recent
أخبار ساخنة

رواية العشق لا يعرف وطن الفصل الرابع والثلاثون34 بقلم أية إنسان

 رواية العشق لا يعرف وطن الفصل الرابع والثلاثون34 بقلم أية إنسان
رواية العشق لا يعرف وطن الفصل الرابع والثلاثون34 بقلم أية إنسان

رواية العشق لا يعرف وطن الفصل الرابع والثلاثون34 بقلم أية إنسان

_ دخلت هاجر عند مدام جيجي المكتب وقالت : خير حصل اي .
_مدام جيجى  :  في مؤتمر صحفي هيتعمل هنا بكرة وانتي اكيد مش هتعرفي تحضري فعاوزة حد بديل عنك بكرة .
_ اي دة مش هحضر ليه .
_ هو انتي متعرفيش أن دكتور أسر هيحضر المؤتمر انتي مش هتكوني جنبه ولا اي حتي دة معمول حفلة ليه بعد المؤتمر مفاجأة ليه .
_ انا ممكن احضر عادي هو في شغله وانا في شغلي عادي .
_ اسمعي مني نصيحه خليكي واقفه مع جوزك في اليوم دة خليه يحس انك بتشاركيه نجاحه .
_ بس انا مش هقدر احضر .
_ ليه يا هاجر مش هتقدري ، اي خائفة تطلعي كده تحرجيه .
_ بصت هاجر لمدام جيجي وقالت : لا أبداً بس انا مش هكون مرتاحة هناك .
_ في ناس كتير مش بتحب الصحافة بس في فرق انك تكوني واقفه جنب اللي بتحبيه وفرق انك بتحبي تتباهي وتلفتي النظر .
_ ابتسمت هاجر وقالت :  خلاص ماشي هكلم لحضرتك حد يصور مكاني .
_ شكراً عاوزه اتفاجئ منك بكره .
_ ههههه هبهرك متقلقيش سلام .
☆ --------------- بقلم الكاتبة/ آية إنسان ---------------☆
_ نزل ليل وراح عند سوزي الفيلا وطلب يشوفها .
_سوزى :  أهلاً أهلاً بالبشمهندس ليل اي جاي ليه بعد السنين دي كلها .
_ انا جاي أحذرك واقولك ابعدي بعيد عن أسماء واللي انتي عملتيه دي مش هيعدي بالساهل .
_ تؤ تؤ اي يا ليل مستواك لوكل اوي هي دي اختيارك .
_ فعلاً مستوايا لوكل علشان في يوم اختارتك انتي بس فوقي لنفسك انا معنديش اللي اخسره يا سوزي فمتلعبيش معايا لكن انتي عندك اللي تخافي عليه فبلاش علشان مخليش منظرك قدام العالم زي الزفت ماشي وخرج وسابها هتفرقع من الغيظ .
☆ --------------- بقلم الكاتبة/ آية إنسان ---------------☆
 في شركة العامري :
_عمرو  :  آنسة ريم ابعتي لانسة وعد على مكتبي .
_ تحت امرك يا فندم .
_ شويه والباب خبط ودخلت وعد وقالت: خير يا دكتور عمرو .
_ اتفضلي اقعدي علشان اراجع معاكي الملفات دي .
_ ممكن حضرتك تجيب مدير الحسابات والمسؤولين عن الحاجات دي وتسألهم .
_ انا مش محتاج اخد إذنك علشان اعمل كده لو عاوز هعمل بس انا عاوزك انتي اللي تعملي كده .
_ بصت وعد في الساعه وكانت ٤ فقالت : بس انا عندي ميعاد دلوقتي .
_ دة وقت الشغل ومش مسموح انك تخرجي قبل ما الوقت ينتهي .
_ خدت وعد نفس وقالت :  تمام ماشي وطلعت الفون بعتت رسالة لهاجر إنها مش هتعرف تخرج علشان مشغوله وقالت :  إتفضل حضرتك عاوز تبدأ بأي .
_ قربي كدة علشان افهم انتي بتقولي اي .
_ نفخت وعد وقالت : ماشي وقامت وقفت جنبه بس بعيد عنه شويه وبدأت تشرح كل الملفات اللي موجودة .
☆ --------------- بقلم الكاتبة/ آية إنسان ---------------☆
_ رجعت هاجر الفيلا وكلمت أسماء وقالت ليها على المؤتمر وأنها تيجي تحضر وبعد مناقشات كتير اقنعتها ووافقت اسماء ودخلت المطبخ تعمل اكل فدخل ليل وقال :  تحبي مساعدة فإتخضت هاجر منه وصرخت .
