رواية المتمردة الصغيرة الفصل الخامس عشر 15 بقلم طاهر أبو زيد

jina
الصفحة الرئيسية

 رواية المتمردة الصغيرة الفصل الخامس عشر 15 بقلم طاهر أبو زيد

رواية المتمردة الصغيرة الفصل الخامس عشر 15 بقلم طاهر أبو زيد

رواية المتمردة الصغيرة الفصل الخامس عشر 15 بقلم طاهر أبو زيد

بيبقي اسر ماسك ايد نور وبيرقص معاه وفجاه بيبص يلاقي ناس واقفه بعيد 
أسر - دقيقتين وجايلك يا حبيبتي 
نور - ماشي يا حبيبي 
بتكمل نور رقص وغناء مع سحر وبيبقي حسين واقف يسقف 
ووسط الاحتفالات بتسمع نور صوت أسر بيزعق 
فا بتجري نور لجوه الفيلا 
بتلاقي نور شابين واقفين قدام اسر واسر بيتخانق معاهم 
طه - انت عايز تجبلنا مشاكل وكلام الناس 
رايح تتجوز وانت راجل كبير و عندك رجاله 
هتقول اي لعيال عيالك 
اسر - وانت مال امك انا حر 
طارق - انت مش حر 
نقول اي للعملاء والموظفين اللي عندنا 
ابويا مراهق ورايح يتجوز علي كبر 
بيضرب اسر بيه طارق ابنه بالقلم 
أسر - اخرس يا كلب 
انا مراهق 
يا خساره تربيتي فيكم 
طه - احنا مشفناش منك تربيه 
كان كل عمك الفلوس 
اسر - وانا كان طالع عيني عشان اجيب الفلوس ليه 
ولمين 
مش عشانكم 
عشان تبقو رجاله وليكم قيمه قدام الناس 
وخليتكم رجاله والف عين تحترمكم 
وتحت منكم شركات وموظفين 
وليكم كلمه ومقام 
كل دا مين اللي عملو ليكم 
بيبص طه لنور اللي بتبقي واقفه بتسمع كلامهم 
طه - انتي اللي ضحكتي عليه 
ولفيتي عليه عشان فلوسه 
انسي 
بيضرب اسر طه بالكف علي وشه 
اسر -ملكش دعوه بيها 
انا اللي عايزها 
واتحايلت عليها كمان عشان توافق 
بتقرب نور لاسر وهي بتعيط 
نور - اسر بيه طلقني انا مش عايزه اتجوز 
بعد ازنك عايزه امشي 
اسر بعصبيه وغضب - مش هتمشي يا نور 
هما اللي هيمشو 
يلا يابن الكلب انت وهو من هنا 
طه - انتي كمان عصيتيه علينا 
مش هنسيبك وحياتك ما هنسيبك 
بيضرب اسر فيهم  ويطردهم 
بيروح اسر لنور اللي بتبقي منهاره ويطبطب عليها 
اسر - نور انا مش عايزك تزعلي يا حبيبتي 
سيبك منهم 
دول مش هتشوفيهم تاني اصلا 
ولا هييجو تاني هنا 
متزعليش يا حبيبتي 
نور - انت مستني منهم اي يعني 
وحده زيي هتتجوز راجل قد ابوها ليه الا عشان فلوسه 
اي حد اكيد هيقول كده 
انا مش عايزه اكمل بعد ازنك 
اسر - نور متهزريش اوعدك مش هتتكرر تاني 
ومش هخلي حد يدوسلك علي طرف يا حبيبتي 
مش بترد نور عليه 
اسر - حسين قولها حاجه 
حسين بدموع - انا مش عارف اقول اي بصراحه 
دي حياتها ودا قرارها 
اسر - يا نور اهدي بالله عليكي 
وانا هعرف اخدلك حقك منهم 
يا نور متبوظيش فرحتنا يا حبيبتي 
حقك عليا يا نور 
وانا هحرمهم من الورق وهسحب منهم كل فلوسي 
نور بانهيار - ابوس ايدك كفايا 
انا مش عايزه فلوسك ولا عايزه منك ولا منهم حاجه 
