recent
أخبار ساخنة

رواية العشق لا يعرف وطن الفصل الثالث 3 بقلم أية إنسان

 رواية العشق لا يعرف وطن الفصل الثالث 3 بقلم أية إنسان
رواية العشق لا يعرف وطن الفصل الثالث 3 بقلم أية إنسان

رواية العشق لا يعرف وطن الفصل الثالث 3 بقلم أية إنسان

_ مسحت هاجر دموعها وقالت :  انت جاي ورايا ليه عاوز اي تاني .
_ اياد : انا آسف.
_ على اي .
_ اني اتسببت ليكي في مشكله .
_ لا أبداً متشغلش بالك بيك أو من غيرك المشكلة كانت هتحصل .
_ هو ممكن أسألك سؤال؟
_ اتفضل خير .
_ هي بتكلمك كده ليه .
_ اتعصبت هاجر وقالت :  وانت مالك احنا اهل مع بعضنا بتتدخل في حياتي ليه هاا اي التطفل دة .
_ خلاص خلاص انا آسف مكنش قصدي انا ماشي .
_ اتنهدت هاجر وقالت :  استني انا اسفه مكنتش اقصد .
_ لا أبداً انتي معاكي حق بعد إذنك .
_ مخلاص يا هندسه مش هتحايل عليك اعتبرها واحده بواحده ومتبقاش قفوش كده .
_ ههههه انتي مصيبه متحركه على الأرض.
_ طب امشي من هنا ياض انت .
_ انا البشمهندس إياد مختار ادرس ٥ سنين هندسه علشان في الاخر بت زيك تقولي يا واد يا خساره تعبك يا اياد .
_ هههههه ما خلاص يا عم عرفنا انك مهندس قرفتنا ثم انت ... اي دة ماله دة في اي متنح ليه دة  ولوحت قدام وشه وقالت : اياد اياد .
_ ضحكتك حلوه يا هاجر .
_ احم اعتبر دي معاكسه .
_ الله الله ما انتي بتتكسفي وتحمري زي البنات اهو يا عم .
_ انا قولت هبطحك بقالب طوب محدش صدقني غور من قدامي يا اياد .
_ طب خلاص خلاص ممكن طلب طيب .
_ أنجز .
_ ممكن نكون صحاب .
_ اتعدلت هاجر وعدلت هدومها وقالت بغرور مصتنع :  بقى انا هاجر العامري اصاحبك انت يا حتت مهندس لا راح ولا جه .
_ لا معلش و الانسه معاها اي .
_ معايا كاميرا اي اتعميت .
_ لا ما شاء الله نبيهه كمان .
_ اومااال .
_ اقصد معاكي تعليم اي يا كارثة .
_ انا بلا فخر خريجه سياحه وفنادق.
_ قام اياد ومسكها من قفاها وقال : أنا حتت مهندس لا راح ولا جه يا معفنه .
_ لا لا اياد عيب كده انت قفوش كده ليه روق علي حالك .
_ اسمها اياد بيه يا جزمه .
_ الجزمه دي هديك بيها لو مسبتنيش يا هندسه و ..... واااااو وسع كده وسع ومسكت الكاميرا وابتدت تصور انعكاس الشمس على برج ايفل فكان المنظر خيالي وقالت :  اياد امسك الكاميرا دي صورني بيها بسرعه ووقفت فكان انعكاس الشمس وراها وهي طلعت زي القمر بضحكتها الجميله ولقطلها كام صوره بأوضاع مختلفه وقال اياد في نفسه :  غريبه انتي مش مختلفه لكن ليكي سحر خاص .
_ جريت هاجر عليه وقالت :  تسلم يا هندسه تعالي اخدلك صوره بقى ووقف وأتصور صوره فقالت في نفسها : يخربيت الجمال هو في كده .
_ هاجر يا هاجر يا هاااااجر ..... اي اي اي .
_سرحتي فين انا عارف اني قمر اكيد سرحتي في جمالي .
_ يا عم اتنيل قمر بالستر.
_ هاجر هو انتي بتعملي اي هنا في باريس .
_ بتفسح يا هندسه .
_ بتكلم جد .
_ انا هنا علشان اتفسح واشتغل انت عارف ان انا خريجه سياحه وفنادق متعاقده مع جريده الجمهوريه في مصر وبصور ليهم اشهر الاماكن والاكلات التحف الأزياء كل ما يخص السياحه المعالم وحاجات كتير كده وهما بقى هناك بيكتبوا عن الصور اللي بصورها اهو منه فسح ومنه بشتغل عرفت بعمل هنا اي .
_ دي حاجه حلوه اوي على فكره وشايف كمان انك بتحبي شغلك.
