رواية جوازة في شهر الفصل العشرون 20 والأخير بقلم رحمة نجاح

ليل. ادم انتا بتكلم مين ..

ادم. بتوتر. هاا ..

ليل. بشك. هو ايه اللي ها لما دخلت انتا قفلت الفون ليه ..

ادم. لازم اسافر بكره ..

ليل باستغراب. ده اللي هو ازاي كده وبردو مين كان بيكلمك ..

ادم. تبع الشغل ..

ليل بهدوء. تمام يا آدم تصبح علي خير ..

لتتركه ليل وتذهب نحو الفراش ..

ادم. يادي النيله دي زعلت ..

ليقوم ادم من جلسته ويتوجه إليها ويجلس علي السرير بجانبها ..

ادم. وحضرتك ناويه تنامي زعلانه يعني ..

ليل. …

ادم..بغضب وهو يقربها منه ليصبح وجهها مقابل لوجهه ويردف “ليل اكتر حاجه بتعصبني لما اكلم حد وميردش عليا”

ليل. ما انتا مش شايف انتا بتعمل ايه يعني ..

ادم. لا بصراحه مش شايف الاتصال تبع الشغل عشان المفروض اني هسافر بكره وانتي هتكوني معايا معرفش مالك بقا ..

ليل. يعني لو انا بكلم حد واول ما انتا تدخل اقفل انتا هتعمل ايه ..

ادم. في حاجه اسمها ثقه ودي اللي بتبني اي علاقه ..

ليل. واثقه فيك لابعد الحدود والله بس الموقف عصبني ..

ادم وهو يداعب أنفها بأنفه ويردف “ما عاش اللي يعصبك” 

ليل بخجل من حركته تلك ” طب احم طفي النور عشان عايزه انام”

ادم بتسليه. مفيش نور هيطفي ..

ليل. هي غلاسه وخلاص يعني ..

ادم بضحك. بيقولوا كده ..

ليل. بجد تعبانه عايزه انام ..

ادم بنظرة عاشق. سلامة تعبك ..

كادت ليل أن ترد عليه ولكن اسكتها ادم بقبلته لها حاولت ليل ابعاده ولكن لم يتحرك انش واحداً عنها ليغرقوا في بحور عشقهم امتلكها ادم قلبا وقالباً لتصبح عشقه الاول والاخير وما هوالحب الا صخره يتحطم عليها كبرياء وغرور كل منهما ليصبح الاثنان عاشقان بجنون لبعضهم …

صباح يوم جديد كانت ليل مازالت نائمه وهذا الادم يتأملها بحب وعشق يزداد يوم بعد يوماً فهو ولاول مره يعشق هكذا احبها بطريقه لا يوصفها كلمات فهي أصبحت عشقه الاول والاخير وأمانه فهو يشعر معها بالأمان والطمأنينة رغم تقلب مزاجها الذي يجعله يجن أحياناً ولكن يحبها بكل ما بها ..

استيقظت ليل لتجد ادم ينظر لها بحب ..

ليل بخضه. ايه ده ..

ادم بضحك. في ايه ..

ليل. في حد يصحي حد كده ..

ادم. هو انا صحيتك ولا جيت جمبك اصلا ..

ليل. لما تصحا وتلاقي حد واقف في وشك كده يبقا ايه ..

ادم بضحك. يبقا حب ..

ليل بضحك. احم لقد تم تثبيتي بنجاح ..

ادم بضحك. طب الحمد لله ..

ليل. ها بقا ناوي تعمل ايه في السفريه دي ..

ادم. المفروض انك تقومي تلبسي وتجهزي الشنط عشان نمشي ..

ليل. شنط ايه بس انا مش هسيب ماما لوحدها هاتها معانا ..

ادم. من قبل ما تقولي اصلا قولتلها بس هي رفضت وانا عارف اني دماغها ايه ماشاء الله يابس ..

ليل. يعني هتقعد فين ..

ادم. عند خالتي ..

ليل. اممم ماشي ..

ادم وهو. يقبل عينيها ويقول .. صباح النور عليكي يا قمري ..

ليل بابتسامه. صباح النور يا حبيبي ..

