recent
أخبار ساخنة

رواية عذبني ولكن أحبني الفصل الثانى والعشرون 22 بقلم منة محمد

 رواية عذبني ولكن أحبني الفصل الثانى والعشرون 22 بقلم منة محمد
رواية عذبني ولكن أحبني الفصل الثانى والعشرون 22 بقلم منة محمد

رواية عذبني ولكن أحبني الفصل الثانى والعشرون 22 بقلم منة محمد

صحت ع إزعاج ريم فوق راسها
سحبت ريم اللحاف عنها ..وضمت لميس نفسها وهي لسه مغمضه عيونها وبتدور علي اللحاف بإيدها:رييـيـيـيم ..برررردانه
رمت ريم اللحاف ع الأرض:قومي بسرعه..عندي ليك خبر بمليون شيكل
لميس وكلهانوم:What‏ ..بسام اتجوز
ريم برقت عيونها وأخدت مخده وضربت لميس بيها:فــال الله ولا فـالك.
لميس غمضت عيونها:أبعدي عني..وخليني أناااااام
ريم ضربتها بالمخده:قومي وسيبك من نومه أهل الكهف دي
لميس اتنرفزت وقامت قعدت:خير
ريم:قومي رايحين للشاليه
قامت لميس وأخدت شور ولبست بنطلون ووبلوزه ورفعت شعرها:ايه المناسبه
ريم بفرحه: بابا عايز يقعد معانا لان معندوش شغل اليومين دوول واقترح نقضيها في الشاليه
لميس: fine
ريم:حطي لك هدوم كتير اامممممم (وبهزار) ولا اقولك خدي الدولاب كله يمكن نطول...وعلي فكره البنات احتمال يجوا
لميس:واااااو
طلعت ريم تجهز شنطتها ولميس بدءت هي كمان تجهز شنطتها
************
في الطريق للشاليه
لميس وريم وعادل مع مروان في عربيته
ورنا وكوثر وفهد والجوهري في عربيه امير
ريم قاعدة في النص ومقربه ومتكيه بايدها ع كرسي عادل وإيدها التانيه ع كرسي مروان وقاعدة في النص يعني محوطاهم
ريم:مروان
مروان :يانعم
ريم:شغل لنا اغنيه
مروان بهدؤ:أوك
شغل لهم شريط ووطي الصوت وعادل يعلي ومروان يرجع يوطيه وعادل يعلي وهكذا
مروان ضرب إيد عادل:عادل ابعـد لامتلقيش دراعك
عادل:يااخي عاليه مش سمعين كويس
مروان:لا الكاست ميعلاش في عربيتي
عادل:ليه راجعه من عمره (وعلاالصوت)
مروان:عدوول اتعدل ووطي الصوت
عادل طلع الشريط:أصلا مقرف ماعجبنيش
حطه وفتح درج الأشرطه ودور فيه
ريم:طيب حط اغنيه حلوه
مروان عوج شفته: لا البت عندها ذوق.....وبعدين تعالي إنتي ليه ماركبتيش مع حبيب القلب اميرك ليه
ريم كشرت:معاه رنا وأنا ممكن افتح الباب واحدفها منه
مروان:ياسلا ااااام يعني أنا بدل فاقد
ريم إبتسمت :انت الخير والبكرة مارو
عادل حط شريط أغاني أجنبيه ووعلا الصوت وفضل يرقص
مروان صرخ بصوته علشان يسمعه:واطييييييييي الزفت
عادل بيغني مع الأغنيه وهو بيرقص ومطنشه
والبنات ماتوا ضحك ع رقصه الغريب
مروان طلع الشريط ورماه
عادل:ليــــه ياخميره العكننه
مروان: دي كدل مستشفى مجانين مش عربيه
البنات ضحكوا جامد
ومروان ضرب ريم ع جبينها:وإنتي إرجعي ع ورى وإقعدي زي الناس
ريم رجعت وقعدت:أحححح.. اه طبعا مش اتنيلنا في عربيتك وبقيت تتحكم
عادل اتكتف:أففففف..يارتني روحت في عربيتي ولا ركبت معاك عربيتك الي شبه الكارو دي
مروان بسخريه:كنت روحت محدش حاشك
ريم ضحكت:مش بابا الي قال بلاش نكتر في العربيات وكاننا مهاجرين وكفايه عربيات الحرس وعربيه الخدم الي ورانا
عادل التفت عليها: خلاص بتحكي قصه حياتك اكتمي بقي
ضحكوا عليه وهو ساكت ومتنرفز
***قصص منه ع القهوه*******
الشاليه كان كبير جدا وقسمين قسم للرجاله وقسم للحريم
البنات إختاروا غرفهم..
