رواية البر التاني الفصل الأربعون 40 بقلم لولو محمد

رواية البر التاني الجزء الأربعون

رواية البر التاني البارت الأربعون

رواية البر التاني الحلقة الأربعون

فيرا / انا لو عاوزه اخلص من الزنايته و الجوارحه فى ثانيه مش هتكلفونى غير شويه فكه … الا صحيح هو الزنايته كانوا بيفضوا الشونه بتاعتهم ليه
مغاورى يبصلها
فيرا / قالولك بينقلوا حاجتهم فين
مغاورى / انا ما سالتش عشان ما يخصنيش
فيرا / طب يا ترى هم برده ما بيسالوش عن ادق تفاصيل شغلك مهو لو ما يخصكش شغلهم يبقى باى ديفولت شغلك ما يخصهمش
مغاورى يبصلها و يبص على الاسلحه
فيرا / انا عارفه ان اكيد خسايرك كتير و خصوصا اللى نقى التوقيت ده عارف انكوا لسه عاملين عمليه حلوه جدا و المخازن مليانه مع ان كان بقالها فتره مش قليله فاضيه و لو كان الانفجار ده حصل بدرى شويه صغيرين الخساير كانت هتفرق كتير و لا ايه
مغاورى / ما انتى حلوه و متابعانا اهو
فيرا / اكيد مش بحبك يا مسيو مغاورى
مغاورى يبص الناحيه التانيه
فيرا / اللى شايفه ده ما يجيش شعره فى مخازنى بره مصر انا مستعده املالك المخازن بتاعتك باسلحه مش موجوده و لا حتى مع الجيش المصرى
مغاورى / و هى الحدايه من امتى بتحدف كتاكيت ان شاء الله
فيرا / انا حدايه !! اخص عليك كدا تكسر قلبى
مغاورى / اتعدلى يا حرمه انا مش فايقلك
فيرا / انا كان ممكن اعرض عليك اعدلك مزاجك بكل الطرق اللى تتخيلها و اللى ما تتخيلهاش
مغاورى / و انتى كان مين ضحك عليكي و فهمك انى هوافق
فيرا / ما عشان كدا ما عرضتش
مغاورى / اسمعى يا حرمه
فيرا / اسمع يا مغاورى السلاح قدامك و فى اضعاف اضعافه لو حبيت و الجنيه اللى خسرته هعوضك عنه ملايين
مغاورى / و المقابل
فيرا / هات و خد و انت بتعدى سلاحك من الحدود طلعلى حاجتى على نفس العربيه اللى جابت حاجتك شوفت بسيطه ازاى
مغاورى / عشم ابليس فى الجنه و ان كنتى فاكره انك ضحكتى عليا بالكلمتين دول
فيرا / لا لا لا يا مسيو مغاورى انا ما ضحكتش عليك على العموم
فيرا تشد مسدس من جنبها و تفتح تتاكد ان الممشط مليان طلقات تركبه تانى و تشد الاجزاء و تناوله لمغاورى
فيرا / مفيش غيرى انا و انت هنا و بالسلاح اللى قدامك ده الرجاله اللى بره مش هيقدروا يمنعوك تخرج خد اقتلنى و خد بتارك
مغاورى / اخد تارى من حرمه
فيرا / و انت و انت داخل لما رفعت عليا السلاح كنت شايفنى بشنب وقتها و لا ايه ههههههههههههههههههههههه
فيرا / انا مش عدوتك لو اللى حصل ده بفعل فاعل يبقى انا لو منك ابدء ادور على عدوى الحقيقى مسيو مغاورى
مغاورى / هنتقابل تانى
فيرا / ياريت … بس يكون فى ظروف احسن من دى صحيح مبروك لخديجه
مغاورى يبصلها من فوق لتحت و يمشى و فيرا متبعاه
فيرا / و ادى غبى تانى مضطره اتعامل معاه
فيرا تنفخ و تطلع بره
……………………….
فى سرايا الجوارحه
الرجاله يدخلوا تعبانين كل واحد يترمى على اقرب كرسى الستات تطلع من السرايا يجروا عليهم
شاهين / مايه هاتوا مايه
البنات يدخلوا على جوه يجروا تانى
ام مغاورى / خير يا اخويا
شاهين / مخزن السلاح انفجر
ام مغاورى / حد اتصاب
ناصر / الغفر بتوعه ماتوا و شويه اصابات خفيفه و احنا بنحاول نطفى
هند تروح تقف جنب مختار واقف ساند على شجره
هند / انت كويس
مختار يهز راسه اه
هند / امال عبد الله فين
مختار يبص يمين و شمال يلاقيه داخل هو و عباده بيقدموا رجل و ياخروا رجل تيجي تروحله مختار يمسك ايدها
مختار / هتروحى وسط الرجاله اهدى هو كويس كلنا مجهدين بس
هند / ادى اخره الزفت ده
مختار / ششش مش هنا خشى اقعدى جوه مع الحريم
هند / ما فى ستات هنا
مختار / ريحينى مره واحده فى عمرك يا هند مش قادر
هند / طب اجبلك حاجه مايه اى حاجه
مختار / كتر خيرك خشى بس ارتاحى انتى دلوقت
هند / تمام هند تيجي تدخل صوت ام مغاورى يعلا هند تقف تسمع و مختار يروح ناحيه الرجاله
ام مغاورى / و انتوا سبتوه لوحده ما حدش فيكوا جرى وراه
شاهين / مش وقته خشى اقعدى مع الحريم دلوقت
ام مغاورى / طب و مغاورى
عباده / جاى فى الطريق يا امى انا كلمته و قال جاى
ام مغاورى تبص فى الارض و تمشى
امين / هو انا عارف ان مش وقته بس هو كدا الفرح
الكل يبص لامين يسكت
…………………….
