recent
أخبار ساخنة

رواية مهمة عاشق الفصل الأول 1 بقلم خلود وائل

رواية مهمة عاشق الفصل الأول 1 بقلم خلود وائل
رواية مهمة عاشق الفصل الأول 1 بقلم خلود وائل

رواية مهمة عاشق الفصل الأول 1 بقلم خلود وائل

في صباح يوم الجمعه اشرقت شمس القاهرة معلنه قدوم صباح يوم جميل وجديد وفي أحد البيوت بمنطقه هادئه رن جرس منبه التليفون معلنا قدوم الصباح دن دن دن دن دن دن دن مدت ليلي يدها لتمسك بالتليفون
ليلي:يووووة أما أنت تلفون فصيل بصحيح صحتني من احلاها نومه هو انت محدش قالك أن النهاردة إجازتي والله لولا أن تمنك اغلي من مرتبي ومش هعرف أصلحك كنت دشيتك الوقتي..
(ليلي بنوته قمورة ودكتورة جراحه طويله وبيضه ووشها مدور وعنيها خضرة وملامحها جذابه وشعرها بني وطويل لاخر ضهرها 😍بتحب الضحك والهزار وطيوبه بس عنيدة جداا محجبه وملتزمه زي عيلتها بالظبط)
أما اقوم اصلي الصبح كدة واشوف ست الكل فين
قامت ليلي من سريرها بكل نشاط ودخلت حمامها الملحق بغرفة نومها واتوضت وصلت الصبح وقرأت وردها اليومي وطلعت برة اوضتها ونادت مامتها
ليلي:ماما ماما ست الكل حااااجه انتي لسه نايمه يامااااما
سمعها حسام اخوها وخرجلها من اوضته بنعاس
حسام:ايه يابنتي حد يقوم بدري كدة يوم الجمعه انتي ايه مبتحسيش طب تنحه وقلنا ماشي عاوزة تصحي البيت ليه
(حسام اخو ليلي الكبير بيشتغل محاسب ف بنك وعلاقته ب ليلي علاقه متينه وهو بحر أسرارها واحن واحد عليها)
ليلي:انتو ال بتحبو النوم عيله نعسانه اعملكو ايه أنا متعودة اصحي بدري بقلك ياحس تشرب معايا قهوة
حسام:شكلك رايقه يالي لي خير يارب
ليلي:كنت بحلم حلم انما ايه لوز اللوز
حسام :احكي
ليلي:حلمت خير اللهم اجعله خير أننا ف فرحك وانت وسلمي بترقصو سلو وشكلكو ايه اخر حلاوة
حسام بفرحه :ها وبعدين
ليلي:وبعدين ياسيدي الشجاعه خدتك وقمت شايلها مطوحها وهب عينك ماتشوف الا النور خدتو انت وهي سوبليكس مع دبل كيك انما ايه اخر روقان😹😹
حسام:الشجاعه خدتني وسوبليكس وديني اجيبك من قفاكي
ليلي:يالهواااي
هربت ليلي وهي بتصوت بضحك وحسام بيجري وراها ف البيت كله ف ليلي طلعت ع طرابيزة السفرة
ليلي:وربنا لو جيت جنبي لهنط من هنا واجبلك جنايه😂
حسام:أنا ال هعمل جنايه الوقتي
ليلي:يامااااهر ياحج مصطفي ياجدعاان الحقوني
حسام :انزلي بدل مااجيبك أنا
ليلي:الحق عليا ال بحكيلك ال هيحصل يوم فرحك دي رؤيه ياابني
دخل عليهم الحاج مصطفي باباهم وضحك ع منظرهم ووراه الحاجه كوثر كلمتهم
الحاجه كوثر:بتعملي ايه ياعاقله ياكامله ع السفرة اه ياني منكو ناقر ونقير
حسام :ال ايه ياماما حلمت أن أنا شايل سلمي ف فرحنا وقمت واقع بيها يرضيكي كدة
الحاج مصطفي:اديك قلت حلمت مش حقيقه تقوم تجري وراها كدة اعقل ياحبيبي داانت عريس ومحتاج صحتك ال بتبعترها بجريك كل يوم ورا ليلي
حسام :اه منا هستناك تغلطها يبقي هستني كتير
