رواية معلمة من الصعيد الفصل التاسع عشر 19 بقلم مريم شعبان
رواية معلمة من الصعيد الجزء التاسع عشر
رواية معلمة من الصعيد البارت التاسع عشر
رواية معلمة من الصعيد الحلقة التاسعة عشر
يوم جديد عند صابر ف اوضة موده كانت بتجهز
رحاب: رايحة فين بدري كده
موده: درس جاد علم النفس
رحاب: ما براحته
موده: طنط سهام كلمتني و قالت انه مش عايز يذاكر نهائي
رحاب: تمام ربنا يكون ف عونك
موده: يارب خلي يارا و موسى بعد الظهر يجوا هناك
رحاب: تمام
موده: يلا سلام و تخرج
****
ف فيلا سليم
سهام: يا بني قوم يلا موده جاية
جاد: و انا مالي انا
سهام يعني هتجي تشرح لمين
جاد: انا نائم الفجر تعبت سيبني انام
سهام: براحتك انا غلطانة و تخرج و تنزل
زهراء: اي فين جاد
سهام: نائم
زهراء: دي موده كلمتني و قالت انها برة
سهام: طيب روحي افتحي
زهراء: حاضر و تروح و تجي هي و موده
موده: صباح الفل يا سوسو
سهام: صباح النور يا حبيبتي
موده: فين جاد
سهام: نائم
موده: نائم طيب بعد إذنك يا سوسو اطلع عنده
سهام: اتفضلي يا بنتي
موده: تعالي يا زهراء و يطلعوا
موده: تخبط علي الباب جامد يخرج جاد
جاد: اي ف اي
موده: خمس دقائق و تكون تحت و جايب كتابك معك يلا
***
جاد: ذهب الليل وطفح الكيل والطالب فرهد شاف المادة قالها هاهبد قالتلوا ملحق
موده: اخلص هات اول فصل
جاد: بنوم طيب انا عايز قهوة
موده: تمام سوسو اعملي قهوة عشان يركز معايا
جاد: طيب لحد ما ماما تعمل القهوة هنام شوية
موده: ضربته علي كتفه لا ركز معايا
جاد: بنوم مش قادر
موده: نمت الساعة كام
جاد: ٥
موده: كنت بتعمل اي ده كله صاحي ليه لا بعد الشر كنت بتذاكر
جاد: بعد الشر طبعا كنت قاعد عادي
موده: طيب يلا
جاد: طيب نتفق أتفاق
موده: أتفضل
جاد: اخلص مذاكرة بدري عشان الشباب جاين
موده: بالله جاين
جاد: اه
موده: طيب تمام
سهام: القهوة عايزة اسمع صوتك تاني و تمشي
جاد: تسلمي يا ماما و يشرب
جاد: نبدأ بقي
موده: بص بقي دي هتكون اي جاد جاد انت نامت
بيري: بضحك اه مش قادرة
موده: تعالي شوفي المفروض يشرب القهوة عشان يركز نام
بيري: جاد جاد
جاد: اي عايزين اي
بيري: انت شريت القهوة ليه
جاد: انا عايز انام بجد مش قادر
موده: أتفضل يا جاد دلوقتي ٩ بعد الظهر هتقوم تمام
جاد: تمام جدا يلا تصبحوا علي خير و يجري علي فوق
بيري: مش هتقدري عليه
موده: لا بإذن الله اقدر
سهام: هو راح فين
موده: مش مركز معايا قولت يروح ينام لحد ما يارا و موسى يجوا
سهام: تمام
****
ف المطبخ البنات واقفين بيعملوا فطار
بيري: الظهر فاضل عليه دقائق
موده: زهراء اطلعي شوفي جاد
زهراء: تمام و تمشي
بيري: عملت السلطة
موده: شطورة و انا خلصت يلا نطلع الفطار
بيري: يلا و يخرجوا
ماهر: يا سيدي سيدي علي الدلع
موده: الاستاذ لسه صاحي
ماهر: لا صاحي من بدري بس كنت مع نورسين و سند
موده: ربنا يحفظهم بيري روحي شوفي جدو
بيري: ما تروحي انتي
موده: بطلي رخمة روحي يلا
بيري: حاضر يا ستي و تمشي
ماهر: يروح عندها انتي لسه زعلانة من جدو
موده: هزعل ليه عادي بس انا لسه مش قادرة انسا اللي فات
ماهر: انسي يا موده و اعرفي اني جدو طيب أوي
موده: ماشي فين نورسين و سند
ماهر: هيجوا مع زهراء و ينزل عز
عز: الله الله المدام عندنا
موده: يا هلا
عز: بتقولوا اي بقي
ماهر: الله انت مالك
عز: مراتي
ماهر: بس يا بني
وينزلوا كلهم و يقعدوا علي السفرة
سليم: الله مين اللي عامل الفطار انهاردة
سهام: البنات ربنا يحفظهم
سليم: يارب كنتي فين امبارح يا اسماء
اسماء: كنت ف مشوار يا بابا
سليم: مشوار ف يوم مهم زي ده
اسماء: حضرتك عارف اني مش موافقة
سليم: موافقة ولا لا رايك مش مهم بس مرة تانية تخرجي من غير ما تقولي ل حد و بذات ف يوم مهم زي ده مش هيحصل طيب
اسماء: انا
سليم: سمعتي انا محدش يقول كلمة بعد كلامي غير حاضر و بس فاهمين الفترة اللي فاتت كان فيها دلع كتير لكم من بكرة نرجع لحياتنا القديمة الفطار هيكون الساعة ٨ و اللي مش هينزل ف الوقت ده مفيش فطار الغدا بعد المدرسة علي طول تخلصوا مدرسة و شغل و تجوا هنا علي طول محدش يخرج فاهم يا عز و العشاء بعد المغرب مفيش اكل من برة يدخل البيت محدش يخرج من البيت بعد ٩ محدش اكل ف الجنينة تاني فاهمين اللي مش عجبوا الكلام ده يتفضل من هنا
سهام: اهد يا بابا بس
سليم: هاتي الدواء بتاعي فوق يا سهام و يقوم و سهام تطلع وراه و نبيل و كاظم و اسماء يقوموا
موده: اي ده
زهراء: ده الطبيعي بتاعنا
موده: بس كان كويس
عز: ده الطبيعي و الله
جاد: اه انا هروح انام بقي
موده: اقعد يا جاد بدل ما اقوم اضربك
جاد: عز خد خطيبتك و امشوا من هنا
موده: هات كتب علم نفس و تروح الجنينة زمان يارا و موسى جاين
جاد: موبايله يرن طيب ثواني و جاي و يقوم يجري علي برة
موده: رايح فين ده
ماهر: اكيد يوسف و مروان برة طالما خارج جري كده
موده: طيب و تقوم تروح وراه
****
قدام الفيلا كانوا واقفين الشباب و البنات
تيا: يا مساء النور
جاد: مساء الفل يلا ادخلوا
موده: لا يدخلوا فين
يوسف: طيب سلام يا جاد
موده: اقف عندك
يوسف: ميس موده اهلا بكي عاملة اي
موده: الحمدلله يلا كل واحد فيكم زي الشاطر كده يروح يجيب كتب علم نفس و تكون هنا خلاص عشر دقائق
فيروز: احم احنا جاين نقعد شوية
موده: يلا يا شباب عشان الاسبوع الجاي فيه امتحان
مروان: احنا احنا لسه ف الاول
موده: بس أخدنا كذا درس و لازم امتحان
رويدا: طيب ممكن نقعد شوية و نذاكر بكرة