ادم. هقوم اخد دوش بسرعه تمام ..

ليل. تعالي هنا احنا مسافرين فين وشغل ايه ده ..

ادم. أولا مؤتمر وفين دي بقا هتعرفي لما نوصل ..

ليل. لما نشوف اخرتها معاك ايه ..

بعد ساعتين..

كانت ليل انتهت من تجهيز الشنط الخاصه بهم وانتهت من ملابسها هي الأخري ..

ادم. خلصتي ..

ليل. اه يالا خلاص ..

ادم بحب. شكلك حلو اوي ..

ليل بخجل. شكرا ..

ادم. شكراً ايه انا بعزمك علي شاي ..

ليل. بضحك. اه ونخلص بقا عشان نمشي هي الطياره معادها أمته ..

ادم. كمان ساعتين ..

ليل. طب يالا يالا ..

وعلي الجهه الأخري كانت تجلس يامور مع عامر يتحدثون في أحد المطاعم ..

عامر. بصي بقا يا ستي ..

يامور. يانعم ..

عامر. الجواز ..

يامور. ماله ..

عامر. كمان شهر ..

يامور. كمان شهر ايه هي اي حكايتك انتا وصحابك في الشهر ده  ..

عامر برفعه حاجب … في اعتراض ..

يامور. احم هو حد يقدر يعترض يا باشا بس ايه شهر ده بتشتري تلاجه وكمان غير جامعتي اللي انا لسه اول سنه فيها دي ..

عامر. ما هو انتي هتكملي في عش الزوجية ..

يامور. مش مستريحالك ..

عامر بضحك .. بصي اهم حاجه الثقه ..

يامور بضحك. بقول كده بردو ..

عامر. طب ايه ..

يامور. ايه ..

عامر. لا مخلص قولتي ايه الجواز كمان شهر اشطا ..

يامور بضحك. هو ايه اللي اشطا يابني ربنا يهديك ..

عامر. ما هو هيهديني علي ايديك ..

يامور. ياولا ..

عامر. خلاص علي بركه الله الفرح كمان شهر ..

يامور بضحك. انا هسكت احسن ..

بعد مرور الكثير من الساعات كان قد وصل ادم وليل الي وجهتهم والتي كانت جزر المالديف كما كانت تحلم بها ليل فهي تمنت أن تأتي الي هنا مع من أحبه قلبها وها هي بالفعل متواجدة مع ذالك الادم ولكن للاسف وجودهم هنا ما هو إلا شغل لادم كما تعلم هي فهي الي الان لم تعلم مخطط ادم لهذه السفريه…

ليل. بنبهار … المكان هنا حلو جدا ..

ادم. فعلاً ..

ليل. بس يا خساره شغلك هيمنعنا ..

ادم. هو الاستيعاب بطئ ولا ايه ..

ليل. استيعاب  ايه ..

ادم. لا ولا حاجه يالا نمشي ..

اخذها ادم نحو الفندق الذي سوف يقيمون به عدة أيام ..

ما أن وصلت ليل الي هذا الفندق حتا نظرت ل ادم بصدمه فكان المكان أكثر من رائع بيت ويحيطه المياه من جميع الجهات …

ليل بنهار. ايه ده ..

ادم. اللي هنقعد فيه ..

ليل بزهول. هو ده كده فندق نهار اسوح ..

ادم. ده المكان الخاص بالأدم ..

ليل بضحك. ايوه يا آدم يا جامد انتا ..

يمر اليوم عليهم وسط فرح ليل بهذا المكان وذالك الأدم الذي كلما راي ابتسامتها يفرح لأجلها أكثر ومشغباته لها التي كادت أن تجن ليل ولكن لم تنكر أنه يضحكها بهذا الافعال ..(فكرتني ب ياسمين صبري لما قالت علي ابو هشيمه بيضحكني ????????)

يأتي اليوم التالي عليهم في جزر المالديف كانت ليل هي التي استيقظت هذه المره وتنظر لادم ولكن ما جعلها تنصدم عندما قام ادم فجاءه وطبع قبله خفيفه علي شفتيها…

ليل بخضه. ايه ده يا ادم ..