_ ليل : بس بس يقولوا بعمل فيكي اي اسكتي .
_ حرام عليك في حد يخض حد كده .
_ مش قصدي انا بس حبيت اساعدك .
_ لا شكراً ، بس خد كل السندوتش دة .
_ لا مش عاوز مش جعان .
_ انت سمعت انا قولت اي بقولك كل السندوتش ميعاد الدوا جه اخلص .
_ هو اي الإكراه دة مش عاوز .
_ اخلص يا ليل انا مش بتحايل عليك .
_ دخل أسر وشافهم واقفين بيتكلموا مش عارف اضايق ليه من وقفتهم مع بعض وقال : مساء الخير .
_ ردوا  : مساء النور .
_ قالت هاجر : رجعت بدري يعني يا أسر .
_ عادي حبيت اجي بدري قولت اجي اقعد معاكي بس ليل قايم بالواجب .
_ليل :  احم طيب يا جماعه انا هستأذن انا بقى .
_آسر  : لا استنى يا ليل عاوزك في المكتب .
_ تمام هستناك هناك .
_هاجر  : اي يا أسر الرد دة كدة هيزعل .
_ قرب منها أسر وقال :  حسابك بعدين علشان تقفي تتكلمي معاه كده عادي .
_ وفيها اي يعني يا أسر ثم هو لسه جاي من بره .
_ هعرفك فيها أي حاضر بس مش دلوقتي ومشي دخل عند ليل .
_ ابتسمت هاجر وقالت : مجنون اكيد ، مش معقوله يكون  بيغير لا بس بتبسط لما أعصبة يا على الراحة هههههههه .
_ في المكتب عند ليل وأسر :
_ليل :  أسر لو اتضايقت اني وقفت مع هاجر انا حابب اعرفك اني لسه كنت داخل و....
_ انت مش محتاج تبرر انت اخويا يا ليل بس هاجر مراتي انت اكيد مقدر ده .
_ اكيد طبعاً مكنتش اعرف انك بتغير يا صاحبي .
_ ولا بغير ولا حاجه ، ثم انا عاوزك في موضوع مهم .
_ اهرب اهرب بس قول .
_ عاوزك تبني ليا مستشفي في اسرع وقت واعلي مستوى من غير ما اي حد يعرف انها ليا .
_ اشمعنا دة .
_ كده عاوزها سر يا اخي وانا ملاقتش حد احسن منك علشان أقوله انت عارف إني بعتبرك اكتر من اخ .
_ إبتسم ليل بحزن وقال : انا كمان بعتبرك اخويا يا أسر .
_ دخلت هاجر وقالت : لو خلصنا كلام ممكن ناكل ولا اي .
_آسر  :  ماشي يلا يا ليل .
_ليل :  لا مش عاوز اكل انا همشي انا بقى .
_ ردت هاجر وقالت : نعم تمشي شوف حالاً تكونوا على السفرة انا مش واقفة كام ساعة علشان تقول هامشي اخلص .
_ ميل ليل على أسر وقال : هو في اي انا حاسس انها مسيطرة .
_آسر  : احم مش للدرجة دي يا راجل .
_هاجر  : اخلصواااا .
_آسر  : اتفضلي يا هاجر انا وراكي اهو اخلص يا ليل مش عاوزين وجع دماغ .
_ليل :  اه لو سمعتك .
_ ولا يهمني يا بابا .
_هاجر  : أاااسر .
_ جاي يا حبيبتي .
_ليل :  الله واضح أنه ولا همك .
☆ -------------- بقلم الكاتبة/ آية إنسان ---------------☆
 في شركة العامري :
_ واقفه وعد مرهقه جداً فالساعة بقت ٨ وهو مش عاوز يسيبها تخلص وعمال يعطلها علشان تفضل وقت اكتر ورجليها وجعتها جداً من الكعب .
_ وقفت وعد وفرضت ضهرها وقالت :  اظن كده ميعاد الشغل انتهي ومن حقي امشي .
_ عمرو : اه اه طبعاً بس دة كده الفلوس مش هتتحول بكره لان انا مش عارف باقي الميزانيه للشركة .
_ دكتور عمرو انت بتعمل كدة ليه انا عارفة ومتأكدة أن كل دة ولا فارق معاك في حاجة .