موده: عشر دقائق كل واحد فيكم زي الشاطر كده يجيب الكتب و تكونوا هنا
يوسف: طيب بعد إذنكم
موده: مسكته تعال تعال رايح فين و تضربه ب المعلقة
يوسف: اه
جاد: انتي جايبة المعلقة دي ليه
موده: مزاجي كده يلا يا حلوين عشر دقائق و تكونوا هنا يلا و يجروا الشباب و البنات
جاد: اوف
موده: بتقول حاجة
جاد: لا و يجي موسى و يارا
موسى: السلام عليكم
موده: وعليكم السلام يا حبيبي
يارا: اي مش هناخد حاجة ولا اي
موده: لا هناخد يلا ادخلوا جوا و انا جاية وراكم
جاد: تعالوا ندخل
موده: هم يدخلوا انت هتفضل واقف جنبي اتفضلوا و يدخلوا
جاد: الله ليه بقي
موده: عشان مش بتقعد محترم
جاد: مش فاهم
موده: ترخم علي يارا
جاد: انا عيب عليك
موده: ضربته ب المعلقة بس يا بابا
جاد: اه عايز انام
موده: انت شارب كام فنجان قهوة لحد دلوقتي
جاد: اربعة غالبا
موده: غلط علي فكرة
جاد: يا ستي مش فارقة و تخرج ست من فيلا يوسف
موده: واد يا جاد مين دي
جاد: دي والدة يوسف
موده: اسمها اي
جاد: بسملة
موده: هم فين اهل الشباب و البنات
جاد: يوسف والده متوفي و مامته بسملة شاغلة ف شركة ديكور مشهورة أوي و مش عندها غير يوسف مروان والدته و والده منفصلين و فيه بينهم مشاكل كتير و عنده اخ متجوز و عايش ف لندن و تيا اهلها مسافرين شاغلين ف الأمارات و بيجوا كل اسبوعين مرة فيروز اهلها موجودين عادي و عايشين كلهم مع بعض رويدا والدها رجل اعمال و والدتها مهندسة و عندهم رويدا بس و معظم وقتهم سفر و شغل و رويدا قاعدة مع جدها و بس كده يا ستي
موده: وتيا قاعدة مع مين
جاد: معظم الوقت لوحدها و ساعت عمتها بتجي تقعد معها
موده: ازاي بنت ف سنها تقعد لوحدها
جاد: مش عارف بس قبل ما تحاولي نكون ناس احسن شوفي اهلنا بيعملوا اي
موده: اظن واحد زيك قاعد مرتاح و كله طلبات عنده عايز اي تاني
جاد: عايز اهتمام انا محدش بيهتم بيا ماما تجري ل ماهر و عز و زهراء و انا الفاشل اللي بينا
موده: يا جاد طنط خايف عليك
جاد: بس يا موده انتي مش عارفة حاجة
موده: طيب ممكن نتكلم عادي
جاد: مش عايز اتكلم
موده: ليه
جاد: بعدين بعدين
يوسف: انا جيت
موده: نورت أتفضل جوا يلا
يوسف: حاضر
مروان: خدني معك يا يوسف و يدخلوا
موده: روح ورا صحابك و انا هجيب البنات و اجي
جاد: تمام و يدخل
موده: اه شكلهم حوار كبير
****
عند حاتم ف القسم
مصطفي: قدرت توصل لحاجة
حاتم: ف ناس ف المدارس بتوزع المخدرات علي الشباب ده اللي فهمتوا لما جبت الولد بتاع الجامعة
مصطفي: ف المدارس كمان اكيد مدارس الغالية
حاتم: بالعكس ف المدارس الحكومة كتير أوي منهم طلاب
مصطفي: ده شكله موضوع كبير أوي
حاتم: شكله كده بس لازم نواصل للعصابة دي بسرعة
مصطفي: بإذن الله يا باشا خير
حاتم: خير
*
ف الجنينة
موده: مبدئياً كده كل سبت و اتنين هتنجمع هنا عشان درس ف مادة علم النفس الاحد و الاربعاء فلسفة
يوسف: الله اربع حصص ف الاسبوع بكام كده
موده: من غير اي حاجة يا استاذ يوسف
مروان: من غير اي حاجة ازاي
موده: يعني مش عايزة فلوس انا بذاكر معكم ده مش درس
يوسف: ان شاء الله يحفظك
موده: تسلم نبدأ بقي
****
ف المساء ف بيت صابر موده قاعدة ف البلكونة بتفكر ف كلام عز و تشوف يوسف خارج
موده: يوسف يوسف
يوسف: يا نعم
موده: ادخل بيتك تاني بكرة مدرسة
يوسف: عندي مشوار
موده: ادخل يا يوسف بدل ما انزل
يوسف: اوف حاضر و يدخل
موده: ماشي ماشي يارب اعمل اي خايفة ادخل ف الموضوع ده شكله كبير بس من امتى و انا بخاف كده هقدر بإذن الله
*
ف صباح يوم جديد ف المدرسة ف فصل جاد
موده: طبعا ف حاجة جديدة انهاردة
يوسف: خير
موده: تعالوا يا ولاد و يدخلوا فصل وائل
جاد: مالهم دول
موده: هيكون معكم بإذن الله
يوسف: معنا ازاي
موده: هتكونوا كلكم ف فصل واحد اتفضلوا يا شباب يلا و يدخلوا يقعدوا
موده: نبدأ الامتحان
مروان: مش قولتي الاسبوع الجاي
موده: طيب نتفق أتفاق يكون الاسبوع الجاي بس عايزة درجات حلوة
تيا: بإذن الله
يوسف: احنا نجيب درجات حلوة
موده: وليه لا أنتوا شاطرين و تقدروا علي كده المهم يلا نبدأ الحصه بسم الله
****
عند هيام و حسناء كانوا قاعدين و الباب يخبط
لين: مين
هيام: تعالي نشوف و يروحوا يفتحوا
هيام: اهلا سهام اتفضلي
سهام: السلام عليكم عاملة اي
هيام: الحمدلله أتفضل يا حبيبتي و يدخلوا
حسناء: سهام تعالي اتفضلي
سهام: عاملين اي
حسناء: الحمدلله يا حبيبتي نورتي
سهام: بنورك
لين: فين نورسين و سند
سهام: ف المدرسة يا حبيبتي
لين: اشمعنا انا مش بروح مدرسة
هيام: عشان انتي لسه صغيرة
لين: ماشي انا رايحة العب مع جدو و تجري
هيام: ربنا يسارها عليكي و علي امك
حسناء: يارب
سهام: هي مش ناوية تتجوز ولا عندها مانع
حسناء: لا يا حبيبتي عادي تتجوز بس احنا ف البلد مكنيش فيه حد مناسب ليها
سهام: هي كانت بتحب جوزها اخدته علي حب
حسناء: لا كانت مرتاحة معه مكنتيش بتحبه هي لحقت اساسا تحبه هي اتجوزت شهرين و هو مات و هي كانت حامل
سهام: ربنا يرحمه و يعوضها خير
حسناء: يارب يا حبيبتي يارب بحد نفسي اطمن عليها
سهام: خير بإذن الله
****
ف المدرسة ف فصل جاد
موده: انا كده خلصت حد عنده سوال
الكل لا
موده: طيب احنا معنا وقت لو عايزين نتكلم ف اي حاجة برة الدراسة نتكلم مع بعض
وائل: نذاكر ازاي يعني انا مش عارف اذاكر
موده: كل حاجة بالهدوء يعني ناخد خطوة خطوة و نقدر و لو عايزين يا شباب تجوا عند جاد انا بذاكر معهم هناك
جاد: نعم
موده: في اي
جاد: احم مفيش
موده: تمام تقدروا تجوا عادي
