recent
أخبار ساخنة

رواية حياة الأسد الفصل السادس 6 بقلم نانسي محمود

jina
الصفحة الرئيسية

   رواية حياة الأسد الفصل السادس 6 بقلم نانسي محمود

رواية حياة الأسد الفصل السادس 6 بقلم نانسي محمود

رواية حياة الأسد الفصل السادس 6 بقلم نانسي محمود


و حياه واقفه سرحانه جم تلات شباب و حاوطو حياه 
الشاب الاول : الا القمر واقف كده لي 
حياه بخوف : وانت مالك انت وهو و بعد ازنك عديني
ضحكو الشباب التلاته و قال التاني : علي فين يا قطه هو دخول الحمام زي خروجه 
حياه و بدأت تخاف اكتر و دموعها نزلت من عيونها 
الشاب : تؤتؤ مينفعش العيون الجميله دي تعيط و لسه هيحط أيده علي وشها لقا حتت قلم نازل علي وشه وقع علي الارض 
حياه بخوف : اس...اسد
اسد بصلها و رجع بص للشباب و لقا واحد منهم جاي يضربه ..... اسد ضربه بالبوكس في وشه و ضربه برجله في بطنه و الاتنين التانيين خافو و هربوا
اسد : اتفضلي يا هانم اركبي العربي 
حياه : شكرا مش عايزه اركب معاك 
اسد بعصبية: اها شكلك كنتي حابه الوقفه معاهم 
حياه : انا مسمحلكش تكلمني بالطريقه دي 
اسد : اركبي يا حياه 
حياه : مش راكبه 
اسد : بقا كده طيب و راح شايلها مركبها العربيه 
حياه : قولتلك مش عايزه اركب معاك هو عافيه 
اسد وهو بيسوق : اها عافيه 
حياه: اي الرخامه دي 
اسد : ممكن تخرسي 
حياه : مش هسكت و نزلني
اسد وقف العربيه و هو بيبصلها: عايزه اي 
حياه : عايزه انزل انا بعرف ارو.......
قطعها اسد و هو يقبلها بدون وعي و هي كانت تحاول أبعاده و بالفعلا ابتعد اسد عنها و هو ينظر لها و هي تنظر في الأرض 
اسد بأنفاس متقطعه : كنتي عايزه تنزلي 
حياه اكتفت بالسكوت 
اسد شغل العربيه من جديد و مشي ....... بعد وقت قصير وصل اسد بيت حياه ......حياه نزلت من العربيه من غير ولا كلمه  
اسد : حياه 
حياه بكسوف و عيونها في الأرض : ن..نعم 
اسد : ممكن بلاش اللبس ده و ياريت تلبسي حاجه طويله و تكون واسعه 
حياه : هو انت بتعمل معايا كده لي يا اسد 
اسد : مش عارف
حياه بسخرية : بتحبني مثلا
اسد: و لي مثلا مش اكيد 
حياه: ق..قصدك اي 
اسد بحب و هو يهمس لها : قصدي اني بحبك و ابتسم لها ابتسامه سحرت حياه و مشي 
حياه بصتله و هي في حاله صدمه فا حب حياتها اعترفلها بحبه .... فاقت حياه من صدمتها و صعدت لمنزلها
⁦ᕙ[・۝・]ᕗ⁩
ام حياه: اي يابنتي كنتي فين قلقت عليكي دي ملك جت من بدري و قالت انك روحتي 
حياه : معلش يا ماما كنت في مشوار و تعبانه اوي و عايزه ارتاح 
ام حياه: طب مش هتاكلي يابنتي
حياه : لا يا ماما مش جعانه انا عايزه انام 
ام حياه : ماشي يا حبيبتي اللي انتي عايزاه
حياه دخلت اوضتها و لسه هتغير علشان تنام لقت ملك بتخبط
ملك: افتحي يا حياه انا ملك 
حياه : حاضر 
ملك: اي يابنتي كنتي فين ده كله
حياه : هحكيلك كل حاجه بس ارتاح شويه بس علشان مهدوده اقسم بالله
ملك : ماشي يا قلبي ارتاحي شويه علشان عايزه اعرف كل حاجه
حياه: حااضر
ذهبت ملك و غيرت حياه لبسها و ارتمت علي السرير
حياه و هي تفتكر كل ما حدث و تبتسم و قالت طلعت بتحبني زي ما بحبك يا اسد .... و افتكرت ساعت ما قبلها و اتكسفت و خبت وشها في المخده و راحت في النوم
..........عند اسد...........
كان قاعد بيشتغل علي الاب توب و لقا رساله وصلته علي الوتس من رقم مجهول و كان مكتوب فيها [ تعالي علي المكان ده ****** محمود صاحبك في خطر ] ... قام اسد بسرعه و خرج من الفيلا راح المكان الموجود في الرساله
...........عند محمود..........
كان قاعد مع سهيله و سكران 
سهيله بدلع : اصبلك كمان كاس يا بيبي 
