رواية تقابلنا في الكتاب الفصل الأول 1 بقلم إسراء ابراهيم عبدالله
رواية تقابلنا في الكتاب الجزء الأول
رواية تقابلنا في الكتاب البارت الأول
رواية تقابلنا في الكتاب الحلقة الأولى
كانت بتسمع للشيخ وبتلخبط في التسميع
فقال ليها: أنتِ مش حافظة النهارده حلو ليه؟!
مستناش ردها، وشاور لولد، وقاله: روح حفظها
هى بصت للولد بعصـ ـبية، وقالت: مش عايزه ولاد تحفظني يا عم الشيخ هحفظ لوحدي.
الشيخ بصر.امة: روحي يا إسراء معه عشان متنضر.بيش عشان أنا عارف إنك شاطرة وبتحفظي كان زماني ضر.بتك يلا بقى
راحت إسراء في جنب مع الولد اللي متكلمش ولا كلمة، وقالت: يلا انا نشوف آخرتها.
الولد بذهول: أنتِ كام سنة يا بنتي؟!
إسراء: ملكش دعوة واخلص ورينا شطارتك يا أخويا يعني أنا اللي كنت بحفظ العيال، وعلى آخر الزمن يجي اللي يحفظني.
نادر بدهشة: لا لا بجد مش عارف أنتِ مكبرة للموضوع ليه؟! يلا خليني أحفظك، وكان لسه هياخد منها المصحف.
قعدت وربعت رجليها، وفتحت المصحف وقالت: بص روح شوف وراك إيه، أنا مفيش ولاد تحفظني، واخزى على طولك دا وشوف شغلك بعيد عني، ورفعت المصحف قدام عينها، وبدأت تقرأ.
هو مازال واقف مذهول، وبص لقى في بنات سمعت كلامها، واتكسف ومشي.
إسراء بضيق: ما هو لو ملعبتش امبارح في الشارع مع عيال عمي كان زماني حفظت ولا شوفت الإ.هانة دي حاجة تز.هق اها والله قال عايز يحفظني بتاع البنات دا اها ما هو لو مكنش كدا كان ر.فض وقال للشيخ مينفعش أحفظ بنات فين الحياء والأخلاق فين اومال لو مكناش قاعدين في مكتب لتحفيظ القرآن
فعلا اللي اختشوا ماتوا كان عايز يتلز.ق فيا ويقف قريب مني دا لا يمكن يحصل أمي مربتنيش على كدا دي ربتني عالحياء والأدب الله يمسيها بالخير يارب أروح بقى ألاقيها عاملة محشي خس.
وحفظت بتركيز وراحت تسمع للشيخ، وسمعت صح بدون غلط زي عادتها.
بقلم إسراء إبراهيم
واستأذنت وروحت، ونادر طلع وراها.
نادر: على فكرة في حاجة اسمها ذوق.
إسراء بضيق: معلش أصل مسمعتش عنه قبل كدا معنديش خلفية عن الذوق دا.
نادر: مش عارف كان هيحصل إيه لو حفظتك!!!
إسراء: يعني أنا أمي تتـ ـعب في تربيتي سبع سنين وفي الآخر أروح أضيعهم النهارده.
نادر: إيه دا يعني عندك سبع سنين!!!
إسراء: شئ ميخصكش، وابعد كدا مسافة أربعة متر عشان ما أصوتش وأخلي أمة لا إله إلا الله تتفرج عليك.
نادر بخو.ف: أعوذ بالله إيه دا، بس حاجة قبل نادر أمشي اسمي نادر وعندي 15سنة
إسراء بعو.جة بوق: يعني هطلعلك بطاقة ولا إيه؟!
إيه القر.ف اللي عالصبح دا يعني الواحد مش ناقص قر.ف المدرسة ولا قر.ف الناس المتطـ ـفلة
أروح بقى أدلع نفسي وأعوض حر.قة الد.م دي بطبق محشي سخن لذيذ.
وطبق شوربة باللمون وحتة لحمة ترم عضمي أصل أنا خاسة اليومين دول اها الناس كلها بتقولي كدا.
وراحت البيت لقيت مامتها لسه مخلصتش طبخ المحشي.
قعدت بضيق وقالت: إيه يا ماما يعني أنتِ عارفة بنتك بتتعـ ـب وبتيجي هفتانة وعايزه تاكل.
والدتها: قومي كلي جبنة ولانشون ولا أي حاجة.
إسراء: لأ دا فطرت بيه الصبح أنا عايزه أكل دسم.
والدتها: طب روحي شوفي مين اللي بينادي على باباكِ.
إسراء: ماشي لما نشوف آخرتها إيه!!!
وطلعت بتقول جاية ياللي بتنادي اصبر يا أخويا لما نستر نفسنا مش واقف على نا.ر
طلعت لقيت نادر، وقالت: هى حصلت تيجي ورايا البيت، طب والله لأروح أنادي ماما ليك يا م.ش متربي.
ودخلت تنادي مامتها وقالت: اطلعي شوفي واحد برا عايز تربية وأنا جاية معاكي.
طلعت برا لقيت نادر قالت: ادخل يا نادر يابني عشان تاكل معاكي البت إسراء.
إسراء وبوقها هيوصل الأرض قالت: نعممممم
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية تقابلنا في الكتاب)
تعليق واحد