وائل: هنشوف و نقول لحضرتك
موده: تمام حد عنده سوال تاني
تيا: حضرتك فشلتى قبل كده ف حياتك
موده: اكيد ما اتعلمت ازاي انا فشلت كتير جداً كمان وغلط اكتر بس كل مرة كنت بغلط فيها بحاول اصلح من نفسي و اكون احسن ومكررش نفس الغلط تاني وبردو ساعات كتير كنت يعمل الغلط كذا مرة لحد ما اتعلمت و ف مقولة بتقول النجاح ليس نتيجة لعدم ارتكاب أي أخطاء، ولكنه نتيجة لعدم تكرار نفس الخطأ مرتين ف عادي جدا نغلط و نتعلم
رويدا: حضرتك شكلك جبتي مجموع حلو ف ثانوي عام
موده: اقولكم حاجة
الكل: اتفضلي
موده: انا كنت ساقطة سنة ف ثانوي عام اه والله كنت أدبي و ف الفترة الامتحانات كنت متوترة و تعبانة ف مش عرفت احل كويس ف جبت كذا ملحق منهم فلسفة و علم نفس حاولت اشوف اخطاء و حاولت اصلحها ف الاول معرفتش بعد كده أخدت تحدي علي نفسي اني ربنا طالما خلاني ابدا من جديد ف لازم اكمل و كملت و جبت مجموع كويس و نجحت و دخلت أداب علم نفس يعني انا بداية طريقي كانت فشل بس اخره كان نجاح كبير أوي أوي
يوسف: بتهزري صح يعني واحدة ف نجاحك كانت ساقطة سنة
موده: اه هو قدر بس لو مكنتيش سقطت السنة دي مكنتيش اتعلمت حاجات كتير الحمدلله و اول حاجة عندما يمنحك الله بداية جديدة لا تكرار نفس الاخطاء الحمدلله ف أنتوا تقدروا
الحصة خلصت اشوفكم بكرة يلا سلام و تخرج
يوسف: منورين يا شباب
وائل: بنورك
غرام: و أيات قاعدين جنب يارا
يارا: تشرفت بيكم
غرام احنا اكتر
أيات: شكلك حلو أوي بيه ربنا يثبتك
يارا: يارب يا حبيبتي تسلمي عقبالك
أيات: نفسي أوي البسه
يارا: طيب يلا خدي الخطوة اي المانع
أيات: مفيش خايفة
يارا: لا متخافيش خدي الخطوة اتكلي علي الله ربنا يرزقك بيه
أيات: يارب عند موسى
امجد: علي كده الاستغفار حلو
موسى: مش قولتلك يا بني بيعمل اي
امجد: انا من دلوقتي هقعد أستغفر كتير أوي
موسى: ربنا يتقبل منك الظهر تعالوا نصلي مع بعض
وائل يلا
موسى: شباب احنا رايحين نصلي تجوا معنا
يوسف: يروحوا أنتوا و جاين وراكم
موسى: تمام و يمشوا
يارا: تعالوا نصلي احنا كمان
غرام: يلا و يقوموا
يوسف: رايحين فين
غرام: يلا يا بنات
يوسف: مش بكلمك
أيات: ف اي يا يوسف
يوسف: انا يكلمها هي انتي مالك
جاد: يوسف خلاص اتفضلوا يا بنات
غرام: بصت ليوسف و مشيت
يوسف: اوف جامدة
مروان: الفاظ يا باشا
يوسف: احم حاضر
رويدا: شكل موده هتقعد معنا
يوسف: اسبوعين كمان و هتمشي انا مش عايز العب معها أوي عشان بنت عمتك يا جاد
جاد: إيوه احترام نفسك كده
تيا: انا شايفة انها مش غلط بالعكس دي عايزة اننا نذاكر و اظن اننا شهادة محدش ساعدنا زيها كده قبل كده
يوسف: وهي عملت حاجة سيبك سيبك انا رايح أجيب حاجة وجاي و يخرج
****
عند البنات
يارا: تقبل الله بس ازاي مفيش مسجد ف المدرسة نصلي ف المكتبة ليه
غرام: عشان محدش مهتم بالصلاة
يارا: ربنا يهديهم
أيات: يارب
غرام: هروح أجيب قهوة أشربها حد عايز حاجة
أيات: هاتي قهوة برضو و انني يا يارا
يارا: قهوة اتفضلي
غرام: لا علينا انهاردة
يارا: لا مش هينفع
أيات: يا ستي عادي احنا خلاص بقينا صاحب يلا يا غرام روحي و احنا جاين وراكي
غرام: تمام و تقوم تمشي
يارا: بس كده تعب عليكم
أيات: يا ستي حاجة بسيطة بس يلا خلصي البسي الكوتش عشان نلحق غرام
يارا: تمام
***
ف مطعم المدرسة
غرام: لو سمحت ٣ قهوة
يوسف: خليهم اربعة
غرام: أستغفر الله
يوسف: عاملة اي
غرام: لو سمحت يا عمو انا هقعد هناك لحد ما تخلص القهوة و تمشي
يوسف: عم حسن انا هناك برضو
عم حسن: يوسف يا زفت
يوسف: نعم
عم حسن: ملكيش دعوة بيها
يوسف: حاضر روح بس اعمل القهوة
حسن: طيب اقف هنا و يدخل دخل و راح يوسف عند غرام
يوسف: مش بقولك عاملة اي و يقعد
غرام: انت أهبل
يوسف: احترامي نفسك
غرام: لو سمحت أتفضل
يوسف: نتكلم شوية
غرام: ا هقوم انا احسن
يوسف: يمسك ايدها اصبري بس
غرام: ضربته بالقلم انت مجنون ازاي تمسك ايدي كده
يوسف: يا بنت
غرام: احترام نفسك ويلا من هنا
يوسف: انا اقدر اضربك نفس القلم بس انا راجل و مش هعمل كده
غرام: لو راجل بجد مكنتش جيت ترخم علي بنت قاعدة لوحدها
عم حسن: يوسف
يوسف: نعم يا عم حسن
عم حسن: تعال هنا
يوسف: بص ل غرام بشر حاضر و يروح
عم حسن: انا مش قولت متروحش عندها
يوسف: كنت بتكلم معها عادي
عم حسن: طيب أتفضل القهوة بتاعتك
يوسف: مش عايز و يمشي
عم حسن: ماشي يا حيوان تعالي يا غرام يا بنتي مالك
غرام: حاول يمسك ايدي
عم حسن: و انتي عملتي اي
غرام: ضربته بالقلم
عم حسن: جدعة برافو عليكي
غرام: بس خايفة منه
عم حسن: متخافيش مش هيقدر يعملك حاجة لو كلمك بس تعالي قولي و انا اتصرف معه
غرام: تسلم يا عم حسن
عم حسن: سلمك الله اتفضلي القهوة
غرام: شكرا و تاخدها و تمشي
عم حسن: ربنا يسترها عليكي يا بنتي
****
ف فصل جاد كانوا واقفين بيضحكوا لحد ما يدخل يوسف متعصب و يقعد
جاد: اي ده مالك يا عم
يوسف: محدش يكلمني دلوقتي
تيا: مالك يا بني
يوسف: بعصيبة قولت محدش يكلمني دلوقتي
بيري: تدخل صوتك يا بني اي قاعد فين احنا يلا كل واحد ف مكانه يلا و يجوا البنات
يارا: سوري علي التاخير
بيري: اتفضلوا يلا اقعدوا مالك يا غرام
غرام: مفيش
بيري؛ طيب عايزكى بعد الحصة
غرام: حاضر
مروان: مالها دي كمان
جاد: مش مرتاح يوسف جاي متعصب و هي ظاهر عليها الخوف و التوتر
مروان: يوسف عمل اي
جاد :مش عارف ربنا يستر
بيري: مش عايزة كلام كتير يلا نركز
****
ف مكتب موده الباب يخبط
موده: أتفضل يدخل عم حسن
