recent
أخبار ساخنة

اسكريبت صدفة غيرت حياتي الجزء الاول 1 بقلم اسماء ابراهيم

 اسكريبت صدفة غيرت حياتي الجزء الاول 1 بقلم اسماء ابراهيم
اسكريبت صدفة غيرت حياتي الجزء الاول 1 بقلم اسماء ابراهيم

اسكريبت صدفة غيرت حياتي الجزء الاول 1 بقلم اسماء ابراهيم

كان يوم حُبك اجمل صُدفه يوم ما قبلتك مره صُدفه يا  اللي جمالك أجمل صدفة، يا اللي جمالك أجمل صدفة كان يوم حبك صدفة.. 
كنت قاعده في البلكونة وبشرب شاي بالنعناع.. وبقراء كتاب.. و الاغنيه شغاله اقرب اغنيه ليه.. بحب اسمعها مع هدوء الليل و خصوصاً لو الجو في نسمه هواء برده.. حقيقي بيكون اجمل وقت بحبه... 
*تعالي يا صُدفه عشان عايزكِ.. 
صُدفه.. حاضر يا ماما جايه.. 
انا صُدفه وحيدة امي.. مليش غيرها  بعد بابا الله يرحمه.. انا دكتوره فيزيائيه حبيت ادخل القسم ده عشان اكون زاي بابا ودا كان حلمه اني اكون دكتوره زايه.. حققت حلم بابا.. 
صُدفه.. نعم يا ست الكُل يا قمر انتِ
مامت صُدفه.. بس يا بكاشه.. كنت عايزكِ بكرا تفضي نفسك.. 
صُدفه.. ليه.. اوعي يكون الا في بالي.. 
مامت صُدفه.. صح هو الا في بالك.. 
صُدفه.. بس يا ماما.. 
مامت صُدفه.. مابسش هتشوفي العريس يا بنتي انا عايزه افرح بيكِ قبل ما أوجه وجهه كريم.. 
صُدفه.. متقوليش كده ربنا يطول في عمرك.. و حاضر يا حبيبتي هجيلك بدري من الشغل.. و أقبل العريس بس لو طلع مش الشخص المناسب هترفض اتفقنا.. 
مامت صُدفه بابتسامة.. ربنا يسعدك يا بنتي.. 
صُدفه.. هروح انام انا بقا تصبحي على خير يا حبيبتي.. 
مامت صُدفه.. و انتي من اهل الخير يا بنتي.. 
********
تاني في المستشفي.. 
الممرضه.. دكتوره صُدفه.. دكتور وليد عايز حضرتك في المكتب.. 
صُدفه بابتسامة.. حاضر جايه.. 
خرجت الممرضه و انا روحت اشوف في اي.. 
خبط علي الباب ودخلت.. صباح الخير يا دكتور.. 
دكتور وليد.. صباح النور يا صُدفه.. 
صُدفه.. الممرضه قالت حضرتك عايزني خير يا دكتور.. 
دكتور وليد.. انتِ عارفه انا بعزك قد و انتِ من افضل الدكاترة هنا عشان كده اخترتك انتِ للمريض ده بالذات.. 
صُدفه.. دي شهادة اعتز بيها يا دكتور.. تمام اقدر ابدا من امتا.. 
الدكتور وليد.. من النهارده لو تحبي.. دا الملف بتاع المريض.. 
صُدفه بابتسامة.. تمام يا دكتور و إن شاءلله اكون عند حسن ظنك..عن اذنك.. 
خرجت وانا فرحانه جدا اخيرا همسك حالها جديد.. بس ياارب يطلع شخص لطيف.. ومش زاي الا قبله.. 
دخلت مكتبي بدات ادرس حالت المريض.. كنت بعيط و انا بقراء الملف بتاعه.. ياالله علي الوجع صعب عليا اووي اخدت قرار اني مش هكون دكتوره فيزيائيه وبس لا وكمان هكون دكتوره نفسيه يعني اتنين في وحد.. 
*******
خبط علي اوضت المريض محدش رد.. دخلت وكان قاعد علي كرسي متحرك.. 
صُدفه بابتسامة.. صباح الخير.. 
رد عليا بنبره كله حزن كأن الدنيا غدرت بيه.. صباح النور.. 
ابتسمت انا الدكتوره الصُدفه المسؤوله عن حالتك.. 
رد بحزن وقال.. شكرا مش عايز اتعالج.. 
صُدفه.. طيب خلاص نبقا صحاب..يا استاذ مراد.. 
عرفتي اسمي منين.. 
صُدفه بابتسامة.. من البقال الا جنبنا.. 
ابتسم و يلهوي علي الابتسامة خطف قلبي من اولها كده.. 
صُدفه.. الاه منتا عندك أسنان اهو امال مش بتضحك ليا.. 
مراد.. بقيت وحيد من غير من ساعت ما مشيت و انا ضعيف.. 
صُدفه.. اقصدك خطيبتك.. 
مراد.. اه هي دمرتني وبعدت عني بس هي معاها حق مين هتقدر تستحمل واحد عاجز زائي.. 
صُدفه.. بس دي فتره مؤقتة وهتتعالج وتقوم منها اقوي من الاول.. 
مراد.. مش عايز اتعالج.. 
صُدفه.. ليه فكر في ولدتك الا تعبت معاك فكر في حياتك بعد كده فكر في الشركه الا سبتها.. فكر في مستقبلك حتي لو انت مش عايز فكر في ولدتك علي الاقل.. 
مراد.. انتِ جميله كده ازاي.. 
صُدفه بكسوف.. احم شكرا.. هاا نبدا العلاج من بكرا.. 
مراد.. لو معاكِ هبدا.. 
صُدفه.. اتفقنا اسيبك ترتاح شويه عشان عندنا مجهود جامد بكرا.. 
مراد.. شكرا بجد.. 
صُدفه.. مفيش شكرا دا شغلي.. 
خرجت وحقيقي فرحت اني غيرت رأيه من لا لي اه.. اتعلمت اني اكسب المريض حتي لو رفض العلاج شكرا بابا لانك علمتني اني اكون لطيفه مع الناس.. 
******
روحت البيت و انا تعبانه.. نديت علي ماما.. 
يا نبع الحنان انتِ فين.. طلعت وهي متعصبه.. 
مامت صُدفه.. يا بت اسكتي في ضيوف جوه.. 
صُدفه.. سوري نسيتي.. دقيقه واكون عندك.. 
دخلت لبست و ظبط نفسي وخرجت.. دخلت عليهم وانا ببتسم.. رفعت عيني وكانت الصدمه.. 
مراد..... 
يتبع...
لقراءة الجزء الثاني : اضغط هنا
لقراءة باقي اجزاء الاسكريبت : اضغط هنا
google-playkhamsatmostaqltradent