رواية روح الفصل الأول 1 بقلم رحمة سلامة
رواية روح الجزء الأول
رواية روح البارت الأول
رواية روح الحلقة الأولى
-روح اصحي يلا عشان تلحقي تجهزي انهارده فرح نور انتي مش
هتروحي ولا اي
-حاضر يماما صحيت اهو طبعا هروح نور دي عشره عمري احنا اه
متخانقين بقالنا فتره بس برضوا مينفعش اسيبها ف يوم زي ده
ومحضرش فرحها وكمان هي كلمتني بنفسها وعزمتني
-عندك حق يحبيبتي بنت اصول قومي بقا جهزي نفسك عقبالك
يحبيبتي لما اشوفك اجمل عروسه يارب
-لا لا يماما انتي عارفه اني شيلت الموضوع ده من دماغي خلاص
ومش هفكر فيه تاني
-متقوليش كدة يروح مش عشان مريتي بتجربه وفشلت يبقي خلاص
كدة حياتك هتقف لأ يحبيبتي انتي لسه ايامك جايه وهتقابلي
وهتحبي تاني
-خلاص يماما بقا احنا مالنا قلبناها نكد كدة لي وبعدين بقا انا عايزة
أفضل قاعده معاكي ع طول ولا انتي عايزة تخلصي مني
-يبكاشه كل مره تضحكي عليا بالجملتين دول
-خلاص انا هقوم البس اهو
-ماشي يحبيبتي
ماما طلعت وقفلت الباب وراها
______________________________________________
| فـلاش بـاگ |
-انا اسف يا روح مش هنقدر نكمل مسافر برا ومش هرجع دلوقتي
خالص ومش عايز اظلمك معايا كل ده فكنت لازم اقولك
-لأ يا ادهم متسيبنيش انا بحبك وهستناك
-اي تستنيني لأ…لأ مش هينفع انا اصلي…جايز اعيش هناك ع طول
ومش هرجع تاني
-مالك يا ادهم مُرتبك كدة لي ومش ع بعضك
-لأ أبداً مش مُرتبك ولا حاجه…انا بس…قصدي يعني
-واضح أن في حاجه تاني غير موضوع السفر ده وانت مخبيها عليا
ع العموم كنت ممكن تقولي انك عايزنا نتفارق وانك مبقتش تحبني أو
بمعني اصح لاقيت غيري
-روح…انا اسفــ بس
-مش عايزة اسمع حاجه خد دبلتك اهي بعد انهارده انا ال مش عايزة
اشوفك تاني
| باك |
___________________________________________
قومت اجهز نفسي ولبست فستاني الاحمر وعليه خِمار بيچ مع لمسه
الميكاب الرقيقه كان شكلي زي القمر…دخلت ماما
-بسم الله ماشاء الله اي الجمال ده
-اي رأيك حلو كدة يماما ولا ناقصني حاجه
-زي القمر يحبيبتي بس ناقصه حاجه واحده بس
-اي هي
-انتي عارفه اي هي
-والله انتي فايقه ورايقه يماما
-ماشي ي ام لسان طويل انتي
-انا هنزل بقا عشان متأخرش باي
طلبت اوبر وركبت ، ف طريقي لفرح نور ،
حطيت الهاند فري ف ودني وبصيت من شباك العربيه
وسرحت ف صوت ورده الجزائريه وهي بتقول…
|كان..ده كان اسمه حبيبي|
|ضحيت بعمري معاه مشوار اسمه حياه…وكااان|
-يا انسه يا انسه
-شيلت الهاند فري ايوا في حاجه
-وصلتي
-تمم
نزلت…وداخله القاعه وانا مش مصدقه اني داخله فرح صحبتي ال كنا
مع بعض من صغرنا معقول كبرنا والعمر عدا بالسرعه دي
(خبطت ف شخص)
-اي يبنتي انتي مبتشوفيش
-انت كمان ليك عين تزعق ابقي فتح بعد كدة يا اعمي انت
-انا اعمي!!!
-ايوا اعمي ، قولت الكلمه ودخلت اجري بصراحه خوفت
كنت شايفه نور وهي فرحانه وبترقص جنب عريسها بس الغريبه أن
صحاب ادهم وأخوه كانوا ف الفرح…مش مهم انا مليش دعوه بيهم
اصلا حتي لو شوفت ادهم نفسه هتعامل عادي…كنت متشوقه اني
اشوف عريس نور.. طب انا هدخل اسلم عليهم واشوفه بس ثانيه
واحده!!..ادهم لأ مش ممكن…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية روح)
تعليق واحد