recent
أخبار ساخنة

رواية العشق لا يعرف وطن الفصل الحادى والثلاثون 31 بقلم أية إنسان

 رواية العشق لا يعرف وطن الفصل الحادى والثلاثون 31 بقلم أية إنسان
رواية العشق لا يعرف وطن الفصل الحادى والثلاثون 31 بقلم أية إنسان

رواية العشق لا يعرف وطن الفصل الحادى والثلاثون 31 بقلم أية إنسان

 في فيلا السمري الساعه ٦ صباحاً : 
_ فتحت هاجر عيونها شافت نفسها في حضن أسر فضلت تتأمل في شكله كتير وتدعي إن ربنا يحميه ويبعد عنه اي مكروه وبعدين صحته بهدوء .
_هاجر  : آسر آسر .
_ هو بصوت ناعس : نعم يا حبيبتي.
_ ابتسمت هاجر وقالت :  أسر قوم هتتأخر على الشغل من أول يوم .
_ فتح أسر عينه وشاف ابتسامة هاجر اللي دائما بيحبها وكإنها بتشرق ليه نور حياته فقال :  صباح الجمال.
_ قوم هتتأخر .
_ مش متعود اقوم على حاجه حلوة على الصبح كده .
_ احم أسر بطل الكلام دة انا غلطانه إني صحيتك يا رب تتأخر بقى وقامت وقفت علشان تمشي شدها وقعت فوقه فرفعت عيونها ليه ولسه هتتكلم فحط إيده على بوقها وقال : انا عاوز دائماً اشوف الإبتسامة على وشك لما بتتضحكي بتنوري يا هاجر .
_ فضلت هاجر باصه في عيونه اللي دائماً بتوه فيها غريبه عيونه لونها زيتوني لون خليط بين الاخضر والعسلي وكأن الله وضع جمال العالم في عيونه وكذلك فضل أسر باصص في عيونها السودا اللي فيها لمعه غريبه سحر عجيب يشدك ليها كل لما يبصلها يحس بالأمان وقطع عليهم تلك اللحظه المنبه فإتحرجت هاجر جداً وقالت : أسر وسع .
_ هههههه هقوم يا رمضان اهو وطبع قبله على خدها وجري دخل الحمام .
_ حطت هاجر أيديها على خدها وابتسمت وبعدين لمحت نفسها في المرايا وقالت بغضب  : بتضحكي على اي يا هاجر وانت يا قليل الأدب لما تخرج .
_ رد أسر من جوه: سمعتك ولما أخرج ليكي حاضر .
_ يختي انا هجري احضر الفطار وبالفعل نزلت اطمنت على حماها ونزلت دخلت المطبخ وقالت :  صباح الخير يا ندوش .
_ دادة ندى : هههه صباح الخير يا حبيبتي .
_ ارتاحي يا داده انا هعمل الفطار .
_ اشمعنا خليكي وانا هعمله .
_ كده كده مش بعمل حاجه فهتسلى ارتاحي انتي .
_ ماشي يا هاجر ربنا يسعدك يا بنتي وسابتها وخرجت .
_ بعد شويه نزل أسر وبص ليه ابوه وابتسم وسكت وبعدين بصت عليه هاجر وقامت وقفت واستغربت وقالت في نفسها :  هو لابس كده ليه لابس شروال اسود وتشيرت أسود وكوتش اسود هو لابس شبه لبسي ولا دي تهيآت ولا اي رغم إن شكله حلو بس مش الإستايل بتاعه .
_ نزل أسر وقال : صباح الخير يا بابا عامل اي دلوقتي .
_ أكمل : الحمد لله بخير يا حبيبي .
_ شويه ودخل عليهم إبراهيم مدير أعمال أكمل السمري واللي ماسك الشغل بتاعه كله الفتره دي دخل وقال  : صباح الخير .
_ رد أكمل : صباح النور تعالي أفطر .
_ سبقتكم انا .
_ طب تعالى نتكلم في المكتب شويه .
_ قربت هاجر من أسر وقالت : انت مش هتروح الشغل .
_ لا إزاي هروح .
