recent
أخبار ساخنة

رواية احببت مشاغبة الفصل الثاني 2 بقلم الاء فوزي

 رواية احببت مشاغبة الفصل الثاني 2 بقلم الاء فوزي
رواية احببت مشاغبة الفصل الثاني 2 بقلم الاء فوزي

رواية احببت مشاغبة الفصل الثاني 2 بقلم الاء فوزي

صفاء :ها يابت هندخل امتي معدش غيرنا في العياده 
حنين بتوتر :ااااا ممم يااا اصل ماهو ...... ياماما هينادي دلوقتي 
صفاء بتبص لحنين بستفهام :انتي عملتي اي جوه يابت اكيد عملتي مصيبه 
حنين ببراءه : انا ونبي ماحصل طب دنا غلبانه 
صفاء بصرامه  :طالما قولتي غلبانه يبقي عملتي مصيبه عملتي اي يابنتلجزمه خلينا نمشي 
حنين:اصلي عضيت الدكتور .....واندفعت في الكلام بصي ياماما هو اللي قليل الزوق اصلا مقاليش اتفضلي حتي اقعدي وهو حلو كدا وطويل استغفر الله العظيم يعني وبعدين فتحت بوقي وخطبني جامد مصتقصدني نا عارفه غيران مني علشان نا هبقي ممرضه اد الدنيا وهنافسه 
طبعا دا كله واسر خلص شغل ومكنش يعرف انها لسه موجودة وواقف مصدوم من هذه القزمه وكاتم ضحكته بالعافيه وفجأه تحمحم 
أسر :احممم احممم 
حنين فتحت بوقها ع اخره وانصدمت لما عرفت انه  وراها وسمع كل كلامها حنين بتلعثم :ااااااا .....ماهو انا .   اصلا مش بقول عليك دنا ماهو 
صفاء باعتزار : احنا بنعتزر يادكتور ع اللي حصل وحقك عليا انا ياابني من اللي المجنونه دي عملته 
أسر بابتسامه :ولا يهمك يااامي 
صفاء حبت أسر جدا لانه طريقته متواضعه جدا ومحترم 
حنين بتبرطم وهيا واقفه ورا والدتها :ايوا بقا هيشوف نفسه علينا علشان ماما اعتزرت يخربيت سماجتك 
صفاء سمعتها لان اصلا صوتها عالي (عامله زيي علطول بفضل اشتم واكلم نفسي قالي يعني محدش سامعني )
صفاء :مسكتها من ايديها يلي يااخره صبري نمشي 
حنين :ياماما درسي بيوجعني والله وحياه عيالك ياستا اعملي اي حاجه تخفف الوجع *كانت بتقول كدا لاسر *
أسر : اي استا دي مش المفروض انك متعلمه 
حنين : ياعم انجز متصدعناش 
صفاء نغزتها :اتلمي يااا بنت ال....وكانت لسه هتشتم لقت أسر بيضحك وبيقولها خليها تدخل اوضه الكشف ونا هصلي العصر وجاي اتفضلي معاها يااامي 
*وسابهم وراح يصلي *
في اوضه الكشف 
صفاء مسكت حنين من شعرها :اه يابنت الجزمه حسابك معايا اما نروح البيت والله لاديكي علقه تحلفي بيها العمر كله 
حنين :اه عااااااااااااااااااا شعرااااااااي انتوا لاقيني في الشارع اصلا نا مش بنتك في ام تعمل في بنتها كدا عااااااااااااااااااا وفلتت من ايديها وهربت ورا مكتب أسر 