عم حسن: السلام عليكم
موده: قامت عم حسن وعليكم السلام أتفضل
عم حسن: تسلمي يا بنتي كنت عايزك ف حاجة
موده: أتفضل
عم حسن: حكي ليها عن يوسف و غرام
موده: حصل امتي ده
عم حسن: من ربع ساعة و انا قولتلك انتي بذات عشان لحظت انهم بيخافوا منك و يوسف مش سهل مش هسيب غرام
موده: متقلقش ميقدرش يعملها حاجة خير باذن الله
عم حسن: يارب يا بنتي
****
ف فصل جاد
بيري: كده خلصنا حد عنده سؤال
و الباب يخبط
بيري: أتفضل
موده: السلام عليكم
بيري: وعليكم السلام
موده: خلصتي
بيري: اه في حاجة ولا لا
موده: لا عايزة يوسف بس
بيري: اه خلصت أتفضل يا يوسف مع ميس موده
يوسف: تمام و يخرجوا
يوسف: خير
موده: اسمهانعم ياميس وتتكلم بحترام ورايا علي مكتبي و تمشي
يوسف: اوف و يمشي وراها
****
ف مكتب موده
موده: ممكن اعرف اي اللي حصل انهاردة ف المطعم
يوسف: حصل اي
موده: اسال نفسك
يوسف: مفيش حاجة
موده: الكاميرات قدامي ازاي تمسك ايد غرام و ترخم عليها بالشكل ده
يوسف: مكنيش قصدي حاجة غلط انا عايزها تقعد
موده: و تقعد معك ليه
يوسف: اظن دي حاجة خاصة
موده: خاصة يوسف غرام مش زي بنت تعرفها غرام بنت محترمة ثم انكم فى مدرسه مش فى الشارع وحتى لو فى الشارع المفروض انك راجل ويكون عندك اخلاق
يوسف: تمام ممكن امشي عشان عندي حصة
موده: أتفضل بس لو اتكرر الموضع ده مش هيحصلك طيب و يخرج
يوسف: ف سره ماشي يا غرام و ربنا ما هسيبك ماشي ماشي
*
ف فيلا سليم
سليم: بعد الغدا عندنا مشوار مهم ياريت الكبار نحافظ علي البيت
موده: احنا هنذاكر كلنا ف الجنينة و ف ناس جديدة هتجي انهاردة
سليم: ربنا يوفقك يا بنتي هاتي اللي انتي عايزه
جاد: رايحين فين
سليم: انت مالك
جاد: الله اعرف رايحين فين
كاظم: عندنا مشوار مهم
جاد: كلكم
سهام: اه رايحة انا و ابوك و عمك و جدك خلاص اقعد ساكت بقي
جاد: تمام
****
ف الجنينة كان جاد و صحابه قاعدين
موده: جاد روح هات وائل و الشباب
يوسف: هروح انا
موده :تمام بس من غير مشاكل
يوسف: حاضر و يمشي
يوسف: اتفضلوا
وائل: السلام عليكم
يوسف: وعليكم السلام اتفضلوا يدخلوا
يوسف: بهمس ل غرام انا لسه فاكر القلم
غرام :ممكن اضربك التاني علي فكرة
يوسف: مش هتقدري
غرام: لا اقدر واقدر واوى كمان
يوسف: انا ساكت عشان انتي بنت بس عارفة لو حد غيرك يا غرام كنت دفنته مكانه دلوقتي حتي لو بنت
غرام: اشمعنا انا
يوسف: كده دخلتي دماغي
غرام: يا بني احترام نفسك شوية بقي و ركز ف المذاكرة احسنلك
يوسف: ما هركز يا ختي لازم اخلص من السنة دي
غرام ربنا يوفقك ياسيدي حل عني بقى
يوسف: انا اسف
غرام: علي اي
يوسف: اني مسكت ايدك انا مكنيش قصدي حاجة وحشة والله انا كنت برخم عليك بس
غرام: اعتذار مقبول و انا اسفة علي القلم بس لكل فعل رد فعل
يوسف: خلاص يا ستي مفيش حاجة
غرام: تعرف
يوسف: عرفيني
غرام: انا قولت انك هتعملي مصيبة
يوسف: عشان القلم يعني الصراحة كنت ناوي بس انتي بنت محترمة ف مش هقدر اعملك حاجة
غرام: لا انت مش هتعمل حاجة مش عشان انا بنت محترمة لا عشان انت راجل ولا ايه
يوسف: تسلمي يا ستي يلا ندخل عشان زمان موده هتولع فينا
غرام: يلا و يدخلوا
موده: كنت فين ده كله
يوسف: كنت بجيب حاجة
موده: طيب أتفضل اقعد ازيك يا غرام
غرام: الحمدلله
موده: أدام الله حمدك يلا نبدأ
أمجد: قبل ما نبدا عايزين نعرف النظام
موده: انا هنا عشان اساعدكم و نقضي وقت لطيف مع بعض يعني اللي مش عارف سوال يقول اللي عنده مشكلة نتكلم كلنا مع بعض أنتوا أخوات و صحاب بلاش خناق كل شوية مع بعض
وائل: احنا مش بنعمل حاجة هم اللي بيرخموا علي بنات
يوسف: بس يا بني
جاد: المدرسة مدرستنا
امجد: مش عشان المدرسة بتاعت جدك تروح ترخم علي بنات
يوسف: ما هم لو معهم رجالة مكنيش حد حاول يكلم واحدة فيهم هسكت بس عشان موده قاعدة
موده: لا اتفضل يا حبيبي كمل بلا موده بلا زفت و اي موده دي
يوسف: يا موده ما انا بقولك يا موده برة المدرسة
موده: اظن و احنا ف حصة دلوقتي ف احترام نفسك ده اولا ثانياٍ يا شباب عيب جدا انك ترخم او تدايق بنت اعتبرها أختك او مراتك وبنتك مستقبلت ترضي حد يديقها اكيد وده عمتا مع اى حد مابلكم بقى اخواتكم الى معاكم فى نفس المدرسه المفروض انتوا الى تحافظو عليهم وتدفعوا عنهم لو حد دايقهم مش العكس
يوسف: و احنا أتكلمنا
موده: يوسف اسكت شوية
يوسف: حاضر
موده: يلا نبدأ
….بعد ربع ساعة
يوسف: تعبت يا جماعة تعبت
موده: تعبت اي احنا لسه ف اول صفحة
يوسف: ما احنا بشر يا ستي صفحة كفاية كده
موده: يوسف مش عايزة اسمع صوتك تاني احنا هنخلص اول ملزمة كلها
يوسف: دي كام صفحة
موده: خمسة
يوسف: طيب تمام يلا نخلص بسرعة عشان عندي مشوار مهم
موده: محدش قالك اني مفيش خروج انهاردة بعد ما نخلص في امتحان بإذن الله
يوسف: يا نعم
موده: اشوف المستوي بتاعكم
مروان: احنا اي اللي جبنا هنا يلا نمشي
يوسف: يلا يا بني
موده: اللي عايز يمشي يمشي انا غلطانة اني خايفة علي مستقبلكم
جاد: خلاص يا شباب هدوء شوية كملي يا موده كملي
****
عند بيري ف غرفتها موبايل بتاعها يرن
بيري: السلام عليكم
غيث: وعليكم السلام
بيري: جبت رقمي من فين
غيث: حضرتك خطيبتي اظن
بيري و اظن عز قالك مش تكلمني لحد ما يكون فيه حاجة رسمي
غيث: انا كلمتك عشان عايز اعرف رايك ف حاجة
بيري: خير
غيث: رايك ف موضوع كتب الكتاب عشان أكلم جدك بكرة
بيري: انا صليت صلاة استخارة و مرتاحة
غيث: يعني أكلم جدك بكرة
بيري: اه بإذن الله
غيث: طيب ربنا يبارك فيكي