_ أومال ملبستش ليه .
_ مأنا لابس اهو يا هاجر .
_ انت هتروح الشغل كده .
_ اي شكلي وحش .
_ لا حلو بس مش هتروح كده .
_ اشمعنا .
_ انت مجنون في دكتور يروح شغله كده .
_ فين المشكله .
_ الناس تقول عنك اي دة مش لبس تروح بيه شغلك .
_ ومن امتى وانتي بتهتمي بكلام الناس .
_ ومن امتى وانت مش بيهمك شكلك قدام الناس .
_ لا ما انا قولت اعمل اللي عاوزه مادام مرتاح .
_ أأأسر انت عاوز توصل لإي .
_ في اي يا هاجر هو اي اللي مضايقك .
_ براحتك يا أسر انت حر .
☆ -------------- بقلم الكاتبة/ آية إنسان ---------------☆
 في فيلا العامري صباحاً :
_ عاصم : ميرااااااااااااا .
_ قامت رانيا مخضوضه من النوم : اي في اي يا عاصم بتزعق على الصبح ليه كده .
_ بنتك فين يا هانم .
_ في اوضتها حصل اي .
_ خرج عاصم من الاوضه متوجه لاوضه ميرا وهو زي الإعصار دخل وشدها من شعرها وقعها على الأرض فقامت من النوم مفزوعه وقالت :  إي في اي .
_ فضربها بالقلم في دخول رانيا ووعد اللي طالعه على الصوت .
_ قالت رانيا : في اي يا عاصم انت اتجننت ولا اي صاحي تزعق على الصبح ليه .
_ قرب منها عاصم وضربها بالقلم هي كمان وقال :  اخرسي خالص عاوزه تعرفي في اي إتفرجي وطلع الموبايل بتاعه وقالها : اتفرجي وشافت رانيا بنتها وهي في أوضاع مخله مع شاب مش باين ملامحه فحطت وعد إيديها على بوقها وخرج عاصم رانيا ووعد بره وقفل الباب وقرب من ميرا اللي عماله تعيط .
_ قصرت معاكي في اي علشان تعملى فيا كده هاااااا وفضل يضربها بالاقلام ووعد بره عماله تعيط وتخبط على الباب : بابا افتح الباب علشان خاطري ولكن لا حياه لمن تنادي فضل عاصم يضرب في ميرا لحد ما فقدت الوعى وخرج من الاوضه وقال : اللي هيفتح ليها الباب هحبسه معاها ومش هرجمه والكلام للكل .
☆ ---------------- بقلم الكاتبة/ آية إنسان --------------☆
_ خرج أسر وراح المستشفى والكل عمال يبص عليه  ويقولو : هو اي دة و  قال واحد من الدكاتره وأسمه ياسر :  هو دة اللي المدير جابه يكون رئيس القسم دة تقريباً عقله تعبان فضلت اقول لعمر بيه مش هينفع أسر دة كان بيتعالج في المستشفى هنا لكن هو متمسك بيه مش فاهم على اي مع إن انا أحق منه بس الصبر حلو .
_ دخل أسر وإبتدأ يشتغل بمهاره لحد ما الوقت عدي وهو مش حاسس الساعه بقت ٥ وشاف إن ليل رن عليه ١٠ مرات وهو كان عامل الفون صامت فرن عليه .
_آسر  : الو اي يا عم كل دة رن .
_ليل  : أسر هي هاجر إسمها هاجر أي .
_ نعم ! وانت عاوز تعرف ليه يا ليل .
_ في فيديوهات نازله ومنتشره في كل مكان وعلى مواقع مش كويسه تحت مسمى فضيحه ابنة العامري بس دي مش هاجر .
_ نعم ازاي داة .
_ إستنى هبعتلك الفيديوهات .
