recent
أخبار ساخنة

رواية اوقعتني طفلة الفصل التاسع 9 بقلم لوكي مصطفى

 رواية اوقعتني طفلة الفصل التاسع 9 بقلم لوكي مصطفى
رواية اوقعتني طفلة الفصل التاسع 9 بقلم لوكي مصطفى

رواية اوقعتني طفلة الفصل التاسع 9 بقلم لوكي مصطفى

فى الفجر
تجمع الجميع امام ڤيلة سليم و كانت كارمن ترتدى "بنطلون چينس و تيشرت كت اسود " و حبيبة "شورت اسود و تيشرت ابيض " و مريم "سلوبت چينس و تحتيه تيشرت ابيض مخرم من الضهر " و منة "فستان كت مجسم لحد ركبتها لونه روز " و روان "چيبة ضيقة لحد ركبتها من الجلد الاسود و تيشرت قصير اسود مبين بطنها"
(و دى طبعا فكرة كوكى 😂😂💃💃دول هيتنفخو 😂😂😂)
وقف الشباب ينظرون لهم بصدمة و اعجاب و غيرة و لكن افاق سليم بسرعة ثم سحب كارمن من ذراعها و ادخلها السيارة ثم انطلق بها و اخذ كريم منة بغضب و ادخلها السيارة و انطلق بها و هكذا فعل البقية ايضا
فى سيارة سليم ...
سليم بضيق:ايه اللى انتي لبساه ده
كارمن ببرود:ايه مالو اللى انا لبساه
صمت سليم ولم يرد عليها و ظهرت ملامح الضيق و الغضب على وجهه
كارمن بتوتر من صمته:هو اللي انا لبساه وحش
سليم بغضب:انتي شايفه ايه
كارمن ببرود كى تغيظه:انا شايفة انه حلو
سليم ببرود:ماشي
كارمن:في ايه انت بتكلمني بالطريقة دي ليه
سليم وهو ينظر الى الطريق:انا حر
انكمشت ملامح كارمن بضيق طفولى و كتفت يديها ثم نظرت من نافذة السيارة فنظر لها سليم و ابتسم بحب على طفولتها و اعاد نظره الى الطريق مرة اخرى
فى سيارة كريم...
لم ينبث كريم بكلمة طوال الطريق فنظرت له منة بخوف و لكن تذكرت جملة كارمن
"لازم نلبس اللبس ده عشان يشوفوا احنا ازاى جامدين "
منة بثبات مصتنع:احم احنا هنوصل امتى
لم يرد عليها كريم و ظل بملامحه المبهمة و هو ينظر الى الطريق
منة لنفسها بغيظ:بص الحيوان مبيردش عليا ازاى
كريم بغضب:مين ده اللى حيوان !!
منة بخوف:هـ..هو انا فكـ..فكرت بصوت..ت عالى
كريم بضيق:ايوة اتنيلتى
منة بإنفعال:احترم نفسك
كريم بسخرية:والله انا محترم الدور و الباقى على اللى لبسالى محزق و ملزق و فرحانة بجسمها اللى مبيناه للناس
نظرت له منة بعيون متسعة من الصدمة واحست بوخزة فى قلبها فإنهمرت دموعها
منة بصدمة ودموعها تنهمر على وجنتها بقوة:قصدك انى مش محترمة يا كريم
كريم بتوتر:آآ لا مش قصد...
قاطعته منة بإشاحتها لوجهها و نظرت الى الطريق  و دموعها تنهمر بصمت ...!
فى سيارة ايمن...
حبيبة بإبتسامة بريئة:ايمونى ايه رأيك فى لبسى
ايمن بإبتسامة باردة:زى الزفت يا عيون ايمونك
حبيبة بحزن طفولى:ليه كدة دى كوكى قالتلى انه حلو اوى
ايمن بغضب:ايه الشورت ده مش فاهم انتى من امتى بتلبسى كدة
حبيبة بعفوية:ما كارمن قالتلنا نلبس كدة انا و البنات عشان نعجبكو و متبصوش بر...