لميس وريم في غرفه ورنا في غرفه
عادل بيرتب هدومه في الدولاب:يايلا ياعم انبسط وقاعد معايا في اوضه واحده
اميربتريقه:واو مبسوط  تصور حاسس اني بتشق نصين من الفرحه
عادل غمزله:ههههه عارف
رمى امير البنطلون في وش عادل..أخده عادل ورماه عليه تاني وبدأت حرب حدف البناطيل
دخلت عليهم وريم وشهقت:حرااااااااام
امير ومعاه البنطلون:مالك
ريم:حراااام تقطعوا البنطلون يامتوحشين
امير ضحك ورماه عليها:انا حر انتي مالك
ريم مسكته قبل ما يضربها بيه:اقسم بالله عيال..ليه كدا ترموا الهدوم مش عايزنها سبوها نتبرع بيها ع الاقل ناخد اجر وصواب فيها
عادل ل امير:شكلها مش طالعه إلا لابسه كله الدولاب في دماغها
امير حرك راسه بنعم:وأناشايف كدا برضه
ريم جريت وقفلت الباب
فاتت علي مروان في غرفته ولقته متمدد ع سريره ومعاه موبيله....وشنطته مرميه ع الأرض ومفرغها في الدولاب باهمال
الشباب مش بيحبوا الخدم يعتبوا باب غرفهم وخصوصا هدومهم فهما الي بيرتبوها بنفسهم
طلعت من عنده بعد مازهقته في حياته وشد شعره منها
وقابلت لميس في طريقها
لميس:فينك إنتي
ريم :بتفقد أحوال الرعيه
ضحكت لميس وريم وسحبتها معاها وطلعوا عند البحر وقعدوا ع الكراسي
***********
نسرين طلعت من الغرفه وسمعت صوت إزعاج وجري علي السلم
شافت شهد طايره دخلت غرفة سميه
راحت تشوف ايه الحكايه
دخلت لقت شهد بتنطط :هنروووووووح الشاليـــــه يا ناااااااااااس
سميه كانت قاعدة ع مكتبها:مين قالك
شهد:ماما قالت هنروح بعد شوي
طلعت شهد تجري علي بره
نسرين قربت ع سميه:اوعي تقولي مش هتروحي كمان
سميه قامت :أكيد هروح من زمان ماشوفتش البنات
نسرين :طيب.
سمعوا صوت ماجد اتنحنح نسرين:تعال مجود
دخل ماجد وبص لسميه:هابنات جهزتوا
سميه إبتسمت كانت عارفه إن ماجد خايف ترفض تروح معاهم
إبتسمت بحماس: حالا بنجهز
طلعت نسرين من الغرفه تجهز
سميه راحت لدولابها..بس إستغربت لماشافت ماجد لسه واقف يبصلها
بصتله وإبتسمت:كنت عايز حاجة مجود
بصلها للحظه وإبتسم:لا سلامتك
وطلع من الغرفه..
