recent
أخبار ساخنة

رواية رباط تحت مسمي الميراث الفصل الثالث 3 بقلم نوران وليد

 رواية رباط تحت مسمي الميراث الفصل الثالث 3 بقلم نوران وليد
رواية رباط تحت مسمي الميراث الفصل الثالث 3 بقلم نوران وليد

رواية رباط تحت مسمي الميراث الفصل الثالث 3 بقلم نوران وليد

مين !!! انت بتقول ايه يا جدي انا استحالة اتجوزه
-علي: و لا انا يا جدي  بعد اذنك انا مش موافق
وهم علي بالخروج من باب المنزل حتي أوقفته جملة جده الذي قال :
-لو متجوزتهاش يا علي ابوك و امك و اختك هيتحرموا من الميراث و انت كمان مش بس كده انا هتبرع بفلوسي كلها يعني حتي عمك و عيالوا مش هياخدوا حاجة
-  فبادره علي قائلا :انت عارف يا جدي أن انا و لا عاوز ميراث و لا نيلة و انت المفروض مربيني يعني عارف ان الفلوس بالنسبالي مش فارقة معايا....
-الحاج محمد: عارف يا علي بس فكر كويس لو متجوزتش مريم هبقي غضبان عليك و هموت وانا مش راضي عنك انا اول مرة ابقي فرحان من قلبي و انا شايفكم حواليا كده 
و هنا رجع علي و جلس علي ركبتيه أمام كرسي جده المتحرك و طئطئ راسه في اسي و قال:
-ليه كده بس يا جدي ليه
فقطع حديثهم تصفيق مريم استهزائا لما يحدث فبادرت قائلة :
_ خلصت ال شو  البتعمله ده يعني انا المفروض اركع زيك كده و  بعدين اقول ال تشوفوه يا جدي و انا هوافق علشانك يا جدي
-علي بغضب: انتي بتقولي ايه عارفة انا ما كنتش عاوز الجوازة دي من الاول بس دلوقتي مش عاوز اني ابص في وشك حتي....
-مريم بنبرة غضب : احترم نفسك انا عاملة حساب للناس القاعدة دول لكن كلمة كمان و مش هيحصلك كويس...
-علي بستهزاء: كنتي هتعملي ايه يعني ...
و هنا تدخل هلال مقاطعا هذا الحوار موجها كلامه الي الحاج محمد قائلا:
- انا ماسمحش أن بنتي تتهان بالطريقة دي يا حج محمد و لو علي الميراث انا و مراتي و بنتي مش محتاجين الحمد لله و عن اذنك بقي 
و هم هلال و زوجته و ابنته بالتحرك حتي سمعوا صوت علي خلفهم  الذي اوقفهم بعبارته :
- جدي يا جدي رد عليا ......
و تم نقل الحاج محمد الي المستشفي و خلفه جميع افراد العائلة و عند خروج الدكتور من غرفة العناية المركزة الذي قال لهم عندما اندفعوا نحوه يسألوه عن حالة الحاج محمد فبادرهم :
-للاسف الحالة تدهورت اكتر من الاول احنا هننقله أوضة عادية بعد ما يتحسن لحد الوقت ده ممنوع الزيارة و ياريت ما حدش يزعله عن اذنكم 
-سعاد بحزن : ليه بس يا بابا عاوز تعيد الحصل زمان تاني
-احلام محاولتة تهدئتها: كله هيتحسن و يبقي زي الفل يا سعاد أن شاءالله
 و علي جانب باب غرفة العناية كانت تقف حسناء بصحبة والدتها سناء و معها اخوها عمر فدار بينهم الحوار التالي 
-حسناء : علي جثتي البنت دي تاخد (علي) مني علي جثتي 
- سناء : استحالة اخلي بنت الغريب و بنت سعاد تدخل في العيلة دي
- فقاطعهم عمر قائلا: يعني عاوزين الورث يروح مننا 
-حسناء : انت ما بتفكرش في حاجة غير الفلوس بقولك علي ال كنت بحلم أنه هيتجوزني من و احنا صغيرين هيروح مني بسبب البنت دي
-عمر: عموما خلينا نشوف ايه الهيحصل
 توجه علي إلي مريم التي كانت تجلس حزينة بمفردها  و تشعر بالحزن لانها السبب في تدهور حالة جدها حتي قاطع شرودها صوت علي الذي جلس في الكرسي الذي بجوارها فقال :
-بصي يا بنت الناس انا عمري ما حبيت الفلوس و لا فكرت فيها بس الراجل ال بيموت جوه ده هو المربيني و بحبه اكتر من نفسي و مش هسامح نفسي لو حصله حاجة بسببي ...