وضعت حبيبة يدها على فمها بصدمة و اتسعت عيناها بفزع ، نظر لها ايمن بصدمة هو الاخر
حبيبة بتوتر:انا هنام
اغمضت حبيبة عيناها بسرعة و تمنت ان تنشق الارض و تبلعها بينما نظر لها ايمن بإبتسامة حانية من عفويتها تلك ثم ضحك بخفوت و تابع الطريق
فى سيارة حسن...
كانت مريم جالسة ملتصقة بالكرسى كى لا يرى حسن اخرام التيشرت من الخلف
مريم بتوتر:وانت عامل ايه
حسن بإستغراب:كويس الحمدلله (ثم اكمل بتساؤل)مالك مش على بعضك ليه
مريم بوجه شاحب:لا ابدا مفيش
حسن ببرود:كويس انك ملبستيش زيهم كان زمانى بقرا عليكى الفاتحة دلوقتى
ابتلعت مريم ريقها بتوتر و ابتسمت له بخوف فلاحظ حسن هذا و لكنه صمت
فى سيارة تامر...
تامر بضيق:ايه يا روان اللبس ده
روان بفرحة:انت غيران ولا ايه
تامر ببرود كى يخفى توتره:لا بس مينفعش تلبسى كدة
روان بضيق:اه طيب
ثم اغمضت عيناها بألم
تامر:ناوية تدخلى كلية ايه
روان:الجامعة الامريكية قسم طب ان شاء الله
تامر:ايه ده نفس كليتنا بس احنا قسم تجارة انجلش
روان:اه ما انا عارفة
اومأ لها تامر ثم نظر الى الطريق و ظلت روان تتأمله بدموع محبوسة
.......................................................
فى انجلترا
فى منزل كارمن
كانت والدة كارمن تقف فى المطبخ تعد لنفسها طعام بسيط و لكنها فوجئت بمدحت يدخل عليها فنظرت له بكره و ضيق
مدحت ببرود:انا نازل الساحل مع صحابى هسيبك كام تفتكرى وديتى البت فين
نظرت له منال بغضب و هو ينصرف ثم اتسعت عيناها بذعر
منال بخوف:هو قال نازل الساحل !! يعنى نازل مصــــر
.......................................................
فى الساحل
وصل الجميع الى الڤيلة الذين سوف يمكثون بها وهم مبهمون الوجه فركنو سيارتهم بالجراش الملحق بالڤيلة ثم فتح سليم باب الڤيلة و دخلوا
سليم ببرود:الڤيلة فيها 10 اوض و جناحين يعنى كل واحد عنده اوضة بس البنات لو عايزين يباتو مع بعض فيه جناح فى الدور التانى اطلعو فيه
اخذ الفتيات حقائبهم و انصرفوا الى الجناح بدون كلمة
تامر بتساؤل:مالهم دول
كريم بضيق:تعالو نقعد فى الجناح التانى احنا كمان عشان عايزكو فى موضوع
اومأ له الجميع  و صعدو الى الجناح الاخر
فى جناح الفتيات
جلس الجميع على الفراش الواسع وهم صامتون
كارمن بضيق:كل واحدة اتهزقت صح😒
اومأوا لها بحزن
كارمن بأسف:انا اسفة يا جماعة انا صاحبة الخطة الفاشلة دى 😔
منة:متتأسفيش يا كارمن انتى معملتيش حاجة 😁💙
مريم:ايوة يا كوكى متتأسفيش انتى مغلطيش😎💙
حبيبة بغيظ:انا هولع فيهم اصلا ازاى يزعقُلنا كدة 😒
منة بغيظ:مش عارفة يختى 😑
كارمن:مالك يا روبانزل ساكتة ليه 😂💃
روان بهدوء:مش لاقية حاجة اقولها !
كارمن بتساؤل:مالك يبنتى 😔
روان وهى تتجه الى الشرفة:مليش و يا ريت محدش ييجى ورايا 😊
دخلت روان الشرفة وهى تحبس دموعها على قدر استطاعتها فهى دائما قوية ولا تبكى اتأتى الآن و تضعف..!
مريم:مالها البت دى ؟
حبيبة:اكيد تامر قالها حاجة ضايقتها
منة:حاجة زى ايه يعنى
كارمن:اه حاجة زى ايه صح
حبيبة:وانا اعرف منين هو انا كنت معاهم يا بهاااايم يا بهااايم
مريم:طب انا هروح اسأله
جميعهم:اشطا
و توجهت الى الغرف تبحث بداخلهم عن تامر فلم تجده فتوقعت انه بداخل الجناح فتوجهت الى الجناح
.......................................................