_ انا اللي احدد فارق أو لا .
_ ماشي يا دكتور اتفضل نكمل .
☆ --------------- بقلم الكاتبة/ آية إنسان ---------------☆
في شقه مصطفى الزهار: 
_ جيسيكا : اي يا بيبي اي الاخبار .
_ حضنها مصطفى وقال  : ولا اي حاجه هتيجي راكعه تحت رجلى تترجاني ووقتها مش هرحمها بس طبعاً انتي عارفة هتعملي اي عاوزك تتبعيها وتبلغيني كل حاجه .
_ ههههه من عنيا بس كده .
_ ههههه متيجي اقولك كلمه سر جوه .
_ هههههه شقي انت يا بيبي .
_ تعالي نشوف الحوار دة وشالها ودخل بيها الاوضه في الوقت اللي كانت ميرا قدرت تستخبي في الشقه اللي قدرت تدخلها بالمفتاح اللي كان معاها وسمعت كل كلامهم وفتحت بابا الاوضه بالراحة وصورتهم وهما مع بعض .
☆ -------------- بقلم الكاتبة/ آية إنسان ----------------☆
 في فيلا السمري :
_ليل :  انا قايم بقى همشي سفرة دائمه .
_آسر  : ما تخليك هنا امشي بكرة .
_ لا يا عم كفايه كده همشي انا سلام ربنا في عونك .
_ قامت هاجر وعملت قهوة وخرجت الجنينه فخرج أسر وراها .
_آسر  : قاعدة هنا ليه .
_هاجر  : الجو حلو اوي هنا فقولت اقعد هنا .
_ بس الدنيا برد .
_ مش اوي بس بحب لسعه البرد اللي في الشتاء .
_ قعد أسر جنبها وحط دماغه على كتفها وقال :  نفسك في اي يا هاجر .
_ نعم .
_ بسألك بتحلمي بأي .
_ يااااا السؤال دة كبير اوي .
_ ازاي بقى .
_ هههههه لا دي حاجات خياليه أو هبلة .
_ احب اسمعها .
_ يعني نفسي اطلع القمر وأمسك النجوم نفسي اطلع السماء يمكن اشوف ماما وبابا هناك ونفسي اعوم في عمق البحر واشوف في اي تحت ونفسي اعيش لحد ٦٠ سنه وعاوزه اركب حصان نفسي في حاجات كتير اوي .
_ غريبه مطلبتيش فلوس عربيات شهرة احلامك بسيطه .
_ لا مش هاممني الفلوس ولا العربيات كلها شكليات مش اكتر .
_ واي نفسي اعيش لحد ٦٠ سنة دي أنا أعرف أن نفسي اعيش لحد ١٠٠ سنة .
_ لا ١٠٠ سنه كتير انا مش طماعة يا عم بس ألحق ال ٣٠ انا بس .
_ اي الغلاسة دي متقوليش كده .
_ ههههه بهزر يا عم متخدش على كلامي ، بس قولي انت بقى نفسك في اي .
_ نفسي انسى الماضي وأبدأ من جديد .
_ وليه تنساه جرب تتخطاه .
_ بس الماضي كله وجع .
_ اسمع يا ابني الماضي ممكن يوجع بس يا تهرب منه يا تتعلم منه .
_ اي الحكم دي .
_ دي خبرت اجزاء سمبا .
_ سمبا مين .
_ ههههه لا دة واحد كده .
_ واحد مين يا هانم .
_ يختي علينا يا عم روق كده .
_ متجوز واحد صاحبي يا ناس .
_ انت عاوزني اتعصب وانا مش هتعصب ماشي .
_ قرب أسر منها جامد وقال :  لا عاوزك تتعصبي .
_ احم في اي ابعد كده شوية انت لازق فيا كده ليه .
_ مالك يا رمضان خايف كده ليه .
_ أسر وبعدين معاك انا مش مستريحة ليك .
_ انا مش مستريح لنفسي وانا معاكي .
_ يادي النيله عليا النهاردة ما انت كنت بعقلك يا أسر حصلك اي .
_ تقصدي اني مجنون يا هاجر .
_ لا أسر بلاش الطريقه دي أنا بكلمك بحسن نيه بلاش بالله عليك الاسلوب دة .
_ إسلوب اي يا بنتي .
