رواية مهمة عاشق الفصل الرابع عشر 14 بقلم خلود وائل

 رواية مهمة عاشق الفصل الرابع عشر 14 بقلم خلود وائل
رواية مهمة عاشق الفصل الرابع عشر 14 بقلم خلود وائل

رواية مهمة عاشق الفصل الرابع عشر 14 بقلم خلود وائل

نهي:انت مستعجل علي بابا انه يجي ليه من امتي بتستعجل علي حاجه....
علي:الله مش ابويا واتأخر وقلقان عليه وبعدين نطمن يوسف عمل ايه
الحاجه منال: ياحبيبي زمانه جي عقبال مانفرح بيك الا قلي ياعلوة مفيش وحدة دخلت قلبك لسه
نهي:مش هتفك الحصار بقي ياويكا
علي:اما نخلص منك الاول يالمضه
نهي:داانت علي كدة هتعجز بقي 😂يابني انا لسه٢٣سنه انما انت٣٠مستني ايه بقي هاااا
علي:اتقلي تاخدي حاجه نضيفه😛
دخل عليهم الحاج محمود:السلام عليكم اذيكو ياولاد
كلهم:وعليكم السلام ورحمه الله وبركاته
الحاجه منال:ها يامحمود ايه الاخبار
الحاج محمود:الاخبار تمام الحمد لله قرينا الفاتحه وبكرة هينزلو يجيبو الشبكه والخطوبه يوم الاربع في بيت العروسه
نهي:ايه دة يعني مفيش قاعه
الحاج محمود:بباها كان ناوي بس يوسف ياستي عاوزها عائليه عشان العيلتين يتعرفو علي بعض
الحاجه منال:طب والله احسن
علي:مين هينزل مع يوسف وهما بيجيبو الشبكه يابابا
الحاج محمود:هو وعروسته ومامته ومامتها وواحدة صاحبتها
علي بأبتسامه:الندل معزمش عليا اروح معاه
الحاجه منال:متروح انت من نفسك ياحبيبي انتو اخوات ومش محتاج عزومه
الحاج محمود:اما ناس محترمين بشكل ياولاد
نهي:احكيلي يابابي
الحاج محمود:ناس هاديين واسلوبهم راقي وقمه في الذوق صراحه نسب يشرف عقبالك ياعلي
الحاجه منال: مين كان موجود يامحمود
علي في اللحظه دي كان عاوز يقوم يحضن مامته عشان سألت السؤال ال هو نفسه يسأله نفسه يسأل عن ليلي حبيبته
الحاج محمود:العروسه وبباها ومامتها واخوها وواحدة صاحبتها ال هي دكتورة ليلي
نهي:دول بينهم صحاب جامد بقي
الحاج محمود:اه يانهي باين كدة لانها قاعدة علي راحتها كانها صاحبه بيت وكلهم بيحبوها وبيحترموها وهي صراحه تتحب دا كفايه الضحك ال ضحكناه بسببها النهاردة الله يباركلها الواحد من زمان مضحكش كدة
علي:ليه يعني يابابا
الحاج محمود قعد يحكي عن ليلي وكلامها وهزارها طول قعدتهم وغيرتها علي الاء صاحبه عمرها من يوسف بطريقه كوميديه وعلي مندمج ومتخيلها قدامه بضحكتها ال بتأسر قلبه وخدودها الورد الجوري
خلصو كلامهم وكل واحد طلع ينام في اوضته وعلي اول مادخل الاوضه طلع تليفونه ورن علي يوسف لقاه انتظار فضل وقت طويل وبعدين شويه ويوسف رن عليه
علي:اهلا بالباشا ال سايبني انتظار ايه كل دة بتكلم مين
يوسف:لا منتا لازم تتحط علي الانتظار عما اخد الشوط المحترم من خطيبتي
علي:طق طق طق خسارتك يارجوله
يوسف:بكرة نتفرج يسطا
علي:لا يابرنس انا علي وضعي قلي كنت بتتهزق ليه من اولها كدة
يوسف:الهانم كانت طالبه ورد تيوليب اصفر انا ملقيتوش فجبتلها ورد جوري احمر معجبهاش وعجب صحبتها وقعدت تقنع فيها انه اجمل واحلي ومناسب لقرايه الفاتحه بس دي ابدا لازم تنكد عليا اما البنات دول عليهم حجات يابني تطير العقل والله
علي بضحكه رجوليه:شكلها سترونج اندبندت وهتلففك حوالين نفسك ياجو
يوسف بهزار:داانا غلبان
علي:المهم هتجبلها شبكه ايه
يوسف:ال هي تختارة بقلك متيجي معانا بقالنا زمان مخرجناش سوا
