recent
أخبار ساخنة

رواية مهمة عاشق الفصل الثانى 2 بقلم خلود وائل

 رواية مهمة عاشق الفصل الثانى 2 بقلم خلود وائل
رواية مهمة عاشق الفصل الثانى 2 بقلم خلود وائل

رواية مهمة عاشق الفصل الثانى 2 بقلم خلود وائل

علي:متخافيش علي نهي ياماما
قطع كلامهم دخول عماد وسارة
عماد:مساء الخير على علي بيه ال سايبنا ونايم للضهر
علي:شهادة لله انت ماصدقت وخدت مراتك وروحت تقضي اليوم مع نسايبك،،ازيك ياسارة عامله ايه
سارة:بخير ياعلوة اخبارك انت ايه
علي:بخير والله اتعشيتو ولا نتعشي سواا
عماد :حماتي حبيبتي عشتني عقبال عندك يااخويا😅
علي:ايه الحكايه كل شويه عقبالك عقبالك اي زهقتو مني ولا ايه
قاطع كلامهم دخول باباهم الحاج محمود الناهي
الحاج محمود:ايه ياولاد واقفين ليه كدة،اه السلام عليكم اول
كلهم:وعليكم السلام ورحمة الله وبركاته
الحاجه منال:عماد وسارة لسه جايين اهم ياحج وعلي كان بيقابلهم تعالو اقعدو ياولاد
قعدو كلهم ف الصالون..
الحاج محمود:ها ياعماد ناوي تروح امتي ياحبيبي
علي:يروحو فين دول لسه جايين اول امبارح والنهاردة ميتحسبش اصلا
سارة:ماانت ال بتنام للضهر لو كنت صحيت من بدري كنت جيت معانا النهاردة فاتتك حته فرصه انما ايه قمر
علي وهو بيغير الكلام:هتسافرو امتي بقي يااحن اخواتك
الحاجه منال:مستعجلين ع ايه ياعماد انا ملحقتش اشبع منك ولا من سارة حبيبه قلبي
سارة :ولا انا والله ياماما انتي تجيلنا بقي
الحاجه منال:لما اطمن ع علي ان شاء الله هرجع بيتي
علي:ايه ياماما يعني هتسبيني ولا ايه
الحاج محمود:ياعلوة كلنا معاك وحواليك ياحبيبي بس اخوك لازم يرجع عشان الشغل مش نافع من غيرة
سارة:يابابا انت لازم تجبهم وتيجي منفسكش ف اكله سمك اسكندراني ولا ايه
الحاج محمود: والله نفسي يابنتي ف اقرب فرصه هجبهم واجي
نهي كانت واقفه بتتابع من بعيد وعماد شافها ونده عليها
عماد:ايه يانونو هتباتي عندك ولا ايه
نهي وهي بتقرب:اها انا اهو كنت نازله اقعد معاكو
سارة :تعالي يابنتي هنسافر بكرة الصبح وهتوحشيني
نهي:ايه دة مستعجلين ليه كدة
الحاجه منال:لما نهي تخلص امتحاناتها هبعتهالكو تقعد معاكو شويه واهو تغير جو عما نحصلها نقضي الاجازة معاكو
عماد:والله يابابا الشغل كتير فوق دماغي مش زي ماانت موجود
الحاج محمود:البركه فيك يابني انا بتابعك من بعيد وعلي وقت مايكون فاضي هيجي يشيل معاك شويه
نهي:اتعشيت يابابا
الحاج محمود:ايوة اتعشيت مع عمك كمال
قضو سهرة عائليه وبعدين علي استاذن منهم عشان مسافر الفجر وبعدة كلهم نامو
في اوضه عماد وسارة
سارة:مش عارفه علي ليه كل امااجبله سيرة الموضوع يتوة الكلام
عماد:انتي عارفه انها مش عجباه يبقي ليه تزعليه
سارة:انا بختارله واحدة تليق بيه وعاوزة راحته
عماد:سبيه هو يختار لنفسه بلاش تحرجي نفسك معاه
سارة :هو الخسران دي اميرة بنت عمي جميله الجميلات الف مين يتمناها
عماد:طب ياستي اخويا مش واحد من الالف بتوع فيرجينيا بنت عمك ونامي بقي انا مصدع وعاوز انام تصبحي ع خير
سارة:وانت من اهلي
في اوضه الحاج محمود..