_ يعني مش بحب اتعامل معاك بحذر واخد بالي من الكلام وافكر مليون مره قبل ما اتكلم معاك يعني بلاش تكون في قائمه العلاقات المرهقة .
_ علاقات مرهقه ازاي يعني .
_ يعني اضطر ابرر كل فعل وكل كلمه واشرح اقصد اي واكلمك بحذر انا مبحبش كده يا اتكلم على طبعتي يا بلاش .
_ تقصدي انك بتتكلمي على طبعتك معايا .
_ اكيد وعلشان كده متحورش كلامي انت عارف اني مقصدش اللي جه في بالك .
_ ههههه خلاص يا هاجر انا مزعلتش أصلاً مجنون مجنون يا ستي يعني العاقلين عاملين اي .
_ لا خلاص مدام كده انا مش هتكلم تاني معاك علشان بتفسر كلامي على كيفك .
_ لا لا وشدها لحضنه وقال :  كله إلا كده يا رمضان اتكلم براحتك طول ما انت معايا بس اوعي تتكلمي مع حد تاني غيري كده .
_ انا كده مش هلحق اتكلم خالص انت مكتفني كده ليه وسع شويه كده .
_ ويقولك اي خليك رومانسي ما البنات يجوا يشوفوا الشنبات اللي عندي .
_ شنبات يا بارد طب أنا هوريك وفضلت تضربه بالمخدة وهو يجري وهي تجري وراه وفضلوا يجروا ورا بعض شوية .
_هاجر  : لا خلاص يا عم أسر مش قادرة .
_ نفسك قصير يا بت بتفيصي بسرعة .
_ هههههه انا بفرهد يا عم أسر ، روح هاتلي حاجة اشربها إلهي تنستر.
_ حاضر يما الحجة وقام جاب اتنين عصير وجاب بطنيه ولفها حواليها علشان الدنيا برد .
_ لو عاوز تدخل جوا ادخل الجو ساقعه .
_ اي دة يعني مش هتزعلي .
_ لا وهزعل ليه .
_ طيب ماشي وقام وقف وسحب الباطنيه ودخل في حضنها ولف نفسه معاها .
_ اي دة يا عم انت يختي وسع وسع .
_ هو أنا جربان يا بت مش انتي اللي قولتي مش هتزعلي لما ادخل جوه .
_ انا بقول جوه الفيلا .
_ لا انا بقول جوه البطانيه .
_ آسر عيب كده على فكرة .
_ على فكرة انا جوزك .
_ نينينيني .
_ هوريكي حاضر نينيني ازاي وفضل يزغزغ فيها وهي تضحك وفضلت تضحك كتير لحد ما عيونها دمعت من الضحك وقالت :  بس بس يا أسر بالله عليك مش قادرة .
_ قولي اسفه .
_ لااااا.
_ خلاص ورجع يزغزغها تاني .
_ لا لا خلاص انا اسفه .
_ ايوه كدة وعدلها وغطاها وخدها في حضنه تاني وسامع ضربات قلبها العالي فحط أيده على قلبها وقال : بيدق جامد كده ليه انا عاوز اكشف عليكي .
_ نعم ليه يا خويا دة انا زي الفل .
_ متخافيش انا اللي هكشف عليكي .
_ اه يا قليل الأدب انت .
_ هههههههه مخك زفت انا اقصد أن هخدك المستشفى وانا اللي هكشف عليكي هناك .
_ بمناسبة اي بقى تكشف عليا .
_ سباك يا هاجر .
_ هههههه وحد قلك اني حنفيه .
_ اي يا بت الخفه دي ترضي دكتور قلب غير جوزك حبيبك يكشف عليكي .
_ رفعت هاجر عيونها بصدمة وقالت : انت دكتور قلب .
_ تخيلي يختي ، ثم مالك اتخضيتي كدة ليه .
_ لا أبداً بس تفاجأت بس .
_ طيب خلي بالك هنكشف بكرة .
_ أيوة أيوة إن شاء الله .
_ جه لأسر مكالمة من الشغل فرد وهو جنبها ولما خلص قال : هاجر بكرة في مؤتمر وكنت عاوزك ..... هههههه انتي نمتي خلاص اكلمك في الموضوع الصبح بقى وشالها وطلع بيها الاوضه علشان يناموا .
☆ --------------- بقلم الكاتبة/ آية إنسان ---------------☆
 في الشركة العامري الساعة بقت ١٢ بالليل .