-مريم بحزن: و المطلوب بقي ؟
-علي: انتي مش هتحسي بالانا حاسه انتي ما تعرفيش عن الراجل الجوه ده غير اسمه بس .
-مريم: يا ريت ما تحكمش علي حد من غير ما تبقي متاكد من معلوماتك...
-علي: مش فاهم ...
-مريم: مش مهم ...المهم المفروض نعمل ايه بقي....
-علي: انا هعمل معاكي ديل بصفت أن كل حياتك شغل في شغل فهكلمك بلغتك بتاعت الشغل 
-مريم: و ايه بقي الديل
-علي: احنا هنتجوز لمدة ٣شهور و كل واحد هيفضل في حاله طول ال٣ شهور بس قدام جدي و العلية هانبين اننا اسعد زوجين في الدنيا و ده لحد ما جدي ربنا يفتكره انتي عارفة أن ايامه في الدنيا دي معدودة و انا عاوز اخر ٣شهور في حياته يبقوا اسعد اياام عاشها في حياته ها قولتي ايه
-مريم باستسلام: موافقة ....
-علي: اتفقنا بس اوعي ولا عمو هلال أو عمتي سعاد يعرفوا حاجة عن الاتفاق ده  و لا أي مخلوق 
-مريم بثقة يصطحبها حزن: ان شاءالله....
ليقطع حديثم خروج الممرضة من غرفة العناية المركزة التي بداخلها الحاج محمد التي سرعان ما التف الجميع حولها فحدثتهم قائلة :
-الممرضة: المريض فاق عاوز مريم و علي يدخلولوا هما فين؟
-علي: أيوة انا اهو
-مريم: و انا كمان اهو
-الممرضة : يا ريت ما تقلوش علي المريض و متتعبوش اتفضلوا ادخلولوا  بس ما تطولوش علشان الزيارة ممنوعة 
و دخلت مريم غرفة العناية المركزة و معها علي بعد أن ارتدوا الكمامات و توجهوا الي  جدهم الذي كان في حالة لا يحسد عليها فنزع قناع الاكسجين و بادرهم قائلا بصعوبة  :
- علي يا ابني انا ال ربيك و عارف كويس أن الفلوس ما تسواش حاجة معاك بس انا ... انا اكيد هفرق معاك و لا ايه....
-علي: اكيد طبعا يا جدي اكيد ....و انا هريحك و هتجوز مريم ...
-الحاج محمد بفرحة : بجد يا ابني ...يعني وافقت ...و انتي يا مريم
-مريم لابتسامة مصطنعة : أيوة يا جدي الأنتي عاوزه انا هانفزه
-الحاج محمد بارتياح: الحمد لله انا كده استريحت خلاص الفرح الخميس الجاي أن شاءالله....
-علي: ان شاءالله يا جدي بس كفاية كلام علشان الكلام الكتير غلط عليك ...
-الحاج محمد: صدقني يا علي يا ابني في حاجات كتير انتي متعرفهاش عن مريم دي اطيب قلب ممكن تشوفوه 
-علي باستسلام: خلاص يا جدي قضي الامر و كلامك هيمشي في كل الاحوال حتي لو هي ايه انا هتجوزها علشانك
-الحاج محمد: صدقني عمرك ما هتندم يا ابني
-مريم: خلاص كفاية كلام يا جدي احنا لازم نسيبك ترتاح شوية بقي...
-الحاج محمد: انا ارتحت لما سمعت قراركم يا بنتي ...
و خرج علي و مريم من غرفة العناية ليلتلف حولهم جميع أفراد العائلة   فبادرهم حسين قائلا:
-كان عاوزكم في ايه يا علي يا ابني...
-علي: كان عاوز يطمن ان انا و مريم وافقنا علي قراره...
-حسناء: و انت اكيد قولتله انك مش موافق صح....
- سناء: اكيد طبعا مش هيوافق علي حاجة زي دي....
- احلام : حد فيكم يتكلم ايه الحصل جوه ...
-علي: فرحي علي مريم الخميس الجاي....
-حسناء بصدمة: انتي بتقول ايه انتي اكيد اتجننت ...
-علي بغضب: لا متجننتش يا حسناء و ايه ال فيه جنان لما اتجوز بنت عمتي...
-هلال : موجه كلامه لابنته مريم و انتي وافقتي يا مريم....؟؟
-مريم بابتسامة مصطنعة: اه يا انا موافقة اني اتجوز علي ابن خالي...