_ اكيد طبعاً عارف انا كنت جايبه ٩٥٪ في ثانويه عامه بس دخلت معهد سياحه وفنادق .
_ بتهزري صح .
_ ابدا والله بس حبيت ادخل الحاجة اللي بحبها مش المفروضة عليا مادام بتعمل حاجة بتحبها بالتأكيد هتنجح فيها ولا اي .
_ هههه في دي معاكي حق .
_ انت هنا بقى فسحة ولا شغل .
_ انا عندي شغل هنا وقاعد هنا أسبوع وهنزل مصر تاني .
_ بجد انا كمان هنزل مصر كمان اسبوع .
_ اومال انتي نازله في انهي فندق يا هاجر .
_  قريب من هنا اخر الشارع على طول .
_ غريبه دة نفس الفندق اللي انا نازل فيه شكلنا هنتقابل كتير الفتره دي .
_ لا يا عم شكراً مش طالبة خناق تاني كفاية عليا كدة .
_ ههههه مع انك مصيبه بس هتنازل وهصاحبك زي بعضه .
_ هو انت تطول ياض .
_ مفيش فايده فيكي .
_ ايوه ايوه عارفه ووسع كده خليني امشي علشان اتأخرت .
_ طب يلا بينا خديني معاكي انا اصلاً راجع الفندق .
_ طب يلا يا هندسة .
_ طب ممكن تحكيلي عن نفسك شويه عقبال ما نوصل .
_ ليه هتطلع ليا بطاقه يا هندسة .
_ لا يا خفة بس لازم اعرف انا بصاحب مين مش يمكن تطلعي نصابه مثلاً وتسرقيني .
_ وانت حيلتك اي يا معفن علشان اسرقه .
_ اتلمي يا بت ثم انا بخاف على نفسي واد جان شعر بني وعيون خضراء وبشره بيضة .
_ ههههه تصدق صح لازم تخاف على نفسك التحرش بقى كتير اليومين دول متنزلش لوحدك كتير بقى .
_ احم يا كسفتك يا اياد تصدقي انك غلسه يا بت اخلصي احكي .
_ يا عم انا هاجر العامري ٢٣ سنة خريجه سياحه وفنادق امي متوفيه من وقت لما اتولدت وابويا متوفي وانا عندي ١٥ سنة وعايشه مع عمي عاصم العامري ومراته وعياله اللي شوفتهم من شويه وعد واميره انا اكبر من وعد بسنتين واكبر من اميره بتلات سنين بس دة كل حاجة .
_ انا بقى بشمهندس اياد مختار عندي....
_ لحظة لحظة مين قالك اني عاوزه اعرف عنك حاجة .
_ المهم يا هاجر انا عندي ٢٦ سنة عندي أختين وعايش مع ابويا المهندس ماهر مختار وامي شغال في شركه ابويا للهندسه وواد حليوه واعزب ومز وشكلي هقع قريب .
_ ههههه لا الف سلامه عليك ما يقع إلا الشاطر يا هندسة يلا وصلنا سلام .
_ هشوفك تاني .
_ بإذن الله سلام .
_هاجر : عدي الاسبوع وكل يوم نتقابل ويخرج معانا ونسهر بالليل كان اسبوع لطيف ورجعنا مصر تاني .
_ اياد : بصراحه مش عارف اقولها ازاي بس للأسف هتوحشني غلاستك يا هاجر .
_ شوف بردو مصمم يرجع لامه متشلفط .
_ قالت اميره : يا رب نخلص بقى .
_ ردت وعد : فرصه سعيدة يا بشمهندس اياد .
_ انا اسعد يا انسه وعد وبص لهاجر وقال : هشوفك تاني .
_ لو عاوز تشوفني هتوصل ليا يا اياد .
_ هكلمك اطمن عليكي .
_ ماشي يلا سلام .
   « انتهى الفلاش باك »
_ الباب بيخبط على هاجر ودة فوقها من ذكرياتها فعملت نفسها نايمه .
_ هاجر هاجر قومي الساعه ٧:٣٠ هنتأخر على الطياره .
_ صباح الخير يا وعد .
_ صباح النور يا حبيبتي يلا اجهزي .
♤ --------------- بقلم الكاتبة/ آية إنسان -------------- ♤
 في فيلا السمرى  :
_ صباح الخير .
_ بص اكمل قدامه وشاف أسر لابس بدله وحالق دقنه وصاحي بدري فاستغرب وقال : صباح النور يا أسر .
_ انا قررت اني لازم امشي .
_ تمشي تروح فين يا أسر .
_ هروح مكان جديد وحياه جديده وناس جديده مش عاوز افضل هنا تاني .
_ خلاص انت كمان عاوز تمشي وتسيبني يا أسر .
