recent
أخبار ساخنة

رواية حكاوي حور ورائب الفصل الاول 1 بقلم شيماء كمال

 رواية حكاوي حور ورائب الفصل الاول 1 بقلم شيماء كمال
رواية حكاوي حور ورائب الفصل الاول 1 بقلم شيماء كمال

رواية حكاوي حور ورائب الفصل الاول 1 بقلم شيماء كمال

_عمو عاوزه شوكلاته و بيبسي وشيبسي وايس كريم بالفانيليا
_عمو!!طيب حاجه تاني!
_لا شكرا ربنا يخليك
رائب: تعرفي ان كلمة ربنا يخليك دي يعني اي
حور: انا بقولها لاي حد عادي يعني
رائب:مش عاوز اعمل عليكي فهيم بقى وبريمو بس  يخليك دي يعني يخلي بمعني اصح يترك يعني الدعوه اللى على لسنانا على طول دي لاي حد بنحبه دي مش دعوه احنا كده بندعي عليه وبنقوله الله يتركك ممكن نستبدل الكلمه دي باي دعوه حلوه زي ربنا يحفظك ربنا يعزك كده يعني
حور:حقيقي اول مره اعرف حاجه زي دي بجد حضرتك ي عموو قولتلى معلومه جميله اووي ربنا يخليك
رائب:انا اجيبلك الحاجه اللى انتي عاوزاها احسن اصل طلع عندك مرض النسيان
حور:نسياان؟! اي ده اااه خد ي عموو الله يحفظك الله يعزك معلشي نسيت والله
رائب بضحك طيب معلشي اسالك سؤال انتي في سنه كام
حور:بتسالني لي يعني
رائب :اصل انا شايف انك افورتي اووي وقاعده كل شويه تقوليلى ي عمو ي عموو مع ان انا حاسس اني مش كبير اووي كده
حور بابتسامه:لا اصل انا متعوده اقول لاي حد اكبر مني يعمو
رائب:وانتي عرفتي ازاي ان انا اكبر منك مش يمكن انتي اكبر
حور بطريقة طفوليه: لا انا لسه صغننه خااالص وانت كبير مش شاايف انت طويل وبدقن ازاي
رائب:هو اللى طويل وبدقن يبقى كبير.
حور:انا لازم امشي حالا  بالا  
رائب:طب خدي الحاجه اللى طلبتيها اهي
حور اخدت الحاجات  وهي مبسوطه وحاسبت عليها ومشيت
___
رائب وهو يحكي مع نفسه:انا اها طويل وبدقن بس قمر قال عمو قال. شكلها لسه طفله هي اوزعه اه ومتجيش عند كتفي حتى بس طريقة كلامها مره احسها كبيره ومره احسها لسه نونه
قاطع كلام  رجل كبير السن
الحاج محمد:اي ي رائب يبني بتكلم نفسك لي كده
رائب :اي ده حج محمد !انا انا بس قاعد بفكر مع نفسي مين اللى جه اشترى حاجات من هنا وخد اي والحساب كام وكده علشان لما حضرتك تيجي اقولك
حج محمد:متشكر اووي يبني ربنا يجازيك خير على وقفتك معايا دي ياارب
رائب: انا زي ابنك بردو يحج.المهم الحجه عامله اي بقت كويسه
حج محمد: الحمد لله يبني بقت احسن بكتير
رائب:ربنا يشفيها وييديها طولة العمر يارب
حج محمد: ربنا يكرمك يحبيبي
رائب:لو احتاجتني في اي حاجه انا تحت امرك اوعي تتردد لحظه
حج محمد:حاضر يبني ربنا يكرمك..روح انت دلوقتي بقى اكيد عندك شغل
رائب:حااضر.مش عاوز انت حاجه
حج محمد:تسلم يبني
______
حور:مامااااا مامااااا
والدة حور:اي يبنتي في اي خصتيني
حور:الرواية اللى كنت بقراها كانت هنا على المكتب انتي نقلتيها في مكان تاني ولا اي
والدة حور:هتلاقيها في اوضتي كنت انا كمان بقراها
حور:من امتى وانتي بتقراي روايات يست الكل
والدة حور بتريقه:من زمان ي اوختشي من زمااان
حور:ربنا يعينك يماما ربنا يعينك يحبيبتي 
حور جابت الروايه ودخلت اوضتها وبتكمل الروايه قراءة وهي لتقرأ افتكرت لحظه كلامها مع الشاب اللى كان في السوبر ماركت اللى متعرفش اسمه ده
حور:هو انا بجد صغننه لا لا  هو اكيد اكبر مني وفيها اي يعني لما اقوله يعموو ولا عيب ولا حرام بس شكلى اڤورت فعلا لا لا مافورتش ولا حاجه ده وانا بكلمه كانت رقابتي في ذمة الله لان طول الوقت وأنا كنت باصه لفوق فرق الطول بردو مرعب