_ بعت ليل لأسر الفيديوهات وإتصدم من المنظر فهي فيديوهات مقرفه جداً هو شاف البنت دي قبل كده في فيلا العامري ودخل شاف تعليقات الناس على الفيديوهات وطبعاً كانت كلها زباله فقفل وفضل يرن على هاجر ولكن مفيش رد وفضل يرن مره واتنين وتلاته ولكن مفيش رد فقام غير هدومه وخرج على الفيلا ولكن مكنتش موجودة فضل شويه بيحاول يرن عليها وبعد شويه دخلت هاجر بتضحك مع حماها أكمل فجري عليها أسر مسكها من دراعها جامد وقال :  انتي كنتي فين رنيت عليكي ميه مره .
_هاجر  :  فى اي يا أسر حاسب دراعي .
_ رد أكمل وقال : جت من بره وخدتني علشان ميعاد الدكتور النهاردة مخدتش بالها اكيد انك رنيت عليها .
_ اتنهد أسر وساب دراعها ومشي خرج بره .
_ قال أكمل  : متزعليش منه يا هاجر .
_ لا محصلش حاجه يا بابا اتفضل علشان ترتاح فوق .
_ ماشي يا حبيبتي .
_ بعد ساعه دخل أسر وكانت هاجر قاعده في الجنينه فقرب عليها وحضنها جامد فإتخضت  وقالت : اي في اي مالك .
_ هاجر انتي كويسه .
_ اه كويسه حصل اي .
_ انتي شوفتي الاخبار .
_ لا حصل اي.
_ اصل في فيديو منتشر في كل مكان عن بنت عمك .
_ ردت هاجر بخوف وقالت :  وعد مالها وعد .
_ منتشر ليها فيديو وهي مع شاب في اوضاع وحشه .
_ انت بتقول اي مستحيل طبعاً وعد تعمل كده .
_ بس العالم كله شافها .
_ ولو العالم كله صدق انا بقولك مستحيل وعد تعمل كده ... بس لحظه واحده انت متأكد انها وعد .
_ لا معرفش اسمها مكتوب فوق الفيديو بنت العامري .
_ ممكن اشوف الفيديو .
_ لا طبعاً مش هينفع تشوفيه .
_ عاوزه اشوف شكلها بس .
_ تمام ، اتفضلي وفتح الفيديو شافت اول دقيقه وقفلته وقالت :  اي القرف دة بس دي مش وعد .
_ اي دة يعني دي مش بنت عمك .
_ للأسف بنت عمي بس دي ميرا ، ومعرفش دة حقيقي ولا كذب .
_ انتي مضايقه كده ليه انا فكرت انك يعني ....
_ اللهم لا شماته يا أسر وانا مش مضايقه علشان هي بنت عمي لا انا مضايقه أنها اتفضحت وكل الناس شافتها بالمنظر دة مهما كانت دي بنت .
_ رغم إني حسيتها بنت مش كويسه بس انتي معاكي حق .
_ ليه بتقول كده .... ثم لحظه واحدة انت إتفرجت على القرف دة.
_ قولي مين في مصر متفرجش غيرك يا هاجر .
_ بصت هاجر ليه بغضب وقالت :  دة قرف اللي انت بتتفرج عليه أي عجباك اوي كده .
_ هااااجر خدي بالك من كلامك انا الخبر جالي من بره و شوفت زيك اول دقيقه وقفلت لأني مقبلش أن حد يتفرج على امي أو اختي ولا حتي مراتي انا لما فكرت فكرت فيكي انتي وقلقت عليكي لكن ولا هي عجباني ولا نيلة .
_ طب خلاص قفل على الحوار دة بقى ربنا يتولاهم في المصيبه دي .
_ انا قايم تصدقي انا غلطان اني قلقت عليكي .
_ آسر .
_ بلا أسر بلا زفت بقى .
_ لحظه كده وقامت وقفت قدامه ومسكته من هدومه وقالت :  سؤال واحد وتجاوب عليه انت عندك خال اهبل .
_ ضيق أسر عينه شويه وقال : نعم .
_ انت ازاي ياض انت تكلمني كده لما جيت من شويه هاااا شايف نفسك عليا ليه كام مره اقولك ملكش دعوة بيا .
_ ياض انا يتقالي ياض نهارك مش معدي معايا .
_ طايب سلام عليكم وطلعت تجري .
