رواية صراع الصعايدة الفصل السادس 6 بقلم نور الشامي
رواية صراع الصعايدة الجزء السادس
رواية صراع الصعايدة البارت السادس
رواية صراع الصعايدة الحلقة السادسة
اقترب مراد من ماهر ثم حملوه هو واخوته واخرجوه من الغرفه بسرعه ونقلوه علي المستشفي ووقف الجميع ينتظر امام غرفه الفحص حتي خرج احدي الاطباء وتحدث مردفا: الحمد لله انكم لحقتوه قبل ما يحصل حاجه اكتر من كده
مراد بعصبيه: يعني حالته اي دلوجتي
الطبيب: الحمد لله دكتور ماهر كويس بس احنا بنديله تنفس صناعي وبكره الصبح تقدروا تاخدوه
اما في البيتكانتجهاد تجلس بتوتر وهي تفرك يديها وساره تنظر اليها وسليمه بجانبها حتي وصل بسام وهو يحمل ليلي فأنتفضت ساره من مكانها ووقفت خلف سليمه فندر اليها بسام بضيق شديد ثم تحدث مردفا: اطلعي في اوضه مراد انتي اكيد عارفاها ونامي علشان مراد مش هيجي انهارده هيبات في المستشفي هو غسان
اومأت ساره رأسها بالموافقه ثم صعدت بسرعه فتحدثت جهاد بتوتر مردفه: ماهر عامل اي
بسام بضيق: حالته مستقره الحجه فين
جهاد بارتباك: نامت اديتها العلاج ونامت منه بس كانت خايفه جوي علي ماهر
بسام: ماهر كويس الحمد لله.. خدي ليلي لحد ما اجي
اقتربت جهاد لتأخذ الصغيره من احضانه ولكنها انفزعت من نومها ومسكت في ملابس بسام بقوه فنظر اليها بدهشه ثم تحدث مردفا: حبيبتي اطلعي معاها علشان تنامي وانا شويه وهاجي دلوجتي
تبدلت معالم ليلي الي الخوف الشديد وهي مازالت تمسك في ملابسه بقوه فتحدثو جهاد بأستغراب مردفه: هي مالها
بسام: خلاص اطلعي وانا شويه وهجيبها وهاجي
صعدت جهاد الي الاعلي ثم دخلت الي غرفتها واخذت هاتفها وتحدثت بهمس وعصبيه مردفه: بيجولوا حالته كويسه اعمل اي دلوجتي وكمان ال اسمها ساره دي جات البيت.. هنعمل اي لازم نبعد شويه عن ماهر وخلينا دلوجتي في غسان او مراد
اما في المستشفي تحدث غسان مردفا: يعني اي
شهاب بضيق: مراد ال بتجوله دا انت متأكد منه
مراد بحده: ايوه ال بيعمل كل دا واحد جريب مننا جوي بس مين بجا حد من ال بيشتغلوا عندنا… ولا حد مننا
غسان بحده: مراد انت بتجول اي احنا هنجتل بعض ازاي؟؟!