فى سرايا الزنايته
الكل يدخل و يتوزعوا فى المكان فى صمت و تبادل نظرات ياسمينا نايمه على كتف عبد الله واقف فى جنب متبهدل مختار يقوم ياخدها منه
مختار / انا هطلع ياسمينا الاوضه فوق تنام و انتى يا امى اطلعى ارتاحى انتى كمان
مختار يبص لانتصار تقوم
انتصار / تعالى يا اختى اطلعى تعالى
شيرى و انتصار و مختار شايل ياسمينا يطلعوا فوق و عبد الله يبص لمريم تبص فى الارض
شاكر / انا كمان تعبان هستاذنكوا اطلع ارتاح … يلا يا فاطمه القاعده ما لهاش فايده
فاطمه تهز راسها و تقوم تسنده و يطلعوا فوق
عبد الله / هو لو ينفع اسال يعنى ايه اللى هيحصل بعد كدا
ناصر / فى ايه ؟
عبد الله / يعنى البوليس اللى جه حقق فى الحريق اكيد عرفوا انه مخزن سلاح
ناصر / ما تشغلش بالك بالحاجات دى احنا بنبقى عاملين حسابها كويس
هند / هما مخزنهم بعيد عن بيتهم لكن احنا فى مخزن فى الجنينه بره
ناصر / و فى تحت رجليكي و انتى واقفه كمان يا هند
هند / طب و بعدين لو لا قدر الله حصلنا حاجه زى اللى حصلتلهم هنعمل ايه ؟
مختار ينزل من فوق
مختار / هند
الكل يبصله
مختار / اطلعى شوفى لو الحجه ام عبد الله ناقصها حاجه هى و اختك
هند تبص لمختار و تبص للكل و تبص فى الارض و تطلع
عبد الله / للاسف هى بتتكلم صح و اللى فهمته ان كان فى نظام امان قوى جدا للمواقف اللى زى دى ما اشتغلش
مختار / اهدى يا عبد الله كل حاجه هتبان مع الوقت
عبد الله / انا هادى بس مش فاهم فى فرق انت قولتلى انكوا هتضطروا تحرقوا الشونه عشان تمثيليه كدا عملينها و فعلا فضينا الشونه
عباده / قصدك ان احنا اللى عملناها يا عبد الله
عبد الله / ابدا والله انا بس مش فاهم
عباده / تيجي تصيده يصيدك بتحصل
عبد الله / انا اصلا ما كنتش فاهم ليه هتحرقوا الشونه
عباده يبص لمختار و هو مخنوق
ناصر / جرا ايه يا جماعه … منورينا بس مش تطلعوا ترتاحوا و لا ايه
كل البنات و الستات و الاطفال يطلعوا فوق و يفضل الرجاله بس مختار يروح ناحيه عبد الله
مختار / مش انا قولتلك محتاجين نبان اننا و مغاورى اعداء
عبد الله / باماره الحنه النهرده و الفرح اللى كان بكره
مختار يبص لناصر
ناصر / ما احنا كنا ناويين نستنى بعد الفرح يا عبد الله ان كنا احنا عارفين خطتنا فاكيد هى ما تعرفهاش
عبد الله / اعزرنى يا كبير مش انا اللى المفروض يتكلم بس انتوا ما بتتعاملوش مع عيله … واضح جدا انها عارفه هى بتعمل ايه كويس
عباده / الواضح اكتر انها دخلت وسطينا من غير ما نحس
مختار / ما تقدرش مش بالسرعه دى
عباده يقوم يقف
عباده / قدرت و انك تنكر الموضوع مش هيكدبه دى الحقيقه يا مختار
مختار يزعق
مختار / امال الغفر و الحرس دول كلهم بيعملوا ايه الدوريات اللى بتلف اربعه و عشرين ساعه دى و بتنضف البلد شبر شبر بتعمل ايه
عباده يقف قدام مختار و يزعق هو كمان
عباده / بتعمل اللى عليها بس فى حاجه احنا مش عارفينها فى حاجه احنا ما كناش عاملين حسابنا عليها فى عندنا ثغره بدل ما ننكرها نركز لحد ما نلاقيها و نسدها
عباده يبص الناحيه التانيه و يروح يقعد و يتنهد
ناصر / عباده معاه حق و حكايه ان نظام الحمايه ما اشتغلش و ممكن يكون عطل فنى دى ما دخلتش دماغى
مختار / هيبان من تشريح الجثث بتاعه غفر المخزن
ناصر / هيبان كل حاجه هتبان مش ده اللى قالقنى
سليمان / امال يا كبير
ناصر / عباده
عباده يتعدل و يبص لناصر
ناصر / كتب كتابك على خديجه لازم يتم فى اسرع وقت حتى لو مضطرين ناجل الفرح بس كتب كتابك على خديجه لازم يتم
عباده / و هو انا كنت اعترضت … قال جت الحزينه تفرح
ناصر/ ههههههههههههه هتفرح ان شاء الله هتفرح ما تشغلش انت بالك … عن اذنكوا
ناصر يقوم يطلع فوق و الكل عينه عليه
مختار / بكره الصبح هروح اتكلم مع مغاورى لازم اعرف منه الحربايه دى قالتله ايه قلبته اوى كدا
عباده / مش انت اى حد غيرك
مختار / اى حد يا سيدى المهم نعرف
عباده يهز راسه
مختار / روح ارتاح فى المضيفه يا عبد الله هبعتلك غيار نضيف و اللى تحتاجه و انا كمان هطلع ارتاح حد هيعوز منى حاجه
عباده يقف
عباده / يلا تصبحوا على خير انا كمان بالاذن
الرجاله كلها تتوزع
………………………..

فى اوضه مختار
هند بتعلق الفستان على الشماعه و تحطه فى كوفر فساتين و تحطه على كرسى و تبص لمختار تلاقيه ممدد على السرير و سرحان تروح تطلع لبن من التلاجه و تملا كنكه و تحطه على النار و تفتح بومبونيره و تطلع شيكولاته تاكل واحده و تحط اتنين فى الكنكه و تقعد تقلب لحد ما الشيكولاته تسيح تفضيهم فى مج و تروح تناوله لمختار
هند / بيقولوا الشيكولاته بتروق المزاج مش عارفه هتجيب نتيجه معاك و لا نبعت نجيب حشيش علاطول
مختار يبتسم و ياخد منها المج
مختار / تسلم ايدك
هند / و اخرتها
مختار / فى ايه ؟
هند / فى تجاره السلاح
مختار / انا مش الكبير هترشيني بكبايه قهوه
هند / انت بتزنقنى يعنى لو قولت الكبير احسن ابقى بقلل من جوزى لو اقول انت احسن ابقى بغلط فى الكبير
مختار يبتسم و يبص الناحيه التانيه
هند / عباده و خديجه صعبانين عليا اوى هو صحيح الفرح هيتاجل
مختار / فى تلاته من البلد ماتوا يا هند
هند/ بس انتوا لسه ما تعرفوش هم مين
مختار / لا عارفينهم هو بس مش عارفين نفرقهم من بعض عشان ندفن كل واحد فيهم فى مكانه الصح لكن التلاته الحرس معروفين
هند / طب و الفرح هيتاجل قد ايه بقى على كدا
مختار / مش عارف بس اللى اعرفه انه لازم يتم فى اسرع وقت
هند / خايف يفتكروا ان انتوا اللى عملتوها
مختار / اللى عملها هيعمل كل اللى يقدر عليه عشان يثبت ان احنا اللى عملناها يا هند اللى عمل كدا عملها عشان يوقع بينا
هند / يعنى مفيش احتمال و لو واحد فى المليون ان دا كان عطل فنى فى نظام الحمايه
مختار / الغفر ماتوا ازاى
هند / فى الحريقه حاولوا يطفوها انفجرت فيهم
مختار / لما الحريقه ولعت ما اتصلوش يستنجدوا بينا و لا بالمطافى ليه الغفر مش جداد على الشغلانه و عارفين كويس كل حاجه يعنى غلطه زى دى ما تفوتهمش
هند / يعنى حد قتلهم
مختار / اقل واجب ضربوهم على خوانه و رموهم فى النار يتحرقوا
هند / ايه الاجرام ده
مختار / ولاد الحرام مخلوش لولاد الحلال حاجه
هند / طب و بعدين
مختار / ما اعرفش انا لو اعرف ارتاح بس والله ما اعرف
هند / فيرا ؟
مختار / مفيش غيرها بس مغاورى راحلها و رجع وشه مقلوب
باب الاوضه يخبط بالراحه مختار يبص لهند تقوم تدخل الحمام و هو يروح يفتح يلاقى عباده واقف بعيد تلت اربع خطوات مختار يطلع بره و يقفل الباب
مختار / خير فى حاجه و لا ايه
عباده / حقك عليا انا اسف انت اكيد تعبان بس انا مخنوق و محتاج اتكلم
مختار / اسبقنى على تحت ثوانى و هحصلك
عباده / تمام
عباده ينزل مختار يفتح الباب و يدخل
هند / خير فى ايه
مختار / عباده مخنوق و عاوز يتكلم معايا
هند / تمام خد راحتك
مختار يبوس راسها و يلبس العبايه و ينزل و هند تقعد على السرير تفرك فى ايديها تقوم تدخل الحمام
……………………….