_ سلام دة انا هطين عيشتك وطلع يجري وراها وعمالين يلفوا حوالين البسين وأكمل شايفهم من فوق وبيدعي أن سعادتهم تدوم .
_آسر  : خدي هنا يا هاجر .
_ لا انت مش مضمون .
_  بقى كده وجري وراها لحد ما مسكها عند طرف البسين ووقف حضنها من ضهرها وبيقول : بقى انا يا بت تقوليلي ياض .
_ وحد الله يا وحش وروق ما انت بردو زعقتلي قدام ابوك وكنت هتكسر دراعي .
_ مهو انتي لو بتردي عليا مش هزعق .
_ خلاص اعتذر وانا اسامحك .
_ انتي مجنونه يا بنتي ولا انتي اللي عندك خال اهبل .
_ لا في دي مش مفيش متقلقش .
_ يا بجاحتك غلطانه وبتقاوحي كمان .
_ يعني مش هتعتذر .
_ لا .
_ حلو داست على رجله فتوجع وفلتت منه فزقته من حرف البسين ولكن لفت ومسكت إيده وضحكت وقالت : إعتذر وانا اشدك قبل ما تقع .
_ افتكر أسر نفس الموقف اللي حصل بينهم وهو سابها تقع فإبتسم وقال : مش رجوله منك يا رمضان إنك تسيبني والجو شتاء والدنيا برد كده هتعب .
_ خلاص إعتذر .
_ لا يا هاجر .
_ يبقى إنت اللي إختارت .
_ علشان خاطري الدنيا برد .
_ اعتذر .
_ لااااا بقى كده كتير سيبي ايدي وإخلصي .
_ هههههههه براحتك سابت هاجر إيديها بالراحه فكان هيقع ولكن هي شدته عليها جامد فإختل توازنها فوقعت على الأرض وهو وقع فوقيها فغمضت عيونها وهو رفع وشه ليها وهي فتحت براحه وفضلوا سرحانين في وش بعض كتير لحد ما قال أسر :  مسبتنيش اقع ليه .
_ علشان مينفعش تكون مسكتك إيد هاجر العامري وتسيبك .
_ بس انا سيبتك لما كنت مكانك .
_ لو كنت عاوزه اسيب إيدك كنت سبتها من اول يوم شوفتك عند الكورنيش يا أسر .
_ فضل أسر باصص ليها كتير ودة وترها جداً فقالت هاجر بصوت متحشرج :  أسر قوم .
_ ليه .
_ هو اي اللي ليه قوم خلص بقى عيب كده يا أسر .
_ قام أسر وقف ومد أيده ليها علشان تقوم فبصت ليه .
_ متخافيش مش هوقعك .
_ فإبتسمت ومدت إيديها ليه وقامت معاه وقالت :  تعالى ناكل .
_ تعالى وبالمره تحكيلي عملتي اي في الشغل النهاردة .
☆ ---------------- بقلم الكاتبة/ آية إنسان --------------☆
 في فيلا العامري :
_ قاعد عاصم حاطط إيده على دماغه مش عارف يعمل اي في الكارثه دي فطلع زي الإعصار عند بنته تاني وفتح الباب ودخل فهي قامت ورجعت لورا من الخوف .
_ إحكيلي كل حاجه أحسن هدفنك مكانك هنا .
_ الفيديو دة كذب انا معملتش حاجه .
_ بجد حلو تعالي ننزل نروح للدكتور نتأكد من كلامك .
_ انا مش هروح في حته أنت ازاي تشك فيا .
_ ضربها بالقلم تاني وقال بغضب : إخرسي مش طايق اسمع صوتك الفيديو لف مصر كلها العالم كله بيتكلم عن فضيحتك حطيتي رأسي في الطين منك لله مش عارف هعرف ابص في وش الناس إزاي عملت فيكي اي كان نقصك اي .
_ انت مصدق نفسك بجد انت مش قولتلي اتعلمي من هاجر اهو اتعلمت منها عملت زيها .