بيري: يارب
غيث: بقولك ما تجي نخرج شوية
بيري: لا يا غيث لما نكتب الكتاب
غيث: طيب اجي اقعد معكي شوية
بيري: تنور بس يقعد معنا حد
غيث: تمام علي فكرة انتي صح و انا فخور بكي جدا بسبب قرارتك دي
بيري: تسلم يلا أقفل بقي
غيث: تمام سلام و الباب يخبط
بيري: ادخل كانت اسماء
بيري: نعم يا ماما
اسماء: هتفضلي زعلانة كده
بيري: ماما لو سمحت انا مش عايزة اتكلم ف حاجة
اسماء: نفسي اعرف عجبك ف اي غيث ده
بيري: لو سمحتي ده خطيبي دلوقتي مش هوافق ب اي كلمة وحشة عليه
اسماء: هبلة بتضيعي من ايدك كنز كبير بس علي جثتي تكمل الجوازة دي هتشوفي هعمل اي بيري: تمام يا ماما اعملي اللي انتي عايزه
اسماء: ماشي يا بيري ماشي و تخرج
***
الدكتور: لازم تعمل العملية ف اقرب وقت
سليم: يعني مفيش امل بالدواء
الدكتور: سليم باشا نبيل باشا ف مرحلة خطر أوي و لازم العملية
نبيل: اقدر اعمل العملية امت
سليم: بس ابني هسافر اي دولة برة يعمل العملية
الدكتور: تمام يا سليم باشا بإذن الله مع اني في مستشفيات كتير ف مصر تقدر علي العملية دي
كاظم: زي اي يعني
الدكتور: مستشفي كامل الرئيس ف اسكندرية من اكبر المستشفيات
سليم: كامل الرئيس طبعا اعرفه طيب نقدر نروح من امت
الدكتور: تقدروا بعد يومين اكون كلمت الدكاترة هناك و نروح
نبيل: علي خير بإذن الله يلا بينا بقي و يخرج
سليم: نسبة نجاح العملية يا دكتور
الدكتور: نسبة نجاح العملية بص يا حاج النسبة ضعيفة بس ربنا معنا متخافش خير بإذن الله
سهام: يعني نبيل ممكن يحصله حاجة
الدكتور: يا مدام ربنا قادر يخرجه منها ادعوا أنتوا بس
كاظم: يلا يا بابا
سليم: ابني ممكن يروح مني
كاظم: اهد يا بابا خير بإذن الله
نبيل: في اي يا جماعة يلا واقف برة كل ده فينكم بتعيطوا ليه
سهام: مفيش يا حبيبي
نبيل: انا سمعت كل حاجة و خرجت مخصوص عشان الدكتور يتكلم يا جماعة اهدوا كده ده خيركبير ليا و الحمدلله ابتلاء من ربنا
سهام: هتكون بخير
نبيل: بإذن الله
***
ف فيلا سليم
موده: كده خلصنا فاهمين
يوسف: اه نمشي بقي
موده: اهمد شوية
مروان: مش خلصنا
موده: الامتحان
يوسف: و ربنا ما اقدر
موده: مش قولت اهمد شوية
يوسف: انتي برج
موده: برج اي مش فاهمة
يوسف: يعني برج الدلو السرطان
موده: اه لا انا مش برج حاجة
مروان: ازاي يعني
موده :عشان مفيش حاجة اسمها ابراج و مش بقراها اساسا
تيا: يعني عمرك ما شوفتي حظ برجك السنة دي انا كل سنة بقراها
موده: بتحصل حاجة من اللي بتقراها
تيا: لا بس بقرا عادي يمكن ف مرة تحصل
موده: عمره ما هيحضل دول كدابين
رويدا: بس ف احداث كبيرة بتحصل
موده: يا حبيبتي دي بتكون صدفة معهم و غير كده ما الكل عارف انها بتكون تخطيطات منهم
فيروز: يعني حرام نقراهم حتي لو انا مش بصدق
موده: بصي يا ستي وقد قال النبي صلى الله عليه وسلم: من آتى عرافاً فسأله عن شيء لم تقبل له صلاة أربعين ليلة
تيا: طيب اللي بيصدق كلامهم
موده: كبيرة من الكبائر لا يعلم الغيب الا الله
تيا: بس ساعات انا بقول ف حاجة هتحصل و بتحصل ليا حلوة او وحشة
موده: مش بتحصل بنفس الطريقة اللي فكرتي فيها صح
تيا: اه بظبط
موده: اه انتي اتوقعتي اني الحاجة دي هتحصل بس بتحصل ف وقت غير المتوقع لكي ولا نفس الطريقة اللي جات ف دماغك محدش يعرف الغياب الا الله
يوسف: سبحان الله الواحد مش عايش ده احنا بنعمل حاجات كتير غلط علي كده
موده: مش مشكلة يا يوسف اتعلم من الغلط و ارجع ل ربنا تقدروا علي فكرة
مروان: ان شاء الله
وائل: كده خلصنا
موده: اه يا وائل مفيش امتحان عشان الوقت
امجد: تمام يلا بينا
موده: تمام
وائل: يلا يا بنات
جاد: خليكم قاعدين شوية
وائل: لا شكرا هنروح عشان نذاكر
موده: ربنا يوفقكم
جاد: طيب اتفضلوا
مروان: هروح أجيب حاجة و اجي
تيا: و احنا هنمشي بقي كفاية كده
يارا: و انا كمان يا موده عشان المذاكرة يلا يا موسي
موده: ربنا يوفقكم روحوا و انا جاية وراكم يمشوا كلهم مش يفضل غير يوسف
موده: منور انت قاعد
يوسف: اه هذاكر انا و جاد و مروان
موده قصدك هتلعبوا
يوسف: عرفتي من فين
موده: مستفز أوي
يوسف: شكرا
عز: من بلكونة اوضته موده موده
موده: بصت نعم
عز: اطلعي عايزك
موده: بعدين
يوسف: بتقولك بعدين يا عز يلاهوي
عز: بس يا زفت بدل ما وربنا انزلك
يوسف: لا لا ياكبير خليك
عز: ايوه اظبط كده تعالى ياموده عايزك اطلعي ثواني بس
موده: وربنا ما قادرة انزل انا
عز: تمام
يوسف: بهمس ل موده كان عايزك فوق ليه
موده: انا اش عارفني انا قاعدة جنبك أهو
يوسف: محدش ف البيت و بقولك اطلعي فوق لا خافي منه
موده :بصدمة يا قليل الاداب احترام نفسك
يوسف انا غلطان انا خايف عليكي يا موده ل يعمل حاجة كده ولا كده
عز: مين ده يا واد اللي يعمل حاجة كده ولا كده
يوسف: انت عايز موده فوق ليه اعتراف
موده: يوسف يلا من هنا
يوسف: لا انا قاعد مستني جاد
عز: طيب اقعد ساكت بقي
يوسف: هقعد اي عايزني اسيبك معها لوحدكم و الشيطان معكم
موده: بكسوف بس يا حيوان
يوسف: خلاص اسف
عز: ماشية ولا قاعدة
موده: كنت هطلع اشوف زهراء و بيري و امشي انت عايز اي
عز: لا كنت عايز اطمن عليكي بس
موده: الحمدلله يا حبيبي بس مفرهده
يوسف: اه علي الرومانسية
عز: العيال دول عاملوا فيكي اي
موده: هو حد يقدر يعمل حاجة كويسين اهم ماعدا ناس
يوسف: شكرا شكرا الغدا فين يا جماعة انا جعان
عز: علي بيتكم يا حبيبي
يوسف: مفيش حد ف البيت هاكل مع مين
عز: تصدق صعبت عليا اقعد تاكل معنا زي كل يوم ما انت صاحب بيت