ليلي:أنا جعانه يامامتي ياعسوله
الحاجه كوثر:روحي صحي ماهر اخوكي ويلا نجهز الفطار
قعدو كلهم ع الفطار في جو عائلي جميل كله ضحك وهزار
ماهر:عاوزين نلحق نخلص المشاوير ال ورانا قبل الفرح والحق اجيب بدلتي
حسام:ياأخي داانا العريس لسه مجبتش بدلتي والفرح الخميس الجاي اتلهي واقعد على جمب
الحاجه كوثر:ومستنين ايه اختك جابت فستانها وحجزت مع عروستك ف الكوافير من شهر فات خليكو انتو قاعدين كدة
ماهر:اه والله خلينا دايخين ف الشقه وداومه الفرح وناسيين نفسنا كدة
الحاج مصطفي:حسام انت ياحبيبي لازم تاخد إجازة من شغلك تخلص مشاويرك انت واخوك وتمم ع حجوزات الفرح ولوازمه وفوق لنفسك ولعروستك ولا ايه
حسام :إجازة ايه ياحج داانا بالعافيه عرفت اخد أسبوعين بعد الفرح عشان شهر العسل
الحاج مصطفي:سيبها عليا
(الحاج مصطفي أحد أعضاء مجلس إدارة البنك)
كلهم قامو من ع الفطار وحسام وماهر خرجوا يخلصوا مشاويرهم وليلي لسه هتروح أوضتها مامتها مسكتها
الحاجه كوثر: تعالي هنا ورانا شغل الدنيا قبل ماالفرح يزنقنا.......
في مكان موازي في احدي ابراج النيل الفاخرة وبالتحديد في احدي الشقق الفخمه ف غرفه النوم بطل قصتنا صاحب المهمه علي..(علي شاب في أواخر العشرينات ظابط في المخابرات علي قدر عالي من الوسامه عنيه بنيه وشعرة اسود كثيف وناعم بشرته بيضاء ولكن اكتسب لون اغمق من الشمس بطبيعه شغله دقنه متحددة طويل وعضلاته بارزة باله طويل وصبرة اطول وقلبه طيب وبيعشق شغله متواضع وانما صعب لما بيفقد أعصابه)
بدء يتململ ف سريره لحد مافاق من النوم مسك تلفونه من ع الكوميدينو وبص ف الساعه لقاها ١١قام من سريره ودخل حمامه ال في اوضته واخد شاور ولبس بيجامه رياضيه ونزل الدور ال تحت(الشقه دورين عقبالنا كلنا😹😹)قابلته أخته نهي :صباح الجمال والبرفان ال ريحته جايبه كورنيش النيل
علي:اهلا بااخوات المصلحه
نهي:أنا ياعلوة
علي:هااا ع السخان عشان مش فايقلك والله
نهي : كنت عوزاك تتوصنلي عند بابا عشان يفك الحصار ويرضي عني ويسبني اروح الكليه والنبي والنبي أنا والله عرفت غلطي خلاص
علي:اممممم مش قلتلك اخوات مصلحه
نهي :بقي كدة ماشي ياسيدي شكرا
لفت نهي عشان تمشي مسكها علي من أيدها
علي:يانوني والله زعلك ع عيني بس انتي مبتسمعيش الكلام بابا قالك متطلعيش بالعربيه لوحدك من غير السواق طنشتي الكلام واخرتها ايه هااا
نهي:والله مرة ولن تعود
علي :مهي لن تعود فعلا نحمد ربنا أن انتي ال عودتي😂😂
نهي:انت بتضحك
ماشي المهم انك تخليه يفك الحصار بقي
علي :لما العربيه تتصلح وتيجي اوعدك هكلمه تكون نار العربيه هدت شويه داانتي فشفشتيها عديني بقي أما اشوف الحاجه والحاج
نهي :الحاج مش هنا خرج من الصبح ومامتي تحت كانت بعتاني اصحيك عشان نفطر سوا
نزل علي تحت لقي مامته قاعدة بتقراء سورة الكهف بأس أيدها ورأسها
علي :صباح الفل ياست الكل