الحاجه منال:خير ياحج الحاج كمال كان عاوزك ف ايه طول النهار كدة
الحاج محمود:ولادو مشاكلهم مبتخلصش ياكوثر وطلبني يفضفض معايا شويه
الحاجه منال:خير يامحمود قلقتني
الحاج محمود:ندي بنته مش مبطله مشاكل وخناق مع جوزها بت مدلعه دلع ماسخ وشايفه نفسها ع الكل وغضبانه عند ابوها وسابت بيت جوزها وهي ال غلطانه وكمال مكسوف من جوزها وعيلته
الحاجه منال:وعملت ايه يامحمود
الحاج محمود:ابدا قعدت اهديه وكلمت ندي وعقلتها وعرفتها غلطتها وخدناها روحناها لجوزها
الحاجه منال:خير ماعملت يامحمود ربنا يهدي سرهم
الحاج محمود:البت دي بطريقتها دي مش هتعمر
الحاجه منال:لا يامحمود بناتنا عاقلين متقلش كدة
الحاج محمود:ربنا يهديهم اهو عشان كدة انا بحاسب نهي ع طول مش قسوة مني انما خوف عليها لما بشوف ندي ودلعها وعمايلها بخاف ع نهي لو اتحطيت مكان كمال اخويا ممكن اخنق نهي لو عملت كدة
الحاجه منال:بس انت شادد اووي مع نهي يامحمود خف عليها شويه وكلمها علي قالي انه هيكلمك بس انا قلتله ميدخلش عشان انت متزعلش بس البنات عاوزين الهداوة والمسايسه
الحاج محمود:حاضر
الحاجه منال:هتسيبها تروح كليتها
الحاج محمود:شويه كدة
الحاجه منال:ال تشوفه يامحمود..ويوسف كمان عمل ايه
الحاج محمود:يوسف بيحب واحدة وعاوز يتجوزها
الحاجه منال:يالف نهار ابيض يوم الهنا عقبال علي
الحاج محمود:ربنا يفرحه
الحاجه منال:طيب هيخطب امتي
الحاج محمود:اما نسأل ع البنت اول ونشوف تناسبه ولا لا
الحاجه منال:ال فيه الخير يقدمه ربنا
في بيت ليلي ...
مامت ليلي بتخبط ع الباب ..ليلي ليلي انتي نمتي ياحبيبتي
ليلي:تعالي يامامتي
الحاجه كوثر:لسه منمتيش يا حبيبه قلبي
ليلي:كنت بكلم الاء وهنام ع طول عاوزة حاجه
الحاجه كوثر:لا ياحبيبتي جيت اطمن عليكي وعلي اخواتك قبل ما انام تصبحي ع خير
ليلي:تلاقي الخير ياماما
اغلقت الحاجه كوثر باب غرفه ليلي وذهبت للنوم
(الاء انتيمة ليلي من طفولتهم ومع بعض في جميع مراحل الدراسه حتي نفس الكليه ونفس التخصص هي بنت جميله ومؤدبه عنيها بندقي وشعرها اسود محجبه وقصيرة شويه عن ليلي)
.....
اذن الفجر وصحيوا اهل بيت ليلي كلهم ونزل الحاج مصطفي وحسام وماهر يصلو ف الجامع وليلي والحاجه كوثر صلو في البيت وبعدها كل واحد منهم اتجه لاوضته مابين قارئ للاذكار والقران وبعدها نامو
.....
في بيت علي الناهي نفس الحال بعد ماعلي صلي الفجر وعيلته قام لبس هدومه وجهز نفسه ونزل ع السلم قابل ابوه وامه وباس ايديهم ..
