recent
أخبار ساخنة

رواية الاعمى الفصل العشرون 20 بقلم ليلة عادل

 رواية الاعمى الفصل العشرون 20 بقلم ليلة عادل
رواية الاعمى الفصل العشرون 20 بقلم ليلة عادل

رواية الاعمى الفصل العشرون 20 بقلم ليلة عادل

شقه مروان 5 م
مروان يجلس فى البلكونه يدخن سجاير ثم يدخل عليه منير
منير ... مارو عامل ايه يا حبيبى
مروان ... الحمد الله
منير ... عندى خبر ليك حلوى اوى
مروان ... خير
منير ... (يجلس امامه على على سن الترابيزه ) بص بقا فى دكتور فى انجلترا بيعالج نفس الحالات اللى زى حالتك دى وعامل عمليات كتير ونجحت
مروان ..(بياس ). تانى عمليات تانى لاء يا منير مش هجرى ورا سراب مره تانيه بعدين انا خلاص اتعودت
منير ... هتخسر ايه لو جربت انت مش نفسك تشوف اميره
مروان ... اوى
منير ... خلاص يبقا نسافر ونجرب
مروان ...عندك حق فعلا لازم اعملها عشانها عشان اشوفها وهرجع على شانها
منير ... ارجع عشان نفسك وحياتك مش عشان اميره
مروان ... اميره هى مستقبلى وحياتى لو هعمل العمليه يبقا عشنها هى
منير ... بقولك مش فارق معايا تعملها ليه ولمين المهم تعملها انا هبداء فى الاجراءات
مروان ... ماشى

- العربيه اميره 8م
اميره تسوق وتجلس بجوراها نور
اميره ... مش فهمه احنا رايحين فين
نور ... سوقى بس لحد العنوان اللى قولتك عليه
اميره ... حاضر
- باحد الكافيهات المطلى على النيل 8م
تنزل اميره من عربيتها ومعها نور– ثم يسيرون حتى وصلوا الى باب الكافى وقبل دخول اميره الى الكافيه تقوم نور بربط اسكرب على عين اميره
اميره ... (باستغراب ) بتعملى ايه يابت
نور ... استنى بقا امشى معايا
اميره ... اما نشوف اخرتها ايه معاكى .اوعى اقع
نور ... متخفيش
(عند دخلهم الى الكافيه تتركها نور )
اميره ... (تقف اميره بمنتصف ) ها وبعدين روحتى فين نور يابنتى .
تشيل الرابط تتفاجى بوجود جميع الاصدقاء والاهل وادهم ومعه اصدقائه من الشرطه والكافيه يمتلاء بالونات وورد وشموع نظرات زهول وفرحه من اميره ثم يقترب منها ادهم ويعطها بوكيه ورد)
اميره ... (بابتسامه خفيفه) ... انت اللى عملت كل ده
ادهم ... (نظرات حب) ... (ثم يجثو الى ركبته ويخرج خاتم من جيبه ويطلب منها الزواج)
ادهم ... (برومنسيه ) اتمنى ويبقا ليا الشرف انك تقبلى ان تكملى معايا الباقى من عمرى بحبك
اميره ... (بنظرات صدمه مع ابتسامه ) ... اكيد موافقه
(ثم يلبسها الخاتم ويقوم بحضنها وحملها ويلف بيها مع نظرات فرح من الجميع)

- شقه نور وحمزه 11 م
, اميره ونور وحمزه يجلسون فى الرسبشن
اميره ... انا بجد عايزه اضربك
نور ... ليه يعنى
اميره ... والله حطتينى فى موقف صعب انتى بتستهبلى
حمزه ... انتى مفروض تفرحى غيرك بيتمنى يحصل معاه كدا
اميره ... لا والله يابنى انا وفقت عشان اتكسفت مكنتش عارفه اعمل ايه مفروض كنتوا عرفتونى بس اعمل فيكم ايه
حمزه ... ليه يعنى ادهم كويس وبيحبك و شاريكى بجد جربى بقا تبقى مع اللى بيحبك كفايه اللي حصل
نور ... مالهوش لازمه الكلام ده يا حمزه
اميره ... هو عنده حق لازم اعيش حياتى مع اللى يحبنى كفايه وجع قلب