ادم ببراة مصطنعه. Öpücük( قبله)

ليل. والله علي اساس اني لما تقولي بالتركي يعني انتا كده عداك العيب ..

ادم. اه يا روحي ويالا قومي عشان نبدا اليوم ..

ليل. حبيبي انتا مش عندك شغل ..

ادم. لا ..

ليل. ازاي ..

ادم. مش بقولك الاستيعاب بطئ بصي يا ستي نظرا لظروف جوازنا معملناش شهر حصل فهو ده شهر العسل بقا والمكالمه كانت تبع السفريه أنها خلاص جهزت كل حاجه  ..

ليل بزهول. احلف ..

ادم بضحك. والله يا مجنونه ..

لتقوم ليل وتحتضنه بقوه ليحاصر ادم خصرها بيده ..

ليل بحب. يخليك ليا ..

ادم. ويخليكي يا حبيبي ..

ليل. وهي تبتعد عنه .. “هو انا ليه بحب كلمه حبيبي اكتر من حبيبتي لما بتقولهالي “

ادم بضحك. صحبه مزاج ..

ليل. وجهه نظر بردو ..

لتقوم ليل لكي تغير ملابسها ولكن لم تجد الحقيبه ..

ليل. ادم هو العامل امبارح مجبش الشنط ..

ادم بخبث. لا جبهم ..

ليل. اومال هي فين ..

ادم. عندك هناك اهيه ..

لتذهب ليل نحو الشنطه وتقول ..

” بس دي مش شنتطي”

ادم بمرح. لا هي دي حلوه ..

ليل. مش مستريحالك يابن مها ..

ادم بضحك. ولا انا ..

لتفتح ليل تلك الحقيبه وتنظر الي ما بها حتا شهقت بخجل فكان جميع الملابس التي بداخل تلك الحقيبه عباره عن ملابس قصيره جدا لا تستر شيئاً ويوجد كثير من هوت شورت القصير ..

ليل بخجل. ادم ايه القرف ده ..

ادم. وهو يقوم ويقف بجانبها ويأخذ القطعه التي بيديها .. ” ده قرف “

ليل. فين شنتطي اللي انا محضراها ..

ادم بضحك. سافرت ..

ليل. ادم متعصبنيش ..

ادم بلا مبالاه .. هي دي الهدوم اللي موجوده ..

ليل. وانا مش هلبس الحاجات دي ..

ادم ويمثل الحزن. براحتك ..

ليل. بغيظ. ماشي يا آدم ..

ليتركها ادم ويخرج ..

ليل. ايه ده هو انا عشان ملبستش الحاجات الهبله دي هيزعل اووف بقا ..

لتخرج له وتقول .. ” ادم انتا زعلت “

ادم. بتمثيل. هزعل من ايه ..

ليل. ما هما قصيرين اوي بصراحه يعني ..

ادم بخبث. اه قولي بقا انك مش عايزه تلبسيهم عشان مش هيبقوا حلوين عليكي زيي البنات ..

ليل بغيظ. نعم يا خويا مين دول اللي مش هيبقوا حلوين عليها ..

ادم. اصل بصي الهدوم دي ازواق وعلي حسب الجسم بقا بس شكلي فعلاً اخترتهم غلط مش هيليقوا عليكي ..

ليل.بغيظ. بقا كده ..

لتقوم ليل من جلستها وتتجه الي الغرفه مره اخري نظر ادم اللي طفها بضحك فهو يعلم أن ليل عنيده وان قال لها أن هذا الملابس تبدو غير لائقه بها سوف ترتديها وغير ذالك فبكلماته تلك استفز أنوثتها …

ليل. يعني هو فاكر أنها مش حلوه عليا طب ماشي يا آدم ليل الانصاري هتوريك لتخرج من تلك الحقيبه هوت شورت اسود وعليه ما يسمي (توب) يظهر طول ذراعها البيضاء ثم اتجهت الي المرأة وهي تضع احمر شفاه من اللون الاحمر القاتم ثم فعلت شعرها علي شكل كعكه متمرده وبعض الخصل تنزل علي وجهها تعطيها مظهر جذاب لمن يراها من الواضح انها تسعي لكي تتجن هذا الادم ..