علي بتصنع:مينفعش خالص عندي شغل بكرة
يوسف:شغل مين والناس نايمين خلص بدري وقابلني عند مراد الجواهرجي ال كنا جايبين منه شبكه ندي اختي بكرا الساعه ٣العصر ومش هقبل اي اعزار ها انا ناوي علي خروجه جامدة تعالي واهو بالمرة تشوف القمر ال هتبقي هناك جايز تجيب رجلك وتتكلبش انت كمان
علي بأستعباط:قمر مين
يوسف: صاحبه الاء الانتيم بتاعها مبيفارقوش بعض خالص وهي بت عسل كدة في نفسها ومزة بصراحه تعالي جايز تهد حصون قلبك ال انت مقفلها دي
علي وهو بيجز علي اسنانه من وصف يوسف ل ليلي:ماشي ننقابل بكرة سلام
عدي تاني يوم بسرعه وكلهم راحو محل الدهب وعلي اتأخر وشويه وقربو يخلصو أختيار الشبكه
الاء:ايه رايك يالي لي
ليلي:مبارك عليكي ياقلبي تحفه طبعا
الاء: شفتي التوينز بتاع الدبله ال هناك دة
ليلي:جميل اوي
الاء:هموت واجيبه بس مكثوفه اققول ليوسف😅
ليلي:بت من اولها هتنهبي دا جايبلك طقم ب٢٠٠الف انتي جرالك حاجه
الاء:طب اسكتي بقي وتعالي ننقي دبله يلا
عدي الوقت وانتهو من كل حاجه ويوسف مستني علي بيكلم نفسه :انت فين يابني انت عمرك ماعملتها
ليلي:هو ابن عمك دة مش قد مواعيدة ليه ياجو
الاء:ادينا مستنيين اهوة الوقتي يجي
رن تليفون ليلي
ليلي:الو ايوة ياماهر
ليلي:ايه بتقول ايه طب انا جايه حالا متقلقش مش هتأخر سلام
الاء وسعاد بقلق:في ايه ياليلي خير حد جراله حاجه
ليلي:لا متقلقوش دي ماما داخت ووقعت من طولها وماهر لحقها بس انا لازم اروح اطمن عليها واشوف هي مالها
الاء:انا جايه معاكي
ليلي:تيجي فين بقلك بقت كويسه انا بس هشوفها اطمن وبعدين متضيعيش اليوم عمرك مهتعوضيه تاني
حضنت ليلي الاء وسلمت علي الموجودين واستأذنت وروحت تطمن علي مامتها وبعد ثواني من خروجها وصل علي وعنيه بتدور عليها في وسط الموجودين
علي:معلش ياجماعه غصب عني التأخير والله الطريق كان واقف خالص
يوسف:ولا يهمك ياعلي
علي:الف مبروك يادكتورة الاء ربنا يسعدكو يارب
الاء:الله يبارك فيك ياكابتن علي
علي بضحك:بلاش كابتن دي والنبي قوليلي علي اققرب
الاء:ماشي ياعلي عقبالك
علي :ان شاء الله انتم السابقون ونحن اللاحقون
علي أخد يوسف علي جمب :هي فين القمر ياأبني بتلعب عليا بقي كدة
يوسف: وربنا لسه ماشيه الوقتي حالا لو كنت قدمت دقيقه كنت لحقتها
علي:وهي مشت ليه
يوسف:مامتها تعبت فاجئه وروحت تطمن عليها وبعدين ايه يانجم اشمعنا المرة دي منا ياما اتحايلت عليك وكنت بتنفض
علي:طب انا غلطان اني اسمع كلام عيل ذيك واهي مرة وخلاص
يوسف:لا والنبي داانا ماصدقت انك تحن حقك عليا هتلاقيها في الخطوبه اكيد
عند ليلي:ايه ياماهر ماما فين طمني عليها
ماهر:خدي نفسك اول هي نايمه في اوضتها جوة تعالي
دخلت ليلي لاوضه مامتها لقتها قاعدة علي السرير
الحاجه كوثر اول ماشافت ليلي:ايه ياحبيبتي جيتي وسيبتي الاء بردو ياماهر جبتها علي ملي وشها كدة
ليلي باست ايد مامتها:سلامتك ياست الكل الف بعد الشر عليكي مالك ايه ال حصل
الحاجه كوثر:ابدا ياحبيبتي كنت قاعدة وجيت اققف لقتني دخت ومحستش غير وماهر بيفوقني بس الحمد لله انا بقيت كويسه
ليلي:ناولني ياماهر جهاز الضغط كدة
قاست ليلي لمامتها الضغط
ليلي:ياخبر ياماما ضغطك واطي اووي انا هعملك كوبايه عصير واجبلك حبايه تعلي ضغطك كدة غلط