فى جناح الشباب
كان يجلس كريم و ايمن على الفراش و سليم يجلس على الكرسى و حسن و تامر على الاريكة
كريم:بقولكو ايه انا زعلت منة جامد و عايز اصالحها و بالمرة اعترفلها بحبى و لما نرجع اكتب عليها و تبقا بتاعتى شرعاً و قانوناً
ايمن:وانا بردو عايز اعترف لحبيبة بحبى و اخلص عشان زهقت من لعب العيال ده
حسن:طب خلاص نجهز مكان حلو و ناخد مريم و حبيبة و منة و نقولهم بطريقة حلوة
كريم بفرحة:اشطا جدا
تامر:مبروك يا رجالة
قاطعهم عدة طرقات على الباب فوقف تامر و اتجه ليفتح الباب فوجدها مريم
مريم:تعالى عايزاك
تامر:استنى طيب هدخل اجيب تليفونى
دخل تامر فنظرت مريم بداخل الغرفة فوجدتهم ينظرون لها بتساؤل
حسن:جاية ليه
مريم:عايزة تامر
حسن:نعم يختى
وقف حسن واتجه اليها و ملامحه تحمل الضيق
حسن:عايزاه ليه 😒
مريم:عايزاه و خلاص انت مالك 😒
حسن:انا مالى !! بت امشى على اوضتك 😒
مريم بعبوس:انا عايزة تامر
تامر من خلف حسن:يلا بينا
حسن:انت رايح فين ياض انت مفكرنى هسيبهالك
مريم:متخافش هنتكلم فى موضوع كدة و هنرجع بعد ربع ساعة
ابتعد حسن عن الباب فخرج تامر من الجناح و وضع يده على كتف مريم و ساروا بإتجاه السلم
حسن بغضب:ايدك يا تامر بدل ما اكسرهالك
انزل تامر يده و هو يزفر ، كان حسن يراقبهم بحدة وهم ينزلون السلالم فلاحظ ان ملابس مريم كاشفة لظهرها فإحمرت عيناه من الغضب و خلع سترته و لحق بهم و لكنهم للاسف كانو قد خرجو من الڤيلة فخرج هو الاخر و توجه ناحية الحديقة و وقف يتصنت عليهم
مريم:انت قولت لروان حاجة تضايقها
تامر:لا ليه
مريم:مش عارفة هى شكلها مضايقة و دخلت البلكونة و قالت محدش يدخل وراها
تامر:لا والله مقولتش حاجة اطلعى و حاولى تشوفى مالها و ناموا
مريم:اوك عايز حاجة
تامر: سلامتك
ابتسمت له مريم و سارت بإتجاه المسبح و صعد هو الى الجناح و لم يلاحظ حسن ، راقب حسن مريم وهى تجلس بالقرب من المسبح فإقترب منها بملامح غضب و عندما وصل وضع سترته عليها و جلس بجانبها
حسن بإبتسامة مزيفة:ايه القرف ده
مريم بتوتر:وحش !
حسن وهو يهمس فى اذنها ببحة رجولية:مش وحش بس ده يتلبسلى انا بس ولا انتى شايفة ايه
كانت مريم مغمضة عيناها و هى تستمع له تحاول ان تسرق بعض الوقت من الزمن بقربه منها و عندما انتهى من كلامه اقشعر بدنها و توردت وجنتيها بشدة
مريم بغضب مزيف:ايه قلة الادب دى
حسن بغمزة:هو انتى لسة شوفتى قلة ادب استنى بس كلها كام يوم
لم تستطع مريم تحمل اكثر من هذا فخجلها طغى عليها فوقفت والقت سترته على الارض و كانت سوف تدخل الڤيلة و لكنه اوقفها بصوته الجهورى
حسن:تعالى يا بت البسى الچاكت و استرى نفسك
مريم بغضب:ايه استرى نفسك دى حسن ملافظك يا جحش
اقتربت منه مريم بسرعة عندما نظر لها بحدة و اخذت السترة و ارتدتها و سارت بإتجاه باب الڤيلة و لكنها استدارت و اخرجت له لسانها و صعدت تجرى ، ضحك حسن بقوة عليها و تنهد بحرارة من هذه المشاعر الهوجاء بداخله
حسن:هتجننى معاها البت دى ! بس بحبها ❤
.......................................................