فى جنينه سرايا الجوارحه
مغاورى رايح جاى بيفرك خديجه تدخل يبص عليها يقف
مغاورى / انتى لسه صاحيه لحد دلوقت !!
خديجه / محتاجه اتكلم معاك
مغاورى / خير فى حاجه و لا ايه عباده قالك حاجه ؟
خديجه / ما كلمتوش والله
مغاورى يشد كرسيين يحطهم قدام بعض
مغاورى / اقعدى خير قلقتيني
خديجه / هى الوليه اللى انت روحتلها دى قالتلك ايه؟
مغاورى / بتسالى ليه عشان تروحى تقوليله
خديجه / انت اخويا على فكره هو لسه ما بقاش جوزى
مغاورى / لعله خير
خديجه / ليه يا مغاورى هو اللى عملها طب هيعمل كدا ليه و معقول يعمله النهرده طب ليه هيستفيد ايه
مغاورى / الله اعلم الحقيقه فين يا خديجه
خديجه / دول عشره سنين عمرك شوفتهم غدروا بحد
مغاورى / احنا خسرنا كتير اوى يا خديجه
خديجه / قالتلك ايه ؟
مغاورى / حلفت انها مش هى
خديجه / و انت صدقتها
مغاورى / لا ما صدقتهاش مع ان كلامها منطقى و ما عنديش رد عليه انا طول الليل واقف براجع كلامها كلمه كلمه بحاول اطلعلها غلطه انا الغضب عمانى روحتلها بطولى ديتى كانت ايه غير طلقه
خديجه / و ديه مختار ايه غير طلقه هى مش عاوزاكوا ميتين … تخسركوا هى عوزه تستغلكوا
مغاورى / لحقتى تحبيه ؟
خديجه / هو مين ؟
مغاورى / اللى نازله فى نص الليل تحننى قلبى عليه و تبرئيه
خديجه / بحبك اكتر انت اخويا اللى ما ليش غيره ضهرى و سندى يوم ما حد يجي عليا انت اللى هتقفله قبل اى حد لو هخاف على حد فى الدنيا دى هيبقى انت لو هتهمنى مصلحه حد هيبقى انت
مغاورى / ربنا ما يحرمنى منك
خديجه / و لا يحرمنى منك … ايه رايك فى سماح ؟
مغاورى / مالها سماح ؟ بتسالى عن رايي فيها ليه ؟
خديجه / والله لو كان عندهم بنت تانيه فى سن الجواز كنت اخترتهالك
مغاورى / سماح مين اللى اتجوزها ازاى بعد ما طلبت مريم اطلب اختها
خديجه / مهياش اختها و بعدين الجواز قسمه و نصيب ما فيهاش حاجه
مغاورى / اطلعى نامى يا بت شكل السهر خلاكى تخرفى
خديجه / ايه فى الدنيا هيقوى العلاقه بينا و بين الزنايته غير النسب اللى عمل كدا عمله النهرده دون عن اى يوم تانى عشان ياجل الفرح
مغاورى / ما كان عمله بكره
خديجه / و دى تفوتك برده يا كبير الجوارحه … بكره هنكون كتبنا الكتاب و مفيهاش رجوع يا اخويا انما النهرده احنا لسه على البر
مغاورى / هو احنا لو اجلنا فرحك تزعلى
خديجه / مهو كدا كدا هيتاجل
مغاورى / لا انا اقصد سنه و لا اتنين
خديجه / مش هزعل نصيبى هعمل ايه يعنى بس ممكن اسال ليه ؟
مغاورى / لمصلحتك و مصلحه البلد كلها
خديجه / اللى تشوفه
خديجه تقوم تدخل جوه
مغاورى / قال سماح قال … هبله دى و لا ايه
……………………..
فى جنينه الزنايته
عباده / الكبير مش هيوافق نبدا بالدم بس احنا مش هينفع نسكت اكتر من كدا لازم نتحرك بقى الناس اللى ماتوا دول دمهم فى رقبه مين مش لازم ناخد تارهم و نبرد نار اهلهم
مختار / مش هنعرف نتحرك و لا ناخد خطوه واحده من غير مغاورى
عباده / مغاورى ازاى بعد اللى حصل ازاى يروحلها لحد عندها لوحده و يرجع عايش الا اذا كانت غسلتله دماغه
مختار / ما تقدرش و لا هى و لا الاجدع منها انت هتوه عن مغاورى و لا ايه
عباده / انت اللى شكلك فرهدت فى الحريقه و ما خدتش بالك من دخلته و بصته لينا
مختار / كلمت خديجه
عباده / لا زمانها نامت
مختار / طب مش كان اولى تطمن عليها بعد اللى حصل و اهو مين عارف يمكن يكون مغاورى اتكلم معاهم و نفهم منها ايه اللى حصل
عباده / هخليها تتجسسلى على اهلها يعنى و لا ايه ما احنا نروح بكره كلنا نقعد رجاله فى بعض و اللى عنده حاجه يقولها
مختار / لا مش هنروح كلنا ما ينفعش اللى حصل ده يعدى كدا
عباده / قصدك ايه
مختار / قصدى انك لو فكرت فى كل اللى حصل هو اه ما كانش بالظبط زى ما كنا عاوزين بس يفى بالغرض و لا ايه
عباده / انت عارف انت بتقول ايه
مختار / انا ما بقولش انا بس بفكر معاك بصوت عالى
عباده يبص لمختار
عباده / انا فرحى كان بكره … بكره ايه دا كلها كانت كام ساعه و لا هو على بختى يعنى لازم الدنيا تبوظ
مختار / مش عارفه ارد اقولك ايه بصراحه … عندك حق فى كل اللى بتقوله
عباده / اقطع عرق و سيح دمه ما لهاش حل تانى احنا سكتنا كتير و سكوتنا بيطمعها ادت الامان و قعدت و فرشت قلوعها .. و ما يبقاش اسمى عباده ان ما كنتش قلعتهوملها من جدورهم
عباده يقوم و يمشى و مختار بيبص عليه و يقوم يدخل جوه بخطوات ابطئ بكتير من عباده
…………………………
فى سرايا الجوارحه
