recent
أخبار ساخنة

رواية العشق لا يعرف وطن الفصل الأول 1 بقلم أية إنسان

 رواية العشق لا يعرف وطن الفصل الأول 1 بقلم أية إنسان
رواية العشق لا يعرف وطن الفصل الأول 1 بقلم أية إنسان

رواية العشق لا يعرف وطن الفصل الأول 1 بقلم أية إنسان

 في فيلا عاصم العامري صباحاً :
_ صباح الخير يا هاجر .
_ صباح النور يا عمي.
_ هااا قررتوا الإجازة دي تروحوا فين .
_ ألمانيا بإذن الله .
_ والسفر امتى بقى .
_ نزلت وعد وقالت: صباح الخير يا عصومي .
_ صباح النور يا حبيبتي.
_ صباح الخير يا جوجو.
_ صباح الخير يختي .
_ طلما وصلنا لاختي يبقى اتخانقتوا تاني صح .
_ لا يا عمي مفيش خناق ولا حاجة بنتك بس اللي بقى دمها تقيل واوي كمان .
_ خلاص يا هاجر هسافر معاكي بس ممكن نغير البلد ونروح فرنسا .
_ اشمعنا بقى فرنسا يا وعد .
_ اتنهدت وعد وقالت: أصلها بلد العشق والعشاق يمكن ألاقي عاشق ولهان زي زين الجارحي كده .
_ بدأنا محن على الصبح يا بت الروايات دي هتلحس مخك ثم متقول حاجة يا عاصم بيه بنتك بتتكلم عن راجل تاني وانت موجود اي فين العرق الصعيدي يا راجل .
_ معاكي حق يا هاجر اتحشمي يا قليله الادب في بنت محترمة تتكلم عن راجل تاني وأبوها موجود .
_ تنحت وعد وقالت : باااابا .
_ اخرسي يا وعد بدل ما تقولي هشوف لبابا ليليان علشان دة راجل تعبان وشقيان تدوري على زين لنفسك .
_ هههههههه ايوه يا عصومي يا جااامد بس كده وانا راجعه هجباك ليليان بس خلي بالك من نفسك لما ماما تعرف .
_ وليه السيره دي بقى على الصبح .
_ردت هاجر وقالت: انتوا عيله كلها في ذمة الله .
_ هههه انتي من ضمن العيلة دي يا هاجر .
_ لا يا حبيبي انا متبرية منكم .
_ طيب انا ماشي علشان عندي شغل ولما ارجع هشوف الحوار دة سلام .
_ بت يا وعد ما تيجي ننزل نشتري شويه حاجات قبل ما نسافر .
_ يختييييي يا بنتي اتهدي شويه حرام عليكي مبتتعبيش دة انا صحتي على قدي .
_ باس باااس جاتك القرف بت برطه .
_ طب تعالي نفطر ونشوف حوار برطه دة بعدين .
_ يلا يختي .
_ بت يا وعد هو لازم نسافر المره دي مع الشله بتاعه اختك بصراحه انا مبحبش حد فيهم .
_ ههه بصراحه ولا انا بس هي مش بتستريح غير معاهم ولو رحنا من غيرهم هتبقي اجازه نكد علينا طب وعلى اي يا حبيبتي نشتري دماغنا احسن .
_ انا مش عارفه اميره اختك بتحبهم على نيله اي .
_ خلاص بقى يا كبيره انا ما صدقت بابا وافق نسافر وانتي عارفه ان الشرط الوحيد للسفر أن احنا التلاتة نكون مع بعض وعملك الواصي علينا يا كبيرة هههههه.
_ بلا كبيرة بلا بتاع مكنوش سنتين فرق بينا يا حجة .
_ نزلت رانيا بكل غرور وقالت : صباح الخير.
_ ردت وعد وقالت: صباح الخير يا ماما .
_ ردت هاجر : صباح الخير ثم كملت كلام وقالت طيب يا وعد انا هروح اتمشى شوية وهرجع سلام.
_ رانيا: خير مش قادره تقعدي معايا في مكان واحد ولا وشي مش عاجبك .
_ لا أبداً يا مرات عمي انا بس عاوزه اتمشى شويه .
_ ايوه ايوه ويا ريت شويات كتيرة علشان الجو بقى يخنق .
_ خرجت هاجر من غير ما ترد .
_ لية بس كدة يا ماما كل لما تشوفيها تسمعيها كلام يوجعها .
_ بت انتي اخرسي جتك القرف فيكى وفيها طلعه لابوكي معرفش بتحبوا فيها أي الغبية دي.
_ حرام عليكي هي عملت اي بس مهي في حاله اهي .
_ حرام في عينك معرفش امتى تغور من هنا بقى مش فاهمة ابوكي بلينا بيها لية حاجة تقرف.
_ ماما هاجر بتكون بنت عمي ومن حقها تعيش هنا معانا دة بيتها .