*******************
في الشاليهات
إتجمعوا البنات بره الشاليه عند البحر
ساره:الجو بجد يجنن
أمل:نفسي اعوم
ريم:ههههه ياللا عومي علشان يطلعك عمي منه بعومتك البلاستك من البحر
طلع مروان وشاف البنات قرب عليهم
مروان:السلام عليكم
الكل:وعليكم السلام
مروان : ازيكم
أمل جت عيونها عليه وسرحت تفكر ...معقوله إحساسها صح
معقول يامروان اكون حبيتك..ضحكت ع نفسها لا لا ...
مروان ل امل:بتدوري علي حاجة في وشي
وشها احمر من الكسفه...من كلامه واتغاظت
ضحك مروان ونفسه يبوسها لماشاف نظراتها المفجوعه... يانا ا ا ا ا اس بمو و و و وت فيها
امل بعصبيه:لطخ
لف وراه هيكمل مضايقتها وشاف رائد ميت ضحك ع شكله:هتفضل طول عمرك اهبل كدا
رائد:هبلي جزء من شخصيتي ماقدرش اسيبه
مروان:الله يخلف
رائد بنص عين:مالك كدا سرحان ..اللي واخد عقلك ياريت يرجعه
مروان في نفسه.....والله لو كنت كملت عليها كان بالجزمه ع ام راسي
مروان كشر:محدش..إمشي بس أنت وتفكيرك اللي شبهك وشبه وشك
رائد:حلوه صح زي وشي الحلو
ضحك مروان جواه وبوش جامد وسحبه معاه
عند الشباب
كانوا قاعدين ع الرمله قدام البحر
امير نام وراسه ع رجول عادل
عادل:لايكون أنا أمك حاطط راسك ع رجليها
امير غمض عيونه:لا ابويا
عادل بيبعد راس امير ...وامير يرجع يحطها تاني:شيل راسك دي بلوُكه مش راس
امير فتح عيونه:اسم الله علي راسك اللي أكبر منك
عادل همس لرائد اللي قاعد جنبه:ياحلاوه الشركه والله ده ماينفعش يكون فاضي يقرفنا براسه .
ضحك رائد: هقوله
عادل:اخرس بهزر بهزر.......بعدين
ألقاه شاحطني معاه وأنا لسه ما خلصتش دراستي
سمعوا صوت عمهم فريد يناديهم وقاموا بسرعه
عادل لما قام متسربع امير راسه وقعت ع الرمله
قام بسرعه:عدوووول ياحمار
قام يمشي و ينفض شعره من الرمله
***********
رنا ماشيه ع الشط وبتكلم دلال في الموبيل وإيدها بتلعب بخصلات شعرها:لا تعالوا بليز
دلال:مش عارفه هسال ماما
رنا:بليز زهقت وأنا لوحدي مع البنات حكايتهم يع ارف
دلال:أوك بتقولك مامتي
قفلت رنا الفون ولا إنتبهت للعيون اللي بتراقبها بتأمل...
*************
وقفت عربيه عند الشاليه والبنات استغربوا مين يكونوا
شافوا عبدالله نازل ومعاه دلال ورشا
أمل: ييييي جم
ريم:مين قال لهم
نسرين:يعني مش عارفه رنا مستحيل تقعد من غير دلال
وصلوا عندهم:ها ااااي
ريم:وعليكم السلام
طنشوه وقعدوا
أمل همست لريم لماشافت عبدالله كل شوي يلتفت عليها:شوفي المغرم عينه هتطلع من مكانها عليكي
ريم: يارب رقبته تتكسر
أمل:ههههه أعصابك..حرام عليكي ميت عليكي
ريم اتنرفزت وقامت ودخلت للشاليه وعبدالله لحقها.....
