recent
أخبار ساخنة

رواية صدفة مقصودة الفصل الثالث 3 بقلم مروة محمد

 رواية صدفة مقصودة الفصل الثالث 3 بقلم مروة محمد
رواية صدفة مقصودة الفصل الثالث 3 بقلم مروة محمد

رواية صدفة مقصودة الفصل الثالث 3 بقلم مروة محمد

وبالفعل بابا اتجوز مشوفتوش مبسوط قبل كدا زي وقتها وحتي بعد الجواز كان بيعاملني كويس بس هي لا 
كانت دايما تبهدلني وتزعقلي علي اقل حاجه. 
كنت مضطره اني اسكت عشان بابا ميزعلش ولا يحصل مشاكل سنه ورا سنه وبقا عندي اخوات من الاب كنت لما بقرب ليهم تضربني كنت فاكره انها هتبقا كويسه بس فعلا ماما متتعوضش 
كانت بتشكيني لبابا وبابا ف الاول كان بيدافع عني لانه عارفني كويس لحد م اتهمتني اني سرقت من دهبها ومعرفش ازاي حطت الدهب ف شنطتي 
بابا لما عرف فضل يزعقلي ولما جيت ادافع عن نفسي ضربني ودي كانت اول مره بابا يمد ايده عليا!
 دخلت اوضتي وفضلت اعيط  كتير ازاي بابا ينخدع فيها 
أزاي يصدق حاجه زي دي !!
بعدها قومت غسلت وشي وقررت اني ابعد عشان ارتاح منهم كلهم  
قولتله اني عايزه اقعد ف سكن الكليه مكانش موافق ف الاول بس هي ألحت عليه عشان الجو يفضالها وبالفعل وافق 
حسيت ان حياتي بدات تتعدل وبقت تبتسملي بس حصل اللي متوقعتوش 
بابا جاتله جلطه وقعد ف غيبوبة مده شهرين كنت بعاني فيهم مكانش عندي صحاب ولا اعرف حد حتي اهل ماما محدش كان بيفتكرني خاالص 
رجعت من السكن وقعدت مع بابا عشان اهتم بيه وهي ما كان عليها غير انها تصرف وتدلع نفسها استحملت الاذي عشان بابا بس دلوقت ! دلوقت بابا اتوفي هو كمان ومبقاش ليا حد !!
-ربنا يرحمهم يا نور دا قضاء ربنا وله حكمه ف كدا 
=بس ان اتعبت ومش قادره اتحمل معاملتها ليا دي عوزاني اشتغل خدامه تحتها هي وعيالها ،حتي مرتبي اللي بقبضه من شغلي وتعبي عاوزاني اصرف عليها هي وعيالها بيه !
-بكرا يجيكِ عوضه الحلو اللي ينسيكِ.
=تفتكر.؟
-عندي يقين
سكتنا شويه وفضلنا نتمشي وبعدها كل واحد فينا راح لبيته كنت حاسس بسعاده كبيره شعور اول مره احس بيه كنت حاسس ان فيه حكمه ورا اللي حصل انهارده واني قابلت نور. نمت من التعب وصحيت روحت شغلي رجعت لقيت نور قاعده ف نفس المكان اللي قعدنا فيه روحتلها وقعدنا اتكلمنا عن يومنا علاقتنا اتطورت ببعض عدت الايام والشهور وبقينا صحاب اوي اخدنا ارقام بعض بردو
 وبصراحه حبيت الموضوع او يمكن صاحبته !
جميل انك تلاقي حد يشاركك يومك ،تفاصيلك وهواياتك ،اللي يحببك ف الحياه ، تحس فعلا انك عايش لهدف !
=يوسف يا يوسف اصحاااااااااا 
يا كسووووووووول 
كل دا نوم اومال لو مكنتش نايم الساعه 3 كنت عملت اي 
طب والله لارن هااا
يتبع ......
لقراءة الفصل الرابع : اضغط هنا
لقراءة باقى فصول الرواية : اضغط هنا
google-playkhamsatmostaqltradent