صفاء: خدي يااابت يخربيتك انتي مش هتكبري بقا ربنا يهدك هديتي حيلي اطلعي يابت من عندك 
حنين نزلت تحت المكتب 
حنين:مش طالعه ولو مش عاجبك تلئني هيهيهيهيهيهيهي 
صفاء قعدت ع كرسي وقعدت تشتم في حنين في سرها :اه ياكالبه ياجزمه انتي فاكره نفسك صغيره ياشاحطه دانتي ١٩سنه يابت 
حنين : هيهيهيهيهيهيهي اه صغيره ولسه باكل سيرلاك 
وهنا دخل أسر 
أسر :امال فين الانسه 
وراح يقعد ع مكتبه لقاها قاعده تحت المكتب  تاكل في البسكوت اللي كان شاريه علشان يأكله كاواجبه خفيفه يعني (طبعا احنا بالنسبالنا الواجبه الخفيفه دي طبق كشري 😂)
حنين ومش واخده بالها انه واقف :بسكوت جايب بسكوت اي شغل العيال دا مش عارف يجيب كشري ولا شاورما اه يااااني درسي بيوجعني بس البسكوت طعمه حلو بسكوت دكاتره بقا هههههههاي وبترفع راسها لقت أسر واقف رافع حاجبه وعاقد ايديه ع صدره 
حنين ببلاهه :بسكوتك دا خد فاضل واحده وطلعت من تحت المكتب اتخطبت اه يااااني دمغااي اه انت باصصلي في البسكوت خد ياخويا يخربيت الطفاسه 
أسر باستغراب من الكائن الغريب اللي قدامه اول مره يشوف واحده بالتلقائيه والجرأه وخفه الدم دي وكمان شكلها الجميل ولبسها المحتشم لفت نظره جدا وفضل باصصلها من غير ما يتكلم فاق من أفكاره ع صوت صفاء ماسكه حنين وبتعتزر تاني 
أسر بابتسامه ولا يهمك يااامي حصل خير اتفضلي ياا انسه ااااا 
صفاء :حنين اسمها حنين 
أسر بابتسامه :اسمك جميل 
حنين وهيا بتنضف سنانها م الاكل بصوبعها توشكر 
أسر ضحك وقالها اتفضلي ياا انسه حنين 
حنين طلعت ع الشازلونج وكشف عليها وعطاها مسكنات وقالها انها هتيجي تاني علشان تعمل حشو درس نزلت من ع الشازلونج وشافت ازازه ميه ع المكتب اخدتها وشربت من غير استئزان وبعد ماشربت قالت لاسر ميتك نا شربت بقا بعد ازنك 
أسر بضحك : طالما شربتي بتستازني لي 
حنين : اهو تاديه واجب 
صفاء بابتسامه :شكرا جدا يااابني اقصد يادكتور 
أسر : لا قوليلي يااابني حلوه من حضرتك 
صفاء : خلاص ونتي خليك قولي ياامي انت زي ابني برضو 
أسر بابتسامه الف سلامه ع انسه حنين 
صفاء بتبص تدور حواليها :حنين هيا فين منها لله تعباني ومدوخاني وراها بس مفيش اطيب من قلبها اه مبتريحش نفسها واللي في قلبها ع لسانها بس عامله بهجه لحياتنا 
أسر :ربنا يديمها في حياتكوا وحي........