ناصر / و هو عباده و خديجه ذنبهم ايه بس
شاهين / يعني يرضيك خديجه تدخل كدا سكيتي
ناصر / و لا ارضاهالها و لا ليها و لا لغيرها بس انا ما بتكلمش عن الدخله انا بتكلم عن كتب الكتاب و اديهم امبارح برده هيصوا و انبسطوا
مغاورى يدخل
مغاورى / دى غير دى يا حج ناصر دى ما كملتش
شاهين / اخيرا … كنت فين يا مغاورى من صباحيه ربنا
مغاورى / كنت بطمن على باقى المخازن ما حدش ضامن حاجه اليومين دول
ناصر / خير ما عملت
مغاورى/ و كلمت شركه الطين اللى ركبت نظام الحمايه العره ده و هيبعتوا ناس يكشفوا و يقولوا يا ترى العطل ده مننا و لا منهم
ناصر / و مين يشهد للعروسه
عباده و مختار يدخلوا
مختار / السلام عليكم
شاهين / اهلا بالرجاله
مغاورى / اهلا اهلا … الا انتوا زى كبيركوا كدا شايف ان اللى حصل امبارح
عباده / اى كان راى كبيرنا … اللى حصل ده بفعل حد … و انت عارف مين كويس
مغاورى يبص لمختار
مغاورى / و انت يا فخر عيله الزيني رايك ايه
شاهين / مغاورى
مغاورى / ما عرفتش يابا مش الباشمهندس اتوسطولوا عشان ما يدخلش الجيش و لا ايه يا كبير
ناصر / حصل
مغاورى / ليكوا حق تخافوا عليه
عباده / جرا ايه يا مغاورى حامى علينا و مقدرين اللى انت فيه بس كل حاجه و ليها اخر يا ابن عمى
مغاورى / و ايه اخرتها يا سى عباده
مختار / خلاصه الكلام احنا قرينا فتحتها معانا و لا علينا
ناصر / ما تعزمتش يعني فى الفاتحه دى يا سي مختار
مختار / جايين نعزمك يا كبير بس احنا فاض بينا خلاص مش هنصبر على الحرمه دى اكتر من كدا
شاهين / و انا كمان معاكوا
مغاورى / و انت كمان مصدق انها هى
عباده / هى غسلتلك دماغك لما روحتلها و لا ايه
مغاورى / كنت بطولى وسط رجالتها امبارح و ما اذتنيش
مختار / تحب اقولك كام مره كنت بطولى قصادها و ما اذتنيش افكرك ان كنت نسيت
عباده / اديني الاذن يا كبير و الرجاله جاهزه اديني الاذن
ناصر يبص لشاهين
ناصر / و انت يا حج شاهين شاكك فينا زى مغاورى كدا
مغاورى / انا ما اتهمتش حد
ناصر / بس بتدافع عنها كانها من بقيت اخواتك
شاهين / و هو ده اللى كنا عاوزينه من الاول يا كبير
الكل يبص لشاهين مختار يبتسم
عباده / الست دة اقربلنا من ما احنا متصورين احنا ما نعرفش تعرف عننا و عن اتفاقاتنا ايه
شاهين / و هى يعني مش هتعرف انكوا هتهجموا عليها لو كانت زى ما بتقول مش هتعمل حسابها
ناصر / الله ينور عليك يا سيد الرجاله يا ابنى انا عارف انكوا قدها بس هيقع منكوا كام و انتوا بتوقعوها كل واحد منكوا هيوجعنى كانه ابنى و اكتر
مختار / بعد اذنك يا حج شاهين
الكل يبص لمختار
مختار / احنا كنا متفقين نمثل اننا متخانقين و مغاورى يدخل فى زخانيف الوليه دى بس هو احنا لسه بنمثل يا مغاورى و لا احنا فعلا متخانقين
مغاورى / كان الاتفاق ان الشونه تتحرق مش مخزن سلاح بحاله
عباده / و دا اولى انك تاخد بتارك منها مش مننا احنا … حكم عقلك يا ابن عمى هكسر فرحتى ليه عروستى اللى فوق دى مش كان زمانها بتجهزلى دلوقت
عباده يطلع مسدسه و يشد الاجزاء الكل يتخض
ناصر / عباده
عباده يحط المسدس فى ايد مغاورى و هو غارزقه فى دماغه و يتكلم بعصبيه و صوت عالى
عباده / اضرب
شاهين / عباده
عباده / لو شاكك اننا لينا يد فيها خد تارك وقتى و اضرب
مغاورى يشد ايده
عباده / انا و اخويا على ابن عمى و انا و ابن عمى على الغريب يا ابن الجوارحه
عباده يسيب المكان و يمشي ناصر يبص لمختار مختار يطلع يجرى وراه
ناصر / ربنا يصلح الحال و يقدم اللى فيه الخير
شاهين / ما تاخذنيش يا كبير
ناصر / على ايه بس هما جداد عليك ما طول عمرهم فوق روس بعض بس زى ما بيتعاركوا فى الاخر دايما بيتصافوا و ما بيسمحوش لغريب يدخل بينهم مش كدا يا مغاورى
مغاورى يبص فى الارض
ناصر / لا انت و لا عباده دخلتوا الجيش و انا لما اتوصت لمختار اتوسطت انه يخدم فى حته نضيفه ما قولتش ما يدخلش
شاهين / ناس كتير بتعمل كدا يا كبير ما حصلش حاجه
ناصر / لا حصل و ما دام حصل يبقى لازم تعرفوا حصل ليه و انه حصل غصب عنى و عن مختار نفسه
مغاورى / حقك عليا يا كبير انا ما قصدتش
ناصر / عن اذنكوا
ناصر يمشي شاهين يبص لمغاورى باصص فى الارض ام مغاورى و وراها خديجه يدخلوا
ام مغاورى / بعد اذنك يا خويا كنت عوزاك فى كلمتين
مغاورى يبص لامه شاهين يهز راسه و يطلع فوق و هى تطلع وراها مغاورى يبص لخديجه زعلانه يمشي خديجه تبص فى الارض و تتصل بالموبايل بحد يكنسل تتنهد و تطلع فوق
……………………..

