recent
أخبار ساخنة

رواية مهمة عاشق الفصل الثالث عشر 13 بقلم خلود وائل

 رواية مهمة عاشق الفصل الثالث عشر 13 بقلم خلود وائل
رواية مهمة عاشق الفصل الثالث عشر 13 بقلم خلود وائل

رواية مهمة عاشق الفصل الثالث عشر 13 بقلم خلود وائل

الحاج محمود:دي الدكتورة زميله دكتورة ليلي ال عملتلك العمليه ياعلي
علي بفرحه ودهشه في نفس الوقت:يامحاسن الصدف داايه الصدفه الحلوة دي ياجو
يوسف:اه والله وكمان انا معرفتش غير في الاخر لما اخدت بالي من اسم المستشفي لو كنت عرفت من بدري كنت جيتلك كل يوم
علي: اصيل ياابن عمي
يوسف:مبحبش اتكلم عن نفسي كتير😎
علي بهدوء ورزانه: شكلها دكتورة هاديه ومحترمه الف مبروك ياجو ربنا يتمملك بالف خير
يوسف:هتيجي معايا وانا بطلب ايدها ولا ايه النظام
علي:لا انت هتروح مع بابا وعمي وانا كفايه يوم الخطوبه
نهي بمكر:طب مينفعش انا اجي معاكو ممكن ليلي تكون هناك وبصراحه وحشاني ونفسي اشوفها
يوسف:وخداني كوبري يعني
نهي:يوسف بلاش تفهمني صح😹😹
علي اول ماسمع كلام نهي اتمني لو انه مكانش رفض نفسه يشوف ليلي نفسه يعرفها مشاعرة نحيتها عنيه بترتاح طول ماهي قدامه بس ميقدرش يرجع في كلامه الكل هيستغربه عشان هو مبيرجعش في قرار بياخدة او كلمه بيقولها..فاق علي على صوت مامته
الحاجه منال:خلاص كدة ياولاد كله تمام نستني بقي الرجاله هيتفقو علي ايه وانا اوعدكو يوم الخطوبه دي هيبقي يوم محصلش
عدي كام يوم علي ابطالنا وكلهم مبسوطين منهم علي ال بقي كويس واتحسن بسرعه وبقي بيلعب رياضه في جيم البيت ويوسف ال بيعد الايام عشان يخطب الاء وليلي ال مش بتبطل تفكير في علي
ليلي لنفسها:غبيه انتي ليه كنتي بتصديه شكله بيحبك
-لا كدة احسن خليه بعيد
-لحد امتي ها مش هتبطلي عندك دة حتي نفسك بتعانديها اهو طار من ايدك
-مليش معاه نصيب وبعدين لو كان بيحبني كان صارحني
-مهو كل ماكان بيكلمك كنتي بتصديه انتي ال غلطانه
قطع تفكير ليلي خبط ماهر اخوها علي الباب طق طق طق
ليلي:مين
ماهر:اخوكي ال جاي من الصين
ليلي:عاوز ايه
ماهر: لا ابدا لقيتك هاديه كدة طول النهار قلت امااجي اشاكلك شويه
ليلي:والله ده علي اساس اني هبله وبقطع هدومي
ماهر:العفو ياقلبي بس ماما مجتش تحجز مابينا النهاردة قلت اما اطمن عليكي بس
ضحكت ليلي:حسحس وحشني اوووي ياماهر
ماهر:كلها بكرة ويكون هنا عقبالي يارب
ليلي:مستعجل علي ايه والله ماعارفه
ماهر:يابنتي انا لو عليا مش مستعجل انا بس صعبان عليا البنات ال هتموت نفسها عليا
ليلي:تصدق صعبت عليا وهدمع خلاص 😹
ماهر:طيييييب وانا ال كنت جاي اشاركك موضوع كدة وابقي بير اسرارك ذي حسام بس يلا ملكيش في الطيب نصيب
ليلي:اهو حسام دخل عليا نفس دخلتك دي لما كان عاوز يحكيلي علي موضوع سلمي
ماهر:هي سلمي بقي ليها موضوع امتي هما مش متجوزين صالونات ولا انا بيتهيالي
ليلي:ها اه اه ايوة هما متجوزين صالونات انا قصدي لما كان يعني بيعرفني بعروسته وكدة يعني
ماهر:اممممممم مش مصدقك وشامم ريحه اسرار وألغاز في الموضوع
ليلي:هوانت بتشم من امتي ياعم اتوكل علي الله واحكيلي موضوع سمسمه جايز اعرف اساعدك منا شغاله خاطبه هنا
ماهر:طيب بصي ياستي سمسمه دي تبقي اخت واحد صاحبي اسمها نسمه هي اصغر مني بسنتين شفتها في خطوبه اخوها من كام شهر كدة وهي طلعت بتحبني من زمان ومخبيه وانا ال كنت فكرها مؤدبه يانوسه😹😹