فى منتصف اليوم
فى جناح الفتيات
مريم بغيظ:لا بجد كدة اوڤر هو احنا جايين عشان نقعد كدة و هما بيلعبو بلاى ستيشن تحت ! 😭
منة بضيق: مش عارفة انا ايه ده 😒
كارمن:يلا بينا يا جماعة ننزل نقولهم يفسحونا شوية 💃💃
حبيبة:يلا ياختى 😂😂
نزلو جميعهن و اقتربو من الصالون ثم جلسوا على الاريكة يتابعون الشباب وهم يلعبون بحماس و يأكلون الفُشار و كأن لا يوجد غيرهم بالمنزل !
ايمن وهو يلعب:ما تقومو تعملولنا اكل احنا هنموت من الجوع !
تامر:ايوة قومو يلا ، شوووط بقا يا اخى و جوووووون
وقف تامر يقفز بحماس و بطريقة مضحكة
تامر للشباب:يلا مين اللى هيلاعبنى بعد ايمن
سليم بهدوء:انا
منة بهمس غاضب:بصى مش عملنلنا اى اعتبار ازاى
روان:بجحين اوى
حبيبة بتذمر:لا و ايه عايزين يطفحو
كارمن بصوت عالى:احنا جايين عشان نخرج مش عشان نتفرج عليكو و انتو بتلعبوا 😒
سليم:روحو اعملو الاكل واحنا هنخرجكو
نظر الفتيات الى بعضهم بحماس طفولى و جروا الى المطبخ وهم يضحكون بسعادة
حسن: قاعدين مع اطفال بجد 😂😂😂
ضحك جميع الشباب و استكملو لعبهم
فى المطبخ...
كان الفتيات ينظرون حولهم بحيرة فهم لا يعرفون كيف يطهون
حبيبة بتساؤل:حد بيعرف يطبخ ؟؟
الجميع:لا 😂😂😂
مريم:خلاص نقلى كام بيضة و شوية جبنة و لنشون و خلصنا ! 😂
كارمن:فكرة حلوة 😁
مريم:مين فى CBC سفرة ناو 😎😂
منة:صدقتى نفسك ولا ايه😏😂😂
ضحك الجميع و توجهت كارمن بناحية الثلاجة لتجلب البيض ، وتوجهت حبيبة و روان ناحية البتوجاز ليشعلو النار
حبيبة:بسم الله الله اكبر😂😂
روان بسخرية:انتى هتحررى القدس ما تخلصى 😒😂😂😂
حبيبة:لالا اتقان العمل مطلوب و بعدين دى فيها ارواح ناس 😂😂😂
ضحكت روان بقوة و نست حزنها قليلا ، بدأو فى طهى الطعام و اعداد المشروبات و بعد انتهائهم حملت كل واحدة منهن صحن و ذهبوا الى السفرة ليضعوا الطعام عليه و ذهبت روان لتنادى الشباب
روان:يلا تعالو الاكل خلص
وقف الشباب و اتبعوها حتى وصلو الى السفرة و جلسوا ينظرون الى الطعام بإستغراب
سليم:ايه ده !!
كارمن بتوتر:بيض بالبسطرمة و جبنات و لنشون و خيار و اندومى بتاعت حبيبة
حبيبة:وحطو تحت بتاعت حبيبة مليون خط ، يعنى اللى هيقرب من الاندومى هقسمه نصين 😊😂😂
كريم:هو ده غدا ؟؟
منة بدرامية:يا شيخ احمد ربنا فيه ناس غيرنا مش لاقية نقطة ميا تروى بيها عطشها 😒😭
كريم:اقنعتينى 😂😂
تامر:يلا ناكل عشان عايز اخرج
بدأو فى تناول طعامهم وهم يتمازحون تارة و يتغازلون تارة ❤
يتبع...
لقراءة الفصل العاشر : اضغط هنا
لقراءة باقي فصول الرواية : اضغط هنا
google-playkhamsatmostaqltradent