*نسيبهم شويه يرغوا ونروح بيت أسر * 
في فيلا في مدينه اسكندريه طبعا كلنا عارفينها اسكندريه اللي في اسيوط اللي بعد البحيره نا بقول اي ربنا يهديني 😂
ياجماعه هما عايشين في اسكندريه 
في فيلا أسر الحناوي 
سهير ام اسر بتحب أسر جدا جدا لدرجه انها بتغير عليه من اي حد حتي اخواته عندها في مكانه تانيه ونفسها يوافق ع عروسه من اللي بتجيبهم بنات اصحابها بس طبعا كلهم مش بيعجبوا أسر 
سهير : ملك ياااملك انتي يااابنت (تنت سهير ياجماعه مغروره شويه بتهتم بالشكل والمظهر الخارجي)
ملك : نعم ياماما 
سهير : اي اللي انتي لبساه دا انتي لسه صغيره اخلعي الطرحه دي 
ملك بتفهم : ياماما ياحبيبتي نا مش صغيره نا كبيره والموت مش بيفرق بين كبير وصغير نا عندي ٢٠سنه في تانيه كليه يعني مش صغيره وبعدين انتي المفروض تفرحي بيا اني بحاول ارض ربنا 
سهير بضيق : ايوا يختي اتكلمي بطريقه أسر ماانتوا شبه بعض مفيش غير الواد كريم هو اللي دماغه زي دماغي 
ملك : هههههه كريم اي ياماما كريم دا صايع مش بيرجع البيت غير بعد الفجر وابيه أسر لو عرف هيزعله وانتي بتداري عليه 
(ملك الحناوي اخت أسر وكريم ملك بنوته جميله اووي وكيوت اووي وطيبه محجبه ولبسها يشبه لبس حنين ملك في كليه تمريض مع حنين في نفس الكليه ملك مكنش محجبه بس اما قربت من حنين غيرت من نفسها رغم أن حنين اصغر منها بس الاتنين بيحبو
بعض جدا وقريبين من بعض جدا )
كريم دخل ع صوتهم :في اي ياست الشيخه مالك 
ملك :اه شيخه ونا اطول الدور والباقي ع اللي ميعرفش قبله بيته فين وعمره ما سجد لربه ومقضيها كبريهات وقله ادب 
كريم بزعيق :بنت انتي احترمي نفسك نا اخوكي الكبير يعني تحترميني 
ملك :لما الاقي اخويا الكبير محترم هحترمه 
كريم رفع ايديه وضرب ملك 
سهير بزعييييق :كريييييييم انت ازاي تعمل كدا وتمد ايديك عليها 
كريم بعصبيه : هيا اللي قليله الادب ومش بتحترم الاكبر منها 
(كريم الحناوي ٢٥سنه كريم كان شاب كويس جدا وكانت حياته حلوه في كليه هندسه خلص كليه ومسك شركه والده بس الشركه افلست ودمر كل حاجه لسبب هنعرفه مع الاحداث )
كريم طلع ورا ملك علشان يصالحها :ملك انا اسف 
ملك بتعيط:............
كريم شدها وحضنها :انا اسف حقك عليا والله انتي اللي عصبتيني 
ملك بهستريه : علشان تفوق ياكريم انت مكنتش كدا لازم تفوق وترجع زي الاول انت كنت الوحيد اللي بيفهمني وقريب مني انت اللي كنت دائما بتشجعني ع الصلاه من وانا ١١سنه دلوقتي ياكريم انت مبتركعهاش لي كدا ياكريم فوق فوق ياااكريم هما زباله وربنا كشفهملك وبعدهم عنك اي يعني خسرت ارجع تاني اقف ع رجلك وكلنا معاك انا وابيه أسر وماما 
كريم ببكاء :غصب عني ياملك انا ادمرت وجعوني اوووي ياملك كانو اقرب الناس ليا اعزريني.....انا ...انا عايز اتغير عايز اقف ع رجلي تاني وارجع كريم بتاع زمان 
ملك حضنته ونا هساعدك ياكوكو اضحك بقا مااتعودتش عليك كدا بس ايديك تقيله عيل غبي 
كريم طلعها من حضنه : مين دا اللي غبي يابت مش عيب ياااوزعه دنا اكبر منك بخمس سنين 
ملك : حبيبي ياشبح 
كريم باستغراب : شبح اي الكلمه دي مين قالهالك 
ملك بضحك :ههههه دي حنين الله يسامحها دائما بتقول الكلام دا شبح وياستا وبوب والكلام دا 
كريم بضحك : اه حنين البنت اللي خلاتك كدا 
ملك : اه 
كريم بغمزه  : دنا لازم اشكرها بنفسي بقا 