فى المطبخ
مريم و هند واقفين بيقلبوا الطبيخ مريم تغطى الحلقه و تروح تقعد على كرسى و تقشر بطاطس هند تروح تقعد جنبها و تاخد صينيه عليها رز و تقعد تنقيه
هند / هو ايه اللى هيحصل بعد كدا
مريم / علمى علمك بس انا عمرى ما شوفت الكل متوتر اوى كدا
هند / بصراحه عندهم حق مختار كمان متوتر اوى
مريم / بقولك ايه ما تناولينى موبايلى من جنبك اشغل اغانى تعمل دوشه جنبنا بدل الصمت القاتل ده
هند تبص جنبها و تناولها الموبايل و تبص فيه
هند / هو فاصل و لا ايه
مريم / اووووف اصل انا ملحقتش اشحنه اوى ما كانش جايلى نوم و فضلت سهرانه عليه طول الليل … اتصلى معلش بسماح و خليها تنزل الشاحن معاها
هند تهز راسها و تدور فى النمر
هند / تصدقى انا ما عييش رقم سماح خالص
هند تقلب فى النمر و مريم تستغرب
هند / انا حتى ما عيش ارقام حد من السرايا غير انتى و مامتك و باباكى و مختار هههههههههههههههههه و لا كاننا عايشين فى بيت واحد
مريم / ازاى يعنى
هند / والله اهو
هند تورى مريم النمر يمكن عشان عمرى م احتاجت اتصل بحد منكوا ما سجلتش النمر
مريم / بس انتى اتصلتى بسماح قبل كدا
هند / امتى ده
مريم / لما كانت مروحه من المستشفى لما نقلتى انتى و اهلك شقتهم الجديده
هند تحاول تفتكر
هند / لا مش فاكره حاجه زى دى خالص انا حتى يوميها من التعب نمت على روحى ما حستش بالدنيا نمت جنب ياسمينا و انا بحاول انيمها
مريم / تلاقيكي بس مش فاكره انا كنت واقفه جنبها و انتى بتكلميها
هند / بجد !! يمكن
هند تقلب فى السجل
هند / هو كان تاريخ ايه و لا امتى
مريم / انا فاكره دا كان من فتره
هند / معاكى حق والله بس انا مش فاكره خالص انى كلمت سماح لو كنت كلمتها اكيد كنت سجلت النمره … يمكن اتلخمت فى حاجه و نسيت اسجلها … بس انا هناك عند ماما هجيب نمره سماح منين
مريم / يمكن مع مامتك او مع مختار ما اعرفش
هند / مش عارفه .. احنا سبنا موضوع الشاحن و عمالين نتكلم فى ازاى نمره سماح مش متسجله عندى
مريم / ههههههههههههههههه على رايك طب شغليلنا انتى بقى حاجه كدا على زوقك
هند / من عنيا
هند تقلب فى الاغانى و تشغل
………………………
على الطريق
عباده سايق زى المجنون و مختار سايق وراه مختار يحاول يعديه عباده مش مديله فرصه مره التانيه التالته مختار ينجح و يعديه و يركن العربيه بالعرض عباده يفرمل و ينزل من العربيه زى الطور
عباده / وسع من طريقى
مختار / على فين بطولك رايحلها مش كدا
عباده / هشوف سممته ازاى هعرف الفاجره دى قالتله ايه قلبته علينا اوى كدا
مختار / و ان ما رجعتش و ان سممتك انت كمان انت فاكر انى هسيبك تروحلها لوحدك لو مش خايف على نفسك انا هخاف عليك
عباده يبص الناحيه التانيه و ينفخ
مختار/ انا حاسس بيك و مقدر انا مريت باللى مريت بيه و يمكن اسوء عارف ان فرحتك اتكسرت
عباده / ملعون ابو فرحتى انا همى مش فى الجواز انا همى فى الحرب اللى هتقوم انت فاكر انها خلصت على كدا هنخلص على بعض و هتقف تتفرج علينا
مختار / هنتغدى بيها قبل ما تتعشى بينا
عباده / قولنا كدا و ادى النتيجه
مختار / انت يعنى مش عارفه جعجاع و بيقول اى كلام و بعدين بيهدى
عباده يبص الناحيه التانيه
مختار / تعال نرجع السرايا نهدى و نفكر
عباده يبص ورا مختار يلاقى عربيه مغاورى جايه بسرعه تفرمل قبلهم و ينزل منها
مغاورى / خدوهم بالصوت مش كدا
عباده / انا قولت اللى عندى يا مغاورى انا قريت فتحه الحيه دى و اختار هتقف فين يا معانا يا معاها
مغاورى / روح يا عباده روح و خد الرجاله كلهم معاك و ما تقلقش انا هاخد بالى كويس من حريمكوا
عباده يمسك فى مغاورى مختار يفصل بينهم
مغاورى / هتموتوا كلكوا قبل حتى ما توصلوا لبوابه بيتها هتموتوا قبل حتى ما تلمسوا منها شعره
مختار / اتكلم عدل يا مغاورى
مغاورى / انا بتكلم عدل انتوا اللى الغرور عاميكوا انتوا عارفين انا خسرت سلاح قد ايه انتوا عارفين باقى عندى فى المخازن قد ايه
عباده / برده بيقول اللى اتحرق
مغاورى / انا دخلت مخزن السلاح بتاعها شوفت السلاح اللى عندها شوفت نوعيه السلاح اللى بتستخدمه هتصطادنا و توقعنا واحد ورا التانى زى الناموس .
مختار يبص لعباده
مغاورى / انا معاكوا بس عشان نعرف نحاربها لازم نغير قوانين اللعبه يا ولاد الزنايته لازم نجيب سلاح من اياه مش شويه بنادق و مسدسات
عباده يبص لمختار
عباده / محلوله
عباده يروح يركب عربيته و يمشى
مغاورى / انا ما قولتش ان انتوا اللى عملتوا فينا كدا بس برده مش متاكد ان هى اللى عملت فيا كدا
مختار / هى … بس احنا ممكن نستغل ده لمصلحتنا
مغاورى / سامحنى يا ابن عمى
مختار يضرب مغاورى بوكس فى وشه مغاورى يبرق و يبصله
مختار / كدا خد راحتك
مختار و مغاورى يمسكوا فى بعض
……………………….
فى اسكندريه
وسام قاعده على كاشير بتحاسب زبونه
وسام / نورتى ان شاء الله قريب هيجي كولكشن جديد
الزبونه / ان شاء الله اجى تانى
وسام / تنوري
الزبونه تبتسم و تمشي يوسف يدخل وسام تبصله باستغراب
وسام / اهلا
يوسف / ازيك
وسام / انا كويسه الحمد لله اؤمر
يوسف يبص على المحل
يوسف / مبروك
وسام / خير يا يوسف ايه اللى فكرك بيا ايه اللى جابك
يوسف / انا عارف انك زعلانه منى و عشان كدا ما سمعتش كلامهم و مشيتها رسمى
وسام / هى ايه دى
يوسف / الشبكه بتاعتى
وسام / شبكه ايه انا مش قولتلك هاخدها و انت وافقت ايه اللى غير كلامك دلوقت
يوسف / انتى عارفه اللى حصل معانا و انا محتاجها
وسام/ و انا بعتها انت لسه فاكر تيجي تكلمنى عنها
يوسف / انا معايا الفواتير
وسام / انا مش فاهماك بصراحه انت فاكرنى هقعد استناك كل ده يا عالم هترجع فى كلامك و لا لا انا حطيت كل اللى معايا فى المحل ده و باكل منه انا و امى و لو وقفت على راسي مش هعرف اجبلك الشبكه تانى على الاقل مش دلوقت عاوز تحبسنى احبسنى انا اصلا الغلطانه انى ورطت نفسي معاك
يوسف / وسام انا عمرى ما هاذيكي انا
وسام / انت اذيتني خلاص انا ما فيش حد اذانى زيك مديتاك ايدي و ضحيت بكرامتى عشانك انت بقي عملت عشانى ايه
يوسف / احنا كان فى بينا اتفاق
وسام / و اديك بترجع فيه لما اتزنقت اشمعن انت بتحللها لنفسك و تحرمها عليا لو كنت حبيتني ربع ما انا حبيتك ما كانش ربنا عمل فيك كدا بس انا ما مليتش عينك روح بقي لست هند بتاعتك
يوسف يبص فى الارض
وسام / انت اصلا مش جاى عشانى انت جاى للدهب مفيش دهب
زبونه تدخل المحل
وسام / لو سمحت دا مكان اكل عيشي
يوسف يطلع بره يلاقى حامد واقف
حامد / ها عملت ايه
يوسف / باعت الدهب و فتحت المحل
حامد / يعني ايه
يوسف / يعني ربنا يعوض عليا هعمل ايه يعني
حامد / هو ايه اللى تعمل ايه دا حقك و معاك الفواتير تطلع على القسم و تطلع عينها
يوسف / و بعدين هستفيد ايه لو اتحبست يعني
حامد / يا سيدى تديك المحل تديك نسبه من الارباح تتصرف تتشقلب دا مش شغلك
يوسف / كفايا بقي يا عمى كفايا
حامد / كفايا انا مالى انسي بقي حوار الكافيه ده
يوسف / مهى حتى لو ادتنى المحل او شاركتنى مش هعرف اللم الفلوس مره واحده و افتح الكافيه مهو اذا اردت ان تطلع فامر بما يستطاع هتعمل ايه هى يعني
حامد / انا مش فاهمك بصراحه
يوسف / تعال نقعد ناكل لقمه فى حته و نتكلم بهدوء و نفكر فى حل
حامد / الحل جوه المحل شغال الحمد لله و ستات داخله و ستات خارجه و دا حقك
يوسف / اتاخرنا اوى يا عمى اتاخرنا
حامد / و لا اتاخرنا و لا حاجه انت بس اللى مش عاوز
يوسف / يعني اعمل ايه
حامد / احنا فعلا هناكل لقمه و ننزل على مصر نطلع على المحامى و هو اللى هيعمل
يوسف / طب اجرب معاها لاخر مره
حامد / بشوقك بقي انا زهقت
حامد يمشي يوسف يجرى وراه
يوسف / على فين يا عمى
حامد / على المحطه هرجع هقعد هنا يتحرق دمى
يوسف / طب استنى هاجى معاك
حامد / تيجي بقي و لا ما تجيش
حامد يمشي و يوسف بيحاول يحصله
……………………
فى شقه محمود
اسراء / لا بس ما تنكرش يوسف حاله انصلح على الاخر
محمود / انصلح !