_ في مكتب عمرو بيكلم وعد اللي الدنيا قدامها بتضلم ومرة واحدة وقعت في الأرض فاقدة الوعى.
_ قام عمرو جري عليها وقال :  وعد وعد ولكن هي لا تستجيب فشالها ونزل ركب العربية وطلع بيها على المستشفي بتاعته ودخل بيها وقال : دكتورة تيجي تشوفها .
_ فطلع أحد الدكاترة وقال :  خير يا دكتور عمرو .
_ انا طلبت دكتورة .
_ بس الساعة داخله على ١ بالليل مفيش دكاترة ستات هنا .
_ تمام اتفضل شوف شغلك من بعيد عنها .
_ دة ازاي دة يا دكتور .
_ انت سمعت انا بقول اي .
_ حاضر حاضر .
_ شويه وخرج قال : واضح انها مش بتتغذا كويس وبتجهد نفسها كتير انا ركبتلها محلول وهتكون كويسة على بكرة الصبح .
_ فضل عمرو واقف برة وباصص عليها وبيقول لنفسه :  هو أنا ليه خايف عليها كده طب ليه بتعامل معاها كدة وبعدين معاك يا ابن الصاوي .
☆ --------------- بقلم الكاتبة / آية إنسان --------------☆
_ عند ليل عمال يحاول يرن على اسماء ولكن هي مش عاوزه ترد عليه فنزل وراح تحت البيت وبعت رساله مكتوب فيها لو منزلتيش هطلعلك ..انا تحت ييتكم .
_ خمس دقايق وكانت أسماء تحت ونزلت وقالت : انت مجنون انت جاي ليه .
_ انتي مش بتردي عليا ليه .
_ مش عاوزة يا اخي انا حره .
_ في اي يا اسماء مالك .
_ انت جاي تحت بيتي الساعة ٢ بالليل وتقولي في اي انت مجنون .
_ ما انتي لو بتردي عليا مكنتش هاجي .
_ عاوز اي انت دلوقتي .
_ مفيش كنت حابب اطمن عليكي .
_ طب يا سيدي شكراً انا كويسة .
_ هو انتي بتتكلمي معايا كدة ليه .
_ ليل لو سمحت انا مش عاوزه مشاكل ابعد عني انا أصلاً معرفكش علشان اتكلم معاك .
_ تمام ماشي يا اسماء ومشي ليل .
_ طلعت اسماء وهي مضايقة اوي من نفسها انها كلمته كده بس هي مش عاوزه تعشم نفسها بحاجات مش هتحصل ومش صح .
☆ --------------- بقلم الكاتبة/ آية إنسان ---------------☆
_ جاء الصباح وقامت هاجر بدري  وصحت أسر ونزلت تعمل فطار .
_آسر  : بقولك اي يا هاجر .
_ نعم .
_ النهاردة عندي مؤتمر صحفي تيجي معايا .
_ انت رايح حاجات تبع شغلك هروح انا اعمل اي .
_ عادي اي رأيك اعزمك على العشاء برة بعد المؤتمر .
_ لا لا عندي شغل كتير النهاردة معلش .
_ قام أسر بفقدان أمل وزعل وقال :  تمام انا ماشي وخرج من الفيلا وقامت هاجر خرجت وراه .
☆ ---------------- بقلم الكاتبة/ آية إنسان --------------☆
 في مستشفى الصاوي :
_ فتحت وعد عيونها شافت نفسها في المستشفى وشويه ودخل عليها عمرو .
_عمرو :  صباح الخير .
_وعد :  اي اللي حصل .
_ ابقي خدي بالك من اكلك شويه لان انا مش مضطر اجيبك هنا كل شوية .
_ انا مطلبتش منك تجبني هنا .
_ خلاص المرة الجاية هبقى اسيبك مرميه على الأرض .
_ يكون افضل بردو .
_ تمام خدي النهاردة اجازه وتيجي بكرة .
_ مش محتاجة انك تقولي اجي امتى ومجيش امتى دي شركتي على فكرة .
_ انتي مش قادرة تنسي أنها كانت خلاص دلوقتي النسبة الأكبر ليا فوقي .
_ دي فترة مؤقته بس وهرجع الشركة كلها ليا تاني .
_ هههههه احلمي احلمي يا وعد .
_ انت كائن مستفز .
_ ميرسي يا بيبي .
_ اطلع بره يا عمرو .
