيبة
ينده على خالد …
بسنت : كلم صاحبك …
خالد : ده شاهر ابن عمى .. سيبك منه
شاهر : يا ابنى مش باندهلك … يالا تعالى
خالد : مش شايفنى قاعد مع ملكة جمال الجامعة هأرد عليك ليه
شاهر : ازيك يا بسنت … فيه مشكلة فى الشركة وعمى عايزك
خالد (بزهق) : معلش يا كوكى … اصلهم ميعرفوش يتصرفوا فى الشركة من غيري لازم اشوفك تانى .. سلام
يمشي شاهر وخالد …. وتأتى ريهام لبسنت …
ريهام : ازيك يا بسنت .. انا ريهام صاحبة لينا
بسنت : اه عرفاكى … ازيك
ريهام : تمام … هى لينا فين النهاردة
بسنت : مشيت مع شهد من شوية .. اتصلي بيها ولا مش معاكى رقمها …
ريهام : لا يا حبيبتي معايا . اصل عندها سيكشن وشهاب جاب الاسئلة بتاع الامتحان قلت اديهالها … عموما انا مش جاية بكرة خديه واديهولها … انا هامشي انتى مش مروحة …
بسنت : هاروح … تيجي نتغدى فى اى حتة وبعدين اوصلك
ريهام : ماشي
يالا بينا
فى الشركة
ابو خالد : انت عايز تموتنى … الهانم رافعة عليك قضية هتفضحنا فى السوق
خالد : تعمل اللى هى عايزاه .. انا مضربتهاش على ايدها كله كان بمزاجها
ابو خالد : يقوم من ع المكتب يضربه ..اخرس يا سافل انا معرفتش اربي … ده عرض واحدة يا زبالة … انت ناسي ان عندك اخوات بنات يا واطى .. هتثبت يا بيه … هتروح تعمل تحليل وتثبت انه ابنك وعملت عملتك السودة … هتفضحنا يا ابن الكلب .. يا تربية واطية … انا مش عايز اشوف خلقتك لا هنا ولا فى البيت .. وشوف هتعمل ايه يا بيه فى المصيبة السودا دى
شهاب : اهدى يا عمى ارجوك. .. كل اللى انت عايزة هيتم
ابو خالد : سايبه يا شهاب يبوظ بنات الناس وتقولى اهدى …
خالد : انا مش صغير انا ابنك الوحيد ومفيش واحدة من اللى اتجوزتها جابت لك ولاد غير امى.
ابو خالد : ولاد ايه وكبير ايه …ده اخواتك البنات برقابتك … والبنت اللى حامل منك هتتجوزها غصب عن عين اهلك وابقي طلقها لما تدارى على الفضيحة وشوف هتعمل ايه مع بنت النجار …
ويتكلم ابو خالد فى التليفون
ايوه يا نرمين بلغي الامن خالد ابنى ميدخلش الشركة ولو دخل الامن كله مرفود … انتى فاهمة ولو شوفته قرب مكتبي انتى كمان هتترفدى … اطلع بره ولو شوفتك فى البيت امك هتاخد ورقتها
يمشي خالد ويرزع باب المكتب
شهاب : ارجوك با عمى يجرالك حاجة اهدى وكل حاجة هتتحل ..
ابو خالد : روح وراه يا شهاب شوفه ليعملنا مصيبة جديدة …
توقعاتكم عن اللى جاى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أول مايو)