اسراء / والله انت بس لو تخف عنه شويه الواد مش واخد على المعامله دى و قال على راى المثل ان كبر ابنك خاويه
محمود / خاويته و دلعته لما بوظته ياريتني كنت شديت عليه شويه و هو صغير ما كانش كل ده حصل
اسراء / ابنك برده لو ما ادلعش على حسك هيدلع على مين
محمود / كل حاجه راحت يا اسراء ببدء من الصفر
اسراء / حرام عليك ما تقولش كدا الحمد لله الحال بيتحسن و ان كان على اللى راح ربنا يديك الصحه و تعوضه
محمود / اللى بيروح ما بيرجعش اخواتى و عيلتى و شقى عمرى كل ده راح يا اسراء
اسراء / انت لسه متخانق مع حامد
محمود / ما فكرش يراضيني ما فكرش يعتزر ان شالله حتى يهلفط باى كلام و انا والله كنت هصدقه و اسامحه
اسراء / الله يعينه برده ظروفه صعبه و تلاقيه عمل كدا من الضغط اللى عليه
محمود / يقول كدا يقول و لو مره يجي بس و انا مش هستنى منه اعتزار
اسراء / ما تزعلش نفسك بكره ربنا يهديه و اهو اعتبر انك بتشد عليه زى ما بتشد على يوسف
محمود / ربنا يهدى
…………………..
فى سرايا الجوارحه
عباده داخل بالعربيه يلاقي مختار راكن جنب السور و قاعد جوه العربيه يستغرب و يركن و ينزل يروح يخبط على الازاز مختار ينزل الازاز يلاقي مختار مضروب
عباده / نهاره اسود هو اللى عمل فيك كدا
مختار / اركب
عباده / اركب ايه وانت سكتله ما كلمتنيش ليه
مختار / اركب بقي مش ناقص جنانك اركب
عباده يبص لمختار و يلف يركب و مختار يقفل الازاز
عباده / ايه اللى حصل
مختار / روحت فين
عباده / لفيت حوالين المكان من بعيد سيبك منى خلينا فيك
مختار / الجزمه كان بيضرب بغل هههههههههههه
عباده / انت بتهزر صح … و مبسوط اوى
مختار / روح شوف وشه الاول و بعدين اتكلم
عباده / دا اللى كنت عامل حسابه
مختار / اهدى دا تمثيل
عباده / امال لو كان جد بقي كان ضربك بالنار و لا ايه
مختار / ما حدش هيعرف كلنا هنهيج و نثور و نعمل قعدات عرب و هنكبر الموضوع
عباده / و دى هتخيل عليها
مختار / لازم تخيل احنا هنسبوكها حتى على حريمنا
عباده يبصله و يرفع حاجبه و يبص الناحيه التانيه
عباده / انت عارف انت بتطلب منى ايه
مختار / انت عارف انا راكن هنا بقالى قد ايه مش عارف ادخل
عباده يبتسم و يبص الناحيه التانيه
مختار / هتعدى فتره و هتعدى بس لحد ما نعرف مين اللى بينقل اخبارنا مش هنقول الحقيقه غير فى اضيق الحدود حتى مش كل الرجاله هتعرف
عباده / هقولها ايه
مختار / ما تقولهاش فتره و هتعدى تزعل دلوقت شويه احسن ما تشوف اللى شوفته انا فى شهر عسلي
عباده يبص الناحيه التانيه مختار يبتسم
مختار/ حبيتها؟
عباده / يا خويا فكر فى اللى انت داخل عليه و لا تخليك هنا يومين تلاته اهونلك
مختار / هههههههههههههههههههه
مختار يبص فى المرايه
مختار / و لا اسبوع حتى
عباده / على رايك … انت متاكد انه كان بيمثل
مختار / ههههههههههههههههههههه
مختار يسوق و يتحرك
عباده / استعنا على الشقا بالله
…………………..
فى سرايا الجواحه
خديجه بتضمد جروح مغاورى و الحزن ماليها و الغضب مالى المكان و الكل بيتشال و يتهبد
ام مغاورى / و انت هتسكت على اللى حصل ده يا حج
شاب ١ / اديني الاذن و انا اجيب عليها واطيها
شاب ٢ / له كبير يترد عليه
شاب ١ / و هو كان عمل حساب لكبير باللى عمله
مغاورى / و انا لقمه سهله و لا ايه دا انا طلعت عينه
ام مغاورى / انت ساكت ليه يا حج
شاهين / و هو حد عملى حساب و ادانى فرصه اتكلم
ام مغاورى تحط ايدها على بقها
شاهين / خلصتى يا خديجه
خديجه تلم الحاجه و تهز راسها و هى باصه فى الارض
شاهين / خشي ساعدى امك و اعملولنا لقمه ناكلها
ام مغاورى / ليك نفس تاكل و ابنك راجع بالشكل ده
شاهين / مش طافح
شاهين يسيب المكان و يمشي مغاورى يشاور للرجاله و يقوم يحصله
ام مغاورى / حسبى الله و نعم الوكيل فيك يا مختار انت و كل الزنايته
خديجه تبص لمامتها
ام مغاورى / الحمد لله اننا ما اتسرعناش و ربنا كشفهم لينا داهيه تاخدهم واحد ورا التانى
ست / ما يمكن عباده ما لوش ذنب و يغلطوا مختار
ام مغاورى / انا حق ابنى هيجى حتى لو على رقبه الطخين
شاب ١ / هيجي يا ام مغاورى هيجي يا ست الكل ما يكونش عندك فكر
ام مغاورى تبص لخديجه واقفه باصه فى الارض تتنهد و تروح ناحيه المطبخ
………………
فى سرايا الزنايته
مختار يدخل و معاه عباده الستات تقوم تتنفض و انتصار تجرى عليه و هند تبصله و ما بتتحركش
انتصار / مين اللى عمل فيك كدا
مختار / مفيش حاجه يا ام فاتن الكبير فين
انتصار / لسه ماجاش … فى ايه يا عباده
فاطمه / مغاورى صح اتخانقتوا مع مغاورى صح … و انت كنت فين يا زينه الرجاله
عباده / ما كنتش معاهم
انتصار / انتوا مش طالعين سوا و راجعين سوا
عباده/ اللى حصل يا ام فاتن سيبوه يطلع يرتاح دلوقت و نتكلم بعدين اهدوا على الراجل
مختار / عن اذنكوا
مختار يعدى يمسك هند من ايدها و يطلع معاها فوق
فاطمه / ايه اللى حصل يا عباده ضربوكوا هناك و لا ايه
عباده / لا اتخانقوا بره احنا مشينا و مغورى حصلنا و اتكلمنا عادى و بعدين مشيت انا و قابلت مختار على البوابه اتخانقوا بعد ما مشيت
فاتن / و مغاورى عامل ايه
فاطمه / قطعت و قطعت سيرته ان شالله قطع ايديه الاتنين اللى اتمدت على سيده
فاتن / على اساس ان مختار هينضرب و هو ساكت انا بسال ليكون جراله حاجه و الدنيا تولع و ما نعرفش نلمها