___
في اليوم التالي
رغد:رايحه فين ي حور 
حور:خليكي واقفه هنا انا هشترى حاجه من السوبر ماركت ده وجايه
رغد:طب خلاص هاجي معاكي
حور:اه صح م تيجي معايا هو انا لي موقفاكي بعيد كده..تعالي تعالي
رغد:مجنونه رسمي والله
حور:ربنا يخليكي ربنا يخليكي..اوف قصدي ربنا يحفظك 
رغد:انتي كويسه يبنتي
حور:هشترى شوكولاته وشيبسي وبيبسي وايس كريم
رغد:مدمنة الاربع حاجات دول ربنا يسترها عليكي يبتتي والله
حور:ازيك ي عمو 
حج محمد: حور بنتي فينك يبنتي من زمان كده مبتجيش هنا بقالك فتره لي
حور:كنت مسافره والله يعمو ولما الدراسه بدأت جيت هنا اسكندريه..بس امبارح انا جيت هنا واشتريت حاجه بس حضرتك اللى مكنتش واقف كان فيه شااب كده.....
حج محمد:ايوه ايوه ده رائب واحد ابن ناس وجدع كده كان واقف مكاني هنا شويه علشان الحجه كانت تعبانه 
حور:مالها يعموو هي بقت كويسه يعني ولا اي
حج محمد:ايوه يحبيبتي بقت احسن الحمد لله
حور:طب الحمد لله
حج محمد:اكيد عاوزه ايس كريم بالفانيليا وبيبسي وشيبسي بالجبنه وشوكولاته صح
حور:طبعا هو ده
حور وهي بتبص لرغد:شوفتي شوفتي صاحبتك مشهوره ازاي بالهيافه بتاعتها اتعلمي مني بقى
رغد بضحك: الهيافه ليها ناسها بردو
حج محمد:اتفضلي يبنتي
رائب :عمي محمد ازيك انهارده يحبيبي
حور يفزع:ينهار اسوح..حور  دفعت الفلوس بطريقه سريعه لحج محمد ومسكت ايد رغد ومشيت بسرعه
رائب باستغراب:هي مالها دي
حج محمد: والله ما اعرف يبني
رائب بضحك: البنت دي باين عليها مجنونه 
حج محمد:اسكت اسكت دي طيبة الدنياا كلها فيها وبنت ناس محترمه ودكتوره قد الدنياا
رائب:نعم! دكتورة وانا اللى مفكرها لسه اندر ايدج
حج محمد:اي اندر ايدج ده يبني انت كويس
رائب:البنت دي جات امبارح تشترى من هنا حاجات  وبصراحه عسليه في كلامها ونظراتها وكل حاجه
حج محمد:الله مش من شويه كانت مجنونه
رائب: المجانين كلهم قمر اصلا.بقولك هي بيتها فين كده
حج محمد:  اشمعنا ؛عجبتك ؟
رائب بضحك:مش عارف والله
حج محمد:انا اللى اعرفه انك رافض فكرة الجواز خاالص ومغيش ولا بنت بطيقها.انا مستغربك اووي
رائب  :والله ي حج محمد  الجواز ده نص ديناا ف انا عاوز اكمل نص ديني علشان ميبقاش حرام عليا
حج محمد:هو انت رائب  بجد ولا حد تاني
رائب:لا انا رائب متقلقش
حج محمد:رغم انك بقالك تلات شهور ساكن هنا بس حفظتك زي ابني بالظبط بس مستغرب من كلامك اووي
رائب: انت حبيبي ي حج محمد علشان كده بقى انت هتحكيلى كل اللى تعرفه عن البنت دي
حج محمد :انت كنت رايح مشوار ولا اي.راكن عربيتك بعيد كده وجاي
رائب:بترد على سؤالى بسؤال تاني بس حاضر هقولك.كنت رايح المكتب اخلص شغل بس قولت اجي اشوفك الاول
حج محمد:ربنا يباركلك ي حبيبي
رائب:طب قولي بقى اسمها اي وبيتها فين وكل حاجه تعرفها عنها واوعدك مش هعمل اي حاجه تغضبك
حج محمد:طيب يبني اسمها حور و ...... ..................
____
رغد:اي حكايتك انهارده يست حور.مين الشاب اللى اول م شوفتيه ده مسكتيني زي الهبله ومشيتي
حور:مش عارفه اي التصرف الغبي اللى انا عملته ده بجد 
رغد:مين ده اصلا
حور:ده.الشاب اللى كنت بكلم عليه عمو محمد وقولتله ان انا جيت امبارح وملقتهوش واقف
رغد:ااه قولي كده بقى
حور:رغد امسكيني انا حاسه بدووخه شديده اووى رغدد بسرعهه الحقيني
رغد بخوف شديد:حوور ي حوور
يتبع...
لقراءة الفصل الثاني : اضغط هنا
لقراءة باقي فصول الرواية : اضغط هنا
google-playkhamsatmostaqltradent