احد البواخر على النيل 6 م
اميره تجلس على احد الترابيزه فى انتظار ادهم و تلعب بتلفونها وتشرب قهوة نعم اميره اصبحت تشرب قهوه بعد كرها الشديد لها ! بعد قليل يدخل عليها ادهم
ادهم ... حبيبى اسف جدا والله على التاخير
اميره... لا يا قلبى مافيش حاجه ..... ها يلا نطلب اكل انا جعانه جدا
ادهم ... ما الهانم مابتفطرش والساعه دلوقتى 6 المغرب لازم تجوعى
اميره ... خلاص بقا هههههه
ادهم ... متر
المتر ... افندم
ادهم ... ها هتاكلى ايه
اميره ... استيك مشوى مع بطاطس محمرة وشوربه كريمه
ادهم ... وانا زيها
المتر ... هتشربوا حاجه
ادهم ... حياتى تشربى حاجه
اميره ...(تنظر للمتر وتفكر ) امممممممم ممكن بيبسى
المتر ... حاجه تانيه
اميره ... شكرا
ادهم ... ها قوليلى بقا عامله ايه
اميره ... انا تمام بقيت اشرب قهوه زيك
ادهم ... اخدت بالى دى حاجه تفرحنى اوى عارفه انى من اول مره شفتك فيها خطفتى قلبى
اميره ... ازاى
ادهم ... اول ما دخلتى عليا للحظه قلبى انخطف حسيت احساس غريب مش عارف اوصفه , بس فوقت نفسى بسرعه عشان مينفعش , بقيت كل مره اطلب اشوفك عشان التحقيق افضل اعد قبلها من 1لى 10 واخد نفسى عميق عشان مبوظشى الدنيا
اميره ... (بابتسامه ) للدرجه دى
ادهم ... واكتر كمان .عارفه انا كنت بدعى كل يوم ليكى فى كل صلاه انك تاخدى برائه انا مكنتش هسامح نفسى لو كنتى دخلتى السجن
اميره ... طب لو فعلا انا اللى كنت قتلها
ادهم ... مش عارف بس كنت هدعى بردو ربنا يخفف عنك الحكم كنت هزعل اوى ان احساسى خانى للاول مره
اميره ... ده انا بخاف اشوف فرخه بتدبح اقتل ههههههههه
(يدخل عليهم المتر معه الطعام بعد ان يقوم بوضعه على الترابيزه يرحل... تمسك اميره طبق الشربه تبداء بتناوله وكذلك ادهم ثم تنظر له
اميره ...
لادهم ..بقولك ايه رايك نكتب الكتاب مع الخطوبه
ادهم ... طبعا موافق جدا
اميره ... قشطات
ادهم ... باستغراب بس اشمعنا
اميره ... عادى مش كدا كدا الفرح كمان 3 شهور هى هى ولاه انت مش حابب
ادهم ... انا عايز اتجوزك حالا بس قولى اه الشقه جاهزه فى ظرف يومين العفش يتظبط
اميره ... مش دى قصه بس انا محتاجه اظبط حاجات عندى
ادهم ... انت بس وقت متحبى عرفينى انا جاهز
اميره ... تمام ........ ادهم
ادهم ... أامرينى
اميره ... انت قرات كل حاجه فى المزكرات؟
ادهم ... اه
اميره ... اممممممم
ادهم ... بتسالى عشان مروان صح
اميره ... اه
ادهم ... بصى انا ماليش اى حق اتكلم معاكى فى الماضى , انا ليا فى دلوقتى وانا متاكد ان طول فتره رفضك ليا او تاجيلك للموضوع كان بسبب مروان
اميره ... دى حقيقه بعدين اكتشفت مع الايام ان حبى لمروان كان حب اهبل , زى حب اى فانز للفنان المفضل ليه , يعنى توهم حب مش حب حقيقى , لكن احاسسى معاك مختلف
ادهم ... (يمسك ادهم ايدها) وانا اوعدك انى مش هخليكى تندمى على اختيارك ليا
اميره... وانا واثقه انى عمرى ما هندم
ادهم .. عارفه حتى لو كان حبك ليا جزء صغير بنسبالى حاجه كبيره اوى , انا بحبك اوى اوى يا اميره وعايز اكمل معاكى الباقى من عمرى , انا كل يوم بحمد ربنا انك فى حياتى بدعى ربنا انه يقدرنى واقدر اسعدك (يقبلها من ايدها )
اميره ... (بخجل) .... ربنا يخليك ليا
ادهم ... ويخليكى ليا ... (ثم يبوسها من كفها)
اميره ... (باباتسامه) ... خلاص هقول لبابا عشان نظبط كل حاجه
ادهم ... تمام
اميره... هههههههههه يلا ناكل لان الاكل جلد
ادهم ... اغيرهولك
اميره ... لاء يلا كل افتح بوقك اهم ههههههه
ادهم ... بتاكلى ابن اخوكى انتى هههههههه
اميره ... مش عجبك رومنسيتى
ادهم ... عجبنى يا فندم انا اقدر بحبك والله ههه
اميره ... ايوا كدا ههههههههههه
تقوم اميره بزياره مروان لدعوته للخطوبه)

