رواية عشق أحفاد الجوهري الفصل الثاني 2 بقلم آية المهدي
رواية عشق أحفاد الجوهري البارت الثاني
رواية عشق أحفاد الجوهري الجزء الثاني
رواية عشق أحفاد الجوهري الحلقة الثانية
أسيل وإسلام : مستحيل مين دي
أسلام: هو أنا لو مكنتش شوفت مليكة في المستشفي كنت قولت هي دي كأنها تؤامها
أسيل : لازم اتكلم معاها وأعرف هي مين
اسلام : تعالي هنا يا مجنونة تكلمي مين انتي اتجننتي هتروحي تقولي ليها اي سورى اصلك شبه بنت عمي اللي في غيبوبة
اسيل : اسلام انت بتتريق عليا
اسلام : لاء مبتريقش بس فكري قبل اي خطوة علشان مش ترجعي تندمي
أسيل : طب احنا لازم نعرف هي مين واسمها اي وعايشة فين ومع مين
إسلام : اي يا بنتي انتي هتحققي في حياتها
اسلام : أسيل بتفكري في اي بالظبط
أسيل : تعال نخرج وهاقولك بس الاول نعرف بيتها
إسلام : يلا لما نشوف اخرتها
علي الناحية الأخري :
عند حور وأميرة :
حور : ها مالك بقا وبقالك كام يوم مبتجيش الجامعة احكيلي مالك يا حبيبتي
أميرة: اهلي يا حور عايزين يجوزوني وانا مش حابة اتجوز دلوقتي
حور : تصدقي بابا كان فاتح معايا الحوار ده الصبح وقولتله لاء هما الأهل كلهم كده
أميرة : يا ريت يا حور يفكروا زي باباكي بس لما قولت لاء زعقوا وكمان اليومين دول مش خلوني انزل الجامعة قالوا يا الجامعة يا الجواز ولو رفضت مش هاكمل تعليمي
حور : طب اهدي واشربي اللمون وكل حاجة هتتحل
اميرة : حاضر
علي الناحية الأخري :
شركات الجوهري :
سليم : الاجتماع كان ممتاز انهاردة أن شاء الله ناخد الصفقة دي لانها مهمة لشركات الجوهري
سراج : طبعا هنكسبها يا سليم العقرب عمره ما يخسر ابدا وكمان كل الشركات تتمني تتعاقد معانا
سليم : اه أن شاء الله انا واثق أننا هناخدها
سليم بغضب : فين سيف يا سراج مش حضر الاجتماع معانا ليه احنا بنهزر ولا اي
سراج : اهدا يا سليم تلاقيه وراه حاجة وزمانه جاي
سليم بغضب شديد : لما يجي خليه يجي مكتبي
سراج : حاضر أنا هاتصل بيه اشوفه فين
سراج : ربنا يستر وميتحولش الله يخربيتك يا سيف شكلك ناوي تعمل مصيبة انهاردة
علي الناحية الأخري :
في قصر عائلة الجوهري:
الجد سلمان: مالك يا وليد يا بني
وليد بحزن: والله يا بابا حالة مالك كل يوم بتسوء مبيتكلمش مع حد وعلي طول جو اوضته والست والدته ولا كأنه ابنها عمل حادثة ومبقاش يمشي بسبب انها مش فاضية الحفلات والموضة اهم من ابنها الولد بقي عنيف جدا يا بابا حتي اخواته مبقاش يتكلم معاهم انا خايف يجراله حاجة
الجد بحزن علي حفيده: متقلقش يا بني ربنا قادر علي كل شئ ومالك هيخف ويقوم علي رجله تاني
وليد بأمل : يا رب يا بابا يا رب
رؤي: بتتكلموا في أي من غيري
الجد : تعالي يا شقية تعالي
رؤي : جدو حبيب قلبي تعرف يا جدو لو مكنتش جدو كنت اتجوزتك ده صحابي في الجامعة بيعاكسوك
وليد بضحك : يخربيتك يا رؤي عيب يا بنت الكلام ده اي اتجوزك ويعاكسوك دي شكل القعدة مع أخوكي وعز جننتك