_ هاجر ااااه انا عارف أن دة ذنبها انا دلوقتي إتاكدت إنها كانت مظلومه وأنك انتي وامك زي الحيه اللي بتبخ سم فضلتوا ورايا لحد ما شكيت فيها اهو ربك خد حقها مني ومنك ومننا كلنا .
_ ردت ميرا بصراخ : تاني هيقولي مظلومه انا بكرها وهموت وانا بكرها وبكرهك انت كمان فضربها تاني وفضل يضرب فيها وهي تصرخ وطلعت وعد تحوش عنها ووقفت في النص تدافع عن اختها وتحاول تهدي ابوها .
☆ -------------- بقلم الكاتبة/ آية إنسان ---------------☆
في اوضه أسر وهاجر : 
_آسر  : رايح فين يا رمضان .
_ داخله البلكونه .
_ لا تعالي ننام انا هلكان .
_ طب ما تنام هو أنا مسكاك .
_ متبقاش غلس يا رمضان وتعالي ننام .
_ لا .
_ طيب وقام شدها وقعت على السرير .
_ اه اي يا أسر انت اتجننت .
_ لا ما انا بقولك عاوز انام وانتي مش سامعه الكلام .
_ ما تتخمد يا اخي .
_ ما عاوز اتخمد في حضنك اصل حضنك حلو اوي يا رمضان .
_ أسر على فكره انت بقيت قليل الأدب أوي .
_ ليه يا رمضان حرام عليك دة انا  محترم .
_ طب أنا هنام على الكنبه .
_ بس يا بت هضربك .
_ طب فرجني كده .
_ قرب منها أسر ولبسها عقد فل وباس دماغها وقال :  أرمي اي حاجه ورا ضهرك متفكريش كتير ولو عاوزه تروحي عنده تطمني عليه هوديكي .
_ لا مش عاوزه هيفكروا إني راحه شمتانه .
_ طب هتفضلي مضايقه كده .
_ لا مش مضايقه .
_ شكراً انك إفتكرتي ميعاد الدكتور بتاع بابا انا مش عارف نسيت إزاي .
_ انا اعتبرت عمي أكمل مكان بابا فدة واجبي على فكره .
_ تسلم يا رمضان يا رجولة .
_ هههههه ماشي يا أسر رغم انك بتعاملني اني واحد صاحبك بس ماشي .
_ قال انا شوفت حاجه تانيه منك .
_ أأأأأسر .
_ خلاص متجزيش على سنانك كده هتفرقعي .
_ تصدق انك بارد .
_ تسلم يا رمضان وشدها لحضنه .
_ وسع كده ابعد بعيد عني .
_ بس يا رمضان بقى عاوز انام أحسن والله اقوم أعمل حاجات هموت وأعملها .
_ اه يا سافل .
_ قربها لحضه جامد وقال :  يا رمضان هتندم .
_ ولكن سكتت هاجر واضح إن مفيش فايده بس هي من جواها سعيدة .
☆ -------------- بقلم الكاتبة / آية إنسان -------------☆
 أتي الصباح في فيلا العامري:
_ عاصم قاعد في البيت ولكن كلم مدير أعماله عرفه إن كل الشركات فضت الشراكه معاه وإن أسهمه وقعت كلها بسبب الفضيحة اللي حصلت .
_ فضل قاعد ساكت ومش قادر يتحمل صدمات تانيه وقام لبس وخرج راح عند هاجر الفيلا فدخل لقاها بتفطر مع أسر فدخل وهو حاطط عينه في الأرض وقال :  هاجر .
_ بصت ليه هاجر وقالت :  عاصم بيه خير .
_ حقك عليا يا بنتي .
_ قربت هاجر عليه وقالت : بتتأسف على اي يا عاصم بيه .
_ حاسس ان كده دة ذنبك إنتي .
_ ابتسمت هاجر وقربت عليه وقالت :  لا إجمد كده يا عاصم بيه علشان تقدر تواجه اللي جاي .
_ رفع عاصم عينه ليها مستغرب من ردها .