_ لا مش بيتها يا وعد دة بيتي انا وجدك كتب كل حاجة لابوكي قبل ما يموت وطرد عمك من الفيلا بس ابوكي اللي عرق الشهامة جري في دمه ولما عرف أن عمك مات جاب بنته هنا لكن دة مش بيتها فهمتي .
_ لا مفهمتش انا مش عارفه هي عمله ليكي انتي وبنتك اي علشان تكرهوها كده .
_ زعقت رانيا وقالت : قومي غورى من وشي جتك القرف قومى.
_ تقف هاجر أمام كورنيش النيل مكانها المفضل تجلس بصمت وهدوء تتذكر الماضي: 
     « فلاش باك »
_ كانت هاجر ماشيه في المطار وماسكه علبة عصير وخبطت في شب ووقعت عليه العصير .
_ انتي اتعميتي ولا اي متفتحي يا بت انتي .
_ عارف كنت لسه هعتذر ليك بس تصدق انك مشوفتش بربع جنية تربية .
_ يعني غلطانه وكمان قليلة الأدب يا بجحتك يا شيخه .
_ ولاااا متحترم نفسك بس صحيح الدنيا دي مظاهر مظهرك يدل انك شخص محترم إنما جوهرك يدل انك قليل الذوق .
_ انا البشمهندس إياد مختار يتقالي ولاااا .
_ طب بالنسبه لقليل الذوق مكلتش معاك ولا اي يا هندسة.
_ غوري من خلقتي يا بت انتي بدل ما ابلعك لسانك الطويل دة .
_ طب ابلع ريقك كده واتكلم على قدك يا هندسة .
_ تصدقي يا بت انتي .... ولكن قطع حوارهم صوت وعد وهي بتنادي على هاجر :  يا هاجر انتي يا بنتي بتهببي اي هنا مش سامعه الطيارة هتطلع .
_ طب يلا يا وعد سلام بتمني مشوفش وشك تاني يا هندسة سلام وطلعت تجري تلحق الطيارة.
_اياد :  الله يخربيتك يا شيخه هسافر ازاي كده دلوقتي .
_ هاجر هاجر .
_ اي يا وعد .
_ مين المز اللي كنتي واقفه معاه دة .
_ نفسك حلوه يا وعد ثم اي مز دي ألفاظك بقت بيئه اوي .
_ نعاااام مهو انتي فيروس منتشر مش دة كلامك اهو بتعلم منك .
_ هههههه تربيتشي يا بت انتي.
_ ثم انتي اتعميتي ولا اي دة طول بعرض وشعره بني وعيونه خضراء وبشرته بيضة واد زي التفاح الأمريكاني كده .
_ طب ابقي فكريني ناخد رأي عمي في التفاح الأمريكاني دة  لما نرجع .
_ لالا وعلى أي حتي دة حلاوته تموع النفس .
_ لا يا شيخه .
_ اومااال .
  «انتهى الفلاش باك » 
_ رن موبايل هاجر وخرجها من تلك الذكريات وقالت: ايوه يا وعد انا جايه اهو سلام .
☆ --------------- بقلم الكاتبة / آية إنسان---------------☆
في فيلا العامري :
_ كنتي فين يا هاجر كل دة اوعي تكوني بتعرفي شوباب من ورايا ازعل منك .
_ يا فضحتي هو انتي عرفتي ازاي استري عليا يستر عليكي ربنا .
_ يادي العار احنا صعايده ولازم تموتي ورفعت وعد صباعها في وش هاجر زي المسدس .
_ اعقلي يا وعد الصباع يفلت منك.
_ انطقي كنتي فين بدل ما أفرغ الصباع كله في دماغك .
_ هقول هقول انا كنت كنت .
_ اخلصي يا بت .
_ ردت تلك التي تتفنن في وجع هاجر  وهى رانيا مرات عمها وقالت : هتكون فين يعني هو في حد هيبص ليها وهي شبه الواد كده بلا قرف .
_ جه صوت عاصم من وراها وزعق وقال : رانياااا خدي بالك من كلامك كويس .
_ انا واخده بالي من كلامي كويس يا عاصم ثم قولت اي أنا غلط مهو شكلها دة اللي مش مخلي حد يبص ليها وهتفضل قاعده في وشنا كده على طول حتي العريس الوحيد اللي اتقدم ليها هرب قبل فرحها بشهر بسبب شكلها دة .
_ رانيااااا .
_ بلا رانيا بلا قرف بقى وسابتهم وخرجت .
_ خد عاصم نفس كبير وراح عند هاجر وقال :  متزعليش من رانيا دي بتقول اي كلام على فكرة .
_ لا عادي يا عمي مش زعلانه المهم انت بس قولي كنت فين يا نمس بالحلاوه دي الناس تكبر تعجز انت تكبر تحلو عامل زي الجبنه القديمه كل لما تقدم تحلو اكتر قولي السر يمكن اوقع عريس.
_ احم ورفع ياقه القميص وقال بفخر : مبحبش اتكلم عن نفسي كتير .
_ يا عصومي يا جامد انت شوف شوف بتقلد حركاتي ازاي تربيتشي انا عارفه .