محمود بدوخان : اه اه صوبيلي كمان 
سهيله بمكر : اتفضل يا بيبي 
سهيله : بيبي ممكن توقع على الورق ده 
محمود و هو بيقوم من مكانه : كنت عارف ان ورايكي حاجه
سهيله بصدمه : انت انت ازاي فوقت كده 
محمود ضحك بمكر : ههههه انتي عبيطه انتي مفكراني اهبل علشان يضحك عليا و من مين من وحده زيك اللي انتي مش تعرفيه يا حلوه اني كاشفك من الاول و عارف كل مخططاتك 
محمود و هو بيمسكها من شعرها مين اللي ورايكي يابت 
سهيله: اه سيب شعري 
محمود و هو بيشد شعرها بقوه اكتر : بقولك مين اللي ورايكي
و بيقطعه دخول الشخص المجهول 
اسامه جوز ام محمود: وحشني يابن الغاليه
محمود بصدمه : اسامه 
اسامه بكر: ايوا اسامه اللي حياتك هتخلص علي ايديه
و اخرج مسدس من جيبه و صوبه باتجاه محمود و قال : و طبعا قبل ما تموت هتوقع علي تنازل عن كل ممتلكاتك اللي من حقي انا مش انت 
محمود: وانت مفكر اني هخاف منك و بعدين حق اي ده حقي انا و امي الله يرحمها 
اسامه : تمام يبقا هموتك و برضو هاخد كل ده من بعد موتك هتوحشني اوي و ابقا سلميلي علي شيرين (مامت محمود) 
اسد من ورا اسامه و هو يصوب سلاح علي رأسه : ونبي انت اللي شكلك هتوحشنا كلنا نزل سلاحك 
اسامه و لسه مصوب السلاح علي محمود
اسد: بقولك نزل سلاحك 
اسامه باستسلام نزل السلاح 
و بتدخل الحكومه المكان و بتقبض علي سهيله و علي اسامه 
اسامه بشر: مش هسيبكوا في حالكو و هقتلكو كلكم سامعين هقتلكو 
محمود بدموع: انا مش عارف اقولك اي يا اسد 
اسد بابتسامه : تقول اي ياض انت احنا مش اخوات ولا اي 
محمود: احسن اخوات في الدنيا بس انت عرفت اني هنا ازاي  
اسد : انا كنت قاعد و لقيت رساله وصلتني فيها اللوكيشن و بيقول انك في خطر 
محمود: يا ترا مين ده 
بتدخل ست في الستينات و بتقول : انا اللي بعت الرساله 
اسد و محمود باستغراب : انتي مين 
هند : انا هند ابقا اخت اسامه 
محمود: و انتي لي بعتي لاسد 
هند : لاني عرفت خطه اسامه ولأن مامتك الله يرحمها كانت صحبتي و عشره عمري انا اعرفها من قبل ما تتجوز اسامه 
محمود: انا متشكر لحضرتك جيدا 
اسد: شكرا ليكي 
هند : ولا شكر ولا حاجه ده واجبي و اقل حاجه ممكن ارد بيها علي جمايل شيرين الله يرحمها 
محمود و اسد : الله يرحمها 
هند : استاذن انا بقا
محمود: استني نوصلك
هند : لا يابني انا بيتي قريب من هنا 
محمود: تمام ماشي و شكرا ليكي مره تانيه 
اسد حضن محمود و قاله: يلا بينا يا صاحبي 
محمود: يلا يا صاحبي 
و ذهب اسد و محمود كلا منهم الي منزله 
..........عند ملك.........
ملك : يووه الوقت اتاخر و لسه فاضل حاجات عايزه تصحح في الورق الزفت ده منك لله يا محمود الكلب و حتي حياه كمان نامت اكنها ماتت يلهوي لتكون ماتت بجد أما اروح اشوفها كده 
ملك : حياه حياه 
حياه بنوم : اممم سيبوني انام 
ملك : الحمدلله لسه عايشه أما اروح اشوف ورايا اي عشان هموت وانام انا كمان 
      (تاني يوم الصبح) 
صحيت حياه الساعه ٦ الصبح و هي بتقول انا نمت كتير اوي اي الكسل اللي انا فيه ده 
قامت دخلت الحمام اخدت شور و غسلت سنانها و صلت الصبح و بعد ما خلصت وقفت قدام الدولاب 
حياه : اممم البس اي البس اي و بعدين افتكرت كلام اسد 
يوووه البس اي انا يعني و بعدين لمحت دريس لونه ابيض و فيه ورد احمر و قالت هو ده و لبسته 
بتدخل ملك 
ملك : صباح الخير 
حياه : صباح النور يلا نمشي جاهزه 
ملك بابتسامه : جاهزه بس ماما مش هترضي تخلينا نمشي من غير ما نفطر
حياه : ما معاها حق و بعدين انا جعانه اوي يلا يلا نفطر و نمشي 
ملك: يلاا
بعد فتره وصلو الشركه 
