recent
أخبار ساخنة

رواية احببت مصيبة الفصل التاسع 9 بقلم دنيا احمد

jina
الصفحة الرئيسية

       رواية احببت مصيبة الفصل التاسع 9 بقلم دنيا احمد

 رواية احببت مصيبة الفصل التاسع 9 بقلم دنيا احمد

 رواية احببت مصيبة الفصل التاسع 9 بقلم دنيا احمد


في الشركه 
ادهم راح عند اياد المكتب ودخل 
ادهم : اياد خلصتوا ولا لسه 
اياد : اه يا ادهم فاضل حاجات بسيطه ونخلص 
ادهم : طيب مش هينفع تخلصوها بكره لان الساعه ٧ والتافه عايز تمشي قصدي نور عايزه تمشي 
اياد : طيب انت ممكن تخد نور وتمشي لان احنا قدمنا ساعتين ومتخفش مريم في عنيه يا صحبي هجبها معايا 
مريم : لا طبعا استني يا ادهم هروح معاك 
اياد : علي فكره مش هكلك انا ما تقولها يا ادهم 
ادهم : معلشي يا اياد هي بس مش بتحب تركب مع حد متعرفهوش وانتو لسه عارفين بعض من فتره قصيره 
اياد بزهق : يا عم تعتبرني سواق خلينا ننجز عشان بكره احتمال ماجيش عشان هشوف تالين عايز تنقل درستها هنا و اشوف له الدروس وكده عشان هنسافر بعدو بكره انا وانت 
ادهم : مريم اياد صاحبي وانا عارف انو هيحافظ عليكي زيي بظبط فخلصينا بقا عقبال اما اشوف ام المصيبه اللي جيبهالي دي 
مريم : خلاص ماشي اما نشوف اخرتها 😏
ادهم : اياد حاول متتاخروش ماشي وراح قرب منه معلشي استحمل مريم اعتبرها زي تالين 
اياد : متقلقش يا صاحبي تالين اعقل منها  
و ادهم كتم ضحكته ومشي راح عند المصيبه قصدي نور 😂
اياد : متقلقيش انتي اخر واحده ابصلها 
مريم : ليه أن شاء الله مفكر نفسك حلو والبنات كلها بتترمي عليك 
اياد بفخر : اكيد اصل انتي يا حرام مشفتيش زمان ولحد الان  البنات كانت بتعمل ايه ايام الكليه وثانوي  كان يتمنوا نظره من اياد المهدي وحط ايدو علي شعره كده بغرور وشوفي بنات الشركه كمان 😌
مريم : عمر ما الشكل كان مقياس للانسان عشان ربنا خلقنا كل واحد في حاجه مميزه واللي بيحدد الحاجه دي هو القلب هو اللي بينجذب ليها يا ابو عيون ملونه 😏 عشان كده القلب لمه بيحب بيبقا حب صادق وده احسن حاجه في الدنيا كلها عشان لمه بيتوجع بيبقا علي قد الصدق ده سواء حب ما بين شخصين أو اقرب أو اصدقاء أو حتي ناس متعرفهاش 
اياد حس : أن مريم اديتلو بالقلم علي وشه بالكلام ده وسرح شويه في كلام مريم حسه أنو مخنوق لمه افتكر ملك وانو متوجعش بالطريق اللي هو كان متخيلها وهو كان  مبهور بيها الاول وليه لمه قابل مريم حس انو نسي ملك حته لمه شاف الظرف ما فكرش فيها خالص طول ما مريم كانت معها 
مريم : استاذ اياد استاذ اياد 
اياد : نعم يا مريم كونتي بتقولي حاجه بزعل كده 
مريم حست انو زعلان : ما تقولي بقا عن الدنچوان بتاع الكليه اللي كونت بتكلم عليه بما أن عيونك ملونه وكده وقمر يعني كونت مصاحب كام بنت وكمان عايزه اقولك علي حاجه بس يبقي سر ما بنا وعد 
اياد : ماشي هجوبك بعد ما نخلص بس عايزه تعرفي ايه