انتصار / و هى كدا ما ولعتش يا فاتن ما ولعت و اللى كان كان
انتصار تروح تقعد على اقرب كرسى
انتصار / كلم الرجاله يا عباده خليهم يسيبوا اللى فى ايدهم و يجوا على هنا خلينا نشوف هنلم الليله دى ازاى … دا ان كانت هتتلم فى سنتها
انتصار تقوم بالعافيه و تتسند على الترابزين و تطلع فوق
……………………
فى اوضه مختار
مختار يروح يقعد على السرير و يفتح الادراج بتاعه الكومدينو اللى جنبه و يقلب فيها و هند لسه واقفه عند الباب
مختار / شوفيلى كدا فى هيموكلار و لا ريباريل جيل
مختار يبص يلاقي هند واقفه بصاله و عنيها كلها دموع يتنهد و يروحلها ياخدها فى حضنه
هند / ليه كدا
مختار / انا اللى بدات عصبنى ما حستش بنفسي غير و انا بضربه و هو اكيد ما كانش هيسكت يعني
هند / و بعدين … اهله هيسكتوا يعني و لا هيجوا يكملوا عليك
مختار / ما تقلقيش انا كلمت ناصر و زمانه جاى و هو هيتصرف مش اول مره تحصل
هند / كويس … واخدين على كدا يعني … طب ما فكرتش ان انا مش واخده … يعني انت عارف انا حاسه بايه دلوقت
الباب يخبط مختار يطبطب على كتف هند و يروح يفتح يلاقي انتصار واقفه شايله صندوق اسعافات
انتصار / هتحتاج ده
مختار / تسلمى
انتصار / ماشي و اهى هند معاك لو فى حاجه
انتصار تبص على هند زعلانه تبص فى الارض و تمشي مختار يقفل الباب و يدخل يقعد على السرير و يفتح الصندوق هند تروح جنبه تساعده
مختار / اوعى تكون صورتى فى عينك اتهزت بعد ما انضربت ؟
هند / رايق اوى يعني ما شاء الله
هند تقوم تفتح الدولاب و تطلع غيار نضيف لمختار و تساعده يغير
……………………
فى المكتب تحت
الرجاله كلها متجمعين
امين / يعني هنسكت ؟
ناصر / لا هنروح نولع فيهم و يجوا يولعوا فينا و نخلص على بعض و الكل يرتاح
عباده / امال ناوى على ايه يا كبير
ناصر / انا كلمت الحج شاهين قولتله نقعد و نتراضي
سليمان / و اللى حصل ده فيه تراضي يا كبير
ناصر / قول تانى يا مختار عشان سليمان ما كانش مركز مين فيكوا اللى بدا بالضرب
مختار / انا
ناصر يشاور على مختار و يضرب على المكتب
الرجاله تبص فى الارض
ناصر / لما يجي الحج شاهين مهما قال نلم الليله و نبقي نتحاسب بعدين
الرجاله تهز راسها ناصر يسيب المكان و يطلع بره مختار يبص لعباده و بعدين يبص على الرجاله و يطلع ورا ناصر ميلاقيهوش
مريم / مشي بره
مختار يهز راسه و يطلع الجنينه يلاقى ناصر واقف يروحله يقف جنبه يبصله ناصر يبصله
مختار / احنا و الجوارحه على اتفاقنا حبيت اقولك
ناصر / تقولى ايه
مختار / مغاورى شاف نوع السلاح فى فيلا فيرا
ناصر / انت بتهزر يا مختار
مختار / ما كانش ينفع تبين قدام حد غير انك متعصب على الاقل لحد ما نعرف هى واصله جوانا لحد فين ما حدش هيعرف غير انا و انت و عباده و مغاورى و الحج شاهين
ناصر يبص الناحيه التانيه و يكتم الغضب جواه
مختار / ليك حق تضايق بس احنا لو كنا ضيعنا الفرصه
ناصر يشاورله يسكت
ناصر / ماشي يا مختار … خلاص … و الحج شاهين وافق على الكلام ده و لا هو كمان اتحط قدام الامر الواقع زيكوا
مختار / كانت وليده لحظه
ناصر يبصله مختار يبص فى الارض
ناصر / هند عرفت
مختار / لا ما حدش هيعرف حتى الرجاله لازم تفتكر ان الخناقه بجد عشان ما حدش يغلط
ناصر / و انت ضامن بقي العيلتين ما يمسكوش فى بعض
مختار / و مين ياجروا يكسرلك و لا يكسر للحج شاهين كلمه
ناصر / بتلعب لعبه ما انتش قدها
مختار / اللى تشوفه يا كبير
ناصر يدخل جوه و يطلع فوق من غير ما يقف لحد مختار يدخل وراه
انتصار / ماله يا مختار فى حاجه تانيه حصلت و لا ايه
مختار يهز راسه لا و يبص لعباده
……………
فى سرايا الجوارحه
الرجاله متجمعه و فى شاب بيلبس شاهين العبايه
ام مغاورى / و ليه القاعده دى بقى ما تتعملش عندنا يعني يبدا بالضرب و احنا اللى نروح نراضي من امتى بتصغرنا كدا يا كبير
شاهين / كانوا هنا كانوا فى بيتنا و ابنك الحيله المحترم ما احترمش لا كبير و لا صغير حصل و لا لا
مغاورى / كنت عاوزني اسكت يعني
شاهين / ايه اللى وداك وراهم رايح للمشاكل برجليك ليه
مغاورى يبص فى الارض
راجل / قاله كلمه يرد بكلمه لكن احنا مش صغيرين عشان يمدوا ايديهم علينا
شاهين / لما الكبير يتكلم الكل يسكت هنروح للناس ما حدش يتكلم الا باذنى مفهوم و لا لا
كل الرجاله تبص فى الارض
شاهين/ مغاورى يبقي ابنى و انا احسن من يجيبله حقه و لو مش واثقين فكلمتى يبقي بناقصها
راجل / ما عاش و لا كان يا كبيرنا دا انت الخير و البركه
شاهين / اتحركوا على العربيات يلا
الرجاله كلها تتحرك
…………………

فى المطبخ عند الزنايته
مريم بتصب الشاى و سماح عماله تلقم فى كوبايات تانيه
سماح / هاين عليا اجيب الملين بتاع ابويا و ابهدلهم كلهم
مريم / و هيعرفوا كباياتنا من كبايتهم ازاى يا اذكى اخواتك
سماح / و انا كنت ناويه اعمل كدا بجد انتى كمان انا بقول هاين عليا مش طيقاهم و لا طايقه دخلتهم
مريم / حقه دول ما سبوش حد من عيلتهم الا جابوه معاهم
سماح / قال و عباده كان رايح يناسبهم بركه يا جامع ان الجوازه باظت
مريم / حرام عليكي خديجه غلبانه
سماح / و هى فين خديجه ان شاء الله
مريم / هتعمل ايه يعنى الله يعينها هى تقدر تقول حاجه بعد كلمه ابوها
فاطمه تدخل
فاطمه / سنه بتعملوا الشاى
مريم / خلصنا خلاص هنقلب بس
فاطمه تتنهد و تهز راسها
………………………..