-هلال  بغضب: ازاي يا بنتي انتي كنتي رافضة من كام ساعة ؟ بصي و لا انا و لا امك فرضنا عليكي حاجة من اول ما اتولدتي و لا هسمح لحد يفرض عليكي حاجة ....
-مريم: محدش فرض عليا حاجة يا بابا انا العاوزة اتجوز علي ....
-علي: بعد اذنك يا عمو هلال حدد انتي و بابا ترتيبات الفرح علشان الخميس الجاي هيبقي فرحي علي بنتك مريم أن شاءالله
______________
*شركة والد نور 
-مرام : في حاجة غريبة يا بتحصل في الشركة ازاي السفقة المفروض الشرط الجزائي بتاعها بالحجم ده تتلغي 
رفعت مرام سماعة التليفون و طلبت معاد من مدير شركة القناوي معاد و بالفعل ذهبت لمقابلته 
- اهلا بحضرتك انا البشمهندسة مرام محمود الجيار 
- اهلا بيكي انتي اخت أحمد بيه الجيار 
- اوووف اه اخته 
- اهلا اهلا انا زياد القناوي 
- اهلا بحضرتك معلش عاوزة اعرف مين لغي السفقة الاخيرة المابينا 
- اخوكي انتي ازي ما عندكيش علم بحاجة زي دي 
- استغفر الله ممكن حضرتك تتكلم في سياق العمل و بلاش المسائل العائلية دي حضرتك عارف تعب مرتضي بيه شريكنا في الشركة و والدي موجود بصفة دايمه معاه فأنا الهتابع الشغل بتاع السفقة دي و ياريت حضرتك تاخد الأوامر مني انا و....
- لحظة بس زياد القناوي ما بياخدش أوامر من حد 
- انا اقصد بخصوص السفقة دي 
- طيب و احمد بيه الجيار اخوكي 
- لا انا هبلغه يبعد عن السفقة دي تماما عن اذنك 
- لحظة بس انتي ما شربتيش حاجة 
- معلش مرة تاني 
خرجت مرام بكل تعالي و خلفها ظهرت ضحكة خبيثة علي وجه زياد محدثا نفسه 
- ايوة كده والله و لقيت الشوكة الهكسر بيها ضهرك يا احمد يا جيار و هخليك تيجي راكع تحت رجلي انت و عيلتك الطالع بيها السما 
______
في منزل والد نور 
فتحت نور الباب لمرام التي دخلت كالبركان موجهة كلامها الي احمد.الذي يقف بجوار والده الذي كان يجلس بجوار والد نور طريح الفراش 
- مرام : اناااا عاوزة اعرف انت وظيفتك ايه في الحياة غير انك تعصبني و تبوظ حياتنا 
-احمد بغضب : مراااام واطي صوتك و راعي ان عمو مرتضي تعبان 
-مرام : انت ليك عين تتكلم 
-نور: اهدي يا مرام و فهمينا في ايه بالظبط 
مرام: البيه كبير العيله المفروض عاقل و فاهم 
-احمد: احفظي لسانك يا مرام انا عامل احترام لبابا و عمي 
- مرام: 😒😒 كان هيخسر الشركة النهاردة ٢٥ مليون في ظروف احنا بنمر بيها مش هتسمحلنا نسد المبلغ 
- والد احمد: الكلام البتقولوه اختك ده صح 
- مرام : رد اتكلم البيه فسخ عقد مع شركة كبيرة و الشرط الجزائي المبلغ ده 
- احمد : قولي لبابا و لعمي الشركة دي شركة مين اتكلمي 
- مرام : شركة القناوي ايه يعني 
-والد احمد : مين 
- مرام:  القناوي لولا اني روحت و صلحت الموقف معاهم معرفش مصير الشركة هيكون ايه 
- احمد بغضب جذبها من ذراعها : انتي بتقوليييي اااايه انتي روحتي و اتكلمتي مع زياد القناوي انطقييي
- مرام: اوعي سبني أيوة روحت 
-والدهم: بس بس مرام السفقة دي مش لازم تتم حتي لو علي جثتي 
الامور بتتعقد بين مرام و احمد اخوها و مريم رغم شخصيتها المستقلة هتتجبر و لأول مرة في حياتها انها تتجوز ابن خالها المتعرفهوش و والد نور خايف عليها ليموت في اي وقت و في نفس الوقت حاسة بانجذاب لشخصية احمد يا تري ايه 
يتبع ......
لقراءة الفصل الرابع : اضغط هنا
لقراءة باقى فصول الرواية : اضغط هنا
google-playkhamsatmostaqltradent