يوسف: حبيبي تسلم هو ده العشم بردو هو جاد بيعمل اي ده كله
جاد: انا أهو يا سيدي
عز: يلا عشان ناكل
***
ف عربية كاظم
كاظم: الولاد لازم يعرفوا
نبيل: لا لا بلاش قلق ليهم
سهام: صدقني لازم يعرفوا
نبيل: بلاش ننكد عليهم يا سهام
سليم: الاولاد هيعرفوا
نبيل: بس يا بابا
سليم: لما نروح اسكندرية هنقول اي هم عارفين اننا عمرنا ما بنسافر من غيرهم ف اكيد هيعرفوا
نبيل: طيب بلاش دلوقتي خليها بعد فترة كده لما نجي نسافر
كاظم: تمام خير بإذن الله
****
ف بيت صابر موده روحت و كانوا البنات قاعدين ف اوضتهم و الباب يخبط و يدخل حاتم
حاتم: بنات
موده: يا نعم
حاتم: عايزكم ف حاجة
رحاب: أتفضل خير
حاتم: انا نويت اخطب
رحاب: لولولولوي
حاتم: بس بس
رحاب: احلف بجد مين العروسة
حاتم: ما انا جاي عشان اخد رايكم ف العروسة
موده: انا عارفة مين
يارا : و انا كمان
حاتم: والله
رحاب: احب اقولك العيلة كلها عارفة مين
حاتم: مين
البنات: زهراء
حاتم:انا مفضوح اوى كده طب وايه رايكم
رحاب: موافقين طبعا
موده: اتكل علي الله
حاتم: بجد
موده: اه والله زهراء مناسبة جدا لك
حاتم: طيب هروح اقول ل الجماعة برة و يخرج
موده: يلا هنروح كلنا و يخرجوا ب زغاريط
هيام: بس بس ف اي
رحاب ابنك عريس يا هيام
حسناء: عريس اي يا بت
حاتم: انا لقيت بنت الحلال اللي تكمل نص ديني و عايز رايكم
صابر: ماشاء الله زهراء بنت كويسة و كلنا موافقين
حاتم: الله ده الكل عارف بقي
هيام: من يوم ما وصلتها يوم ما كنت تعبانة انا لحظت ف عيونك شي بس قولت اسيبك براحتك و جيت قولت للعيال دول عشان احنا اساسا كنا قاعدين بنفكر فى عروسة ليك و قولنا علي زهراء
حاتم: خلاص يا جماعة انا عايزها هنروح امت
هيام: من بكرة لولولولوي
صابر: اصبروا شوية
حسناء: يا اخوي خلينا نفرح
صابر: خلاص يا ستي افرحوا بكرة هنروح انا و انت يا حاتم
حاتم :علي خير
رحاب: ف بيتنا عريس لولولولوي لولولولوي
موسى: اي في اي
هيام: عقبالك يا حبيبي حاتم راح يتقدم بكرة ل زهراء بنت خال موده
موسى: أيوة بقي عندنا عريس مبارك
حاتم: الله يبارك فيك
لين: خالو عريس
حاتم: قلب خالو
يارا: يلا تشغل أناشيد و زغروطة يا رحاب
رحاب: لولولولوي لولولولوي
تاني: يوم ف المدرسة
ف مكتب سليم
سليم: صابر كلمني و قال انه عايزني ف موضوع
كاظم: خير
سليم: مش عارف بس قال انه جايب حاتم و جاي
كاظم: حاتم خير بإذن الله
***
ف مكتب موده
بيري: احلفي
موده: اه والله رايحين انهاردة عشان يتكلموا مع جدو و خالو
بيري: ماشاء الله ربنا يجعلها من نصيبه بجد حاتم محترم و زهراء محترمة و طيبة أوي
موده: يارب
بيري: بس هو حاتم حكاية رجليها
موده: تصدقي مش عارفة بس هو اللي جايبها يوم ما تعبت ف الكلية
بيري: حاتم لازم يعرف انها ساعات كتير مش بتقدر تقف و تقع لوحدها و محدش عارف لحد دلوقتي في اي بس ماشية علي علاج حديد
موده: طيب نعمل اي
بيري: كلميه دلوقتي و قولي ليه كل حاجة قبل ما يروح
موده: طيب تمام و تكلمه
حاتم: السلام عليكم
موده: وعليكم السلام
حاتم: خيرفى ايه
موده: كنت عايزة اقولك حاجة علي زهراء
حاتم: مالها
موده: يعني زهراء عندها حاجة كده ساعات كتير بتقع لوحدها و لما تكون ماشية تقع بذات لو اتحطت ف موقف صعب حبيت اقولك قبل ما تروح
حاتم: بضحك ما انا عارف ده كله
موده: باستغراب عارف ازاي
حاتم: يا بنتي مش انا جبتها من الكلية و لما شوفتها كده سالت دكتور زميل و قالي انها حالة كده لو اتعرضت ل صدمة او تحت الضغط بتقع مش بتقدر تقف عارف و موافق علي زهراء
موده: تمام يا حبيبي ربنا يكملك علي خير اسيبك ف شغلك بقي سلام
حاتم: سلام خلي بالك من نفسك
موده: حاضر سلام و تقفل
بيري: اي
موده عارف يا ستي
بيري: موافق
موده: اه
بيري: بفرحة الحمدلله ربنا يكملهم علي خير
موده: يارب
****
ف فيلا سليم
سهام: زهراء زهراء
زهراء: نعم يا ماما
سهام: تعالي يا بنتي نجهز اي حلويات
زهراء: ليه في ضيوف ولا اي
سهام: هيام كلمتني و قالت انها جاية هي و حسناء بليل و كمان ابوكي كلمني قالي اني صابر و حاتم جاين برضو
زهراء: باستغراب ليه في اي
سهام: لا بس عندنا عروسة
زهراء: عروسة مين
سهام: بنوتي كبرت و بقيت عروسة قمر و جاين انهاردة يطلبوا ايدها
زهراء: باستغراب انا لمين
سهام: لمين يعني يا بت حاتم طبعا
زهراء: بتوتر حاتم مين قالك الكلام ده
سهام: هيام قالتلي قالتلي احنا جاين انهاردة يا ام العروسة و جاين عايزكي ف موضوع مهم
زهراء: يمكن بتقول ام العروسة عادي
سهام: لا انا سالتها بتقولي كده ليه قالتلي كل حاجة مبارك يا حبيبتي ربنا يكملك علي خير
زهراء: بس يا ماما احنا مش عارفين الموضوع بجد ولا لا
سهام: يا بت بقولك قالتلي انتي مش موافقة ولا اي
زهراء: لا طبعا موافقة ااقصدي يعنى
سهام: بضحك طيب تعالي تعالى نعمل الحلويات
زهراء: تفتكري جدو هيوافق
سهام: متخافيش خير بإذن الله
زهراء: هو بابا عارف
سهام: شكله لا انا هيام قالتلي عشان نحضر نفسنا و كده
زهراء: تمام البس اي
سهام: فستان بسيط كده و حجابك و بس
زهراء: تمام
***
ف فصل جاد
موده: و كده خلصنا يا شباب الواجب بقي و اللي مش عامل الواجب يتفضل يقف
يوسف: انا قولت نسيتي الواجب
موده: انسا شغلي اكيد حضرتك مش عملته
يوسف: و هو احنا مش كنا بنذاكر معكي هعمل الواجب امت
موده: نفس الاشخاص اللي كانوا معك عاملوا الواجب تمام جدا حد غير يوسف
جاد: احنا نقدر نسيب الباشا انا كمان
مروان: و انا كمان
موده: اه تمام طيب اتفضلوا اوقفوا ورا