_ معلش محتاج ابعد عن هنا لو حضرتك حابب ممكن تنقل الشركه ألمانيا ونعيش هناك .
_ واضح انك واخد قرارك اسمع يا ابني مبقاش في العمر قد اللي راح وانا مش هسيب بلدي ودنيتي وامشي انا حياتي وعمري في البيت دة لو عاوز تمشي انا مقدرش امنعك ولما تحب تشوف ابوك ابقى تعالي يا ابني سلام .
☆ --------------- بقلم الكاتبة/ آية إنسان -------------- ☆
 صباحاً في فيلا العامري على الفطار :
_ عاصم : خلي بالك من نفسك ومن اخواتك يا هاجر ماشي .
_هاجر :  في عنيا يا عمي .
_ وانتي يا أميرة متضايقيش اخواتك .
_اميرة :  يوووووه يا بابا انا مش صغيره علشان حد يخلي باله مني ومش كل سفريه تقول الكلمتين دول .
_ قالت وعد : باااس بااااس يا جماعه هنعمل اللي انت عاوزه يا عصومي يلا بقى علشان نلحق الطياره وخرجوا التلات بنات وراحوا المطار .
◇ ------------- بقلم الكاتبة/ آية إنسان----------------◇
 في الطياره عند هاجر ووعد :
_ وعد : مالك يا بت يا هاجر ساكته من وقت ما خرجنا من الفيلا .
_ هاجر : عاوزاني اقول اي يا وعد مفيش حاجه أقولها .
_ الله مالك في اي مين مزعلك انتي زعلانه أنه احنا هنروح فرنسا ومش هنروح ألمانيا يا ستي السفريه الجايه نطير على ألمانيا ولا تزعلي .
_ ابتسمت هاجر وقالت :  لا أبداً مش زعلانه بس دماغي وجعاني شويه مش اكتر .
_ طب حاولي تنامي شويه عقبال ما نوصل يا هاجر .
_ بصت هاجر للشباك وغمضت عيونها ورجعت سرحت في الماضي من جديد :
  « فلاش باك» 
_ في اوضه هاجر الموبايل بيرن .
_هاجر :  الو عامل اي يا اياد .
_ اياد : زي الفل انتي عامله اي.
_ كويسه الحمد لله .
_ وحشتني رخمتك يا هاجر .
_ شوف انت عاوزني اتعصب وانا مش هتعصب .
_ يا واد يا عاقل انت هههههه.
_ اقفل يا اياد .
_ لا لا خلاص والله .
_ عدي اسبوعين من وقت رجوع هاجر واياد من السفر وكل يوم يتكلموا ويتخانقوا ويتصالحوا وبقوا جزء أساسي من حياه بعض .
_ رجعت هاجر الفيلا في ميعادها زي كل يوم ولكن تفاجأت بوجود اياد وأهله في الفيلا عندهم .
_هاجر :  احم مساء الخير يا جماعه .
_ قال عاصم : مساء النور يا حبيبتي تعالي اقعدي طبعا انتي عارفه البشمهندس إياد ودول أهله .
_ ابتسمت هاجر وقالت :  اهلا وسهلا بيكم ورجعت بصت لعمها بمعني بيعملوا اي هنا دول .
_ بصي يا هاجر اياد طلب ايدك مني قولتي اي .
_ سكتت شويه وقالت :  بصراحه مش عارفه يا عمي انا محتاجه شويه وقت افكر .
_ رد اياد وقال : طبعاً خدي كل وقتك انا عارف اني فاجأتك بالموضوع معاكي اسبوع فكري كويس وبلغي عمك يعرفني ردك يا هاجر بعد اذنكم نستاذن احنا بقى .
_ بعد ساعه رن اياد وقال : اي رايك في المفاجأة دي .
_ بصراحه غير متوقعه يا اياد بس ليه مقولتليش انك جاي .
_ هتكون مفاجأه ازاي يا هاجر بس اي رأيك .
_ في اي يا اياد .
_ في طلبي قولت ادخل البيت من بابه .
_ لا بجد رجوله يا اياد .
_ هههههه بحب واحد صاحبي يا ناس .
_ اياااد .
_ عيوني .
_ اتلم يا اياد .
_ حبيبي اللي مكسوف يا ناس .
_ هقفل في وشك السكه .
_ ويهون عليكي قلبي اللي بيحبك تقفلي في وشه ... الو الو هاجر يا جزمه قفلت في وشي السكه .
_ دخلت وعد تتسحب وقالت :  قفشتك واقفه حاضنه الموبايل وبتضحكي على اي قري واعترفي حالاً.
_ احم مفيش حاجه .
_ يا بت يا هاجر اقطع دراعي لو ما كنتي بتكلمي اياد .
_ اطلعي بره يا بت عاوزه انام .