مريم : هو هو ادهم كان زيك كده بيعكس البنات 
اياد ضحك جامد ههههههههههه ههههههههههه 
مريم ابتسمت : هو انت ليه بتضحك ( في سرها من حقهم والله يعكسوك ده انت قمر اوي وسرحت شويه )
اياد اخد بالو من ابتسامتها انتي حلوه اوي يا مريم يارتني كونت قبلتك من زمان مش عارف قلبي ليه دق كده لمه قبلتك اول مره وانتي موجوده بحس  اني عمري ما حبيت حد قبل كده ولا حتي ملك 
اياد : احم اسف بس اخوكي ادهم ده قفل اوي مع انو حلو بس كان جاد اوي مع البنات لأنهم كان بيرمو نفسهم عليه عشان كده محبش حد اخوكي عايز واحده يعافر معها عشان يوصلها  وعلي فكره الحد ده نور 
مريم باستفهام ازي ؟ 
اياد : لان هو ايه اللي خله يستحملها بعد ما هزقتو في الشركه كلها لا وايه هتشتغل معانا مرفدهاش وغير كل ده هو اللي قال انا اللي افهمها مخلنيش انا فاربنا يفرحو يارب 😊
مريم وهي مبسوطه : بجد يعني ادهم ممكن يحب نور 😁
اياد فهم انو ممكن  نور  تكون بتحب ادهم عشان كده مريم مبسوطه 
اياد : اه ممكن و زي ما قولتلي القلوب هي اللي بتختار  مش احنا يلا بقا نكمل شغل 
مريم : ماشي ☺️
//////////////////////////////////////////////////////////
في الجانب التاني 
ادهم : يلا يا نور عشان اروحك 
نور : اوك بس فين مريم 
ادهم : مريم لسه مخلصتش فا انا هروحك عشان ما تتخريش معانا هنا 
نور : طبعا كانت عايزه تستنه مريم بس مامتها كل شويه تتصل بيها 
بس هركب معاك ازي واحنا لوحدنا مش هينفع 
ادهم : بصي انا تعبان انهارده مش قادر انهد يلا بقا عشان اروحك واعتبريني سواق زي بتاع التاكسي
نور فكرت شويه :ماشي 
نزلوا هم الاتنين 
وادهم جاب العربيه 
ادهم : يلا اركبي 
نور رايحه تركب ورا 
ادهم : انا مش السواق بتاع حضرتك تعالي اركبي قدام 
نور بعناد : اولا لو ركبت مع سواق بركب ورا وانت اللي قولت اعتبريني سواق 
ادهم باستفزار بس انا مش سواق دي عربيتي وكمان 
انا رائيسك في الشغل 
نور : طيب وافر علي نفسك بقا وراحت نزله وقالت وانا هخد تاكسي وراحت ماشي 
ادهم : ماشي يا قطه وراح قرب منها بالعربيه علي فكره في ناس هنا ممكن يخطفوكي ومش عارف بقا ممكن يعملو ايه تاني انتي حره 
نور خافت : يا نهار اسود و بلعت ريقها 
ادهم : لاحظ خوفها وأبتسم ها قولتي ايه هتركبي ولا امشي 
نور : اوف هركب بس علي فكره انا ما خوفتش بس ماما عمله ترن عليا وريحه تركب ورا 
ادهم تاني قدام يا حلوه 
نور اوف حاضر وركبت وهي متعصبه 
ادهم ضحك بانتصار ومبسوط في نفس الوقت وساق  ووصل نور بعد نص ساعه 
( وقال في نفسه أما وريتك يا نوري انا اول مره افرح وابقا مبسوط وفي بنت جانبي كده مش عارفه انتي عملتي ايه بس لو ده الحب فا انا هتمسك بيكي ومش هضيعك من ايدي ابدا ❤️ )
///////////////////////////////&/////////////////////////
في العماره ادهم واياد 
تالين وقفه في البلكونه بتشرب هوت شوكولات وبتسمع اغاني وبدندن معها وبتضحك وبتقلد الحركات وبتبتسم 
