recent
أخبار ساخنة

رواية مهمة عاشق الفصل الثانى عشر 12 بقلم خلود وائل

 رواية مهمة عاشق الفصل الثانى عشر 12 بقلم خلود وائل
رواية مهمة عاشق الفصل الثانى عشر 12 بقلم خلود وائل

رواية مهمة عاشق الفصل الثانى عشر 12 بقلم خلود وائل

علي:انتي لازم تروحي ياماما
الحاجه منال:اروح ليه ياابني انا مش فاهمه منك حاجه
علي:ياحبيبه قبلي انتي تعبتي معايا اوووي وكمان انا مروح بكرة روحي انتي بقي ارتاحي عشان تقومي من بدري تعمليلي مكرونه بشاميل كدة ومحشي ورق عنب من ايديكي الحلوين
الحاجه منال:منا ياحبيبي اما نروح هعملك كل ال نفسك فيه
علي: ياماما مؤمن حالف ميه يمين انه لازم يجي يبات معايا ليله وانا قلتله يجي النهاردة عشان ميزعلش وزمانه جاي هخليه ياخدك يروحك وبعدين يجي يبات معايا
الحاجه منال:ولزمته ايه تعبه ياعلي منا معاك اهوة ياحبيبي
علي:معلش ياست الكل انتي عارفه مؤمن نفسه يخدم وانا مبحبش ازعله
الحاجه منال:قومي يلا بقي جهزي شنطتك عشان زمانه جي
شويه ومؤمن جه واخد الحاجه منال وروحها بيتهم ورجع تاني لعلي
مؤمن:علي باشا انا كدة اديت مهمتي اي اوامر تانيه
علي:تسلم ياصاحبي كتر الف خيرك
مؤمن بمكر:طب انام بقي تصبح علي خير
علي:انت هتستهبل ولا ايه يلا ياحبيبي بيتك بيتك يلا
مؤمن:ايه ياويكا منا مش ماشي غير لما اعرف ناوي علي ايه
علي:هكون ناوي علي ايه يعني هنام
مؤمن: علي بابا يلا
علي:😹😹طب والله انت ظالمني
مؤمن:اتمني
علي:قوم يلا انت بالسلامه والصبح بدري تكون عندي قبل ماحد يجي عشان محدش يشك في حاجه
مؤمن:ايوااا هي ايه بقي الحاجه دي
علي:هتمشي ولا اكلم مريم اققلها علي البت الدنماركيه بتاعه اخر مهمه
مؤمن:باااااس ياعم انا هروح عند امي لاهتقولي دنماركيه ولا اسبانيه تصبح علي خير
علي بضحكه عاليه:ماشي ياجبان
مؤمن:ايه ياعم العمر مش بعزقه سلام
علي: سلام
مشي مؤمن وعدى وقت طويل وبعدين علي طلب الممرضه وجتله
الممرضه:ايوة يافندم حضرتك محتاج حاجه
علي:ايوة لو سمحتي كنت عاوز حد يشوفلي الجرح بتاعي بيحرقني جامد ودكتورة ليلي روحت من بدري
الممرضه:كتورة ليلي موجودة يافندم ثواني واناديلها
علي:بجد طب كويس ناديلها لو سمحتي
الممرضه :بعد اذن حضرتك.....
دقايق وجت ليلي اول ماعلي شافها فضل يتأملها شويه كانت لابسه بنطلون چينس واسع عليه بلوزة بينك طويله وعليها البالطو الابيض وطرحه اوف وايت والسماعه حوالين رقبتها ،،علي تايه في ملامحها البريئه الناعمه وبيتمني لو ياخدها في حضنه ويعرفها قد ايه هي وحشته وغيابها عنه زعله ....
ليلي:مالك ياعلي بيه انت كويس
علي بهيام:لا مش كويس خالص
ليلي وهي بتقرب:ايه ال تاعبك
علي:انتي
ليلي:افندم
علي:متفهمنيش غلط قصدي انك مشيتي من غير ماتديني الدوا بتاعي وانا مش عارف اعمل ايه بقي
ليلي:بعتذر جدا ياعلي بيه انا نسيت خالص
علي:قلتلك علي من غير بيه دي ولا لسه عاوزة تكمليها للاخر وضحك علي
ليلي:لا خلاص وياريت متزعلش اني كنت بقلك علي بيه اسم الله عليه دي
علي:امممم هو انتي صحيح كنتي بتقوليهالي ليه ..تعالي اققعدي بدل ماانتي واقفه كدة
ليلي:امال طنط منال فين
علي:روحت النهاردة عشان واحد صاحبي مصمم يجي يبات معايا النهاردة
ليلي ارتبكت:يعني مفيش حد هنا غير انا وحضرتك
علي:متقلقيش صاحبي زمانه جي وباب الاوضه مفتوح متقلقيش
ليلي:لا هقلق من ايه قلتلك قبل كدة انت في ملعبي ولا ايه
علي بضحكه رجوليه: ماشي ..لو معندكيش شغل ممكن تقعدي معايا وتاخدي ثواب انك تونسي واحد مصاب عما صاحبه الرخم يجي
ليلي:ياخبر ياعلي بيه طلباتك اوامر
علي بزعل:طيب يادكتورة ليلي
ليلي اخدت بالها ان علي زعل:هو انا قلت حاجه زعلت حضرتك؟
علي:لا عادي
ليلي:طيب تحب نتكلم في ايه عما صاحبك يجي
علي:مش عارف يادكتورة ليلي
ليلي:احم اممم يعني ممكن تقولي ياليلي بس
علي:لا
ليلي بهزار:ليه
علي:هتقوليلي علي هقلك ليلي ها ايه رايك
ليلي:حاضر يا ..