مراد بعصبيه: حد جريب مننا هو ال بيعمل اكده وانا متأكد وازاي كاميرات البيت تبوظ كلها فجأه اكده وليه لسه متصلحتش لحد دلوجتي والبيت بتاعتنا دا لازم يتفتش كله اكيد هنلاجي حاجه
شهاب بضيق: مراد اشمعنا بسام ال جولتله يروح هو ممكن يعمل في ساره حاجه
مراد: لع انا واثق انه مش هيعملها حاجه انا عارف اخوي زين لو عايز يعمل حاجه هيعملها لما اكون موجود وجدام الكل مش هيستني لما نمشي
في صباح اليوم التالي دخلت سليمه الي غرفه مراد فوجدت ساره تستيقظ من نومها فأقنربت منها وتحدثت بابتسامه مردفه: صباح الخير
ساره بضيق: صباح النور.. مراد فين هو لسه مجاش
جاءت سليمه لتتحدث ولكن وجدت مراد يدخل الي الغرفه فركضت ساره اليه وتحدثت مردفه: ماهر فين
مراد: ماهر في اوضته نايم بس هو بجا كويس الحمد لله
ساره: عايزه اروح لبسام.. عايزه اعتذرله
تنهد مراد بضيق ثم تحدث مردفا: روحي انتي عارفه اوضته روحيله
ساره بخوف: لا هتيجي معايا مينفعش اروح لوحدي
مراد بحده: لع.. روحي لوحدك انتي مش صغيره انتي كبيره عايزه حاجه روحي اعمليها بنفسك
نظرت ساره اليه بحزن ثم خرجت من الغرفه بتوتر فوجدت شهاب وتحدثت اليه بلهفه مردفه: شهاب تعالي معايا اروح لبسام
شهاب بضيق: حبيبتي انتي كبيره اهه روحي لوحدك
القي شهاب كلماته ثم دخل الي غرفه مراد فذهبت ساره حتي وقفت امام غرفه بسام وطرقت عدت طرقات بخوف ففتحت لها جهاد الباب وتحدثت بحده مردفه: انتي اي ال جاابك اهنيه امشي
ساره بضيق: انا مش جايه علشان خاطرك جايه اشوف بسام
جهاد بعصبيه: بسام دا يبجي جووزي وانا مش عايزاكي تشوفيه يلا امشي
تحدثت جهاد ثم مسكت يد ساره بقوه وجاءت لتسحبها ولكن بحركه سريعه من ساره حررت نفسها ومسكت هي يديها بقوه ووضعتها خلف ظهرخا فتحدثت جهاد بفزع والم مردفه: سيبي ايدي انتي مجنوونه
جاءت ساره لتتحدث ولكن سمعت خطوات بسام فجلست علي الارض بسرعه وهي تمسك يديها بألم وسط صدمه جهاد ثم تحدثت بتمثيل مردفه: ايدي حرام عليكي
خرج بسام بسرعه ووجد ساره علي الارض فأقترب منها وتحدث مردفا: في اي جوومي مين ال عمل فيكي اكده
نظرت ساره الي جهاد ثم تحدثت مردفه: انا كنت عايزه اشوفك بس علشان اتكلم معاك بس جهاد
جهاد بعصبيه: جهاااد اي يا بنت الكدابه
بسام بعصبيه: جهاااد الزمي حدودك واتكلمي زين معاها متنسيش انها بنت خالتي… جومي يا ساره
نهضت ساره ودخلت معه الي الغرفه اما عند غسان كان يجلس في الاسفل بجانب شمس التي تحدثت مردفه: ليلي تعرف حاجه صدجني يا غسان انا حاسه انها تعرف مين ال جتل منه الله يرحمها
غسان بضيق: محدش اهنيه دماغه شر غير جهاد بس جهاد هتوصل بيها للجتل ازاي؟؟ لع انا مستبعد جهاد هي ممكن تعمل مصايب بس مش لدرجه الجتل ومين ال ممكن تكون ليلي عارفاه وخايفه منه جوي اكده لدرجه انها فقدت النطق
شمس بتفكير: مش عارفه بس انت فكر زين واكيد هتعرف مين سبب كل المصايب دي