علي:ادعيلي ياماما من قلبك كتير المهمه المرة دي كبيرة وصعبه ادعيلي ربنا يكرمني انا وزمايلي ونخلصها ع خير واترقي بقي
الحاجه منال:دعيالك ياحبيبي يسترها معاك ربي وينجيك انت وزمايلك قلبي وربي راضيين عليك ياعلي
الحاج محمود:ربنا معاك ياحبيبي خلي بالك من نفسك ياعلي
نزل علي من البيت وركب عربيته وطلع ع مقر المخابرات عشان ياخد التعليمات
في غرفه الاجتماعات
رئيس الجهاز:باختصار شديد مش عاوز غلطات المهمه تتم حسب التعليمات كل واحد عارف دورة ايه العصابه دي مش سهله والموضوع متخططله من شهور اي غلطه هتكلفكو ارواحكو البضاعه هتتنقل ف المكان ال قلت عليه متهجموش غير لما توصلو للمقر الرئيسي بتاعهم وتصادرو البضاعه كلها وجميع افراد العصابه وربنا معاكو
اتجه علي وفرقته لتجهيز نفسهم وبعدها انطلقو لتنفيذ مهمتهم..
طلع الصبح وصحت ليلي وفطرت ونزلت راحت المستشفي ال بتشتغل فيها وهناك قابلت صاحبه عمرها الاء
الاء:صباح الناس الرخمه ال بتقفل السكه في وشي عشان عاوزة تنام
ليلي:اعملك ايه ماانتي ال رغايه
الاء:اممم ماشي طب والله منا قيلالك ع العريس ال متقدملي طالما انا رغايه سلام
ليلي:لاااا لااا تعالي داانتي حبيبتي داانا بحب اسمع رغيك اكتر من اغاني عمر دياب
الاء:ايوة كدة اتعدلي
ليلي:احكي بقي يارخمه
الاء:بصي ياستي اسمه يوسف كمال الناهي بشمهندس قد الدنيا بيشتغل ف شركه بباه شركه الناهي للمعمار عندة٢٨سنه عندة اخت صغيرة بس متجوزة وامه وابوة ناس محترمين وهو لسه مكلمش بابا يعني بس فاتحني ف الموضوع وانا مبدائيا موافقه
ليلي:ندخل ف المهم
الاء:مز مز مز 😹😹
ليلي: والاهم
الاء:اه انا عرفاه من زمان وهو بردو بس
كنا بنقاوح يعني انتي عرفاني
ليلي:ايه دة في شغل من ورايا اهوة
الاء :لا والله
منا حكيتلك قبل كدة عن الشاب ال كان خبط البت ميار جارتي واحنا رايحين كافيه مرة
ليلي:مش دة الواد ال انتي هزقتيه ومسبتهوش غير لما رجاله الشارع رزعوة علقه موت
الاء:ايوة هوة متفكرنيش بقي ذكرياات سودة
ليلي:وبعدين ياحجه اخلصي ورايا حالات هروح امر عليها وكدة هتاخر
الاء:هحكيلك بالتفصيل
..عدي اليوم وليلي بتشوف شغلها والاء بتحكيلها ع العريس بادق التفاصيل وعلي بينفذ شغله
عند علي..
مؤمن:بااس كدة تمام بقي كل حاجه تمام وبلعو الطعم نهجم بقي
عاصم:ايوة يلا خلي الرجاله يجهزو عند اشارة مني يلا...
علي:انا هاخد الفرقه وهنهجم ع طول وانتو تقابلونا من النحيه التانيه ونحاصرهم ف النص وانتو هتفضلو ف الاخر عشان لو حصل مفاجئات تتدخلو ع طول تمام ..عند اشارتي ....
يتبع ......
لقراءة الفصل الثالث : اضغط هنا
لقراءة باقى فصول الرواية : اضغط هنا
google-playkhamsatmostaqltradent