ملك ضربته ع صدره : لا ياخويا حنين مش كدا دا ممكن تبلعك لو قربت منها 
كريم : اعوذ بالله لي دراكولا 
ملك بضحك وهيا بتفتكر حنين : اسود من دراكولا هحكيلك موقف 
كريم : كلي اذان صاغيه ياختي احكي 
ملك: مره كنا في الكليه قاعدين فاحنين قالتلي تعالي نشتري اي حاجه ناكلها رحنا الكافتيريا فا حنين وهيا جايه وجايبه الاكل خبطتها بنت بس البنت دي متكبره شويه ومعروفه انها شردوحه والكل بيخاف منها فا البنت لما خبطت حنين حنين قالتلها فتحي يااابقره (حنين الفاظها اووفر اوووي بس عثل ) 
البنت اتجننت ازاي تقوليلي كدا وبتقرب من حنين وبتزعق 
البنت : انتي بتقولي لمين كدا يازباله 
حنين نادت عليا وعطتني الاكل وقالتلي استني عندك عندي طالعه وجايالك طبعا نا كنت خايفه لانها كانت أول سنه ليها في الكليه ونا عارفه اد اي البنت دي مش كويسه 
المهم البنت : انتي بتقولي لمين كدا يازباله 
حنين بتبص وراها كانها يعني مش بتقولها هيا وشاورت ع نفسها : بتكلميني انا 
البنت : اه وفي غيرك زباله هنا بالشوال اللي انتي لبساه دا (حنين كانت لابسه ادناء) 
حنين :امممم شوال بقا انا لابسه شوال ياعره النسوان 
البنت : بتبص لحنين بقرف 
حنين : اي ياااااختي بتبصي كدا لي انتي مش شايفه نفسك يااابت عامله ازاي دانتي زي خله السنان عود قصب يااااخواتي 
طبعا الكافتيريا كلها اتجمعت ع اصواتهم 
البنت بتقرب علشان تمد ايديها ع حنين 
راحت حنين جايباها من شعرها وقالتلها تعالي بقا انا سكتالك م الصبح ورنتها عالقه مكنتش عارفه احوشها وراحوا للعميد وكان يوم طويل والعميد كان هيفصلهم بس عارف اخلاق حنين كويس وتفوقها ومحصلش حاجه ايامها نا كنت بلبس لبس ضيق وبشعري 
لقيت حنين بعد ما كل حاجه خلصت جرت ع مسجد الكليه وصلت ونا واقفه مستنياها واتكسفت من نفسي ومن لبسي واني اول مره اجي عند المسجد حنين فضلت ساجده وبتبكي كتير بسبب تريقه البنت عليها وع لبسها وبعد ما خلصت صلاه لقتها بتبتسملي حنين دائما الابتسامه ع وشها حتي لو زعلانه 
لقتها شدتني دخلتني جوه وقعدتني وفضلت تتكلم معايا عن الدين لقيت نفسي معرفش اي حاجه عن ديني ولا بعمل اي حاجه ترضي ربنا ومن رحمه ربنا انه عطيني فرصه اتوب يومها مرضتش اطلع م المسجد بلبسي وبشعري وحنين دائما كانت معاها لبس احطياتي في شنطتها طلعت اللبس وعطتهولي وخلتني اغسل وشي م الميك اب واتوضيت وعلمتني الصلاه ودي كانت أول مره اصلي حسيت براحه مش طبعيه ولقيت نفسي ببكي وبتكلم مع ربنا باريحيه وبطلب منه ينجدني واني اتغير بعد ما خلصنا سالت حنين لي عيطت قالتلي نا زعلت عليها انها شايفه لبسي وحش مع اني احلي منها ومحافظه علي نفسي قالتلي نا خفت عليها م النار وافتكرت الرسول عليه أفضل الصلاة والسلام وهو بيبكي وبيقول فلتت نفس مني الي النار مقدرتش مااابكيش كدا وبس ياسي كريم ودا اللي غيرني بقا 
كريم بابتسامه وفرحه أن اخته قريبه من حد صالح كدا : ربنا يباركلها بجد بنت محترمه وجادعه وفعلا مش كلهم زي بعض اوعدك ياااملك هتغير وهكون حد تاني خالص كفايه دمار كدا 
ملك بحب اخوي يارب ياكوكو يارب ويديمك في حياتي انت وابيه أسر وماما يارب وسمعت فونها بيرن 
ملك : يختاااااااااااااي دي حنين دي هتموتني دي رنت مرتين ودي عندها بموته 
فتحت ملك: ايو نينا 
حنين......................