لتخرج له بهذا الطاله الخاطفه للأنفاس نظر ادم لها بصدمه فكانت تبدو بهذا الملابس حوريه بحق فهو ولاول مره يراها ترتدي مثل هذا الاشياء وهو الذي كان يقول لها أنه ستبدو غير لائقه بها من الواضح أنه سيدفع ثمن هذا الكلمه الان ..

ادم. ايه ده ..

ليل. بخجل تحاول إخفائه بعد أن رأت نظراته لها ” ايه “

ادم. ايه انتي يا شيخه ..

ليل. بسخريه. غير لائقه بيا صح ..

ادم وهو يقترب منها …

” مين الاهبل اللي يقول كده “

ليل بضحك. انتا ..

ادم. ما هو انا فعلاً اهبل اني قولت كده بس ايه البطل ده ..

ليل وهي ترفع سبباتها في وجهه ..

” لم نفسك”

ادم. لا هو بعد المنظر ده مفيش حد هيلم نفسه فينا ..

ليحملها ادم وسط تذمرها ويتجه بها نحو المياه ويبحر بها …

ليل.ادم نزلني ..

ادم بضحك. مبتعرفيش تعومي ولا ايه .. 

ليل. بخبث. احم اه مبعرفش ..

ادم بخبث. حلو ده هيفدنا كتير ..

ليل. هيفيدك في ايه ..

ادم بوقاحه. هتبوسيني ولا اسيبك تغرقي ..

ليل. تصدق بالله مها معرفتش تربي ..

ادم بضحك. ما هي عارفه ده ..

ليل. والله ..

ادم. والله يالا عشان وقتي ثمين ..

ليل. بخبث. طب غمض عينك ..

ليظن ادم انها تخجل منه بالفعل أغمض عينه لتنسحب ليل من اسفل يديه وتبحر …

ادم بغيظ. يابنت بتستغفليني ..

ليل. بضحك. اه عشان تبطل قلة ادب ..

ادم. بقا كده طب تعالي ..

ليحاول ادم امساكها ولكن كانت ليل تعوم بمهاره ولكن في نهايه المطاف امسكها ادم ..

ادم. مسكتك .. 

ليل. بمزاجي علفكره ..

ادم. يابت ..

ليل بضحك. اه بمزاجي ..

ادم بضحك. ماشي يا ستي ..

عندما كانت ليل تنظر له بنصر لأنها ربحت عليه وفلتت نفسها منه سابقآ يفجاها ادم بقبلته له ..

ادم. لما بعوز حاجه بعملها ..

ليل وهو تنظر لاسفل. “ما هوانتا قليل الادب”

ادم بضحك. قليل الادب اه ..

يمر اليوم عليهم ويأتي ويأتي الليل ..

ادم. ليل قومي البسي الفستان اللي جوه ..

ليل. فستان ايه وليه ..

ادم. هنخرج ..

ليل. بفرحه. اشطا ..

لتدلف ليل الي الغرفه وتنظر الي الفستان بصدمه ثم تخرج له…

ليل. ايه ده يا ادم ..

ادم. فستان ..

ليل. هلبس فستان كب واخرج بيه يا آدم وانا محجبه ..

ادم بسخرية. علي اساس اني لو حد هيشوفك بيه غيري هخليكي تلبسيه صح هو غباء وخلاص يا حبيبتي..

ليل بحده مضحكه. متغلطش ..

ادم. بضحك. حاضر روحي البسي بقا ..

لتدلف ليل الي الغرفه مره اخري ثم أرتدت هذا الفستان الذي كان أكثر من رائع عليها فكان باللون الفيروزي مفتوح من جهه واحده من  بداية الفخذ حتا نهايته ومن النوع الكب ثم وضعت قليل من مساحيق التجميل التي زادتها جمال فوق جمالها وفعلت شعرها علي شكل ذيل حصان وخرجت له بهذا الهيئه الرائعه ..

ادم. يخربيتك ايه ده ..

ليل. الفستان اللي انتا جايبه ..

ادم. ماهو فعلاً اللي انا جايبه لكن عليكي حاجه تانيه ..

ليل بضحك. وانتا كمان شكلك حلو ..