ملك: شكلنا اتاخرنا يا حياه ده كله بسببك
حياه : انا مالي انا 
ملك: انتي اللي قعدتي كلتي و اخرتينا 
منه السكرتيره: انسه حياه استاذ اسد جه و سال علي حضرتك 
حياه : يلهوي يلهوي شكلي هتهزء تاني انهارده
ملك : الحمدلله انا في السليم 
منه: استاذ محمود ايجا ولو ملقاش حضرتك اتعصب علشان كان عايز الورق اللي معاكي 
ملك : احيه عليا 
و في نفس الوقت محمود ليخرجخمن مكتبه 
محمود: اهلا اهلا بالست ملك ما لسه بدري 
ملك : طب الحمدلله انا كنت مفكره اني اتاخرت 
محمود بجمود : هنستظرف ورايا علي المكتب 
ملك : حاضر⁦⁦
......في مكتب اسد.....
كان قاعد بيشتغل علي الاب توب
حياه : ينفع ادخل 
اسد و هو مكمل شغل : اتفضلي 
حياه دخلت : انا اسفه علي التاخير 
اسد و كان تنرفز و لسه هيزعق بيها بس اول ما شافها نفسي كل غضبه و اخد ينظر عليها بدقه 
حياه بكسوف : احم 
اسد بفرحه أنها سمعت كلامه : هو في قمر كده 
حياه : شكرا 
اسد : اقعدي عايزك في موضوع
حياه : خير في حاجه
اسد : انتو رايحين في حته انهارده
حياه بعدم بفهم : احنا مين و رايحين فين 
اسد : غبيه لسه غبيه زي ما انتي 
حياه : انا مش غبيه يا اسد 
اسد بضحك : طيب ياستي قصدي مامتك رايحه في حته انهارده
حياه : لا 
اسد : طب كويس 
حياه : في اي 
اسد : لا ياستي ولا حاجه بس جاي اطلب ايديك 
حياه بصدمه : ت..تطلب ايدي 
اسد : اي مش مواقفه طب انا اس..
حياه : لالا موافقه 
اسد : بجد 
حياه : بجد 
اسد قام بفرحه حضن حياه و هو بيقولها بحبك 
حياه بكسوف : شكرا 
اسد بعدها عنه : شكرا !!!
اسد : مفيش بحبك 
حياه : لا مفيش عن ازنك بقا ورايا شغل 
اسد : لا منا ادريتك اجازه انهارده روحي بقا انتي عروسه 
حياه و خدودها بقت زي الطماطم : حاضر 
اسد : اي القمر ده بتحلوي اكتر و انتي مكسوفه يا حياتي 
حياه : طب انا ماشيه بقا 
اسد : امشي يا فصيله امشي 
مشيت حياه و هي فرحانه و بتضحك
.........عند محمود و ملك.........
محمود: رجعتي الورق المطلوب 
ملك : ايوا يا مستر 
محمود: طب تمام و بعدين وجه نظره عليها و قال بدون وعي بس اي القمر ده
ملك : افندم !! 
محمود:  هاا هااا اتفضلي علي مكتبك و بعد ساعه الاقيكي في مكتب الاجتماعات عندنا اجتماع محمود و اه صح حياه روحت 
ملك : اي روحت لي و من غير ما تقولي 
محمود: اصل يا ستي عقبال عندك اسد هيجي يطلب أيدها انهارده
ملك بفرحه : بجد الله الله اما اروح انا كمان 
محمود: نعم ياختي تروحي فين هو جاي يطلب أيدها ولا ايدك ورانا شغل يا قمر 
ملك في سرها : ده انت تنح و بارد 
محمود: اسمعك و علي شغلك بدل ما تشوفي وشي التاني
)))))))))))))))))))
حياه : ماما يا ماما 
ام حياه : اي يا حبيبتي جايه بدري كده لي
حياه بكسوف: في عريس جاي يتقدملي 
ام حياه بفرحه : بجد و مين اللي مامته دعياله
حياه : خليها مفاجاه بقا يا ست الحبايب 
ام حياه: ربنا يفرحك ديما يا بنتي يارب 
حياه : هروح اجهز انا بقا 
ام حياه: ماشي يا حبيبتى وانا هروح اشوف اللي ورايا 
بليل في بيت حياه 
ملك : يلا يا حياه خلاص 
حياه : استني بس اي رايك 
ملك : زي القمر يا حبيبتي
حياه كانت لابسه فستان ازرق فاتح نفس لون عيونها  و جزمه سمرا و ميكب خفيف و كانت زي القمر 
و ملك كانت لابسه  ميني دريس  اوف وايت لعند الركبه و ميكب خفيف
ملك : يلا يا حياه الباب بيخبط اكيد هما 
حياه : يلا يلا 
ام حياه فتحت الباب 
ام حياه : اهلا اهلا اتفضلو 
اسد : ازيك يا طنط منال 
منال : اسد 
يتبع.....
لقراءة الفصل السابع : اضغط هنا
لقراءة باقي فصول الرواية : اضغط هنا
google-playkhamsatmostaqltradent