شقة مروان 3 م
اميره تقف على تطرق الباب ثم تفتحلها فاطمه
اميره ... السلام عليكم ازيك
الداد ... الحمد الله وانتى
اميره ... الحمد الله .. . هو دكتور مروان هنا
الدادا ... اه فى المكتب اتفضلى
(فاطمه تطرق الباب على مروان واميره تقف بجانبها )
مروان ... ادخل
فاطمه ... وقفه كدا ليه اتفضلى البيت بيتك
اميره ... متشكره ازيك يا دكتور
(نظرات سعاده من مروان والابتسامه على وجهه ثم يقف ليسلم عليها)
مروان ... مرمر عامله ايه ... (يمد يده لكن اميره لم تمد يدها )
اميره ... الحمد الله اسفه انى جيت من غير ميعاد ... (ثم تقعد)
مروان ... ( بحزن ينزل يده يقعد) ... لا متقوليش كدا تاجى فى اى وقت
الدادا ... تشربى ايه
اميره ... قهوه مظبوطه
مروان ... (باستغراب) ... قهوه
اميره ... اصل ادهم بيحبها
الدادا ... مين ادهم ده
اميره ... خطيبى
الدادا ... ربنا يخليكم لبعض عن اذنكم
(تخرج للخارج )
مروان ... بس انتى كنتى بتكرهيها
اميره ... حبتها عشانه
مروان ... للدرجه دى
اميره ... (بسخريه ) ... اه سمعت كلامك قولت ادخل عالمه وهو يدخل عالمى حيث نكون عالم ثالث لا يعرفه احد سوانا ملئ بالحب والسعاده
مروان ... برافو الف مبروك
اميره ... شكرا انا جايه عشان اعزمك انت واستاذ منير على حفله الخطوبه
مروان ... اه
اميره ... اتمنى انك تاجى متعملش زى الرساله
مروان ... كنت تعبان
اميره ... انا قولت كدا
(يدخل عليهم منير)
اميره ... والله وحشنى جدا جدا
منير ... انتى بكاشه مكنتى سالتى
اميره ... (بسخريه ) انا اللى التليفون بيفصل من كتر سؤالك
منير ... ههههههههههه مش هتتغيرى
اميره ... واتغير ليه انا كدا عسل
مروان ... اكيد اوعى تتغيرى ...( اميره لاتنظر له ولا تهتم بكلامه)
اميره ... انا جاية اعزمك على خطوبتى
منير... مبروك ادهم طبعا
اميره ... اه
منير... ربنا يسعدكم
اميره ... يارب (تنظر لمروان ) دكتور مروان
مروان ... نعم
اميره ... كنت عايزك ت (قبل ان تكمل كلامها يرن تليفونها المتصل ادهم
اميره ... اسفه لازم ارد
مروان ... اتفضلى
اميره ...(بدلع ) ايه يا حبيبى وحشتنى ....لاء انا اكتر ....ههههههه....لاء بعزم الناس ........اه عند دكتور مروان اهو .. الله يسلمك ...لاء حاضر مش هتاخر عليك ...ايه حبيبى ههههه وانا بموت فيك... سلام ايوا معاك ايه ...لسه كنت هقوله ماشى يلا خد بالك من نفسك مش هتاخر عليك باى يا قلبى
(اثناء حديثها كان مروان يستمع لها وهو مضايق وغيران جدا)
اميره ... بيسلم عليكم
مروان ...الله يسلمه
اميره ... معلش اصل احنا متفقين ننزل نشوف حاجات
مروان ... ولا يهمك
اميره ... دكتور كنت عايزه اطلب منك طلب بس ارجوك متكسفنيش
مروان ... اتفضلى
اميره ... انت عارف انى بعزك جدا وبتمنى من حضرتك تشهد على جوازى
منير... مش لسه بدرى
اميره ... لاء ده يوم الخطوبه
مروان ... (بصدمه) ... بالسرعه دى
اميره ... اه الفرح كمان 3 شهور
مروان ... (بتوتر )... مبروك بس كنتى استنى يعنى شويه السرعه مش مطلوبه فى الجواز
اميره ... لاء بالعكس مدام الحب موجود خلاص
مروان ... اقصد يعنى ... (قبل ان يكمل كلامه)
اميره ... معلش لازم امشى
مروان ... (بلهفه) ... بالسرعه دى خليكى شويه
اميره ... معلش عشان بنظبط حاجات انا وادهم.متتاخروش الخميس المغرب ها فى البيت عندنا سلام
سلام يا استاذ منير
(تخرج من الباب)
منير ... (يجلس ) اتغيرت اوى
مروان ... بتربينى
منير ... ازاى
مروان ... عايزه توجعنى
منير ... هتروح
مروان...لازم
منير ... هتقدر
مروان ... لازم اقدر ..منير لو سمحت سبنى لوحدى
منير ... حاضر
(يجلس مروان لوحده حزين يدخن السجائر)
يتبع ......
لقراءة الفصل الحادى والعشرون : اضغط هنا
لقراءة باقى فصول الرواية : اضغط هنا
google-playkhamsatmostaqltradent