علي:علي ع فكرة اسمي حلو اوووي وانا بحبه وهحبه اكتر لما اسمعه منك
ليلي باحراج:ماشي ياعلي
علي:لا بصي انا مش عاوزك صراحه انا عاوز ليلي ال كانت بالفستان ال بتضحك وبتتكلم وخدودها بتحمر وتخطف عقلي كدة
ليلي خدودها احمرت ومش عارفه ترد تقول ايه ورفعت عنيها تبص لعلي عنيها اتقابلت في عنيه لثواني وبعدين علي غمزلها😉ف دة خلي ليلي اتحرجت اكتر
ليلي:احم مقلتليش انت حكايتك ايه بقي يعني مين ال ضربك بالحديد في صدرك والرصاص في كتفك ودراعك
علي:بصي ياستي انا ظابط مخابرات بطلع مهمات خطر وسريه جدا تخص الامن القومي وكنت في مهمه تبع شغلي وواحد من المجرمين هو ال عمل فيا كدة ودة من حظي الحلو عشان اشوفك
ليلي:احم يعني انت ذي طوم كروز في ميشن امبوسيبل
علي:بالظبط كدة بس انا احلي من طوم كروز طبعا
ليلي:ايه الثقه دي
علي:بعض ما عندكم
ليلي:انا
علي وهو بيقلد صوت ليلي:انت مغلطش انا فعلا حور عين ولا جمالي مش واضح
ليلي انفجرت في الضحك من طريقه كلام علي وعلي بيتابع ضحكها ومبسوط بيها وبكلامه معاها وبيبصلها كتير كأنه بيحفظ ملامحها قبل مايسبها ويمشي
ليلي:ايييييه روحت فين
علي؛معاكي معاكي وبس
ليلي:امممم طيب سافرت فين قبل كدة
علي: مش كتير يعني بس ناوي الف العالم
ليلي:واو علي كدة بقي شغلك حلو اووي
علي:شغلي مش فسحه دة شغل خطر جدا بس انا بعشقه مش بس بحبه
ليلي:ربنا معاك يابطل 😹
علي:وانتي اشمعنا امريكا ال هتناقشي فيها الدكتوراة
ليلي بأستغراب:عرفت منين
علي:انتي ال قلتي يوم ماكنتي بتمسحي بمرات اخويا بلاط المستشفي
ليلي بأحراج:معلش بس هي ال غلطت الاول واستفزتني
علي:حصل خير...
ليلي:انا هاخد الدكتوراة من جامعه هارفرد الامريكيه
علي:واو هارفرد مرة واحدة كدة
ليلي:امال ايه علي فكرة انا اشتغلت فترة مع السير مجدي يعقوب بذات نفسه
علي:مشاء الله طب ليه لسه جراحه بس ومتخصصتيش في القلب قصدي يعني انك عملتيلي العمليه بتاعتي
ليلي:تقدر تقول اني لسه معنديش الجرائه اني امسك مشرط واعمل عمليه قلب لوحدي وكمان مش معايا دكتوراة والماجستير بالنسبه ليا مش كفايه
علي:ناويه علي كرير جامد ولا ايه
ليلي:جدا فوق ماتتخيل
علي:طب ايه مش هتكملي نص دينك😹
ليلي:اممممم لسه قلبي مدقش لحد
علي:امممم ممكن دق جامد وانتي عامله مش واخدة بالك
ليلي وهي مكثوفه:وليه هعمل مش واخدة بالي
علي:مهو دة ال محيرني بصراحه
ليلي:هو صاحبك هيتاخر
علي:ميتأخر هو انتي زهقتي مني ولا ايه
ليلي بتسرع:هو انا لحقت اققعد معاك
علي فرح جدا من رد ليلي واتأكد من احساسها نحيته وفي نفس الوقت ليلي بتحاول تداري علي كلامها وبتتجنب تبص لعلي:قصدي يعني انا معاك لحد متنام او صاحبك يجي
علي بينه وبين نفسه:معايا لاخر العمر
عدي الليل وعلي وليلي بيتكلمو مع بعض من غير مايحسو بالوقت لحد اذان الفجر
ليلي:ياخبر الفجر اذن واحنا لسه قاعدين
علي: صراحه الوقت معاكي بيعدي هوا
ليلي:طب اسيبك تنام بقي
علي:لولا ان الوقت متاخر مكنتش هخليكي تمشي
ليلي بأبتسامه :تصبح علي خير
علي:وانتي من اهلي
