recent
أخبار ساخنة

رواية أنا والمبدأ الفصل الثالث 3 بقلم إيمان الخيال

 رواية أنا والمبدأ الفصل الثالث 3 بقلم إيمان الخيال
رواية أنا والمبدأ الفصل الثالث 3 بقلم إيمان الخيال

رواية أنا والمبدأ الفصل الثالث 3 بقلم إيمان الخيال

اول يوم ف الجامعة يعني لازم البس الحته اللي ع الحبل واحط من جميع انواع المكياج اللي ع الكره الارضية هو صحيح انا ماعرفش ايه هي انواع المكياج و ازاي بتتحط بس هما عملوا النت ليه اكيد عشان اسأل جوجل ......
تقاااااا مني صحبتك مستنياكي بره 
تقي : قوليلها تدخل يا ماما تختار معايا اللبس لأني محتارة جداً
مني : ايه ي بنتي كل ده ،احنا كده هنتأخر انجزي بقي 
تقي وهي تضحك بصوت عالي : ههههههههههه ايه اللي انتي عملاه ف نفسك ده يا مني انتي راسمه الموناليزا ع وشك كده ليه 
مني بحزن شديد : ايه ده هو شكلي وحش ، مش انتي اللي قولتيلي لازم نحط ميك اب كتير عشان نبقي حلوين 
تقي: امسحي بس اللي انت عملاه ده وهجيب فيديو لبنت بتحط ميك اب ونعمل زيها بس الأول قوليلي البس فستان ولا جينز وبلوزة عادي 
مني : البسي فستان عشان نبقي لابسين زي بعض 
تقي : اشطا كده اللبس تمام باقي الميك اب والطرحة يلا بقي نعمل زي البنت الحلوة اللي في الفيديو دي 
خلصنا لبس وتزويق والحقيقة كنا طالعين ساعتها زي المهرجين بس كنا مقتنعين ان احنا حلوين لأ حلوين اوي يعني حاجة كده انتي جايه من الارض ولا جايه من السما وروحنا الجامعه الحمد لله بعد مغامرات اللبس والتزويق الرهيبه انا ومني وكنا حاجة كدا زي هناء وشيرين والناس كانت بتفكرنا توأم ....
مني : تقي ، انتي ملاحظة الولد القمر اللي مركز معانا من اول ما دخلنا المدرج ده 
تقي : ي بنتي اتهدي بقي مش هناخد اول واحد يبصلنا كده ، لازم ننقي ونركز ع الدفعات الأكبر ماحنا مش هنقعد نستني واحد ادينا وي سلام بقي لو يبقي غني كده يعني نركز ع فئة العربيات 
مني : ي ست بقي اصلا تلقي الولد بيبصلنا عشان مستغرب من الهبل اللي احنا عملينوا ف وشنا ،منك لله ي تقي انتي اللي قولتي لازم نحط ميك اب اوڤر كان ملها الماسكرة وزبدة الكاكاو الحمرة ع الأقل ماكناش هنبقي شبه المهرجين كده 
تقي : ي ست خلاص بقي  ومن بكره هنرجع للمسكرة وزبدة الكاكاو الحمرة عشان ماتزعليش 
المحاضرة خلصت و خرجنا نجيب اكل واحنا واقفين مستنين طلبيتنا تخلص حصل ده ⬇
ممكن اخد من وقت حضرتك خمس دقايق
تقي : مين حضرتك ؟! 
اوووووه اسف جداً كان لازم اعرف نفسي الأول ، انا احمد طالب ف سنه خامسة وحسيت ان انتي سنه او لي لسه صح ؟ 
تقي : اه ، هو انا سنه اولي فعلاً بس برضوا حضرتك عايز ايه ؟! 
احمد : ولا حاجة كنت هعرض عليكي اعرفك علي اقسام الكليه ،يعني ابقي مرشدك هنا وصحيح نسيت اسألك انتي دخلتي فنون جميلة ليه يعني بنت جميله ورقيقة زيك كان لازم تبقي ف مكان مريح ورايق 
تقي بغضب : اولاً ملكش دعوة انا دخلت فنون جميلة ليه يعني حاجة ماتخصكش ابداً وثانياً بقي انا مش محتاجة حد يبقي مرشد ليه ف الكليه انا بعرف ادبر اموري شكراً 
احمد : مالك قفوشة كده بس معذورة ماتعرفيش انا مين 
مني : تقي انا جبت الأكل ....مالك متضايقة ليه ؟!
تقي : الولد الغبي اللي هناك ده 
مني وهي تنظر باعجاب : قصدك القمر الطويل ابو عضلات وعيون خضرا اللي واقف هناك ده 
تقي : حيلك بس ايه كل ده هو صحيح حلو وزي فلقة القمر بس دمه يلطش وسمج 
مني : طيب قوليلي قالك ايه وكان عايز منك ايه 
تقي : ي ست كان جاي يرخم شوية ويفرض نفسه وقال بيقولي انتي ماتعرفيش انا مين واصلا ده مش قدنا وف سنه خامسة يعني هيتخرج السنة دي 
مني : مش هو ده اللي انتي عايزاه واحد دفعة اكبر وغني والولد ده شكله غني انتي مش شايفة الساعة اللي لابسها عامله ازاي 
تقي : اولاً كل الكلام اللي بقوله ع الولاد ده هزار وانا عمري ما هقبل اني اصاحب ولد او احبه يعني انا هحب اللي هتجوزه ومش هتجوز اللي هحبه فاهمة حاجة؟ 
مني : بصراحة انا مش سمعاكي الولد القمر ده مركز معاكي اوي شكله اتغل منك لما صدتيه 
تقي : مش مهم سيبيه يتفلق 
وف نفس اليوم اتعرفنا ع بنت شبهنا اسمها رودي 
رودي : شايفين الولد القمر اللي هناك ده ي جماعه 
تقي : يييه ايه ي جماعة هو احنا جايين هنا عشان نراقب الولد القمر ده 
مني : ايوا ي اختي مانتي كسرتي قلب الواد وارتحتي 
رودي : نهارك اسود هو احمد الاسيوطي جه لحد عندك وانتي صدتيه 
تقي : ايه يعني احمد الاسيوطي ابن بارم ديله يعني ولا ايه مش فاهمة 
رودي : ايوا ي اختي ابن بارك ديله ده ابوه عنده مصانع حديد ف كل محافظات مصر وبره مصر بردوا 
مني : الحقي ي بت انتي وهي ده احمد جاي علينا وشكله كده هيجيبك من شعرك ي تقي 
احمد :...........
يتبع...
لقراءة الفصل الرابع والأخير : اضغط هنا
لقراءة باقي فصول الرواية : اضغط هنا
google-playkhamsatmostaqltradent