انا بس عايزه اعيش مرتاحه بالله عليك 
اسر - وانا هعيشك مرتاحه يا حبيبتي 
ووعد عيالي مش هيدخلو هنا تاني 
نور - انا تعبت يا اسر 
بيبوس اسر اي نور 
اسر - وعد دموعك دي مش هتنزل تاني 
الا يوم موتي بس 
نور - بعد الشر عليك 
متقولش كده 
اسر - طب يلا نكمل فرحنا 
نور - حاضر 
اسر - طب امسحي دموعك دي 
ولا يقولو العروسه بتعيط ليه 
نور - حاضر 
بيقرب اسر من ودن نور ويهمسلها 
اسر - بتعيطي من دلوقت امال بالليل لما نبقي وحدنا هتعملي اي 
بتضحك نور ويضحك اسر ويبوسها علي دماغها 
بيكملو الفرح وبيحاول اسر وحسين وسحر 
يطلعو نور من الحاله اللي هي فيها 
بتطلع نور من حالتها الوحشه وتبقي مبسوطه 
بيخلص الفرح وبتمشي الناس 
بتحضن سحر نور 
سحر - هتوحشيني قوي يا نور والله 
ابقي طمنيني عليكي يا حبيبتي 
نور - حاضر يا روح قلبي 
بتقف نور تتكلم مع سحر 
وبيتكلم حسين مع اسر 
حسين - خلي بالك منها يا بيه 
نور تعبت في حياتها وشافت قرف محدش يستحمله 
وانا متاكد انها علي قد ما تقدر تسعدك وتخليك مبسوط 
البت دي اصيله قوي 
بالله عليك يا باشا كونلها اب قبل زوج 
اسر - متوصينيش علي مراتي يا حسين 
انا حبيتها من كل قلبي 
وهحاول علي قد مااقدر اسعدها 
حسين - و احنا بكره هنجيلكم بالصبحيه 
اسر - تنورونا يا حمايا 
بيضحك اسر ويحضن حسين 
حسين - يلا يا سحر 
سحر - ماشي يا بابا 
سحر لنور - ابقي طمنيني عليكي يابت 
مش هنام الا لما ترني عليا تطمنيني 
وبراحه علي الراجل دا كبير 
نور بضحك - خفي يا بت قله ادب يلا امشي
بتضحك نور وسحر ويحضنو بعض 
سحر - هتوحشيني قوي يا نور 
نور - وانتي كمان هتوحشيني قوي 
خلي بالك من بابا 
وعقبالك يا حبيبتي يارب 
سحر - يارب يااختي 
بتقرب نور وسحر من حسين 
بيبص حسين لنور وتنزل دموعه 
بتقرب نور تسلم علي حسين فا بيعيط جامد وبيحضنها لاول مره من ساعه ما عرفها 
بيعيط حسين وتعيط نور في حضنه 
حسين- اهو انا فرحان قوي 
اسعد انسان في الدنيا 
انا كنت متخيل ان اسعد يوم هيكون في حياتي هو يوم فرح سحر 
بس متخيلتش اني افرح كده في حياتي ابدا 
حاسس اني وصلت الامانه 
هتوحشيني قوي يا نور 
نور - وانت كمان هتوحشني يا بابا 
بتبص نور لحسين اللي بتبقي عيونه كلها دموع 
نور - كان نفسي جدا في حضن زي دا من زمان يا بابا 
بينهار حسين وبياخدها في حضنه تاني ويعيطو سوا 
بتنزل دموع اسر وبتكون سحر منهاره عياط هي كمان 
بيحاول اسر يخفف عنهم 
اسر - انت يا عم ياللي نازل تحضن في مراتي قدامي 
لا انا بغير عليها خلي بالك 
بيضحك حسين وتضحك نور وسحر 
حسين - اشوف وشكم بخير 
بيمشي حسين ومعاه سحر 
اسر لنور - نورتي بيتك يا عروسه 
نور - منور بيك 
اسر - تعالي افرجك علي اوضتنا 
بياخد اسر نور من ايدها ويطلعو فوق 
بيفرجها اسر علي الفيلا وهما طالعين 