فى المضيفه
رجاله واقفه و رجاله قاعده و زحمه موت و الكل بيتكلم بصوت عالى و يشدوا قدام بعض
شاهين / باااااس مفيش احترام لكبار وسطيكوا و لا ايه
راجل / مش سامع بيقولوا ايه يا حج
ناصر / و هو اللى انتوا بتقولوه شويه يعنى
مغاورى / انا حقى مش هسيبه يا كبير
ناصر / حقك خدته بدراعك و خصلنا
مغاورى / كان المفروض اسكتله و اجيلك اعيط يعنى
ناصر / انت غلطت و هو غلط خلصنا قولنا يلا اتراضوا
مغاورى يبص لشاهين و يبص لمختار
عباده / يا جماعه ما يصحش كدا دا كان زمانكوا بتزفونى دلوقت
مغاورى / يومين تلاته و تقرير الطب الشرعى يبان و نعرف الرجاله اللى فى المخزن ماتوا ازاى
عباده / مش هنخلص فى سنتنا احنا بقى
شاهين / و لا عمرها هتخلص الا اما حق الرجاله اللى راحت يرجع
مختار / نحلفلكوا بايه عشان تصدقوا ان مالناش دخل بالحكايه دى
مغاورى / هانت بكره الشركه تبعت تقريرها و نشوف
ناصر / و هى هتقولك النظام بتاعنا اللى انتوا دافعين فيه شئ و شويات ما اشتغلش … دا انت تبقى طيب اوى
مغاورى / بكره تشوف الطيب ده هيعمل ايه لما الحقيقه تبان
ناصر يقف
ناصر / هتعمل ايه يا مغاورى
شاهين يقوم يقف
شاهين / و انت يفرق معاك فى ايه يا كبير ما دام ما لكوش دخل بيها
ناصر / يفرق معايا طريقته و قله احترامه للاكبر منه
شاهين / فى دى معاك حق راضى عمك يا مغاورى
مغاورى / حقك عليا يا كبير بس انا ليا حق عند اخوك و مش هسيبه
ناصر / راضى اخوك يا مختار
مختار / حقك عليا يا مغاورى بس انت كمان استفزتنى
مغاورى يشوح بايده و يبص الناحيه التانيه
مغاورى / حد كلمك
شاهين / راضى اخوك انت كمان يا مغاورى
مغاورى / ما تجيش عليا يا ابا يسترك
شاهين / مش هتنى كلامى يا مغاورى راضى اخوك و حب على راسه و انت كمان يا مختار
ناصر / انتوا اخوات و الداخل بينكوا خارج راضو بعض خلونا نفضها سيره على اخر الزمن هيقولوا الجوارحه و الزنايته مسكوا فى بعض امال لو ما كنتوش عشره عمر و متربين سوا
مختار / خيركم من يبدا بالسلام هات راسك ابوسها
مختار يشد مغاورى من رقبته جامد مغاورى يبرق مختار يبوس راسه مغاورى يشد مختار من رقبته بنفس الطريق و يبوس راسه
مغاورى / حقك عليا يا ابن عمى
ناصر / ما تتكررش تانى المره الجايه مش هنعديها على خير ما عدتوش عيال صغيره انتوا كبار امال مين هيشيل البلد من بعدنا …ساعتها هتاكلوا بعض بقى
شاهين / من ناحيتنا مش هتتكرر المهم ما تتكررش من ناحيتكوا
ناصر / اذا عرف السبب بطل العجب يا كبير الجوارحه
شاهين / بالاذن يا حج
ناصر / اقعد اشرب الشاى
عباده / كان زمانا بنشرب شربات دلوقت لولاش ولاد الحرام
مغاورى / كل و تاخيره و فيها خيره
عباده / و فين الخير فى اللى حصل ده يا سى مغاورى
مغاورى / ربنا وحده اللى عالم بس بكره كل شئ هينكشف و ربك هيظهر الحق و ساعتها بقى
عباده / ساعتها هتعرف ان اللى حصل عمره ما كان خير
شاهين / خلاص يا رجاله بكفايه عطله يلا كل واحد يشوف اللى وراه
شاهين يمشى و الرجاله وراه
ناصر / كلمه و مش هكررها اللى هيحتك بالجوارحه باى شكل حسابه معايا انا و حسابه عسير يكون فى علموا
عباده / هم طايقين روحهم … شوفتش بيقول ايه
ناصر / مش هكرر كلامى مرتين
ناصر يدخل السرايا و الرجاله وراه و يفضل مختار و امين و عباده
امين / والله عيب علينا اللى حصل ده
مختار / عدت يا امين عدت روح شوفهم كدا خلصوا الاكل و لا لسه
امين يهز راسه و يمشى مختار يتابعه لحد ما يمشى و يقفل الباب
عباده / شوفتنى و انا متعصب
مختار / ههههههههههههههههههه لا و التانى اللى مصدق نفسه اوى
عباده / على الله بعد كل ده يجي بفايده
عباده يفتح الباب و يطلع بره و مختار وراه يقابل عبد الله داخل
عبد الله / صحيح الكلام ده مغاورى ضربك
مختار / هى لحقت توصلك
عبد الله / حصل و لا لا
مختار / اسمها انت و مغاورى ضربتوا بعض ما تجبلناش الكلام على اخر الزمن تعال تعال اما ناكل لقمه
عبد الله / هو ايه اللى ناكل لقمه
مختار / خلاص يا عبد الله جم و اتراضينا و الموضوع خلص
عبد الله / شوفتهم على الطريق بس … انا مش فاهم حاجه … بالبساطه دى
عباده / جنازه و تشبع فيها لطم يا عم خلينا نعديها على خير و لا هو انا ماليش بخت وسطيكوا
عبد الله / والله ما عارف اقولك ايه
عباده / يجعل بختك احسن من بختى يلا يلا
عباده ياخد عبد الله تحت باطه و يدخلوا جوه
…………………………
فى اوضه مختار
مختار نايم و بيتقلب و بيتالم و بيكتمها يبص يلاقي هند بتلعب فى موبايله
مختار / ايه اللى مصحيكي لحد دلوقت
هند / مش عارفه انام
مختار / سيبى الموبايل و سبحى هتنامى
هند تسيب الموبايل و تبصله و تنام فى حضنه
مختار / ما تفكريش
هند / ازاى
مختار / مش عارف بس حاولى
هند / بيوجعك صح
مختار / مش قد ما بيوجعه
هند / هو ما يهمنيش
مختار يبتسم
مختار / بتحصل يا هند فى كل حته بتحصل رجاله اتخانقوا و مسكوا فى بعض بتحصل
هند / لا ما بتحصلش لما تبقوا عيال تبقي تحصل لكن انتوا كبار ما شاء الله و رجاله ازاى تقولى بتحصل