عز الدين : لا وانت الصادق يا عمي دي مجنونة لوحدها احنا مالنا انتوا كل حاجة تحطوها عليا انا والغلبان ده ولا علشان مالناش ولا غريب ولا حبيب يدافع عننا
وليد : اي يا بني انت مش هتعقل خالص اي اللي انت بتقوله ده ده شكل واحد في جامعة وهيتخرج
حسام : جري اي يا عمي مالك بعز حبيبي كلكوا علي الواد تعالي يا بني نشوف حد تاني اصل الناس دول أعداء الكلام والمرح واحنا ناس فرفوشة مالناش في النكد احنا
الجد : امشي يا حيوان منك ليه من قدامي حالا عليه العوض ومنه العوض
شهاب : اي مالك يا بابا بتزعق ليه انت يا اهبل منك ليه قولتوا اي لجدكوا
حسام وعز : اي في أي جدعان وربنا ما قولنا حاجة احنا بنقول اعداء الكلام والفرفشة كده غلطنا
شهاب : ابدا يلا يا حيوان منك ليه بره
حسام وعز بحزن مصطنع : يلا يا بني نمشي بكرامتنا احسن
شهاب ووليد بغضب : برة يا يلا انت وهو
عز: اجري يا بني الجري نص الجدعنه
الجد بضحك : مافيش فايدة فيهم
علي الناحية الأخري:
أسيل : بصراحة فكرت في حاجة كده معرفش هي صح ولا لاء بس ارجوك متقاطعش كلامي انا بفكر نجيب البنت دي مكان مليكة
اسلام بغضب : لاء انتي اتجننتي رسمي
أسيل : اهدا بس واسمعني صدقتي جدي مش هيتحمل الصدمة ولا اي حد من العيلة انت متعرفش مليكة عندهم اي ارجوك افهمني لازم نعمل كده
إسلام : طب وانتي متأكدة أن البنت هتوافق
أسيل : انا هديها اي مبلغ تطلبه
إسلام : أسيل مش كل حاجة بالفلوس علي فكرة
أسيل : طيب نشوف هي عايزة اي وبعد كده نتكلم انت معاك عنوانها صح
إسلام : اه معايا العنوان بس هنروحلها دلوقتي
أسيل : اه يا إسلام مافيش وقت يلا بينا
علي الناحية الأخري:
حور : انا جيت يا بشر يا ناس ياللي هنا
سلمي نعمل اي يعني نطبلك مثلا
حور : بت انتي انتي بتجري شكل وخلاص افهم بس متغاظة مني ليه مالك بس يا حبيبتي
سلمي بغضب : في اني يا هانم جهزت الاكل وغسلت المواعين وعملت كل حاجة
حور : يا راجل احلفي وجهزتي الغدا كمان اي الهنا ده
سلمي : شوفتي عملت إنجاز اهو علشان متقوليش اني فاشلة ويلا يا هانم روحي حطي الاكل وهتغسلي المواعين بعد الاكل وأياكي تطلبي مني حاجة
حور بصدمة : انتي يا بت هبلة بالعة راديو لاء ميغركيش أنا وربنا اجن منك فلمي الدور كده وامشي بقا من وشي عصبتيني
سلمي : حور حبيبتي خليكي كول يا ماما ده حال الاخوات الايام دي وبعدين بيقولك بالطول بما اني أطول منك وكده فاتكلم براحتي
حور : انتي قصدك أنه أنا اوزعة
حور بفخر : لاء يا ماما انا طولي ١٥٦ قمر انا والله انتوا بس مش مقدرين
سلمي بضحك : المفروض كانوا يسموكي شبرونص
حور بغضب : أنا شبرونص يا عمود النور يا هبلة
سلمي : اهدا بس يا عمي بورعي
حور : وكمان بورعي يا قليلة الادب لازم اوريكي
سلمي بجري : استني بس جرس الباب بيضرب شوفي مين وابقي تعالي كملي
حور : تصدقي اروح اشوف مين الاول وارجعك يا حبيبتي
حور : حاضر جاية جاية مين
حور بصدمة : انت
بقلم / اية المهدي
يا تري حور شافت مين ؟؟
وهتوافق علي عرض أسيل ولا لاء ؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عشق أحفاد الجوهري)