ومازن في البلكونه اللي جانبها شايف شاب عامل يشاور  في البلكونه اللي قصدهم بس مش عارف بيشاور لمين 
مازن بيبص لقي تالين وقفه عامله تعمل الحركات دي وشكلها حلو اوي هو اول مره يشوفها مخدش بالو منها ساعة ما كانت عندهم 
مازن بيبصلها بسرحان ايه المزه دي هو في كده 😍
وفجاه افتكر اللي بيبصلها بس هو استنتاج انها اخت اياد 
مازن قاعد يندلها عشان تاخد بالها من الواد وتدخل بس هي مش سامعه من الاغاني 
راح حدفه بالمشبك جه في رأسها 
تالين اه اه وراحت قفله الاغاني وبتبص وبتقول مين الحيوان اللي خبطني 
مازن : مش انا لا 😁 وبيبص لتالين 
مازن : اسف بجد انا بس عمال اندهلك وانتي مش واخد بالك 
تالين : بتنده ليه هو انا اعرفك 
مازن : اولا لا وثانيا ولا  انا كمان اعرفك بس اللي المفروض اللي ساكن هنا اياد صاحب اخويه ادهم 
تالين : اه انا أخته اياد وحضرتك كونت عاوز ايه 
مازن : كونت عايز اقولك خوشي جوه لان كان في ولد عمال يشولك ويعمل حركات مش كويسه وانا مرضهاش لاختي 
تالين : شكرا انا بس مخدتش بالي سرحت شويه 
شكرا يا استاذ ......
مازن اسمي مازن وبلاش أستاذ شكلنا من سن بعض انتي في اوله ثانوي ولا ايه 
تالين : نعم أوله ايه انا في تالته ثانوي 
مازن : بجد والله اصل شكلك صغنن وانا كمان في تالته بس انا متاخر سنه 
تالين: بجد طيب كويس ممكن تساعدني  في حوار القي مدرسين كويسين لان انا هنقل هنا دورسي ومدرستي 
مازن :اوي اوي اي حاجه هتحتاجيها انا تحت امرك انتي زي اختي (اخر كلمه دي مش بتيجي وراها خير اكيد عارفين 😂)
تالين: طيب شكرا يا مازن ابقا اقول لاياد وهخليه يكلمك وفرصه سعيده ورحت دخله 
مازن :وانا اسعد يا قمر 
مازن: بعد ما دخلت هو في كده قمر و رقه ايه ده عسل عسل يعني 😍
(انا عارفه اني ولا بعرف اعكس ولا نيله فاعذروني يا بنات بقا انا مكنتش شاب قبل كده يعني 😁😂)
//////////////////////////&/////////////////////////
عند غيث 
غيث وهو مبسوط في نفسه هو انا مش عارف حبيبتك ازي و امتي بس اللي اعرفوا انك شقلبتي كياني كله يا ساره وقاعد بيفتكر وسرح 
فلاش باك 
غيث : ساره ممكن اطلب طلب 
ساره : اتفضل طبعا 
غيث : عايز رقمك لو معندكيش مانع 
ساره : ليه 
غيث : ممكن نبقا أصحاب لو معندكيش مانع لان عايز استقر في مصر وكده 
ساره : مع انو مش بحب حوار الصحاب وتلزيق ده ولا الكلام ده بس حسك حد محترم ماشي 
ساره: .اكتب ............01187
غيث : شكرا جدا ممكن اوصلك 
ساره : لا ملوش دعي باي 
غيث : باي 
وساره مشيت و غيث مشي ورها 
وانتهي الفلاش
غيث :ياااه يا ساره شكلي هقعد في مصر عشانك لانك الحاجه الحلوه اللي هقعد عشانها 
(ونسيب بقا عم الحبيب يحب 😁)
////////////////////////&//////////////////////////////
عند اياد في الشركه بعد حاولي تلات ساعات 