_ خارجه خارجه بس هعرف بردو.
_ بعد مرور أسبوع من مطارده اياد لهاجر ودة كان مخليها فرحانه احساس الاهتمام حلو مفيش كلام بس حاسه ان في حاجه ناقصه هي اي مش عارفه ولكن قررت انها توافق على اياد على الأقل هتترحم من كلام مرات عمها وغلاسه بنتها اميرة .
_هاجر :  عمي بصراحه انا فكرت في طلب اياد وبصراحه انا موافقه .
_عاصم :  الف مبروك يا حبيبتي ربنا يسعدك خلاص أبلغه يعني .
_ اه يا عمي .
_ بالفعل عمي بلغ اياد واتحددت الخطوبه كمان اسبوع كنت عارفه أن ام اياد وأخواته معارضين الموضوع لان نظراتهم مش مريحه بس تجاهلت الموضوع علشان خاطر اياد اللي بيعمل حاجات كتير علشان يبسطني ، وعدي الاسبوع بسرعه وطلبت من اياد أن الخطوبه تكون عائليه ودة اللي رحبت بيه أمه جدا واضح انهم مش عاوزين حد يعرف أن اياد خطب مش عارفه اي مشكلتهم معايا بس مش مهم .
_ يوم الخطوبه :
_اياد :  اي القمر دة يا هاجر .
_ هاجر : احم عيونك بس اللي حلوه يا اياد .
_ يا وعدي انتي بتقولي كلام حلوه اهو يختي عليا.
_ اياااااد .
_ خلاص خلاص متجزيش على سنانك كده بس اي الحلاوه دي .
_ اتحرجت من كلامه اللي مش عارفه ارد عليه دة بس احساس من جوايا فرحان ومبسوط وبيقول اهو لقيت الشخص المناسب وكان يوم هادئ وجميل جدا .
_ تاني يوم الخطوبه طلب اياد من عمي اننا نخرج نتغدي بره وعمي وافق وبالفعل رحنا مطعم على النيل .
_اياد :  مش مصدق نفسي يا هاجر انا بحبك اوي على فكره .
_ ابتسمت بأحراج وسكت .
_ مش ناويه تقوليلي انك بتحبيني بقى يا هاجر .
_ بس بقى يا اياد اسكت .
_ ههههه طب خلاص متقلبيش احمر كده لما تحسي انك جاهزه تقوليها قوليها بس مطوليش علشان خاطري كلها شهر ولا اتنين وتبقي في بيتي ووقتها هسمعها كل يوم وكل دقيقه .
_ شهر ولا اتنين ليه يا اياد .
_ انا جاهز  والفيلا بتاعتي جاهزه يبقى نستني ليه يا هاجر .
_ بس انا مش جاهزه يا اياد محتاجه وقت .
_ مش جاهزه لأي يا هاجر هو انتي هتجهزي انتي هتجيبي هدومك بس يا هاجر .
_ مش فكرت جهاز بس انا محتاجه وقت بلاش نتسرع .
_ اومال محتاجه وقت قد اي يا هاجر .
_ يعني مش اقل من ٦ شهور يا اياد .
_ نعم يختي كام ليه يا هاجر احنا نعرف بعض بقالنا ٥ شهور اهو ليه نأجل تاني .
_ وانت شايف أن ٥ شهور فتره كافيه يا اياد علشان نتعرف على بعض .
_ هو أنا ليه حاسس انك مش عاوزانا نتجوز هو انتي حد جبرك على جوازك مني .
_ ليه بتقول كده يا اياد انا اللي وافقت بكامل إرادتي .
_ اومال في اي يا هاجر .
_ اتنهدت هاجر وقالت : اياد لو سمحت حاول تفهمني اديني وقتي علشان اكون جاهزه للحياه الجديده دي لو سمحت .
_ اتنهد اياد وقال : ماشي يا هاجر بس هما ٦ شهور مش اكتر ودة اخر كلام .
_ ابتسمت براحه أنه وافق بس حاسه بالخوف من اللي جاي .
     « انتهى الفلاش باك »
_ في الطيارة قالت وعد : هاجر هاجر .
_ نعم يا وعد .
_ يلا وصلنا فوقي علشان هننزل .
_ ماشي يا حبيبتي .
_ ونزلوا التلات بنات وراحوا الفندق ودخلت كل واحده اوضتها تستريح من السفر ليستعدوا لقضاء اجازه ممتعه في ارض العشاق باريس ولكن تلك الرحله التي سوف تفتح جروح الماضي التي لم تلتأم بعد .
يتبع ......
لقراءة الفصل الرابع : اضغط هنا
لقراءة باقى فصول الرواية : اضغط هنا
google-playkhamsatmostaqltradent