خرجت ليلي من اوضه علي وراحت في اوضتها وجواها احاسيس متلخبطه شويه فرحانه انها كانت مع علي واتكلمو كتير وقضو وقت حلو مع بعض وشويه زعلانه انه هيمشي بكرة ويسبها ومش هتشوفه تاني وشويه خايفه بس مش عارفه من ايه....وعدي الليل وطلع النهار وراحت ليلي تشوف علي قبل ماتروح خبطت علي اوضته فتحلها مؤمن
مؤمن:ايوة حضرتك عاوزة حاجه
ليلي:انا دكتورة حضرة الرائد وكنت جايه اطمن عليه
مؤمن :علي نايم الوقتي لو تحبي اصحيهولك
ليلي:لا مش مشكله هجيله وقت تاني
سابته ليلي ونزلت روحت بيتها وشويه واهل علي جم المستشفي عشان يروح معاهم
الحاج محمود:صباح الخير ياحبيبي
علي:صباح الفل يابابا وحشتني اووي
الحاج محمود:انت ال وحشني اوووي ياعلي ووحشاني قعدتك
مؤمن:وانا موحشتكش خالص ماشي ياعم محمود دة مكانش عيش وبانيه ال كلاناه سوا
علي :بانيه ايه دة
مؤمن: العب باليه
علي:ولا
مؤمن:ياعم دة موضوع يطول شرحه هحكيلك بعدين يلا بينا الحاجه منال زماتها عملالي المحمر والمشمر
علي:دة علي اساس انك ال واخد الرصاصتين
مؤمن:لا وانت الصادق انا ال نايم معاك طول اليل
علي بصوت جامد:امشي قدامي
ضحك الحاج محمود عليهم واخدهم وروح البيت وعلي اتفاجئ بعيلته كلها مستنياه
الحاجه منال جريت تحضن علي:الف حمد لله انك بخير ومنور بيتك ياحبيبي الحمد لله انك في حضني يابني
نهي:ايييه ياماما انا عاوزة احضن اخويا
عماد:حمدلله علي سلامتك يابطل
علي:الله يسلمكو ياجماعه براحه طيب طولو بالكو انا اهوة مش هطير
كل الموجودين قامو يسلمو علي علي وقضو اليوم معاه وفي اخر النهار
الحاج كامل: انشاء الله اخر الاسبوع هنروح نطلب ايد عروسه يوسف ولو حصل نصيب هنجيب الشبكه علي طول ونحدد يوم الخطوبه
الحاج محمود:علي بركه الله ربنا يتمم بخير
الحاجه منال :سالتو علي العروسه
الحاجه فاطمه: البركه في ابو عماد قام بالواجب وسأل علي العروسه وطلعت بسم الله مشاء الله ونعم النسب عقبالك ياعلي
علي:ايدي علي كتفك يامرات عمي ياقمر
يوسف:الاة الظاهر ان قعدتك في المستشفي غيرت وجهه نظرك عن الجواز ايه ياويكا انت عارف انت بتقول ايه
الحاجه منال:ياألف نهار ابيض ياعلي اخيرا ياحبيبي عاوز تخطب وتفرحنا بيك
نهي بمكر :وياتري بقي شفت عروسه حلوة ذي عروسه يوسف كدة ولا احلي منها ☺️
علي:ايه ياجماعه دي كلمه عادي يعني نفرح الاول بيوسف وانا بعدة علي طول
نهي:تفاصيل عن العروسه ياطنط فاطمه بقي
الحاجه فاطمه:العروسه ياستي قمورة وعنيها بني ووشها مدور وزوق واحترام ايه وكمان دكتورة جراحه وبباها صاحب سلسله مطاعم الرداد المعروفه واخوها الوحيد وكيل نيابه وهما ناس قمه في الزوق والاحترام عقبال مانفرح بيكي ياحبيبتي
علي:مشاء الله انتي شوفتيها ياطنط ولا ايه
الحاج كامل:دكتورة الاء سالم الرداد انت نفسك شوفتها ياعلي
علي بأستغراب :انا ياعمي
الحاج محمود:دي الدكتورة ال كانت مع الدكتورة ليلي الشاذلي ال عملتلك العمليه ياعلي ..
يتبع ......
لقراءة الفصل الثالث عشر : اضغط هنا
لقراءة باقى فصول الرواية : اضغط هنا
google-playkhamsatmostaqltradent