ليلي:هههههههه وبعدين
ماهر:وبعدين ياستي اتعرفنا علي بعض من الفيس وخدت الواتس بتاعها وبصراحه حاسس اني بسرق يعني وحرام عليا انا عاوز علاقتي بيها تبقي في النور وقدام كل الناس مش في السر انا مش بتاع مكالمات بليل ومن ورا اهلها واهلي فهماني
ليلي: طلعت راجل ياميمو وعاقل ودماغك كبير
ماهر ضرب ليلي علي دماغها:هو انتي كنتي شيفاني ست يااختي ولا ايه
ليلي:مش قصدي والله داانت حبيبي من ايام الجيزة😂
ماهر:اتعدلي احسنلك
ليلي: طيب حاضر تست تست احم احم ١٢٣
ماهر: فراشه المعلمه ليلي بتمسي عليكم
ليلي:😂ماشي يسطا الوقتي انت عاوز تخطب صح
ماهر:صح جدا
ليلي:بس بابا لسه طالع من جوازة حسام وصعب انك تخطب الوقتي وكمان لسه سنه كليه وسنه جيش وموالك طويل
ماهر:طب والعمل
ليلي:مش عارفه... بص كمان شهر كدة ونفاتح ماما ونخليها تقنع بابا ايه رايك وعما نكون دخلنا حسام في التشكيل العصابي
ماهر:ايييه هو انا بقلك ادعيلي البلد علي الفرح انا عاوز حل عشان اخطبها
ليلي:خلاص ياسيدي سيب الطلعه دي عليا
رن تليفون ليلي وكانت الاء
ليلي:طب طير انت بقي ونكمل كلامنا بعدين
ماهر:طب تصبحي علي خير
ليلي: وانت من غير ديل
ماهر شد المخدة ورماها في وش ليلي وسابها وخرج
ليلي:الو صاحبي الندل فينه
الاء:ورق العنب حجي ال وحشني
ليلي:انا اهوة انتي ال مش فضيالي ياستي
الاء:سيبك من الاسطوانه دي ورانا يوم مهم بكرة يوسف جاي يتقدملي ومحتجاكي طول النهار
ليلي: بكرة عندنا مستشفي علي مااعتقد
الاء:هنخلص قبل المغرب نلحق نروح اي محل اجيب فستان شيك كدة ونطلع علي البيت نجهز ونستني اهل يوسف
ليلي:لا والنبي لسه هتشتري دة الموضوع دة محتاجله يوم لوحدة
الاء:😹😹طب اعمل ايه انا عاوزة فستان جديد
ليلي:عندي فستان كنت جيباه ولسه ملبستوش حلال عليكي ياستي
الاء:حبيبه قلبي بتعبك معايا
ليلي:ولا تعب ولا حاجه دة هديه قري فتحتك هيصي يلا
الاء:هو انا بحبك من قليل يالي لي استني عليا اما تتخطبي بس وانا هعمل معاكي الصح
ليلي:ال هو ايه بقي ياست الاء
الاء:مش عارفه بس هو الصح وخلاص😂😂
ضحكو الاتنين واتكلمو شويه وبعدين قفلو مع بعض وقعدت ليلي تفكر في كلام ماهر وافتكرت لما قالها انه اتعرف علي نسمه علي الفيس
ليلي:اما انا غبيه بشكل
قامت ليلي فتحت الاب توب بتاعها وقعدت تدور علي صفحه علي وكانت عارفه ان اسمه علي الناهي بحكم انه كان حاله بتاعتها وفضلت تدور كتير لحد مالقت صورة شاب وسيم لابس بنطلون جينس ازرق وتيشرت ابيض بنص كم مبين عضلات دراعه ونضارة شمس سودة وواقف قدام عربيه فخمه ووراه بحر وشعرة عالي كثيف متسرح لورا وشكله جذاب جدا
ليلي:مين المز دة مستحيل يكون دة ال كان في المستشفي
فتحت ليلي الصفحه وشافت البيانات عشان تتأكد لقت انه فعلا علي مكتوب انه ظابط ومن اسكندريه وعايش في القاهرة وسنجل افتكرت اميرة وكلامها في المستشفي وضحكت
ليلي:ايوووووة طلعت اسكندراني
بدأت تشوف الصور لقت صور كتير جدا لعلي منها صورة بهدوم كاجول غايه في الشياكه وصور تانيه لابس فيها بدله ظابط ليلي:لا ظبوطه ظبوطه يعني مش اي كلام
وصور تانيه مع اصحابه منهم علي البحر ومنهم في كافيهات ومنهم بلبس الشغل وصور تانيه لعلي في الجيم بتيشرت يبين عضلات جسمه بوضوح قرأت التعليقات وحست بغيرة عليه من البنات ال معلقين علي صورة
ليلي لنفسها::...