شويه والحاجه كوثر اخدت الدوا وشربت العصير وبقت كويسه
ليلي:امال بابا فين
ماهر:راح يجيب حسام من المطار عقبال عندي
ليلي:يااخويا اتلهي واققعد في جمب اخوك كان المفروض يجي من كام يوم بس ماصدق ولزق هناك
ماهر:يابنتي حد يسيب شرم الشيخ ويجي يقعد معاكي انتي
ليلي:ومالها قعدتي ها
ماهر:مابلااااااش سبيني ساكت احسن مخليكي تقومي تنتحري الوقتي😂
الحاجه كوثر:بااااس حرام عليكو نفسي تقعدو ساعه من غير ماتمسكو في بعض
ليلي:مهو ياماما ال بيجر شكلي
الحاجه كوثر:حقك عليا انا يلا قومي اطمني علي بباكي واخوكي عشان هنروحله بكرة
...عدي اليوم علي كل ابطالنا بسلام وعند الاء كلهم قضوة فسحه وختموة بالعشا سوا في واحد من أفخر المطاعم في القاهرة وبعدها يوسف وصل الاء ومامتها بيتهم وروح وقبله علي
بليل عند ليلي بتكلم الاء في التلفون :ها ياعروستنا ياجميله اوووي احكيلي ال حصل بالتفصيل الممل واي مونتاج هيحصل هزعلك والله
الاء:اما كان يوم جميل بشكل كان ناقصك والله المهم كوكي عامله ايه الوقتي
ليلي:كويسه الحمد لله هي بس كان ضغطها واطي وبقت تمام
الاء :طب الحمد لله سلميلي عليها عما اشوفها في خطوبتي وحشاني والله
ليلي:اه فكرتيني خطوبه ايه ال هنعملها في البيت دي
الاء:مهو يوسف مش راضي بقاعه عاوزها عائليه
ليلي:والله عيب علي سلسله مطاعم عمي ماهر
الاء:تقصدي ايه
ليلي:كل يوم بتأكديلي انك غبيه وبجدارة والله
الاء:بت،،،، طب والله ماحكيالك ال حصل النهاردة
ليلي:عادي هكلم سوسو حبيبتي وهي هتحكيلي
الاء:اه بس مش هتحكيلك علي ال حصل بيني وبين يوسف 😹😹
ليلي:طب لولي حبيبه قلبي هتحكيلي صح
الاء:للاسف هحكيلك .........وباس ياستي بعد مااتعشينا ابن عمه اخد عربيته وروح واحنا يوسف وصلنا ودخل قعد شويه وبعدين قام يروح وانا قمت وصلته ووقف علي الباب وقام واخد ايدي باسها وقالي انا اسعد واحد في العالم بوجودك في حياتي وكانت احلي علقه خدتها بسببك وانا راضي كلامه ده يابت يالي لي خلي قلبي عمال يدق جامد
ليلي:من اول خروجه وباس ايدك يااالهووووي الحقج ياحچ سالم
الاء:ايه يابنتي
ليلي:التار ولا العار يابنيتي
الاء:هو في ايه غلط مش فاهمه واحد وبيبوس ايد خطيبته عادي
ليلي:وانتي مالك منشكحه كدة ليه دة لسه خطيبك مش جوزك افهمي حرام انه يمسك ايدك اصلا الاء حافظي علي نفسك انتي غاليه ياحبيبه قلبي
الاء:فهمت يامولانا
ليلي:مولانا طيب روحي نامي وبكرة افهمك حوار الخطوبه دة بقي have a good night
الاء: you too
اما عند علي فكان زعلان جدا وروح مضايق وغير هدومه ودخل سريرة حاول ينام لكن مش عارف مش قادر يبطل تفكير فيها ليلي ملكت عقله وكيانه شايف صورتها قدامه مش مفارقاه البنت الوحيدة ال اتمناها بعيدة عنه ومش طايلها ويوم ماتيجي فرصه تقابلها تمشي قبل ماهو يجي افكار كتيرة جواة وصوت بيقله:اشمعنا دي ال شغلت بالك ومش مبطل تفكير فيها اكيد انت ولا علي بالها ولا هي فكراك اصلا ايه مش هتعقل هتحن تاني مش كفايه مني وال عملته فيك
علي لنفسه:لا دي غيرها دي محترمه وعمرها مااديتلي فرصه اني حتي اققلها كلمه حلوة
-كلهم شبه بعض كلهم خاينين....
يتبع ......
لقراءة الفصل الخامس عشر : اضغط هنا
لقراءة باقى فصول الرواية : اضغط هنا
google-playkhamsatmostaqltradent