اما في الاعلي جلست ساره بدموع وهي تتحدث مردفه: والله العظيم ما كان قصدي انت عارف انا كنت بحب سيلا ازاي.. سيلا مكنتش مجرد اختي بس دي كانت حياتي كلها انا اتعذبت كتير اووي في السنين ال فاتوا دول ومراظ كان حابسني في بيت تاني بسام انا تعبانه مريضه نفسيا ومعترفه بكده بيجيلي حالات اوقات ممكن اعمل اي حاجه وكل دا لأني حاسه اني السبب في موت سيلا سامحني بالله عليك
بسام بحزن: مش هجدر اجول اني سامحتك بس هحاول سيبي للايام هي ال تقرر
جاءت ساره لتتحدث ولكن قاطعها دخول نعمه لتخبر بسام ان المحامي ينتظر الجميع وفي الاسفل تحدث غسان بضيق مردفا: بس لسه المده مخلصتش ليه هتجول دلوجتي مين ال هياخد الفلوس
المحامي: علشان فيه شخص واحد فيكم كسب في خلال الشهر دا تجريبا ربع الورث ال المفروض تاخدوه.. كلكم كسبتوا طبعا وشغلكم بينجح ما شاء الله بالرغم من ال بيوحصل عندكم بس شخص واحد هياخد الفلوس دلوجتي ودا بموجب وصيه جدكم الله يرحمه
بسام بضيق: ومين بجا ال هياخد الفلوس
نظر المحامي الي الجميع ثم تحدث مردفا: مراد
تنهد الجميع بضيق فأسم مراد ليس صدمه بالنسبه لهم هم كانوا يعلمون جيدا انه المرشح الاول للحصول علي الورث بأكمله فأقتربت نعمه منه وتحدثت بابتسامه مردفه: مبروك يا حبيبي.. وانتوا يا حبايبي اشتغلوا في شغلكم وكبروه كمان وربنا يصلح الحال بينكم يارب
جهاد بعصبيه: اسكتي يا عجوزه يا خرفانه انتي فااكره انك اكده ربنا يصلح الحال بينهم ربنا يهدك انتي وحوزك ويجحمه مكان ما راح و
لم تكمل جهاد كلماتها وفجأه تلقت صفعه قويه غبي وجهها من بسام الذي تحدث بغضب مردفا: لمي لسااانك بطل والله هطلجك دلوجتي
المحامي بضيق: خلاص مراد يجدر ياخد كل الفلوس وكمان البيت ال انتوا فيه دا هو يجدر يبيعه في اي وجت ويطلع اي حد منه
وقف الجميع بصدمه امام هذا المحامي ثم تحدثت جهاد بغضب شديد مردفه: انت بتجوول اي عااد
المحامي بضيق: بجول خلاص انجح واحد فيهم هو مراد الرفاعي
صرخت جهاد بغضب شديد مردفه: دا انتوا طابخينها بجاا مع بعض هو ياخد الفلوي كلها وانت تنصص معاه… وانتوا يا ولاد الرفاعي موافجين علي كل دا موافجين اخوكم ياخد كل الفلوس لحاله
نظر الاخوه الي بعضهم بضيق شديد ثم تحدث بسام مردفا: ملكيش صالح بينا يا جهاد احنا هنتصرف مع بعض
جهاد بغضب: تتصرفوا في اي عااد اخوكم خد الفلوس كلها وانتوا مش هتاخدوا ولا مليم منها
نظر مراد اليها ببرود ثم الي اخوته وتحدث مردفا: انتوا زعلانين صوح
التزم ماهر الصمت وايضا غسان وبسام لم يتفوه اي واحد منهم بحرف واحد فأكمل مراد مردفا: دلوجتي الفلوس بجت بأسمي واجدر اعمل ال انا عايزه فيها وانا هجسم الفلوس كلها بينا بشرع ربنا
نعمه بعصبيه: لع يا مراد مش دي وصيه جدك انت اكده بتخالفه
نظر مراد اليها بضيق شديد ثم تحدث مردفا: ملييش صاالح بوصيه حد دي فلوسي وانا حر فيها ووو
لم يكمل مراد كلماته وفجأه اسكتته رصاصه انطلقت في صدره ووقع علي الارض وسط فزع وصدمه الجميع ووو
يتبع…
لقراءة الفصل التالي : اضغط هنا
الرواية كاملة اضغط على : (رواية صراع الصعايدة)
تعليق واحد