-ايه بتدوري عليه ليه وغيرانه عليه
-عادي جه علي بالي
-ليلي حددي موقفك انتي بتلعبي علي نفسك
-بحبه بس مش عارفه اوصله لو ليا نصيب فيه هلاقيه
-ابعتيله طلب صداقه
-لااااا مستحيل
-طب هتوصليله اذاي
-اذاي دي بتاعه ربنا تصبحي علي خير
نامت ليلي والصبح قابلت الاءفي المستشفي وليلي جابتلها الفستان و الاء فرحت بيه جدا وخلصو شغل وروحو علي بيت الاء
الحاجه سعاد:مش عارفه اشكرك اذاي ياليلي يابنتي علي تعبك معانا والله ولا علي الفستان الجميل ال جبتيه ل الاء
ليلي:اممممم هو فيه طريقه ممكن تشكريني بيها
الحاجه سعاد:اطلبي ياحبيبه قلبي
ليلي:صنيه رقاق متينه من ايديكي الحلوين دول
الحاجه سعاد:بس كدة من عنيا الاتنين ياحبيبه قلبي
الاء:ياسلام وانا مليش نفس ولا ايه دا حتي انا العروسه
ليلي:ليكي عليا محدش هيطبخلي العشا بتاع فرحي غير مامتك يالولو وطلعت لسانها ل الاء😛😛
الاء:يلا يابت من هنا هنرش مايه ياشطرة
ليلي:يلا ياطنط نوضب الحلو للناس قبل ماتيجي عما الهبله دي تلبس
الحاجه سعاد:كوثر مجتش ليه ياليلي مش المفروض يابنتي كانت تبقي جمبي في يوم ذي دة
ليلي:ان شاء الله يوم الخطوبه تجيلك من الصبح واسبوع الفرح هتقعدة عندك احنا فداك اليوم ال هنخلص فيه من الاء😹
الحاجه سعاد:يوة جتك ايه يابت ياليلي ربنا يخليكو لبعض ياحبيبتي داانتو اكتر من اخوات عقبال يومك ياحبيبتي
ليلي وسعاد جهزو المكان لاستقبال الضيوف والاء لبست فستان تل مجسم من علي الصدر لونه سيمون وعليه ورد اسود ومن تحت تل منفوش بسيط وطرحه سودة وحطت ميكب خفيف وكانت في منتهي الجمال وشويه وجه يوسف وبباه وعمه ومامته واهل الاء استقبلوهم وقعدو كلهم في الصالون
الحاج كامل:لينا نصيب نقعد القاعدة دي يا سالم بيه بسبب العيال
سالم:اه والله العيال كبرت يا كامل بيه
الحاج محمود:كبرو واحنا كبرنا معاهم
اخو الاء:متقلش كدة ياعمي داانتو الخير والبركه
الحاج محمود:ربنا يبارك في عمرك يابني احنا جايين النهاردة نطلب ايد الانسه الاء لابننا يوسف ونتمني ان طلبنا يتقابل بالموافقه
الاء من ورا الستارة بصوت واطي:موافقه ياعمي والله موافقه
ليلي:يخربيتك ياشيخه طولي بالك ابوكي لو لمحنا هيمرجحنا
الاء:هو انا هطلع اققعد معاهم امتي ها
ليلي:طولي بالك واسكتي خلينا نسمع
الحاج سالم:طلبكو علي راسي من فوق يا محمود بيه هو احنا هنلاقي ذي يوسف فين
ام يوسف:امال عروستنا فين
الحاجه سعاد:ثواني واناديلها اصل محروجه اوي
يوسف بينه وبين نفسه:كنتي تعالي اتفرجي علي المحروجه دي وهي لامه عليا الشارع ومخلياني واكل علقه ليها العجب
اخو الاء:بتقول حاجه يايوسف
يوسف:ها لا ابدا
دخلت الحاجه سعاد تجيب الاء:يخرب عقلك يا الاء واقفه هنا كدة ليه
ليلي:بنلمع اوكر😅
الاء:ها اطلع بقي
سعاد:يابت اهمدي واكثفي شويه
الاء:طب هاتي صينيه الساقع اشتالها وابص فيها ويكأني مكثوفه يعني
ليلي:اه عشان تتكعبلي بيها وتاخدي حماتك بالاحضان 😂😂هتبقي مسخرة والله
الاء:اتفرجي عليا ياماما واتعلمي
ليلي:طب انا هفضل هنا بقي هتحرج ادخل معاكي
الاء:قدامي يلا انتي هتدخلي قبلي
ليلي:وراك ياباشا اتفضل
دخلت سعاد ووراها الاء وليلي شايله الصينيه وبتقدم للموجودين الساقع ومامه يوسف وقفت قابلت الاء بالحضن ويوسف سلم عليها وناولها بوكيه الورد ال جابهولها
الاء بهمس:قلتلك انا عاوزة الورد تيوليب اصفر مش احمر جوري انت ايه يابني انت
يوسف بهمس:والله مالقيته وبعدين دة اغلي منه
الاء بهمس:حسابك معايا بعدين
ليلي بضحك:الوشوشه بدأت وانا ابتديت اغير
كلهم ضحكو علي كلام ليلي وقعدو اتفقو ان الخطوبه الاسبوع الجاي وبكرة هينزلو يجيبو الشبكه
اما عند علي::.
علي:بابا جه ياست الكل ولا لسه
نهي:هتموت عليه يجي ليه كدة من امتي وانت مستعجل علي حاجه ها.....
يتبع ......
لقراءة الفصل الرابع عشر : اضغط هنا
لقراءة باقى فصول الرواية : اضغط هنا
google-playkhamsatmostaqltradent