recent
أخبار ساخنة

رواية أمر واقع الفصل الثاني 2 بقلم أمنية حاتم

 رواية أمر واقع الفصل الثاني 2 بقلم أمنية حاتم
رواية أمر واقع الفصل الثاني 2 بقلم أمنية حاتم

رواية أمر واقع الفصل الثاني 2 بقلم أمنية حاتم

عبدالرحمن: بصي بنفسك يا بلوه 
نورهان بخوف: يالهوي  هنمووووووت  
عبدالرحمن:  اهدي اهدي... عضي لسانك 
نورهان بخوف: يعني السلعوه هتموتنا وانت بتقولي عضي لسانك!!!!؟ 
عبدالرحمن: انتي لازم تعاندي في أي حاجة يعني 
ياستي لما هتعضي علي لسانك ماده الخوف مش هتتفرز وهما مش هيشموها 
نورهان: طب يلا نمشي قبل ما يجو هنا 
عبدالرحمن: مختافيش انا هتعامل معاهم لو جم هنا 
نورهان:  انت هتستني لما يجو هنا!!!  
عبدالرحمن:  لا اروح اجري وراهم انا 
انتي مجنونه يابنتي؟؟؟  
نورهان: متقوليش مجنونه 
__ طيب ياست العاقلين هما مش هيجو علشان احنا مولعين النار 
نورهان: طيب ولع نار تاني عشان يخافو يقربو مننا 
__ حاضر هولع تاني 
ولعنا نار وجبنا فاكهه من الشجر وطبعا انا مرعوبه ومش عارفه هيصحلنا إيه تاني 
نورهان: انا مش عارفه ازاي كنت بزعل واخاف من بكرا لما كنت نايمه في بيتي وسط اهلي وعارفه اني في أمان 
عبدالرحمن بهزار: علشان انتو اوڤر وبتحبو النكد 
نورهان: انا بتكلم بجد علي فكره
انا موجوده في جزيره مع واحد معرفوش
عبدالرحمن: بصي ربنا موجود معانا في كل وقت وكل مكان 
يمكن ده اختبار ليكي علشان تحسي بقيمه النعمه اللي عندك ولما ترجعي بيتك تعرفي الفرق بين وجودك وسط اهلك ووجودك في الجزيزه 
نورهان بسرحان : عندك حق 
عبدالرحمن: كفايه تفكير بقا...انا هنام شويه واستريح 
بعد خمس دقايق ليقته نايم فعلاً وسايبني لوحدي 
نورهان: استاذ انت يا استاذ 
عبدالرحمن: اممممم 
نورهان: انت نايم؟؟؟ 
عبدالرحمن: لأ واقف بتشمس...
يعني مصاحياني من النوم علشان تسأليني انت نايم ولا لأ 
نورهان: طب ما انا مش عارفه انام 
قام وقعد واتكلم بكل هدوء:
متخافيش انا هفضل صاحي لحد ما تنامي 
طمني قلبك بذكر الله ومتفكريش في حاجه 
" كلامه طمني سندت راسي علي الشجره ونمت بسرعه جدا من كتر الإرهاق" 
عبدالرحمن: نور يا نورررررررر 
نورهان بخضه: إيه في إيه الأسد هياكلنا؟؟
عبدالرحمن بضحك: تفكيرك فقري حتي وانتي نايمه
نورهان: حرام عليك خضتني 
وبعدين انا اسمي نورهان مش نور 
عبدالرحمن: مش هتفرق اوي يعني...يلا قومي علشان نشوف هنعمل ايه
نورهان: طب انا جعانه 
عبدالرحمن: انا مش عارف الناس بتقوم من النوم جعانه ازاي؟؟؟؟!! 
نورهان: عادي انا بكون جعانه 
عبدالرحمن: حاضر حااااااضر 
نورهان: انت بتزعق ليييه...ده واجبك اصلا 
علشان انا مش هعرف اجيب الفاكهه من علي الشجره 
عبدالرحمن بهزار: لما بتكوني جعانه بتقولي انك مش هتقدري وبعد كده تتحولي ل استرونج صح؟؟ 
نورهان: هات الأكل بس وانا هقولك صح ولا مش صح 
كلنا وبدءنا نتمشي في الجزيره علشان نشوف مخرج او قبيله تنقذنا 
نورهان: أوف بقا انا تعبت 
عبدالرحمن: معلش لازم نوصل لأي حاجه عشان نرجع مصر....استحملي 
كلامه بيديني شويه طاقه ومفيش اي اختيارات غير اني اسمع كلامه
نورهان: إيه ده بص هناك كده 
عبدالرحمن: كويس إنك اخدتي بالك 
تعالي كده ممكن نلاقي حد في الخيمه دي 
نورهان بقلق: لأ انا خايفه....
يمكن جواها ناس تفتكر اننا حراميه وتموتنا 
عبدالرحمن: انا مشوفتش في تشائمك يا شيخه ارحمي أمي بقا 
نورهان: يعني انا غلطانه اني بحذرك 
