recent
أخبار ساخنة

اسكريبت المستر وطلابه الجزء الثالث 3 والأخير بقلم اسراء ابراهيم

 اسكريبت المستر وطلابه الجزء الثالث 3 بقلم اسراء ابراهيم

اسكريبت المستر وطلابه الجزء الثالث 3 بقلم اسراء ابراهيم

اسكريبت المستر وطلابه الجزء الثالث 3 والأخير بقلم اسراء ابراهيم

ضحى: أنا مش هروحله درس تاني
شخص من وراها قال: تبقي جدعة
بصوا لمصدر الصوت وهما مبلمين
ضحى بتوتر: احم طبعا أنا مش قصدي حاجة وأنت عارف إن الواحد بيقول أي كلام والسلام
لما بيكون متعصب صح أنت عارف كده ولا مش عارف
كان المستر حاطط ايده في جيوب البنطلون وقال: لأ عارف ياختي ولو مش شوفتك الحصة الجاية
أول واحدة موجودة في الدرس هاجي بيتك واعلقك على الباب مفهوم
ضحى بخوف: مفهوم يا باشا احنا منقدرش أصلا نغيب من حصتك دي بتحسن النفسية عندنا
بس متبصليش كده عشان ركبي بقت بتخبط في بعض يعني
المستر: ماشي وياريت تروحوا على طول وبلاش تلكيع السنة دي عايزة مذاكرة بجد يعني
فاهمين
كلهم: فاهمين حضرتك فاهمين
سابهم ومشي وهو مبتسم
وهما كانوا مرعوبين فقالت نسرين: الراجل ده هيجننا أكتر أنا 
هالة:.ومين سمعك قلبنا كان هيقف
ضحى: اومال أنا أعمل إيه ياريتنا مروحناله ولا عرفناه
منى: فعلا يلا اللي حصل وربنا يسامح اللي دلتنا عليه
هالة: ربنا يسترها ونعدي السنة دي على خير أنا مش عارفة إيه اللي دخلني علمي أصلا
ما كان زماني في أدبي مع العيال العسل والمدرسين القمر اللي تفتح النفس للمذاكرة
ضحى: أنا إيه أصلا اللي خلاني أتعلم كنت خدت تالتة اعدادي وقعدت
وبعدين مشيوا وكل واحد ذهب لبيته
وبيروحوا دروسهم وطبعا مستر الكيمياء مظبطهم
مربي ليهم الرعب
كانوا في حصته فكان بيشرح
بص لنسرين وقال جاوبي
بصت نسرين حواليها وشاورت على نفسها وقالت: أنا
المستر ببرود: اومال أنا يلا جاوبي
نسرين:.ماشي ايه ده احنا مخدناش حاجة زي كده في المنهج
خبط المستر عالمكتب: نعم ياختي مخدتيش إيه ياما
نسرين: هدي أعصابك بس يا مستر مش كده ليحصلك حاجة بسبب واحدة زيي
المستر: الحمد لله إنك عارفة نفسك جاوبي يلا
نسرين: كان على عيني والله أجاوب لو كنت أعرف
خبط المستر على يديه: هتجلطيني يا نسرين أنا مش شارح السؤال ده من حصتين
نسرين: حصتين!ولسه فاكر الذاكرة صاروخ عندك
المستر وهو مبلم: أنتي بتحسديني يابت
نسرين: لا طبعا أنا ب قر بس عليك لمؤاخذة يعني
رفعت ضحى ايدها وقالت: هجاوب أنا
المستر: ماشي جاوبي يا ضحى
وجاوبت ضحى وكانت الإجابة صحيحة وبص للبت نسرين اللي هو اقعدي يا بليدة
بصت منى لضحى: ايوا بقى دحيحة الدفعة
هالة: بطلوا قر عالبت ياختي منك ليها
وجاءت الإمتحانات وكانوا بيطلعوا مبوزين وخلصوا على خير
وجاء يوم النتيجة
جابت ضحى 90%  أصل البت دي غلبانة والزمن حب يفرحها
ونسرين 88.6% بدعاء الوالدين
هالة 85.9% بالصدقة اللي كانت بتطلعها
منى 80.1% وطبعا كانت زعلانة جدا عشان مش هتلحق كلية معهم
ولكن كلهم قدموا نفس الكلية اللي منى دخلتها وبقوا مع بعض دايما
جاء عريس لضحى اللي كانت جاية من الكلية مرهقة جدا
ضحى لمامتها: قوليله يجي بكرة أنا النهاردة تعبانة
والدتها: مش عايزة هبل خلصي عشان هيجي كمان ساعة
وأتى العريس مع والده وأخوه وكان مستر الكيمياء
انصدمت ضحى: ازيك يا مستر مين العريس
المستر: أنا العريس
ضحى: نعم! آسفة وقالت في نفسها دا كان مربيلي الرعب في الدرس ومصدقت خلصت منه جاي دلوقتي وعايزني أكمل بقيت حياتي معاه
المستر: طبعا مامتك موافقة وآسف على كل كلمة مني زعلتك بس كنت خايف على مصلحتك
ضحى بابتسامة: لا عادي ولا يهمك دا أنت هتبقى قرة عيني يعني وقالت في نفسها: ما أنا بردوا مينفعش أضيع القمر ده استغفر الله
وتمت الخطوبة بنجاح (وطنط نجاح بتسلم عليكم)
وبعد شهرين تم كتب الكتاب والفرح بعد سنة والدعوة عامة للجميع
أما البت هالة والبت منى اتخطبوا لاتنين أخوات وتوأم والفرح بعد ستة شهور وبردوا عازمينا عليه
البت نسرين بقى اتخطبت لابن عمتها اللي بيحبها من سنتين وفرحهم بعد شهر ويدوب نجهز الفستاين اللي هنحضر بيها الفرح
الأهم إنهم مازالوا أصدقاء ولم يفرقهم أي شئ ويحبون الخير لبعضهم وفي هذه الأيام مش هتلاقي صداقة زي دي إلا قليل
(الصداقة هي وفاء لا يعرف الحدود)
تمت 

google-playkhamsatmostaqltradent