مريم : يااااااه اخيرا خلصانه وخلصنا هو الساعه كام دلوقتي 
اياد : اه ياختي وبيبص في الساعه ينهار الساعه دخله علي ١٠ونص 
مريم : شهقت يانهار اسود يلا نروح زمان ادهم هيعمل مني كفته دلوقتي مكنش يومك يا مريم 
اياد : ايوااا ياختي مكنش يومك يا صغيره علي البهدله يا لوزه 
مريم : اه لسه صغيره شبابي هيبقا في الأرض شويه كده
اياد. : بصله كده اي يا حاجه هو انتي كونتي سهرانا في مكان ماشبوه ده انتي كونتي معايا 
مريم : اه يعني اهي كونت معاك يعني كونت اخويه قريبي  خطيبي  جوزي  ولسه هنكمل 
اياد :  بس اقفلي البلاعه دي خلاص يختي أحنا كونا بنشتغل مش بنلعب ماشي 
مريم : ماشي يلا بقا نروح عشان عايزه اكل وانام
اياد😳 :  يختي اومال مين اللي ضرب بيتزاتين من 
نص ساعه و معهم لتر بيبسي 
مريم : ايوااا نوق نوق ما هو ده اللي جيبني لورا 
اياد : صبرني يا ربي علي المصيبه اللي بلاتيني بيها 
مريم : بتقول حاجه يا كابتن 
اياد : لا مش بقول حاجه يا حبيبتي 
مريم :😳حبيبتك ؟؟
اياد : مقصدش حبيبتي حبيبتي هي طلعت تلقائي كده زي ما بقولها لتالين 
مريم : اه ماشي مع انها فرحت  و مصدومه في نفس الوقت بس ده كان شعور أنها قلبها دق و اول مره يدق لحد كده 
اياد : يلا نروح ولا ايه 
مريم : يلا 
نزلوا هم الاتنين وراحوا العربيه ومريم ركبة ورا 
واياد مرضيش يتكلم معها لان عارف ان الكلمه دي مش تلقائيه لان هو قالها وهو حاسس بيها مش مجرد كلمه والتزموا الصمت لحد ما وصلوا البيت 
وفي حد بيصورهم 
//////////////////////////&/////////////////////////////
عند شقه مريم وفي وشها شقه اياد 
اياد : اتفضلي ادخلي 
مريم : ادخل انت 
اياد : مينفعش لازم اسلم الامانه لاخوكي 
مريم بغباء: أمانة ايه فلوس يعني 
اياد بنفاذ صبر :صبرني يا ربي رني الجرس وخلصيني يا مريم 
مريم بعناد :طيب مش رأنه بقا واتفضل ادخل 
اياد ماشي وبيقرب نحيت شقتهم 
مريم : انت جاي ليه بتقرب ليه يا كابتن 
اياد : مسك أيدها وراح دايس علي الجرس وراح قايلها متحدنيش بعد كده مفهوم 
مريم : كانت مصدمه من اللي عملو 
اياد رواح نحيت شقتو بسرعه 
ادهم فتح الباب : ها خلصتوا 
اياد : بص لادهم امانتك اهي تصبح على خير
ادهم :وانت من اهل الخير يا صحبي وكل واحد دخل شقتو 
مريم دخلت أوضتها وهي مصدومه من اللي عملوا اياد ازي يتجرأ ويمسك ايدها كده 
ونقفل اليوم علي كده 
/////////////////////////////&//////////////////////////
اليوم التالي 
الشخص المجهول 
الباشا : ها كونت عايز ايه كلمتني قولت في اخبار جديد 
الشخص : اتفضل يا باشا الصور دي 
الباشا : مين البت اللي مع اياد دي 
الشخص : معرفش يا باشا هي لقتها طلعه معه بليل العماره 
الباشا : طيب اسمع اللي هقولك عليه ونفذو بالحرف الواحد فاهم 
الشخص فاهم .
الباشا:اسمع..................................................................
..............................