الحاجه منال:صباح الهنا عليك ياحبيب مامتك وقلبها
نهي:وانا ايه بقي لما هو قلبك
الحاجه منال:انتي نور عيني وقومي بقي نادي دادة مديحه تجيب الفطار وبطلي لماضه
فطرو كلهم وعلي بيسال ع باباه
علي:اومال الحاج راح فين من الصبح ياماما
الحاجه منال:راح فيلا عمك ياحبيبي قال هيقضي اليوم كله هناك النهاردة وهيرجع بليل
علي :عاوز اقعد معاه شويه عشان مسافر الفجر عندي مهمه وهرجع متأخر
الحاجه منال: ربنا يوفقك ياحبيبي ويحرسك يارب
علي ونهي:يارب
نهي:انت بتطلع مهمات كتيرة اووي وكلها خطر
علي:دة شغلي ولازم اثبت كفائتي واترقي كمان أنا بحب شغلي فوق ماتتخيلي
نهي:مش عارفه طالع لمين عماد اخوك مزاجه الشغل حتي سارة مراته حبت شغله
علي:صحيح ياماما هما فين
الحاجه منال:راحو عند اهل سارة من الصبح ياحبيبي عقبال ماافرح بيك
عند ليلي كانو خلصو شغل البيت والمغرب أذن قامو كلهم يصلو وليلي استأذنت تروح أوضتها
ليلي:ست الحبايب يا حبيبه أنا هقوم اخلص شويه شغل وهنام بعد العشاء ع طول عشان راحة بكرة المستشفي من بدري وعندي نبطشيه للصبح تاني يوم
الحاج مصطفي:طول النهار وطول الليل ليه كدة يابنتي
ليلي:معلش يابابا الدكاترة بتوع قسمي مسافرين مؤتمر وعندنا عجز وبعدين دة نداء الواجب ياحج قالتها بطريقه مضحكه خلتهم كلهم يضحكو وسابتهم وراحت أوضتها
الحاج مصطفي:ربنا يطمني ع اخوكي حسام ويبعتلك عريس الهنا ان شاء الله يابنتي
ماهر:وانا ياحاج ايه نظامي
الحاج مصطفي:ياشيخ اتلهي أما تبقي تخلص جامعتك اول ثم مين الهبله ال هتوافق تتجوزك هااا
ماهر:والنبي أنا قمر والبنات هتموت عليا
حسام:أمر ربنا بالستر
ضحكو كلهم وقام حسام يكلم سلمي ف التلفون
حسام:سلمتي حبيتي وحشتيني
سلمي:قلب سلمي انت ال وحشني اكتر هاااانت كلها الأسبوع دة ونتجوز وابقي معاك ع طول
حسام:سنتين خطوبه عدو هوا إنما الأسبوع دة مش عايز يعدي مش عارف ليه
سلمي:انت بتقول فيها اوعي والنبي عم عبد المنعم جارنا تعبان وخايفه يموت وناجل الفرح
حسام:عبد المنعم مين ياحجه انتي ال يموت مش نقصاه والله داانا اروح فيكو تابيدة
سلمي بضحك:ياعم حيلك حيلك ان شاء الله مش هيجراله حاجه أنجز انت بس وربنا يسترها
حسام:أنا لو بايدي كنت قلت إن الخميس بكرة بس بكرة السبت يلا هانت
سلمي :فات الكتير يابطه
حسام:بطه ف عينك متقليليش بطه تاني
سلمي :امممم هفكر
حسام :طب فكري براحتك بقي تصبحي ع خير
سلمي :وانت من اهلي يابيبي
جه الليل وكلهم نامو فبيت ليلي الشاذلي

أما في بيت علي الناهي
الحاجه منال:باباك زمانه جاي ياعلي نادي نهي تيجي تكلمه ربنا يهديهم لبعض ياابني
علي :ياماما طولي بالك بابا بيعمل كدة عشان يعرف نهي غلتطها لكن هو معندوش حد غالي قدها طولي بالك .....
يتبع ......
لقراءة الفصل الثانى : اضغط هنا
لقراءة باقى فصول الرواية : اضغط هنا
google-playkhamsatmostaqltradent