دخل وشاف الحريم قاعدين:السلام عليكم
سلم ع خالته واتكلم معاها وعينه كل دقيقه تروح للباب اللي دخلت منه ريم
طلعت ريم واتفاجأت لماشافته ورجعت ع ورى بسرعه
عبدالله إنهبل لماشافها"آآه بس لو تديني وش وترحمي حالي"
طلعت بعد ماغيرت هدومها وطلعت ونادتها زبيده
ريم :ايوه ياطنط
زبيده:حبيتي نادي لي سميه
ريم:من عيوني
طلعت ووقفها عبدالله:عامله ايه ريم
ريم غمضت عيونها"ياليييل":تمام وإنت
عبدالله:تمام طلاما شفتك يا بنت خالتي ياغاليه
ريم:عبدالله لوسمحت
عبدالله همس:ياريتك تعرفي اللي في قلبي ليكي ياريم
ريم لفت تمشي بعصبيه..فعلا مش بيتكسف بيتغزل فيا وقدامي كده عيني عينك... .والله لوتموت مش هحبك مبقاش إلا إنت
عبدالله فسر تصرفها ع إنه خجل وانبسط ورجع للشباب
رجعت ريم ومن غير نفس:سميه امك عايزاكي
لميس همست لها:ريم مالك
ريم:الوقح عبد الله واقف يتغزل فيا اللي مابينكسف علي دمه
لميس ضحكت ع معاناة ريم مع عبدالله ..
**********
رجعوا من الشاليه بعد ماقضوا يومين إنبسطوا فيهم ....واضطروا يرجعوا لأن الكل عنده أشغاله
طلعت فوق لغرفتها وع السلم سمعت صوت الإستريوا عالي
إستغربت ودخلت الغرفه..
شافت دلال بترقص وصراخها مالي الغرفه
أول ماشافتها دلال سحبتها معاها:تعالـي رشــــــا
رشا وطت صوت الإستريو: في ايه مالك
دلال بفرحه غامره:وأخيــرا وأخيـــرا
امير هيبقي ملكي انا وااااااااو هبقي حرم امير الجوهري
رشا بدهشه:تقصدي ايه
دلال دارت حوالين نفسها بفرحه:حددوا معاد الشبكه وكتب الكتاب كمان
صرخت رشا:إحلفــي امتــى
دلال ميته من الفرحه:الشهر الجاي لأن الجوهري مسافر ولما يرجع نعمل كتب الكتاب ويبقي امير ليا ليا انا
رشا حضنتها:مبروك
دلال بغرور:قتلك لا لميس ولاغيرها تاخده مني لأني إذا حطيت هدف في راسي أوصله
رشا شهقت بفرحه:يعني هتسكني في قصره ده اللي جنب قصرهم
دلال افتكرت القصر وافتكرت إنها دخلت البوابه وشافته إتجنت عليه وصممت أكتر ع امير :أيـــوه هيبقي مملكتي أنا وهبقي ملكه فيه
رشا: احلي ملكه
دلال قربت من رشا :شدي حيلك إنتي وخدي مروان قبل ماتلطشه واحده..خليكي زي إختك
رشا افتكرت أمل:إدعيلي بس إنتي..بصراحه حمستيني اووي
دلال رمت نفسها ع السرير تبص ع السقف واتنهدت:مش مصدقه إني خلاص برتاح وباخد اميري حبيبي
**************
طلعت برى للجنينه وقعدت ع الكراسي ..ساحت بجسمها ع الكرسي وبصت للسما
وتفكيرها وإحساسها ومشاعرها كلها عنده..لازال هو المتحكم فيها والمسيطر عليها..
نفسها تشيله من راسها وتنزعه من قلبها لأنه مايستاهلش حبها ومشاعرها..ماحافظش عليهم بالعكس داسهم وبأبشع الصور
برفضه ليها وهروبه بعد ماغرقها بالحب والعشق
حست نار قايده جواها ..اتمنت إنها تحرق مشاعرها وميفضلش منها شئ
بتكرهه وتحبه في نفس الوقت ..
غمضت عيونها واتسللت دمعه منها وإختفت بين خصل شعرها الأسود
ماكانتش حاسه بالعيون اللي بتتأملها بحزن ولهفه ..
سمعت خطوات ع النجيله ومسحت دمعتها وعدلت قعدتها من غير ما ترفع راسها
رفعت راسها لماطال سكوت الشخص ..وإتصدمت لما شافته قدامها ببنطلونه البني وقميصه الأفوايت بخطوط عسليه وبنيه وإيديه اللي داخله جوه جيوب بنطلونه..