ادم. انا حلو في كل حالاتي اصلا ..

ليل. حوش بس الغرور بيقع منك ..

ادم بضحك. حاضر المره الجايه ..

لياخذها ادم نحو تلك المكان الذي جهزوا لها خصيصاً والذي ما أن رأته ليل حتا شهقت بصدمه من روعته.فكان المكان يوجد به الكثير من مصابيح الاناره توجد علي الارض ويوجد لهم مكان للجلوس عباره عن ركنه دائريه الشكل ويوجد حولهم كثير من الأشجار التي كانت تعطي للمكان جمالاً خاص وهذا البحر التي أمامهم كان يبدو رائعاً في الليل يبدو أن كل شئ رائعاً اليوم ..

ليل. ادم بجد المكان حلو جدا ..

ادم. نحن نعمل علي ابهارك حلوتي ..

لياخذها ادم ويجلسوا ثم صدح صوت موسيقي هادئه جدا من حولهم ..

ادم. نرقص ..

ليل. بحب. نرقص ..

ليرقصوا علي هذا الموسيقى الهادئه كانت ليل تشعر أنها في قمة السعاده مع ذالك الادم فهو دائما يسعي لأجل سعادتها وحقا كما قال لها سابقآ سيشعرها بحبه لها من أفعاله وجدت حبها معه بل وجدت نفسها فأصبحت تعشقه …

يمر شهراً كاملاً كان بالنسبه ل ليل وادم اجمل ايام حياتهم قضوا وسط حبهم وشغفهم لبعض ولم يكن ادم لينزل ولكن سبب عامر اضطر أن ينزل هو وملاذه الي مصر لكي يحضره فرحهم فعامر بلغ ادم انه يجب عليه أن ينزل لأن فرحه بعد يوماً واحداً من الان وادم بالطبع لم يترك صديق طفولته وغير ذلك يامور لم يكن لها أحد فهو يعتبر ادم شقيقها …

في مصر وبالتحديد ڤيلة ادم كان جميعهم يجلسون منتظرين وصول ادم وليل من جزر المالديف دلفو عليهم الاثنان وهم سعداء ويشبكون يدهم في بعض …

عامر. ايوه بقا علي الناس اللي قضت شهر العسل وسيبنا هنا اشوف لون ايه اللي يليق لاوضه النوم …

ادم بضحك. انا عارف اني هاخد عين منك اصلا …

اتجه ادم الي والدته أخذ يقبل يديها ثم أعلي رأسها وهو يقول لها ” وحشتيني يا امي”

الام. وانتا كمان وحشتني اوي يا قلبي ..

ليل. وسع كده بقا عايزه احضنها انا كمان ..

الام. اه وسع يالا ..

ليبتعد ادم عن أمه بصدمه وهو يراها تحتضن ليل بشده وتقبلها ..

ادم. ايه ده هو انا اتنسيت ولا ايه ..

الام بضحك. هي اللي باقيه ليا ..

ادم. بقا كده ماشي ماشي ابقي خليها تنفعك وشوفي مين هيغسلك السجاد في العيد بقا ..

الام. بضحك. خلاص متزعلش ربنا يخليكوا ليا انتو الاتنين ..

ادم. ويخليكي ليا وانتا يا استاذ عامر انتا ويامور مش عارفين تصبروا شويه ..

عامر بغمزه وضحك. كنت انتا صبرت ..

ادم. احم وجهة نظر تحترم بردو ..

يامور. جماعه هو انا فعلاً هتجوز من الكائن ده بكره ..

عامر بغيظ. كائن ايه يا كلب البحر انتي ..

يامور بضحك. يخليك ليا يا مدلعني ..

ادم بضحك. الله عليكم بجد ..

وأثناء ما كانوا يضحكون بشده تشعر ليل بدوار يحتل رأسها ثم تقع مغشي عليها ..

اتجه ادم إليها بصدمه وهو يحاول افاقتها ولكن لم تعطي ليل أي ردة فعل لم يعلم ادم كيف يفيقها وكان عقله توقف عن التفكير ولم يتذكر شيئاً من الطب الذي درسه لمدة سنين وكان توقف كل شيئا وهو يراها هكذا بين يديه  ..

