recent
أخبار ساخنة

رواية روح مغتصبة الفصل الرابع 4 بقلم هاجر أحمد

 رواية روح مغتصبة الفصل الرابع 4 بقلم هاجر أحمد
رواية روح مغتصبة الفصل الرابع 4 بقلم هاجر أحمد

رواية روح مغتصبة الفصل الرابع 4 بقلم هاجر أحمد

بصوت حسن اخدت الشيخ وروحنا الشقه اول ما الشيخ داخل حسيت انه اتوتر وباين عليه خوف ممزوج بحزن استغربت اوي
حسن: ها يا شيخنا فى اي
الشيخ: يا ابني الشقه دي فى روح مظلومه واتاذت وهي بتحاول توصل لاى حد يدخل الشقه الحقيقه بس للاسف محدش قادر يفهم
حسن: يعني مش ممكن تاذيني
الشيخ: لو عوزه تاذيك كانت اذيتك من اول يوم داخلت فى الشقه بس الروح عوزه توصلك لحاجه معينه، حاول تفاهمها يا ابني ممكن تكون انت السبب فى رجوع حقها
مشي الشيخ وحسيت بلغبطه غريبه وشعور بالخوف اللي هو اشمعنا انا يحصل معايا كده والروح دي متختارش حد غيري، من كتر التفكير نمت وانا قاعد مكانى من غير ما احس وكالعاده حلمت بحاجه غريبه بنت جميله اوي اي حد يشوفها لازم يصلى على النبي ويقول تبارك الخلاق فيما خلق فى مكان جميل وكله زرع واللون الاخضر مع لون السماء الازرق فى منظر جميل اوى، البنت بتضحك وبتلعب وبتجرى وفجاه المنظر بيتغير من منظر خلاب ورائع الجمال لمنظر مخيف ومرعب مع ظهور نفس التلات شباب بس ملامحهم مش باينه والبنت اول ما شافتهم بدات تصرخ وتقول نفس الكلام اللي بيتقرار فى احلامي 
لا ارجوكو بلاش كده هتدمروني وتضايعو مستقبلي ونبي بلاش ونبي اعتبرني اختك وبلاش تعمل كده لا لا لاااااااااا صحيت مفزوع اول مسمعت نفس الكلام
حسن: لا بقا الموضوع زاد عن حده لازم اتصرف وافهم اي اللي بيحصل 
فى بيت حاتم 
مروه مرات حاتم: الحقني يا حاتم الولد بيموت
حاتم بفزع: انا جاى بسرعه مسافه السكه اطلبي الدكتور وانا جاي
اتصلت مروه بالدكتور بسرعه ووصل هو وحاتم فى نفس الوقت وبعد شويه خرج الدكتور من عند ابن حاتم وعلى وشه تعبير ميطمنش
حاتم: طمني يا دكتور 
الدكتور: للاسف الولد قلبه ضعيف جدا ولازم يدخل عمليات فى اقرب وقت
حاتم: امتي اقرب وقت
الدكتور: يفضل النهارده او بكره
حاتم: لو ينفع النهارده ياريت 
الدكتور: خلاص انا هكلمهم فى المستشفى يجهزو اوضه العمليات 
حاتم ياريت بسرعه
فى بيت مدحت
دخل مدحت البيت لقى اخته الصغيره صبا قاعده بتتفرج على التلفزيون وسرحانه
مدحت: الجميل سرحان فى ايه 
صبا: مفيش بتفرج ع التلفزيون 
مدحت: اخبار كليتك ايه 
صبا: اهى الحمدلله بس كنت عوزه اطلب منك طلب
مدحت: اطلبي يروحي 
صبا: عوزه مبلغ عشان محتاجه شويه حاجات 
مدحت: بس كده اتفضلي يا ستي الفيزا اهى جيبي اللي انتي عاوزه 
صبا: ميرسي ياروحي 
مدحت: يلا انا هطلع انام، تصبحي على خير 
صبا: وانت من اهلو 
اول ما مدحت طلع صبا مسكت الفون واتصلت بحد
صبا: الو 
الطرف التاني: اوعي تقولى مش جايه بكره
صبا: لا لا هاجي بكره فى معادنا وجيبلك هديه حلوه اوي معايا 
الطرف التاني: انا اللي محضرلك احلى مفاجأة في الدنيا 
صبا بفرحه: بحبك
الطرف التاني بخبث: وانا كمان بحبك
يتبع...
لقراءة الفصل الخامس : اضغط هنا
لقراءة باقي فصول الرواية : اضغط هنا
google-playkhamsatmostaqltradent