بيدخلو الاوضه وبتبقي كبيره جدا وجميله جدا جدا 
اسر - يا حبيبتي دي اوضتنا 
نور - يانهار ازرق كل دا 
اسر يضحك -ما يحسد المال الا اصحابه يا بت في اي 
بيضحك نور 
بيبوسها اسر علي دماغها
اسر - هسيبك تغيري هدومك براحتك و اول ما تخلصي اندهي عليا 
نور - حاضر 
بيطلع اسر يدخل اوضه جنب الاوضه بتاعتهم ويغير هدومه 
بيستني شويه فا بتنده عليه نور 
بيدخل اسر الاوضه بتكون نور لابسه هدوم جميله 
بيبصلها اسر ويبتسم 
بيقرب اسر من نور ويمسك ايدها ويبوسها 
اسر - عايز اقولك كلمتين قبل ما تحصل بينا اي حاجه 
بصي يا نور 
انا عارف نفسي اني راجل كبير ورجلي والقبر 
يعني مش متجوزك عشان متعه ولا الكلام دا 
انا شوف فيكي جمال وطيبه وجدعنه مشفتهاش حتي في عيالي 
انا زاهد في حياتي يا نور 
مش بدور علي علاقه وجواز 
انا استجدعتك قوي 
شفتك قويه وجدعه 
واقفه مع حسين وقفه راجل مش بنت 
حسيتك طيبه وغلبانه قوي 
فرحت بيكي 
الفلوس اللي كنت بديهالك كانت قليله علي اني شايفك ازاي 
كنت شايفك جدعه قوي 
فا كانت عايز اعبرلك عن مدي اعجابي بيكي وبجدعنتك 
روحت سالت حسين عليكي 
انا عارف انك مش بنته رفض يقولي اي حاجه عنك 
حاولت وراكي لحد ما عرفت اسمك 
وبعت ناس بلدك وسالت عن اهلك 
عرفت ان امك ماتت 
وان نور هربت 
سالت كتير وحاولت اعرف هربتي ليه 
سالت اكتر و اكتر لحد ما عرفت ابوكي 
و ازاي كان بيضربك ويعزبك انتي وامك الله يرحمها 
عرفت عنك حاجات كتير 
حبيتك اكتر واكتر 
عايز اكافئك بس مكنتش عارف ازاي 
كنت بديكي فلوس وشايفها قليله قوي 
بس حاولت اعبرلك عن مدي اعجابي بجدعنتك 
لحد ما زهقت وقررت اتجوزك 
ولما اتقدمتلك وهزقتيني 
ورميتي الفلوس تحت رجلي متتخيليش كبرتي في نظري ازاي 
بجد يا نور انا مش هشوف زيك ابدا 
ربنا يقدرني واسعدك يا حبيبتي 
نور - ربنا يخليك ليا يارب 
اسر - عايز اعرف حاجه منك 
نور - حاجه اي 
اسر - عايز اعرف ليه هربتي من ابوكي 
عارف مش وقته بس عايز اعرف 
نور - مش هتصدق يا اسر 
اسر - احكيلي 
نور - باختصار ابويا كان عايز يغتصبني 
بتنزل دموع نور 
بيبصلها اسر بنظره استعجاب 
نور - عرفاك مش هتصدق 
اسر - يعني انتي مش بنت 
نور - لا والله العظيم بنت 
امال انا هربت ليه 
بتحكيله نور الحكايه كلها 
بتصعب عليه وبياخدها في حضنه 
تاني يوم بتصحي نور علي صوت تلفونها بيرن كتييير 
بترد نور علي التلفون 
نور بخوف -  اي في اي يالهوي  .............
نور ربنا كرمها 
بس هل هيستمر الحال كده 
يا ترا في اي مين اللي رن علي نور بدري كده 
ويوم صبحيتها 
في اي ويا ترا اتقالها اي 
حصل اي تاني 
احمد فين 
وسعد فين 
حسين هيعمل اي 
يتبع...
لقراءة الفصل السادس عشر : اضغط هنا
لقراءة باقي فصول الرواية : اضغط هنا
google-playkhamsatmostaqltradent