ادم بخوف. عامر كلم دكتوره ندي بسرعه ..

بالفعل أتت تلك الطبيبه بعد فترة زمنيه قصيره جدا كان ادم قد حمل ليل واتجه بها نحو غرفتهم ..

بعد فتره كانت فاقت ليل علي يد تلك الطبيبه ..

ادم. حبيبي انتي كويسه ..

ليل بتعب. اه كويسه متقلقش ..

ندي. مدام ليل حضرتكم متجوزين بقالكم قد ايه ..

ادم. وده هيفيدك بايه يعني ..

ندي. معلش بس شاكه في حاجه ..

ادم. حوالي تلات شهور كده ..

ندي. طب حضرتك تقدري تعملي الاختبار ده ..

ليل. اختبار ايه ..

ندي. ده اختبار حمل ..

ليل. بصدمه. انا حامل ..

ندي. مقدرش اقولك اه ولا لا غير لما نشوف نتيجه الاختبار ونتأكد ..

بالفعل قامت ليل وسط فرحتها وفرحه ادم ..

بعد مده كانت تخرج ليل من المرحاض وهي تحك رأسها وهي تقول ” لو جاب اشاره موجبه مبقاش حامل صح  “

ندي بابتسامه. مبروك المدام حامل ياريت تبقا تيجي العياده عشان نطمن علي البيبي ..

ادم. بفرحه. احلفي ..

ندي بضحك. اه والله ..

ليتجه ادم نحو ليل يحتضنها بشده يسعد أنها تحمل قطعه منه داخل بطنها وبعد مرور شهور سوف يأتي لهم نتيجه حبهم لبعض ..

ادم. بحب وفرحه. مبروك يا عيوني ..

لتخرج الطبيبه من الغرفه وتنزل الي الأسفل ..

الام. بقلق. هي عامله ايه يا بنتي ..

ندي. المدام حامل ..

قالت جملتها ثم تركتهم يقفون بزهول وما أن تداركت الام حتا أن أطلقت زغروطه تدل عن مدي فرحها بهذا الطفل الذي سوف يملئ عليهم حياتهم ..

الام بفرحه. انا هبقا تيته ..

عامر. وانا خاله

يامور بضحك. وانا خالتو أو عمتو اي حاجه مش فارقه ..

جميعهم يشعرون بالسعاده لأجل هذان العاشقان الذي بعد أن فرقهم القدر سابقآ الان أصبحوا اجمل عاشقان قد تراهم عيناك …

يمر اليوم عليهم بسلام ويأتي يوم فرح عامر علي يامور أصرت يامور أن يكون كتب الكتاب يوم الفرح لا قبله لم يعترض عامر علي هذا فيكفي أنها ستكون ملكه بعد عدة دقائق ..

في الفرح كان ادم يجلس مع عامر علي هذا الطاوله والذي يفرق بينهم هو الشيخ الذي يضع منديل ابيض علي أيديهم ويبدأ في مراسم الزواج ..

بعد فترة كان الماذون يقول ..

” بارك الله لكما وبارك عليكما وجمع بينكما في خير”

هذا الكلمه التي اسعدتهم بشده ليقوم عامر وهو يحتضن يامور بفرحه عارمه ..

عامر بهمس. مبروك عليكي انا ..

يامور بضحك. حتا في اللحظه دي مغرور …

عامر بضحك. معلش بقا ده طبع …

يامور بحب. بحبك اوي ..

عامر. بعشقك يا ياموري ..

ينتهي حفلهم وسط فرحة الجميع لهم ولكن كانت ليل تنظر لادم نظارات غيظ فهو قال لها أن لا تتحرك من جلستها لأن حملها لسه في الاول وهو لا يريد خساره ايا منهم ولكن كانت تريد ليل أن تفرح مع صديقتها ولكن ذالك الادم منعها ..

في اليوم التالي سافر عامر ويامور الي انطاليا والتي توجد في تركيا ف يامور تعشق هذا البلده حقا لذالك اخذها عامر لكي يقضوا شهر عسالهم ..