_ هههههه مهي دي كارثه داهيه لاتعلم منك الصياعه على كبر كده .
_ يا معلم انت صايع قديم .
_ هاجر .
_ لا اقصد يعني نمس وبتاع حركات .
_ هاااجر .
_ يادي النيله بص انسي يا عصومي .
_ هههههههه مفيش فايدة يا هاجر فيكي وخدها في حضنه لانه عارف انها بتداري جرحها بهزرها دة .
_ صرخت وعد وقالت :  خياااانه خدوني معاكوا وفتح عاصم دراعه لبنته وحضن البنتين حضن الأمان بالنسبه ليه.
_هاجر :  بس بس يا عصوم كفايه احضان يا جدع هنخلص كده .
_ غوري يا هاجر على فوق .
_ اوكي انا كده كده طالعه علشان احضر الشنط السفر بكره تكير يا بيبي وحدفت بوسه هوا وطلعت تجري .
_ هههههه مجنونه بس بحبها ربنا يرحمك يا رجب يا اخويا مش عارف البت دي طالعه كده لمين بس اكيد لامها اللي جننتك وخليتك تتحدى جابر العمري وتعصى أوامره وخليته يغضب عليك ولكن قطع تفكيره صوت بنته الصغيره :  بابا يا باباااا .
_ احم خير يا اميره بتقولي اي .
_ يوه مليون مره اقولك متقوليش يا اميره الاسم دة بلدي اوي ووحش و.... احم مش قاصدي بس اسم نانا دي قديم قوي يا بابا .
_ اخلصي عاوزه اي يا اميرة .
_ يووووو بقا ميرا يا بابا ميرا .
_ اخلصي يا ميرا هانم عاوزه اي .
_ كنت عاوزه فلوس علشان انزل اشتري حاجات .
_ طبعا مهو أنا هنا ليكي انتي وامك علشان الفلوس بس نفسي اعرف كل شهر بتصرفي فوق ٣٠ الف جنيه ليه بتعملي بيهم اي .
_ الله في اي يا بابا اومال لو مكنتش رجل اعمال كبير كنت عملت اي مش فاهمه .
_ يا بنتي الدنيا مش كلها فلوس العز دة مش هيستمر دائما في اي وقت ممكن ميبقاش فيه العز دة هتتعبي وقتها شوفي هاجر بنت عمك كل شهر احط ليها فلوس في حسابها عمرها ما خدت منهم جنيه معتمده علي نفسها وشغلها .
_ يووووو بابا انا مش هنا علشان اسمع عن إنجازات هاجر واي فايده أن اصرف على نفسي ويكون شكلي زيها كده انا اصلا الناس بيفتكروها الخدامه بتاعتي بتخرج معانا .
_ عليه العوض ومنه العوض فيكي انتي وامك عليا العوض ومنه العوض وسابها وخرج . 
_ عند هاجر ووعد الى بتقول : هاجر يا جوجو .
_ ادخلي يا وعد .
_ اي مش هتنزلي تتعشي معانا ولا اي .
_ لا معلش انتي عارفه بكره سفر وبحب انام خفيف خفيف .
_ علشان السفر ولا لسه زعلانه .
_ ههههه وهزعل من اي يا بت انا اتعودت على كلام امك دة بقى عادي على رأي احمد حلمي ما انا عادي عادي عادي اهو .
_ هههههههه مجنونه والله .
_ ميرسي .
_ يلا تصبحي على خير.
_ وانتي من اهل الخير.
_قامت هاجر ووقفت قدام المرايا وشافت شكلها وهي بالبنطلون الاسود والتيشرت الاسود وشعرها المعمول كحكة على طول والنظاره اللي مغطيه وشها فابتسمت بمراره ودخلت خدت شاور وجابت صوره قديمه وقالت : وحشتيني اوي يا ماما مشيتي بدري كده وسبتيني لما انتي عارفه أن الحمل خطر عليكي ليه جبتيني الدنيا دي ومشيتي؟؟ عجبك المرمطه اللي انا فيها دي كل مره اقول مش هسامحك ابدا على كل اللي عملتيه فيا كله بسببك انتي بس برجع احن ليكي حتي بابا القدر استكتره عليا واضح انك كنتي وحشاه وسابني وانا عندي ١٥ سنه بقالي دلوقتي في الذل دة ١٠ سنين مش كفايه بقى عليا كده انا كمان ولا اي وفضلت تبكي لحد ما نامت وهي حاضنه صوره امها لحد ما قامت من النوم الساعه ٣ الفجر ودخلت الحمام طلعه علبه العلاج واخدته وطلعت وقفت في البلكونه تشم هوا وقررت تنزل تتمشي شويه على النيل يمكن نسمات الشتاء الباردة تقدر تطفئ نار قلبها وهي بتتمشي شافت حاجه غير متوقعه هتشقلب مجرى حياتها .
يتبع ......
لقراءة الفصل الثانى : اضغط هنا
لقراءة باقى فصول الرواية : اضغط هنا
google-playkhamsatmostaqltradent