رفعت عيونها لوشه الاسمر بملامحه الحاده ..
وصلها صوته الهامس:ازيك يا سوسو
غمضت عيونها وحاولت تضبط إنفعالاتها وضربات قلبها..
فتحت عيونها وشافته قريب منها
إندفعت الدموع لعيونها لماسمعته بيقول لها:سوسو قلبي ..أنا آسف ماكان...
قاطعته بصراخ:لا ا ا ا ماتقولش قلبي أنا مش قلب حد وخصوصا إنت..وع إيه بقي بتتأسف ع هروبك ع تحطيمك لأحلامي..(اتفجرت الدموع من عيونها) ولا ع طعناتك لقلبي ع إستهتارك بمشاعري ع إيه بالظبط
شاورت ع صدره بعد مامسحت دموعها بعنف لأنها نزلت قدامه:اللي جواك ده مش قلب ده حجر.. واللي أوهمتني بيها انها صدق وحب مش مشاعر دي نزوات وأنا الغبيه اللي صدقتها وآمنت بيها بكرهك ياراكان وعمري ما هسمحك
جريت بعيد عنه بعد أصابت قلبه وقطعته ودوبت كل شئ جواه
لحقها ومسك إيدها ولفها له ولازال صدى كلماتها بتتردد في دماغه
راكان:أنا مش زي ما انتي قلتي..وما تقوليش مش هسمحك لأنك بتسامحيني بعد ماتعرفي ليه عملت الي عملته.
شاف عيونها الدامعه وباس جبينها وسابها ومشي
شهقت ودموعها غرقتها ..ماهي لا قادره تفهمه ولاقادره تسامحه
حرارة بوسته حرقتها كلها..ونار كرهها وحبها فجرت كل شئ جواها.
رمت نفسها ع سريرها بعد مادخلت غرفتها وهي بتبكي...
نسرين شافت ماجد داخل وقالت بحقد:راكان مشي
ماجد:أيوه لمارجعت ماشفتهوش
نسرين:إنت مسامحه ع اللي عمله في إختك
ماجد:لا طبعا بس اللي حصل حصل وده ابن عمي وصاحبي واتضايقت من اللي عمله بس مش قادر أسامحه ولا أقطع علاقتي بيه
نسرين:إنت غريب
ماجد اتنهد:عارف
نسرين:وماقالكش السبب
ماجد:ده اللي مجنني مش راضي يحكي ..أو يقول حاجة
**************
ضحكت بدلع والفون ع ودنها وبتلعب في خصل شعرها: عارفه ياحياتي
جالها صوته الهيمان:رنو قلبي عارفه إني مقدرش ع بعدك وحياتي من غيرك مش عايزها وإنتي قلبي وروحي..ليه مش راضيه نتقابل للدرجه دي مش واثقه فيا ولا في حبي ولا يمكن إنتي بقي مش بتحبيني
رنا حست إنها زودتها وعلقته فيها بقوه وخافت يسبها ويروح حبه ليها وهي بتحبه وتعشقه واتعلقت بيه هو صحيح ماشافهاش بس هي شافته و قالت بحب:بحبك وبموووت فيك وعلشان أثبت لك أنا موافقه
نادر بعدم تصديق:موافقه أشوفك
رنا بدلع:أيوه موافقه
نادر بفرحه:آآآآآه ياقلبي ياعمري إنتي..امتى أشوفك
رنا:إممم بكره هبعتلك مسج وأحدد المكان والزمان أوك قلبي
نادر والفرحه غمرته ووقت الإنتقام قرب ومفرحه:خلاص ياحياتي إنتي هستناكي بكره بشوووووق
يتبع ......
لقراءة الفصل الثالث والعشرون : اضغط هنا
لقراءة باقى فصول الرواية : اضغط هنا
google-playkhamsatmostaqltradent