بعد مرور خمس سنوات كانت انجبت ليل تؤام وهم كنان وميرال الذي كان عمرهم اربع سنوات وعدة شهور كان الإثنان عكس بعضهم فكانت ميرال تشبه ليل الي حد كبير منها فكانت تأخذ عينيها ولون بشرتهاولكن كان شعرها باللون البندقي ويوجد به بعض الخصلات الذهبيه عكس  ليل أما كنان فأخذ ملامح ادم هذا الشعر الاسود والعيون البنيه القاتمه ولون بشرته البرونزية ولكن كان الاثنان تؤام رائع وهما الذي أتوا ليكتمل حب هذا العاشقان …

يامور التي تخرجت من جامعه التجاره بامتياز ف حقا كما وعدها عامر أن يجعلها تنجح وهي في عش الزوجية و التي انجبت ولد واسمته تيم كان مزيج بينهم هم الاثنان فكان يأخذ عين يامور البنيه وبشرتها الخمريه واخذ شعر عامر الذي كان بالون البني وكان يبلغ من العمر ثلاث سنوات ….

مازال كل عاشق بهم يعشق الاخر حد الجنون ولكن لم تخلوا الحياه الزوجيه من المشاكل ولكن دائما العشق يتغلب عليها فعندما تعشق سوف تتغلب على أي شيئا في الحياة …

في المساء كانت ليل علي وشك أن تجن من ذالك التؤام ..

ليل بصراخ. بس بقا جننتوني علي العيال علي اللي عايزنهم ..

الام.بضحك. يابنتي اهدي هما العيال كده ..

ليل بغيظ. دول مش عيال انا قربت اتجنن منهم ..

الام بضحك. معلش استحملي ..

ليل. كنان قسماً بالله لو قومتلك انتا حر دول منظر عيال عندهم اربع سنين دا انتو فظاع ..

ميرال ببراة. الله يا مامي هو انا عملت حاجه..

ليل. اه يا بت يا مسهوكه انتي دا انتي مطلعه عيني ..

ميرال. انا يا مامي ..

ليل. الصبر يا رب ..

ادم بضحك. في ايه يا ليل هو كل يوم الإقيكي علي نفس الموال ..

ليل. بقولك ايه حوش ولادك عني أنا بقولك اهو ..

ليجري هذا الطفلان نحو ادم ويحتضنوه بشده وهم يقولوا ” وحشتنا يا بابي” 

لتنظر لهم ليل بصدمه. والله انتي وهو اااخ منكم طالعين لابوكم ..

ادم. طب هو فيه احلي من كده ..

ليل بضحك. لا ياباشا هو فيه احلي منك بردو …

ادم. بحبك وانتي بقيتي ملبن كده ..

ليل بصدمه. انا ملبن ..

ادم. اه ..

ليل. وبتقولها في وشي وقدام العيال ..

ادم. بضحك. بت انتي تقلب مزاج برج الجوزاء ده مش عليا ..

ليل بضحك. خلاص انتا قفوش كده ليه ..

ادم. يالا يا حبايبي عشان تناموا ..

كنان. بس احنا مش عايزين ننام دلوقتي ..

ليل. معلش حبيبي وعشان نصحي بدري ونبقا شاطرين ..

كنان. واصحي بدري ليه ايه المفيد في كده ..

ليل بصبر. بس هقولك قصه تخليك تصحا بدري ..

كنان باستماع.. قولي يا مامي ..

ليل. في عصفورين واحد صحي بدري ولقي اكل ياكله والتاني كان بيصحا متأخر وملقاش اكل انتا بقا تصحي بدري عشان تلاقي اكل حلوو زيك كده ..

كنان.ببراة. لا كده اللي بيصحا بدري بيتاكل وانا مش عايز أتأكل ولما اصحا متأخر انا مش ههون عليكي وهتاكليني ..

ليل. نهار اسوح عليا انتا هتجنني يالا ..

ميرال. سيبك منو يا مامي أنا هطلع انام ..

ليل. شوفت ميرال حلوه ازاي وهتنام بدري عشان الحضانه ..

ميرال ببراة. لا مش عشان الحضانه عشان سيف قالي متنميش متأخر وانا بحب اسمع كلامه ..

ليل بزهول. مين سيف ده ..