_ فاكر يا عاصم بيه قولتلي اي لما إتحطيت مكانك كده قولتلي اصل انتي ملكيش اب ولا ام يحسبوكي ولا يربوكي فاكر يا عمي ولا لا اهو بنتك اهو عندها اب وام واخت وفيلا وفلوس وهيلمان كبير اوي قدرت بقى انت تربيها كويس يا عاصم بيه الكسره اللي انت حاسس بيها دي دلوقتي هي نفس كسره النفس لما قولتلي كده شوفت الدنيا بتدور ازاي زمان ابويا اللي انت قولت إن بنته مش متربيه قالي يا بنتي الدنيا هتدور والمشاهد هتتبدل وكل ساقي سيسقى بما سقى على فكره اوعى تفكر إني شمتانه فيك لا أبداً انا بس بعرفك إن الضربه لما تيجي من اللي منك بتوجع اوي اوي يا عمي .
_ معاكي حق يا بنتي انا اللي أستاهل وخرج عاصم ركب العربيه بتاعته ومشي .
_ وقفت هاجر حزينه اوي .
_هاجر  : ليه قولتيله كده يا هاجر .
_ انا مقولتش غير الكلام اللي هو قاله ليا وقتها .
_ هاجر مهما كان دة عمك انتي ليه مش فاكره اي حاجه حلوة ليه .
_ علشان هو وجعني اوي يا أسر انا كمان طول عمري كويسه معاه يمكن كنت بحبه اكتر من بنته انت مش هتفهمني .
_ لا فاهمك وعلشان فاهمك بقولك روحي اقفي جنب عمك بلاش تبقي انتي والزمن عليه .
_ بس هو واجعني .
_ لو ابوكي اللي قالك كده هتسبيه في مشكلته .
_ لا .
_ طيب يا حبيبتي ممكن نسيب كل المشاكل دي على جنب ونقف جنبه لحد ما الازمه تعدي .
_ رفعت هاجر عيونها ليه .
_ فقرب منها ومسك إيديها وقال :  تعالي اخدك ونروح ليه .
_ فخرجت هاجر مع أسر ودخلت الفيلا ولكن شافت عربيه الإسعاف وهي خارجه من الفيلا وكان عمها هو اللي منقول المستشفى فطلع أسر وهاجر وراهم على المستشفى ولكن الدكتور قال ليهم أنه عنده أزمه قلبيه ودخل في غيبوبة للأسف .
_ وقفت وعد تبكي على حاله ابوها. 
_ ردت رانيا وقالت : انتي جايه ليه هاااا طبعاً شمتانه فينا أمشي إطلعي بره .
_ رد أسر وقال : لولا إني مقدر الظروف كنت رديت عليكي وخد هاجر وخرج من المستشفى .
_هاجر  : انا السبب لو مكنتش قولت ليه كده مكنش حصل حاجه .
_ لا انتي مش السبب دة مقدر ومكتوب يا هاجر انتي ملكيش ذنب .
_ لا انا اللي قولتله كلام يوجع وهو حصله كده بسببي .
_ قرب أسر خدها في حضنه وقال : إهدي يا هاجر إن شاء الله شده وتزول متقلقيش إن شاء الله هيفوق  
منها خلينا نرجع البيت ترتاحي .
☆ --------------- بقلم الكاتبة / آية إنسان --------------☆
 في فيلا العامري :
_ فتحت ميرا الباب وخدت الفلوس من اوضه امها وخدت كل المجوهرات بتاعتها ولمت هدومها وهربت من البيت .
☆ -------------- بقلم الكاتبة/ آية إنسان ----------------☆
 في فيلا الصاوي :
_ أهلا عمرو بيه .
_عمرو :  هااااا عملت اي يا حسن .
_ أسهم شركه العامري بقت في الأرض وشركته خلاص هتعلن إفلاسها قريب .
_ ممتاز خد فلوسك اهى وامشي .
_ امرك يا عمرو بيه .
_ هههههههه هايل علشان تعرفي تقفي في وش عمرو الصاوي يا وعد ولسه اللي جاي احلى .
☆ ------------
يتبع ......
لقراءة الفصل الثانى والثلاثون : اضغط هنا
لقراءة باقى فصول الرواية : اضغط هنا
google-playkhamsatmostaqltradent