كريم اتخض من صوت حنين يالهوي اي دا في اي براحه يابنتي سورتينا وسابهم وخرج 
ملك بضحك : دا كريم سمعك وانتي بتجعري في اي والله ما شفت الفون 
حنين :يخربيتك اخوكي سمعني ونا بشتم يختاااااااااااااي يفضحتااااااي مش هيتجوووزنااااااي دنا حاطه عيني عليه منك لله ضيعتي مني الواد 
ملك بضحك:هههههههههههههه يخربيت فصلانك اي يابت في اي انتي مش بتاعه الكلام دا امال فين غض البصر يااااختاه 
حنين : ينيلك كنت بهزر يختي نا عمري شوفته اصلا 
المهم يابت عايزه احكيلك ع اللي حصل النهارده 
ملك بفضول : اي اي قولي قولي 
حنين : حكتلها طبعا كل حاجه 
ملك بضحك هستيري :هههههههههههههه هموووووووت مش قااااادره يخربيتك اي اللي عملتيه دا انتي ازاي تعملي كدا ياربي ههههههههههه
(طبعا ملك متعرفش أن الدكتور أسر اخوه هو اللي بتحكي عنه حنين) 
حنين ماهو اللي خبطني جامد ياختي 
ملك: تقومي تعضيه يامفتريه 
حنين: والله عايزه اعتزرله يلي المره الجايه بقا 
ملك : انتي هتروحي تاني 
حنين : ايوا يا اختي 
نسيبهم يرغواا بقا 
أسر وصل البيت ولقا الست سهير خانم مرزوعه تحت الست دي انا مش طايقاها اصلا 😏😂
أسر : السلام عليكم 
سهير : وعليكم السلام اهلا ياحبيبي عامل اي النهارده طمني عليك 
أسر : الحمد لله ياست الكل بخير فين ملك وكريم 
سهير : فوق في اوضهم هخلي خدامه تطلعلك الاكل فوق 
أسر : ماما مااسمهاش خدامه اسمها ام احمد وهيا بتساعدنا في البيت مش خدامه عندنا ودا شغل مش حاجه عيب وهيا ست محترمه وكبيره ياريت ياماما تحترميها 
سهير بضيق وطبعا هتسمع كلام أسر لانها بتحترمه : حاضر يااسي أسر 
ياااام احمد ..... ام احمد 
ام احمد لاسر : ازيك يااااسر يااابني 
أسر بابتسامه بشوشه : الحمد لله بخير ياام احم انتي اخبارك واخبار صحتك اي 
ام احمد: الحمد لله ياابني بخير تحب احضرلك العشا
أسر : اه والله ياريت واسف لو هتعبك معايا 
ام احمد : تعبك راحه ياابني 
أسر : طب سلام عليكم نا في اوضتي 
سهير : اي ياست انتي المسكنه دي اسمه أسر بيه مش ابنك فاااهمه ويلي انجري طلعيله الاكل 
ام احمد في سرها : وليه مفتريه صحيح ربنا يهدك ويفرحك ياااسر ياابني يارب 
اما أسر في اوضته مش مبطل تفكير في حنين اللي خطفه عقله بخفه دمها وعفويتها قبل شكلها 
أسر اخد دوش واتعشا وجه ينام مش عارف ينام م التفكير وشويه شويه وناااااااااااام .....................
ياتري اي اللي هيحصل بعد كدا في المقابله الجايه ؟
ياتري اي ماضي حنين؟ 
ياتري كريم اي اللي قلبله حياته وكسره وخلاه يوصل للمرحله دي ؟
يتبع...
لقراءة الفصل الثالث : اضغط هنا
لقراءة باقي فصول الرواية : اضغط هنا
google-playkhamsatmostaqltradent