ميرال .. معايا في الحضانه بس هو اكبر مني ..

ليل. اه دماغي ياما شوفت تربيتك يا استاذ ادم خايفه من سيف ليزعل دي مش بتعملي انا حساب كده …

ادم بضحك. تربيتي …

ليل. طب انا هطلع اتخمد بقا عشان زهقت من عيالك وانتا نيمهم ..

لتتركهم ليل وسط ضحك الجميع عليها ..

ميرال. هي زعلت يا بابي ..

ادم بضحك. لا يا روحي يالا عشان ننام ..

ميرال. يالا ..

ليأخذ ادم هذا الطفلان ويصعد بهم الي غرفتهم ..

بعد فتره كان ادم يدلف الغرفه علي ليل ويجدها تقف امام المراه تتفحص نفسها بهذه الثوب الاسود الذي كان أكثر من رائع عليها ..

ادم وهو يحتضنها من الخلف ..” بتعملي ايه “

ليل. هو انا تخنت فعلاً يا آدم ..

ادم. بضحك. انتي زعلتي عشان قولتلك ملبن ..

ليل بغيظ. ما ده معناه اني تخنت ..

ادم. لا يا حبيبي انتي قمر اصلا ..

ليل. بجد يا آدم اقولك وسع كده انا مبكلمكش اصلا ..

ادم. يادي النيله علي تقلب المزاج ..

ليل. انتا مش كل يوم بتيجي متأخر وبتنام ومش بتقعد معايا خالص ..

ادم. يا قلبي والله بيبقا شغل ..

ليل. ولو ..

ادم. طب شغلي فيلم حلو لحد ما اغير نقعد نتفرج عليه ..

ليل بفرحه. بجد ..

ادم. اه يا قمري ..

ليدلف ادم الي غرفه الملابس ويخرج بعد فتره وهو يلبس ترينج من اللون الاسود يجد ليل تجلس علي الاريكه وهي تمسك طبق من الفشار ..

ادم. اختارتي الفيلم ..

ليل. اه استني اشغله ..

ادم بصدمه. ايه ده ..

ليل بحب. الجميله والوحش ..

ادم. كرتون يا ليل ..

ليل. لا بقولك ايه الا الكرتون ده انا بحبه ..

ادم بضحك. خلاص طالما بتحبيه نقعد نتفرج عليه ..

تجلس ليل في حضن ادم علي الاريكه وهم يستمعون للفيلم ..

بعد فتره وقد انتهي الفيلم ..

ليل بتفكير. تفتكر يا آدم أن لو بيل هي اللي وحشه هو هيحبها زيي ما هي حبيته ..

ادم بهدوء. اللي بيحب بيشوف عيوب اللي بيحبه مميزات يا ليل مش بتفرق ساعتها إذا كانت الست أو الراجل فهماني..

ليل. فهماك ….. حبك ليا مش هيقل في يوم يا آدم  ..

ادم. ليل انتي كنتي حلمي زمان ومازال الحلم ده موجود ومعني كده أنه  “لن يكتمل حلمي بدونك” انتي أساسه أو بمعني اصح انتي اساس حياتي يا ليل ..

ليل بحب وهو تتذكر أحد كلمات الكرتون التي تعشقه لتقول .. “إذاً هذا هو الحبّ، هذا ما يجعل الحياة كالجنّة”

ادم بعشق. وانتي جنتي علي الارض يا ليل ..

ليل بعشق. لم اكن أعلم كيف احب او معني العشق حتا اتيت انتا وعلمت لي أصوله لتجعل قلبي متيما بك لم يعلم احد سواك احببتك وكانك اخر الاشياء علي وجه الارض التي أحبها …

” وكما قال وما الحب الا صخره يتحطم عليها كبرياء وغرور كل منهما ليجعل منهم عاشقان الي حد الجنون “

وبكده اقدر اقول ان الرواية أنتهت بشكركم جدآ علي كومنتتكم القمر ودعمكم ليا من اول الرواية واتمني أن الرواية تكون عجبتكم لحد نهايتها وأخيراً بحبكم اوي اوي دمتم ليا مصدر فرح يا قمراتي ♥️♥️