الشخص : والله يا باشا انت دماغك الماظ
الباشا : يلا امشي غور بقا ونفذ اللي قولتلك عليه 
الشخص : حاضر 
////////////////////////////////&///////////////////////
في الشركه : 
ادهم : للسكرتيره في هو نور مجتش لسه 
السكرتيره : لسه يا مستر ادهم هو مينفعش كيرا وبدلع 
ادهم بغضب : امشي غوري شوفي شغلك وده طبعا علي دخلت نور وسمعت اللي اتقال وفرحت اوي من جوها أن ادهم جاد جدا مع الميعه اللي اسمها كيرا 
نور : السلام عليكم ورحمه الله وبركاته 
ادهم : اهلا بالست هانم حمدالله على السلامه 
نور : هو انت بتزعقلي ليه دلوقتي 
ادهم : لا انا ازعق هنا براحتي تمام انا هنا رائيسك مفهوم 
نور : ااوف تمام يلا نبدا عشان شكل اليوم باين من أوله 
ادهم : يلا اتفضلي قدمي 
وفعلا بدأوا يشتغلوا بس ادهم كان مركز مع تفصيل نور اكتر وبقا يقول لنفسه ازي واحده متقمصه الشخصيات دي كلها ملامح برئيه جاده في الشغل تافه مع أصحابه حاجه كده مختلفه 
نور عملها تشرح لادهم اللي بيعملوا في المشروع ها يا مستر ادهم في اي استفسار تاني 
ادهم : ها كونتي بتقولي ايه 
نور بصدمه : لا متقولش اني هعيد كل ده تاني كده حرام 😢 وانا لسه ما فطرتش 
ادهم بجد لسه ما كلتيش 
نور : اه صحيت متاخر لبست وجيت علي طول 
ادهم : طيب عايزه تأكلي ايه 
نور : بجد انت هتجبلي اكل عشاني وبتبتسم 
ادهم : لا مش عشانك عشان انا كمان ما فطرتش 
نور : ايه قلت الزوق دي ماشي ما علينا عايزه بيتزا وشورما وبيبسي وبطاطس 
ادهم بصدمه 😳: انتي هتفطري كل  ده 
نور: اه قليل صح انا عارفه 
ادهم : اه قليل خالص ده لو انتي بتكلي كل ده بيروح فين وبيبصلها 
نور : ما خلاص يا مستر ادهم مش عايزه ويلا نشتغل 
ادهم : خلاص هطلب الاكل واجي ياختي 
( نسبهم بقا يفطروا )
////////////////////////////&///////////////////////////
عند مازن واياد وتالين 
اياد : معلشي يا مازن هتعبك معايا 
مازن : ولا تعب ولا حاجه احنا اخوات مفيش حاجه وبص لتالين 
اياد : حبيبي تسلم 
مازن بص : حظك اني مدرستي خاص مشترك بنات وشباب انت هتخد ملف تالين وتقدمه وهتدفع المصروفات وكويس أنها جات قبل الترم الاول ما يخلص 
اياد :طيب حلو اوي وبالنسبه لدروس 
مازن :متقلقش هتاخد مع المدرسين اللي بخد معها انا ويوسف وهخليها تحضر انهارده 
تالين :بجد يعني ممكن ابدا دروس انهارده 
مازن : مستعجله علي ايه يا دحيحه 
اياد : بضحك معلشي يا مازن اصحها عايزه تخش طب 
مازن : ربنا يوفقها وأبتسم طيب في درس انهارده هتحضريه بعد ساعه 
تالين : اوك وانا مستعده 
مازن روح انت يا اياد قدم في المدرسه وإدالو العنوان 
اياد : ماشي يا ميزو بس عايزك تخلي بالك من تالين مش هوصيك 
مازن : متقلقش يا اياد هي زي مريم بظبط ويوسف هيعدي عليا واخدها ونروح الدرس متقلقش 😊
اياد : تسلم يا غالي يلا همشي بقا اروح اقدملها 
واياد بيبص لتالين لو حصل اي حاجه اتصلي عليا وخلي فونك مفتوح اوك 
تالين : اوك 
ومشي مازن واياد 
///////////////////////////&///////////////////////////
في الشركه 
نور : يااااه أخير خلصانه 
ادهم نعم يختي لسه فاضل شويه 
نور بس الساعه ٥ اهي و الموظفين مشيوا
ا
دهم هم يمشوا عشان خلصوا انتي لسه 
نور ياااه  اوف ماشي يلا خلينا نخلص علشان نمشي بسرعه 
ادهم : طيب وبدأوا يشتغلوا تاني 