_ على الرغم من أنك في المستشفى بتاعتي بس انا كده كده ماشي مش حابب اقعد معاكي في مكان يعني سلام .
☆ --------------- بقلم الكاتبة/ آية إنسان ---------------☆
_ عدى الوقت وراح أسر الاوتيل علشان المؤتمر وكان على مستوى عالي وكان مؤتمر مهم جداً فاضل تقريباً ٣ ساعات .
_ دكتور أسر في حفلة معمولة هنا بتمني حضرتك تكون موجود علشان في صحافه عاوزة تقابل حضرتك شخصياً وتتكلم معاك .
_آسر  : اكيد طبعاً .
_ فضل أسر قاعد شويه في الفندق وكلم ليل ونزل قعد معاه شويه وشويه والحفله بدأت وكان أسر هو محط أنظار الجميع ولكن وأسر بيتكلم مع الصحافه وفجأة وقف كلام وفضل باصص قدامة والكل بيكلمع وبص على مكان ما هو بيبص فشاف هاجر داخلة لابسه فستان سيلفر ضيق من عند الصدر والوسط وواسع من تحت عامل شكل عروسة البحر ولابسه هيلز سيلفر وفورمة الشعر لايقة عليها جداً كان شكلها جميل وهادي جمالها ساحر بمكياجها البسيط وقفت هاجر متوترة جداً من نظرات الكل ليها فنزل أسر ومشي لحد عندها وقال : انتي عرفتي المكان إزاي .
_ انا انا هامشي ولفت علشان تمشي مسك إيديها وقال :  ربع ساعة وهنمشي ومسك ايديها ومشي قدام الكل وقال :  مدام أسر السمري مراتي .
_ فرحب بيها الجميع وفي نظرات حب ونظرات غيرة ونظرات حقد ولكن فضل أسر يتكلم ويبص على هاجر اللي مش عارف يبعد عينه عنها .
_ دخلت اسماء وفضلت تدور على هاجر وقعدت معاها وقالت :  اي يا بنتي متوترة كدة ليه .
_هاجر  : مش عارفة بس حاسه ان الكل باصص عليا .
_ ههههه حاسه مش متأكدة .
_ الله يطمنك يا اسماء.
_ بس قوليلي اي الحلاوة دي .
_ مش احلى منك يا سمسمة .
_ يجبر بخاطرك ربنا انا هروح اجيب حاجه نشربها .
_ قامت أسماء تجيب عصير فشافت حد بيزعق بيتكلم في الفون  بيقول : يعني اي الاستاذ إعتذر هو لعب عيال انا متفق معاه أنه يقدم في الإذاعة برنامج الساعه ٧ بالليل وباقي إسبوع هو بيتدرب على البرنامج من شهر طب اقفل اقفل دلوقتي .
_ دخلت اسماء وقالت : انا بعتذر على التدخل بس متعصبش نفسك كل مشكلة وليها حل لو كان فيه خير كان الموضوع بتاعك تم بس لعله خير يا استاذ .
_ إبتسم يوسف وقال : ونعم بالله بس الموضوع لعبك اوي يا انسه .
_ لو كان خيراً لأتى لو كان خيراً لبقى لو كان خيراً لدام ربك هيحلها متقلقيش .
_ انتي بتشتغلي هنا .
_ لا انا جايه مع صاحبتي مرات الدكتور أسر السمري .
_ اي دة بجد أهلاً وسهلاً يا انسه ....
_ اسماء انا اسماء .
_ أهلاً يا انسه اسماء انا يوسف المهدي منتج في الإذاعة والتلفزيون .
_ اي دة بجد بس واضح أن حضرتك وجه جديد صح .
_ ههههه للأسف صح بس أنتي عرفتي إزاي .
_ انا خريجه إعلام فبروح هناك على طول واعرف اسماء اغلب المنتجين بس مسمعتش اسم حضرتك .
_ هههههه لا انا وجه جديد وصلت متأخر شوية .
 _ لا لا حضرتك لسه شباب والعمر قدامك كتير .
_ هههههه ميغركيش اني حليوة انا عندي ٤٠ سنة متجوز ومعايا ٣ بنات .
_ ما شاء الله ربنا يبارك .
_ طب بتشتغلي فين دلوقتي .
_ لا انا مش بحب الحياة الروتينية فبعمل فيديوهات عندي صفحه صغيرة علي ادي كده .
_ طيب ممكن اتفرج على المحتوي .
_ اكيد دور علي صفحة اسماء البكري بالانجليزي .