عبدالرحمن: اه غلطانه....احنا لازم نجرب كل حاجه وإي طريق 
ده امر واقع يا نور 
بدءنا نمشي بحذز ناحيه الخيمه دي يمكن نلاقي حاجه تنفعنا......
عبدالرحمن: خليكي واقفه هنا لحد ما اجي 
نورهان: لا لا انا هاجي معاك 
عبدالرحمن بهدوء: انتي لازم تفضلي علشان انا مش عارف هقابل ايه جوا الخيمه دي 
ولو حصل حاجه اجري 
وقفت تحت شجره وهو اتحرك ناحيه الخيمه وبدء يرمي خشب من بعيد علشان لو فيه حد جوا يخرج  ولو فيه حيوان يظهر.........
بعد دقيقتين خرج وجه ناحيتي بسرعه وقال تعالي شوفي لقيت إيه 
روحت معاه بسرعه عندي فضول اعرف فيه ايه
نورهان بدهشه: 
ايه ده هي الخيمه دي كان فيها ناس؟!!!
عبدالرحمن: وجود الاكل واللبس ده بيدل ان فيه ناس عايشه هنا واكيد عارفين حاجات كتير عن الجزيزه 
نورهان: واحنا هنعمل ايه دلوقتي 
عبدالرحمن: هنقعد هنا واكيد هما هيجو تاني ونسألهم ازاي نخرج من هنا 
نورهان بقلق: طب لو قتلونا او.......
عبدالرحمن: وانبي اسكتي ومتكمليش كلامك انا حاسس ان المصايب بتيجي لما تتكلمي 
نورهان بعصبيه: انا اصلا غلطانه اني بحذرك 
عبدالرحمن: جدعه...متحذرنيش تاني بقا
ولعنا نار وفرشنا جلد حيوان متنشف كان موجود في الخيمه  وقعدنا عليه
نورهان: انا...
عبدالرحمن: عارف والله عارف إنك هتقولي جعانه 
نورهان بهزار:ما انت حفظت اهو 
هاتلي أكل بقا 
الجو بدء يبرد شويه وحظنا اننا لسه في بدايات الشتا وهو دخل جاب حاجه تقيله من الخيمه وحطيتها علي كتفي 
عبدالرحمن: ها عرفتي ان قدرات الراجل الجسمنيه ومواجهه الخطر اقوي من البنت؟؟ 
نورهان بعند: مش مقتنعه اوي برضو 
قام جاب ورقه شجره ومانجا 
عبدالرحمن: في بذره اتحطت في الارض وطلعت شجره  وكبرت وبقا فيها ورق صح 
نورهان: صح 
عبدالرحمن: بعد كدا بدءت المانجا تكبر علي الشجره دي صح؟ 
نورهان: انت عاوز توصل ل ايه؟؟ 
عبدالرحمن: يعني الشجره إللي اسسها تراب ومايه طلعت ورق شجر ومانجا 
احنا بقا ربنا خلقنا من طين ونفخ فيه ف اتخلق سيدنا ادم علي الأرض...بعد كده ربنا خلق حوا من ضلع جنب قلبه...فهمتي؟؟ 
نورهان: لا 
عبد الرحمن: هبسطهالك 
سيدنا ادم اتخلق من طين وحواء اتخلقت من ضلع ادم...ف احنا مختلفين في الخلق اصلا يا نور 
نورهان بتركيز: علشان  كده فيه فرق في صفاتنا 
عبدالرحمن: اه طبعا 
ربنا خلق حواء من ضلع جنب قلبه علشان ادام يحميها ويخاف عليها ويوفر لها الأمان واحتياجتها 
نورهان بإبتسامة:  فهمت قصدك 
بس ده ميمنعش اني أكون  قويه 
عبدالرحمن:  البنت بتكون سند ودعم ومصدر التشجيع والسعاده لل راجل ف حلو جدا تكوني قويه  
كنت لسه هرد عليه سمعت صوت دوشه والشجر بيتحرك جامد 
نورهان  بخوف: في حد جاي علينا 
عبدالرحمن:  اهدي... ممكن يكونو صحاب الخيمه 
نورهان:  يالهوي ممكن يهجمو علينا 
عبدالرحمن:  ارحمي امي العيانه 
اسكتي دلوقتي  
# انتم مين وجيتو هنا ازاي؟؟  
ليقنا 10 رجاله وقفين ورانا ماسكين جذع شجر وواحد ماسك رماح و واحد ماسك سلاح طويل  
عبدالرحمن:  احنا تايهين مش جاين نأذيكم 
نورهان بخوف: بلاش تقتلونا وانبي 
# انتو تستحقو القتل علشان  اقتحمتو مكانا 
عبدالرحمن:  عاجبك كده هيعملو مننا شورما دلوقتي 
نورهان: ياماااااااامااااااا اجري بسرعه 
بصيت ورايا لقيت اخر حاجه كنت متوقعها...... كده احنا في خطر بجد
يتبع...
لقراءة الفصل الثالث : اضغط هنا
لقراءة باقي فصول الرواية : اضغط هنا
google-playkhamsatmostaqltradent