recent
أخبار ساخنة

اسكريبت ماذا بعد الفصل الثالث 3 والأخير بقلم أمل محمد

 اسكريبت ماذا بعد الفصل الثالث 3 بقلم أمل محمد
اسكريبت ماذا بعد الفصل الثالث 3 بقلم أمل محمد

اسكريبت ماذا بعد الفصل الثالث 3 والأخير بقلم أمل محمد

رفعت حاجبي بعد جملته، يعني اي مش بمزاجي، وبتلقائية قولتله - أومال بمزاج مين !! أمك !!
كان قصدي اضايقه بالكلمة، فعلًا اتضايق لكنه قال بسماجة - اه الصراحة، أصلها تعبانة فأنتي زي الأمورة كدا هتمشي الأمور معايا لحد ما نقولها بشياكة إننا مش طايقين بعض.
ربعت ايدي وفضلت بصاله شوية وبعدين مرة واحدة زعقت - يا حيـ ـوان يا واطـ ـي....
بصيت للناس في المطعم - الحيـ ـوان دا كان بيحاول يشد الشنطة ويسرقها.
الناس بدأت تتلم، وشوية وقالوا يشوفوا كاميرات المطعم بس انا رفضت.
بدأت الناس تمشي وأنا بصتله بانتصار وقولت - دانت طلعت بتاع مامي وبتمشي ورا كلامها، يوغتي كميلة.
رفع ايده وبعدين بص حواليه لقى الناس مركزين معاه فتراجع وانا مسكت شنطتي وقولت - مش عشان أنت راجل وانا ست معنى كدا إني ضعيفة، أنا قوتي ضعف قوتك 100 مرة بس عاملة بأصلي معاك بس.
مشيت وسبته وانا حاسة بسعادة عكس ما كنت جاية، مش من حق حد يتحكم فيا ولا من حق حد يمشي كلمته عليا الا اذا كان ليه حكم عليا، لكن المشكلة هي اننا في مجتمع ذكوري، مجتمع ذكوري متعـ ـفن.
وصلت البيت قعدت مع ماما وبابا وعرفتهم اللي حصل، ورغم زعلهم من تصرفي من دماغي من غير ما يعرفوا، إلا إنهم وبعد ما عرفوا اللي حصل وشافوا كلامه في الشات رضيوا باللي عملته.
 نهاية مش متوقعة مش كدا ! مستنيين قصة حب تانية ! بس في الحقيقة لازم يكون في لفت نظر.
الموقف بيحصل بين اي اتنين ومش شرط نفس الموقف، بس مواقف بتقل من نفسِك فيها ومن كرامتك، وبتبقي مستنية بعد الجواز أصله يعيني هيتغير بعد الجواز !!
اللي متتقبليش وجوده وتحسي بإهانة ليكي معاه مستحيل يبقى احسن لما تعدي فترة الخطوبة، وكفى ❤️.

لقراءة باقي فصول الرواية : اضغط هنا

google-playkhamsatmostaqltradent