recent
أخبار ساخنة

رواية صدفة مقصودة الفصل السادس 6 بقلم مروة محمد

الصفحة الرئيسية
 رواية صدفة مقصودة الفصل السادس 6 بقلم مروة محمد
رواية صدفة مقصودة الفصل السادس 6 بقلم مروة محمد

رواية صدفة مقصودة الفصل السادس 6 بقلم مروة محمد

 عدي وقت مش طويل وقومنا جهزنا وروحنا المستشفي دخلت وكانت دي اول جلسه ليها
فضلت مستني برا وعمال اقرا قرآن وادعي ربنا كتير لحد ما الدكتور خرج
-طمني ي دكتور
@الحمدلله مدام نور جسمها قدر يتحمل ودي حاجه كويسه ومكنتش متوقعها الصراحه ودا من فضل ربنا المهم انك تخلي بالك منها ومن اكلها لازم تتغذي كويس عشان يقدر جسمها يتحمل باقي الجلسات 
شكرته ودخلتلها 
=يوسف انا تعبانه اوي انا مش هقدر اكمل انا حاسه ان خلاص روحي بتتلاشي
_ هتقومي وترجعيلي احسن من الاول يقلبي انا معاكي اهو معاكي لحد اخر ثانيه ف عمري 
رجعنا البيت بعد م ارتاحت شويه نامت من التعب وانا قومت اجهز الاكل صحيت واكلتها ونمنا صحيت من النوم ملقتهاش جمبي 
-نور يا نور حبببي
فجاه لقيتها قاعده ف ركن وبتعيط جريت عليها وخدتها ف حضني 
-مالك يا نور فيكي اي يا حبببي لي بتعيطي 
= شعري يا يوسف شعري بدا يقع 
مكنتش عارف اقولها اي مش قادر اواسيها 
-لازم نكمل ونستحمل يا نور مش احنا اتفقنا ؟
 وبعدين انا بحبك زي م انتي بحب نور جوهر نور من جوا ♥
 يلا قومي نفطر واجهزي عشان نخرج انهارده 
= بجد هنخرج ! بحبك اوييي 
باستني من خدي وجريت  كانت اول مره تبوسني فيها 
ضحكت وقومت عملت الفطار وكلنا وجهزنا عشان ننزل 
=هنخرج علي فين بقا 
-تعالي بس معايا وهتشوفي 
ركبنا العربيه وروحنا اشترينا العاب وهدايا كتير اوي 
=لمين كل دا 
_يستي اصبري بس وتعالي 
خدتها وروحنا علي دار ايتام نور كان كول عمرها نفسها تفرح الاطفال وتجيب ليهم هدايا وتلعب معاهم كانها طفله بالضبط قضينا معظم اليوم مع الاطفال ورجعنا البيت نامت من الارهاق او هي طول عمرها نايمه اصلا ما انا متجوز غيبوبه 
-يست انتي اصحي بقا
=شويه كمان يا يوسف 
_ انتي حره دي سابع مره تقوليلي الرد دا بس مش هتلحقي نصيبك هاكل البشاميل كله
كنت عارف انها بتموت ف حاجه اسمها بشاميل (بس مش اكتر مني اكيد 😼😂»)
=ايدا بشاميل ! خد هنا عندك ،قفشتك اطلع بالبشاميل حالا بالا فالا 
_يعني البشاميل عمل اللي معملتوش طب قومي يلا عشان فيه مفاجأة لو كلتي 
*بفرحه * = بجد ! اي هي 
_لا دي مفاجأة بقا كلي واجهزي عشان ننزل 
=ف اقل من ساعه لقيتها كنا جهزنا وكنا بالليل وف عز الشتا 
نزلنا فضلت سايق لحد م وصلت شارع فاضي خالص من الناس نزلت وخدتها ف ايدي وجيبت معايا صندوق 
=احنا جايين هنا ليه واي الصندوق دا. 
-هتعرفي يست خلي عندك صبر 
=بس انا خايفه
- خايفه وانا معاكي ؟
=انا خايفه عليك انت 
ضميتها ليا ومشينا شويه ولقينا سور كبير وبيوت كتير وكانت الاضاءه خافته نزلت الصندوق من ايدي 
- وصلنا اهو. فتحت الصندوق
=ايدااا احنا هنرسم بجد وشغل subway دا !
انا من ضمن الحاجات اللي كنت عاوزه احققها اني ارسم ع الحيط
 و.... بس انت عرفت ازاي وكمان عرفت ازاي اني كنت عاوزه ازور الاطفال
-تقدري تقولي كدا قوي خارقه 
= سبورمانيييي قول بقا 
- *بضحك * بوسه الاول 
بصت للارض بكسوف رفعت راسها واحده بس من خدودي القمر دول واقولك 
= نرجسي اوي بس قمر وبحبك خد يعم يلا قول 
قولتيلي قبل كدا بس بتنسي 
=اممم انا قولت كدا بردو 
_مش هنرسم ولا اي يلا 
=يلا
بدانا نرسم كانت اول مره ليا بس نور لأ ،رسمت شخصين والجو ضالمة وكل ما يتقمدوا لقدام النور يظهر لحد ما وصلوا للنور 
خلصنا ونور رسمت شخص غرقان وايد بتتمد له وبتساعده انه يطلع وكتبت جمبها "هانت عوض ربنا جاي "
فضلنا نتمشي ونتكلم كتير مكنتش مصدق ان فعلا نور معايا وبقت ليا لوحدي بس علي قد ما كنت مبسوط كنت خايف الموت يسرقها مني مبينتش ليها حاجه كنت بدعمها وبس عدت ايام وشهور وانأ رفضت ان نور تروح شغلها وانا كمان اخدت اجازه من شغلي  ونور بتستجيب للعلاج بفضل ربنا لحد ما كنا عند الدكتور وقالنا انها بتتحسن ولازم بس عمليه ولو نجحت يبقا قضت علي المرض وهتتعافي نهائيا ودا علي حسب درجه.تحمل جسمها 
فرحت وقتها بس،نور كانت عكس كدا ومشيت من غير ما تقول حاجه شكرت الدكتور وروحت ليها بسرعه 
=من غير ما تقول حاجه انا مش هعمل العمليه انا بفضل اموت ف بيتي ولا اني اعملها 
_مين قال كدا يا حبيبتي مش الدكتور قال انك اتحسنتي ومتبقاش غير عمليه واحده عشان نطمن عليكي 
=*بعياط*
يوسف انت ليه مش مستوعب انا هموت يا يوسف قولتلك من البدايه وانت مصدقتش ،ماما ماتت وهي بتعمل العمليه ،قولتلك اني هظلمك معايا ،كان لازم كل دا ميحصلش كان لازم متتعلقش بيا 
خدتها ف حضني وفضلت اهدي فيها 
_قولتلك اني معاكي للاخر صح ؟
كان احسن قرار في حياتي هو انك معايا دلوقت لو كنت بعدت زي ما انتي كنت عايزه معرفش كنت هبقي فين دلوقت ،وبراحتك لو مش عايزه تعمليها ناجلها لوقت تاني بس انا مش قادر اشوفك بتضيعي مني واقف ساكت ومعملش حاجه ،صقيني هتبقي بخير وهترجعيلي لسه قدامنا العمر طويل لسه ف اول طريقنا انا واثق انك هتتحسني عندي يقين بربنا ♥
=هعملها 
_ايوه كدا هي دي نور اللي اعرفها
يتبع ......
لقراءة الفصل السابع : اضغط هنا
لقراءة باقى فصول الرواية : اضغط هنا
google-playkhamsatmostaqltradent