يوسف: شغل العيال ده بقي
موده: احترام نفسك
يوسف: ماشي و يروحوا يقفوا ورا
مروان: مش هنخلص من الهبل ده
مود:ه سمعتك يا حيوان
يوسف: بهمس اصبري عليا يا موده
جاد: هتعمل اي
يوسف: بعدين هنعرف
موده: يوسف إجابة السؤال ده
يوسف: مش عارف
موده: انا شرحت الجزء ده كتير امبارح
يوسف: نسيت
موده: يوسف
يوسف: الله بقولك نسيت
موده: اتكلم كويس
يوسف: حاضر
موده: غالبا هنتعب مع بعض أوي وبذات انت يا يوسف
يوسف: انا قولتلك من اول يوم انك مش هتكملي هنا
موده: و انا قولتلك هكمل غصب عن اي حد
يوسف: هنشوف يا ميس موده
موده: بتحدي هنشوف يا يوسف الحصة خلصت اشوفكم بكرة و تمشي
يوسف: اقسم بالله ما اسيبها والله العظيم هعرفها مين يوسف موده دي
موسى: انت بتتكلم عليها كده ليه
يوسف: انت مالك اتكلم براحتي
موسى: احترام نفسك محدش يتكلم علي اختي كده
يوسف: بس يا بني اي أختك أختك مش ناقصة صداع مش ناقصة غيركم اللي جاين من الصعيد تكلمونا
جاد: يوسف بس
يوسف: بس اي احنا ناقصين قرف يا بني انا مش عارف عز ازاي يبص ل موده دي ما البنات كتير
موسى: لا كده كتير و يروح يضربه و شباب حاولوا يبعدوا موسى و يوسف
يارا: خلاص يا موسى و موده و بيري و رحاب يجوا علي صوتهم
موده: الله في اي ابعدوا عن بعض
موسى: ابعدى انتي يا موده
رحاب: موسى في اي
موسى: انا هعرفه ازاي يتكلم علي اخواتي كده
جاد: يوسف خلاص و بيحاول يشد يوسف و يجوا الشباب
ماهر: اي ده و يبعدهم من بعض
موسى: و ربنا ما اسيبك
يوسف: يعني انا اللي هسيبك انا هعرفك مين يا يوسف يا كلب
عز: بس يا يوسف
يوسف: ابعد يا مروان
ماهر: بس انا مش عايز اسمع صوت واحد فيكم في اي
موسى: هو اللي بدا الاول
يوسف: انا كلمتك انا كنت بتكلم عادي ولا انت اللي اخدتها علي نفسك
موسى: انت كنت بتتكلم علي اختي موده
موده: انا في اي
عز: بتتكلم علي موده بتقول اي اتكلم
يوسف: ….
ماهر: ما تتكلم
موسى: اقول انا بيقول ازاي عز يتجوز واحدة زي دي و ان أنتوا احسن من اننا عشان احنا من الصعيد و قال كمان انه مش هيسكت ل موده
عز: هتعمل اي يا استاذ مش هتسكتلها ازاى ورينى و كان رايح عنده يضربه
موده: لا لا وقفت قدامه
عز: ابعدي يا موده اي هنكبر و نبوظ ولا ايه ازاي تتكلم كده
يوسف: انا كنت متعصب مش عارف بقول اي
عز: متعصب من ايه يابيه عشان بنحاول نساعدك بنحاول نخليك بني ادام محترم و من امتي و انت بتتكلم كده وكمان على حد منا و اي الباشا سيبه يتكلم كده عادي
جاد: احنا كنا بنهزر
ماهر: بتهزر علي بنت عمتك انت أهبل تعال هنا
موده: خلاص يا جماعة انا كنت متعصبة عليهم قبل ما اخرج واكيد ده شعور جواهم خلاص لو سمحتوا انا هتصرف اتفضلوا انتوا لو سمحتوا
غيث: يلا يا شباب
عز :ماشي يلا و يخرجوا كلهم ماعدا البنات
رحاب: عجبكم كده
موسى: هو الي غلط
بيري: خلاص يا موسى اهد
موده: قولت اي يا جزمة انت وهو
انا سيبتكم خمس دقائق اجي علي خناقة خلاص يا شباب أنتوا صحاب يوسف انت غلطت فيا انا عملتك ايه عشان ده كله تفتكر ده صح تغلط فيا عشان خايفة علي مصلحتك و انا عارفة يا موسى انك كنت متعصب عشاني بس مكنش ينفع تضربوا بعض كده أنتوا أخوات عيب كده
يوسف: انا اسف انا كنت متعصب
موده: خلاص حصل خير يلا كل واحد علي حصته يلا قبل ما جدو يجي و نمشي كلنا من المدرسة يلا
****
ف فيلا سليم
ف اوضة زهراء كانوا البنات كلهم معها
زهراء: هو في اي ما أنتوا بتجيوا علي طول عادي
رحاب: يعني انتي مش عارفة هم جاين ليه
زهراء: لا
موده: يا بت ده انا عمتو مش بتسكت اكيد قالت ل طنط صح ولا لا
زهراء: بكسوف اه قالتلها
موده: و انتي اي رايك
زهراء: لما اعرف راي بابا
موده هيكون موافق بإذن الله رايك
زهراء: بتوتر طيب حتي لما اقعد معه و ساعتها اقول موافقة ولا لا
بس جدو
موده: خير بإذن الله هوافق متخافيش
زهراء: يارب
***
ف اوضة سهام و نبيل
نبيل: تعرفي جاين ليه
سهام: جاين يطلبوا ايد بنتك يا ابو العروسة لحاتم
نبيل: بفرحة بجد ماشاء الله
سهام: رايك
نبيل: موافق طبعا بس اهم حاجة راي زهراء
سهام: و بابا
نبيل: اكيد مش هيقف قدام الموضوع حاتم شاب محترم
سهام: يارب بس ازاي متعرفش دي هيام قالتلي ان صابر قال ل بابا
نبيل: بابا يعرف اه عشان كده مش قالي عشان تكون مفاجاة ليا و معرفش ارد ماشي يا حاج ماشي
سهام: بضحك عليه حركات
نبيل: تعالي نشوف العروسة بتاعتنا
سهام: يلا
****
ف اوضة زهراء
زهراء: الحجاب حلو كده
موده: اه يا حبيبتي جدا
رحاب: هي لين فين يا يارا
يارا: بتلعب مع نورسين و سند
رحاب: طيب انا هروح اشوفها و تخرج و يجي نبيل و سهام
نبيل: العروسة جهزت
زهراء: بكسوف بابا
موده: ابو العروسة أتفضل
نبيل: اي رايك ف الواد اللي جاي ده
زهراء: بتوتر بابا لما اقعد معه الاول طيب
موده :وافقي صدقني حاتم أهبل و هتحيبه
نبيل: الناس بتشكر ف اهلها يا زفتة مش بتقول أهبل
موده: بضحك والله احلي حاجة فيه انه أهبل
نبيل: بضحك طيب يا ستي بس فيه حاجة
الكل: خير
نبيل: الحاج
زهراء: بخوف ماله
نبيل: انا معرفتش ان حاتم جاي يطلب ايدك غير من مامتك دلوقتي انما بابا عارف من الصبح و مقالش ف اكيد تكون مفاجاة ليا و مكنش عارف اقول اي بس علي مين عرفت دلوقتي عايزين الحاج يوافق
موده: الموضوع ده عليا
سهام: هتعملي اي
موده: هخليه يوافق لو رافض انما احنا مش عارفين رايه لسه
بيري: خير بإذن الله
الكل: يارب
***
عند رحاب راحت اوضة نورسين و سند و دخلت و كان ماهر معهم نائم علي السرير