وبعد ساعتين كده خلصانه يلا نمشي بقا 
ادهم : يلا 
ادهم روح الساعه ٧ واخد نور معه بالعربيه بعد منهدات كتير زي العاده 
ادهم دخل الشقه 
ام ادهم : حمدالله علي السلامه يا حبيبي 
ادهم : الله يسلمك يا ماما 
ام ادهم : انت تعبان ولا ايه 
ادهم : لا ده ضغط الشغل بس مش اكتر 
ام ادهم : ربنا يعينك ويوفقك يبني ويرزقك ببنت الحلال وافرح بيك 
ادهم وهو قاعد علي الانتريه كده افتكر نور وأبتسم 
وراح قام هخش اغير واكلم اياد عشان مسافرين بكره عشان مناقصه المشروع 
ومشي خطوتين اومال فين مريم 
الام : نايمه هي دي بتبطل نوم 
ادهم :طيب صحيها يا ماما عشان نقعد احنا التلات عشان الشغل ومشي 
في أوضة مريم 
الام :مريم مريم اصحي عشان اخوكي عايزك 
مريم :يا ماما عايزه ايه سبيني انام 
الام :اخوكي ادهم عايزك يلا قومي 
مريم: حاضر هصحه اهو اطلعي بقا وكملت نوم
الام وهي طلعه لقيت يوسف ومازن دخلين 
مازن بخبث :هي مريم لسه نايمه 
الام :اه قتيله جوه 
مازن: خلاص هخوش اصحيها 
مازن: دخل بيتسحب 
وجه في ودن مريم هتخشي النار يا مريم وهتشوي فيها عشان اللي بتعمليه في مازن ده 
مريم: عماله تقول لا لا هو اللي بارد هو اللي رخم بس بحبو والله 
وراح مازن جايب كوباية المياه ونزل علي وشها بيها 
مريم : بغرق بغرق الحقوني الحقوني 
 ومازن فطسان ضحك عليها 😂😂
مريم : بقا انت يا رمه وطلعت تجري ورا طيب والله ما انا سيبك وطلع لقت ادهم في وشها
ادهم:  ساعتين عشان تصحي يلا روحي البسي عشان اياد جاي عشان عايزكم في حاجات مهمه 
مريم : لازم يعني 
ادهم اه لازم يلا 
مريم دخلت ولبست وخلصت وطلعت لقيت اياد 
مريم: السلام عليكم حتي مبصتش لاياد 
ادهم : كده عايزه اقولكم حاجه احنا هتعرض علي لجنه وهي اللي هتختار افضل مشروع تمام 
اياد ومريم :تمام وبعدين 
ادهم: طبعا لازم العناصر اللي صممت وعملت الدزين تبقا موجوده عشان اللجنه رخمه شويه هتشوف هل فعلا احنا المصممين ولا حد سارق المشروع عشان يفوز بالمناقصه 
اياد : افهم من كده انا لازم نور ومريم يبقوا موجودين معانا 
ادهم: بظبط كده 
اياد : طيب مريم فهي اختك وانت هتخدها عادي نور هتعمل معها ايه 
مريم : لا سبوها عليا انا احنا هنقعد كام يوم هنا 
ادهم : أقل حاجه يومين 
مريم :خلاص نور هتطلع معانا 
ادهم : بجد 😊
مريم باستغراب :اه عادي انا هكلم مامتها وطلمه انا طلعه هي هتطلع 😌
مريم :هروح بقا اكلمها وعشان تجاهز نفسها 
ادهم: ماشي 
واياد وادهم قاعدوا يتكلم واياد بعدها ماشي 
(ونقفل اليوم علي كده 😁)
///////////////////////////////////////////////////////////
تاني يوم الصبح 
اياد و مريم وأدهم مستنين نور في العربيه 
ادهم : صحبتك دي هتجبلي شلل بقلنا ساعه مستنينها 
مريم : لا هي بارده كانت بتعمل كده بردو في ثانوي 
اياد : ياتري هنفضل مستنينها كده كتير 
وفجاه نور تيجي ..... ...............................
وكلهم واقفين مصدومين 😳😳😳
///////////////////////////////////////////////////////
الاسئله 
ياتري الباشا قال للشخص المجهول ده ايه  ؟؟
هل ادهم اللي قالو ده حقيقي ولا لا ؟؟
وايه اللي خالهم مصدومين كده لمه شافوا نور ؟؟
يتبع...
لقراءة الفصل العاشر : اضغط هنا
لقراءة باقي فصول الرواية : اضغط هنا
google-playkhamsatmostaqltradent