_ تمام يا اسماء .
_ بعد إذنك .
_ وهي ماشيه لمحت ليل اللي مضايق جداً فقالت في نفسها :  ماله دة فقطع طريقها وقال :  ممكن اعرف كنتي واقفه مع الراجل دة ليه .
_ نعم ! وانت مالك .
_ اسماء بطلي تستفزيني .
_ وانت بطل تدخل في اللي ملكش فيه  .
_ تمام ماشي يا اسماء براحتك .
_ رجعت اسماء عند هاجر وقالت :  انا هامشي .
_ لية يا اسماء خليكي معايا شوية .
_ لا زهقت انا مليش في الجو دة سلام .
_ سلام .
_ خلص أسر الحوار مع زمايله الدكاترة والصحافة ونزل عند هاجر ومسك إيديها وقال : بس اي الحلاوة دي .
_ إتحرجت هاجر جداً وقالت : شكراً .
_ هههههههه ماشي يا فراولة .
_ بس يا أسر بقى .
_ تحبي نرقص .
_ لا لا شكراً .
_ مش بتعرفي ترقصي .
_ لا مش الفكرة بس في ناس كتيرة هنا .
_ ههههه طيب يا هاجر يلا نمشي وقامت هاجر ولفت ضهرها فقال أسر :  نهارك مش فايت اي دة .
_هاجر  : في اي انتي.
_  ازاي تنزلي كدة بالفستان دة انتي شوفتي ضهره .
_ أيوة بس انا قفلته بالدبوس .
_ دة انا هخرم عينك بالدبوس دة وقلع الجاكت ولبسه ليها وخرج ركب العربية ونزل قدام مطعم ونزل مسك ايديها وقال :  إدخلي .
_ اي دة احنا جينا هنا ليه .
_ عزمك علي العشاء .
_ ماشي يلا ...  ودخلوا وكان المطعم متزين بشكل حلو اوي فقالت :  انت عملت كل دة  امتى .
_ ههههه دي قدرات بقى ودخل كان المطعم فاضي وفي عشاء وجو رومانسي وشموع وورد وقرب قلعها الجاكت وقرب عليها علشان يقفل ليها الفستان من ورا بالكبسولة ولكن هيفضل ضهرها مكشوف شوية ضربات قلب هاجر بتزيد اوي من قرب أسر منها وإشتغلت موسيقي ومسك إيديها ورقص معاها في جو رومانسي بدون كلمات ولكن لغة العيون تبوح بالكثير من الكلمات .
_ وبعدين قعدوا يتعشوا وقال : بس عرفتي المكان إزاي .
_ دة الاوتيل اللي بشتغل فيه وعرفت إمبارح من المديرة .
_ بس احلى مفاجأة عملتيها بجد فرحت انك كنتي جنبي بس متلبسيش الفستان دة تاني .
_ ليه وحش .
_ لا بالعكس حلو اوي بس ضيق عليكي شويه .
_ احم هو مش استايل لبسي فمش هلبس منه تاني .
_ لا إلبسي كل اللي نفسك فيه بس في الاوضه بتاعتنا لكن بره لا .
_ لا خلاص ولا جوه ولا بره .
_ معاكي حق مفيش داعي انك تلبسي جوه اصلاً .
_ أسر احترم نفسك بقى .
_ هههههه بهزر معاكي يا جوجو .
_ غريبه اومال فين رمضان .
_ لا مش قادر قدامي كتلة متفجرة من  الأنوثة دلوقتي .
_ اتكسفت هاجر جداً وسكتت .
_ هههههه خلاص خلاص لو ولعت سجاره من على خدك هتولع .
_ أسر بطل بقى الكلام دة .
_ حاضر سكت اهو يا قمر انت .
_ يوووو بقى .
_ فضلوا يتكلموا كتير ويهزروا وبعدين قرروا ينهوا السهرة ويروحوا الفيلا ودخلت هاجر الحمام تغير هدومها فجت رسالة  ل آسر ففتحها وبعدين كور إيده بغضب شديد .
_ خرجت هاجر وقالت :  بقولك اي يا أسر .
_ فشدها أسر من دراعها ولزقها في الحيطه و قال :  .....
☆ -------------
يتبع ......
لقراءة الفصل الخامس والثلاثون : اضغط هنا
لقراءة باقى فصول الرواية : اضغط هنا
google-playkhamsatmostaqltradent