رحاب لين لين .. يخبر انا اسفة مش عارفة ان في حد هنا
ماهر: اتعدل ولا يهمك
رحاب: فين الاولاد
ماهر: بيلعبوا جوا
رحاب: تمام ممكن ادخل اشوفهم
ماهر: اكيد أتفضل و تدخل اوضة الالعاب و يدخل وراها و مكنيش فيه حد
رحاب: مفيش حد هنا
ماه: نعم دول كانوا هنا دلوقتي
رحاب: ازاي الاوضة فاضية قدامك
ماهر: مش عارف انا غمضت عيني برة خمس دقائق روحوا فين بس
رحاب: شافت فستان باين من ورا الستارة
رحاب: اه هيكونوا راحوا فين يعني و شاورت ل ماهر اللي بص عليهم و يضحك
ماهر: مش عارف و يمشي يروح عندهم و يشد الستارة
نورسين: احنا هنا
رحاب: بتعملوا اي
لين: سمعنا صوتك قولنا نخضك
رحاب: والله
لين: اه
رحاب: طيب يلا قدامي يلا البنات يجروا و سند يفضل واقف
رحاب: يلا يا سند هنقعد تحت
سند: مش عايز انزل
رحاب: ليه يا حبيبي
سند: كده انا زعلان من بابا
رحاب: زعلان من بابا ليه
سند: عشان زعقلي
رحاب: ليه بس يا بابا
ماهر: عشان بقاله اعمل الواجب و مش عايز
رحاب: ليه يا حبيبي
سند: عشان عايز العب
رحاب: مش احنا قولنا فيه وقت لعب و وقت مذاكرة
سند: اه
رحاب: طيب اي رايك نعمل الواجب و بعد كده ننزل
ماهر: لا لا انزلي انتي و انا هقعد معه
رحاب: هنعمل الواجب و بعد كده هننزل عادي لسه فاصل نص ساعة
ماهر: معلش هتعبك
رحاب: ولا تعب ولا حاجة يلا يا استاذ سند
سند: بفرحة يلا
***
بعد مدة يجي صابر و حاتم و هيام و حسناء و الستات تقعد لوحدهم و الرجالة لوحدهم
نبيل: نورتوا يا جماعة اتفضلوا
صابر: بنورك يا نبيل
عز: اي يا عم حاتم عامل اي
حاتم: الحمدلله بخير
البنات واقفين ورا الباب
بيري: هم هيدخلوا ف الجد امتى
موده: مش عارفة اصبري
سليم: خير يا صابر قولت عايزني ف حاجة
بيري: حد يجيب حد هنا حد يقول كده
صابر: انا هدخل ف الموضوع علي طول شرف ليا اني اطلب ايد الآنسة زهراء ل حاتم رايكم احنا اهل مش لازم رسمي بقي
نبيل: ماشاء الله انا شخصيا موافق نشوف راي العروسة طيب
سليم: عروسة اي انا وافقت
كاظم: بابا
سليم: اي الهزار ده انا مش موافق طبعا
صابر: ف اي يا حاج
سليم: انت أخدت بنتي زمان ابن اختك جاي ياخد مني حفيدتي مستحيل اوفق
صابر: اهد بس يا حاج كده
سليم: انا مش موافق مفيش كلام تاني ف الموضوع ده
نبيل: بابا مينفعش كده
سليم: قولت كلمتي مستحيل اجوز حفيدتي لواحد زي ده
حاتم: ليه انا مالي يا حاج
سليم: بصوت عالي هتاكل بنتي اي اه هتعيش نفس المستوي و لا هتاخدها زي خالك و تموت عندك
صابر: زهراء ماتتش بسببي ده قدر ربنا انت يا حاج اللي بتغلط نفس الغلط تاني و بتعمل نفس أخطائك تاني يلا يا حاتم
حاتم: بكسرة يلا
ماهر: اهد بس يا عمو سوء تفهم
صابر: يلا و يخرج و الستات كانوا واقفين بصدمة ورا الباب و حاتم يبص ل زهراء اللي كانت بتعيط
صابر: يلا يا بنات يلا قدامي
عز: يا عمي اهد بس
صابر لو سمحت يا عز ابعد يلا بنات
سهام: انا اسفة يا جماعة حقكم عليا
صابر: يلا يا جماعة يلا مفيش حاجة يا سهام ربنا يعوض بنتك بحد احسن منه يلا و يخرجوا كلهم
زهراء: قعدت تعيط و بيري حضنتها
نبيل: قولت كده ليه
سليم: انا مش موافق
سهام: حرام عليك يا بابا ل تكسر قلبهم
سليم: أكسر قلب مين بنتك بتحبه ولا اي
سهام: البنت كنت موافقة و معجبة بيه هو بيحبها مش شوفت كسرته و هو خارج ليه عملت كده حرام عليك بجد
اسماء: اهدي يا سهام
سهام: انا تعبت بجد كل شوية يكسر فرحة حد من عيال و اسكت بس المرة دي كتير ليه تعمل ف واحد بيحب حفيدتك و عايزها ليه
سليم: مفيش حاجة اسمها حب انا عايز حد من مستونا مش عايز ارمي حفيدتي
زهراء: بعيط انا زعلانة منك أوي يا جدو
سليم: انا عارف مصلحتك انتي مش عارفة حاجة
نبيل: ليه تكسر الناس كده يا بابا
سليم: انا مش كسرت حد
عز: اي ده
سهام: في اي
عز: موده بعتلي بتقولي كل شي قسمة و نصيب و ياريت الاطلاق يتم ف اقرب وقت
ماهر: نعم
عز: يرن عليها و ترد
عز :اي الكلام ده
موده: بعيط انا اسفة يا عز انا مش هقدر اكمل
عز :انتي بتقولي اي
موده: اسفة بجد جدك مش شايفنا غير الناس البسيطة انا اخوي خارج مكسور من عندكم صدقني ده احسن حل
عز: انتي بتقولي اي
موده: بعيط انا اسفة طلقني يا عز و تقفل
جاد مالك يا عز
عز: بتقولي طلقني
سهام: بتهزر دي كمان
عز: عايزها تقول اي بعد إهانة اهلها كده
سليم انا هتصرف
عز: هتعمل اي يعني يا جدو انت ضعيت حبيبتي و ضعيت فرحة اختي ده كله عشان تفضل سليم باشا مستوي اي احنا عايشين ف فيلا بس عمرنا ما شوفنا السعادة حرام بجد بجد
سليم: شوف ابنك بيكلمني ازاي شوف انا ماشي من البيت مش عايز اقعد معكم انا تعبت معكم
نبيل: انا اللي تعبت حرام بجد يا بابا انا تعبان لوحدي انا بموت كان نفسي افرح بنتي قبل ما اموت كان نفسي اشوفها عروسة ليه بتعمل كده بوظت حياة ماهر و خليت عز يتجوز غصب و يوم ما يحب خطيبته تعمل حاجة تخليها تبعد عنه و بنتي يوم ما يجلها عريس كويس و محترم و عايزها مش زي اي حد اتقدم قبله تعمل كده انت عارف اني تعبان و ف مرحلة خطر و ممكن اموت ف اي وقت بتعمل كده ليه بجد
كاظم: اهد يا نبيل
ماهر: باستغراب مرحلة خطر اي
….
عز: ما تردوا مرحلة خطر اي
نبيل: انا عندي سرطان و ف مرحلة متأخرة أوي
كاظم: طيب اهد خد نفسك
ماهر: الكلام ده صح
سهام: اه يا بني
نبيل: تعبت يارب تعبت انا اسف يا ولاد انا عمري ما كنت اب لكم يقف معكم كنت بوافق علي حاجات ضدكم انا اسف حقكم عليا و يقع
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية معلمة من الصعيد )
2 تعليقات