رواية الصقر المنتقب والقناص الفصل العشرون 20 والأخير بقلم هند حارس

رودينا بثقه:اكيد في حاجه غلط ريان مش خاين 

اسكتوا عشان نسمع 

عادل:معقول انت صديق ديفيد

ريان ببرود:ايوه ياخالي عندك إعتراض 

حازم :واحنا اي اللي يثبتلنا 

ريان:كلم ديفيد 

عادل رن علي ديفيد ورد عليه 

عادل:انت فعلاً بعت ريان عشان يتمم العمليه 

ديفيد:ايوه لان حضرتك مش مأمن كويس وكل اللي عندكم دول من أكفأ ضباط المخابرات 

عادل بعصبيه:نعم أنت بتقول اي وواثق في ريان 

ديفيد:ريان صحبي من ٥ سنين وبثق فيه وهو اللي قالي 

عن العمليه 

عادل :تمام انا احنا هنظبط خطه معاهم ونستلم الشحنه 

ريان:ها اتأكدت 

عادل:وانت هتستفاد اي لما تعمل كدا 

ريان ببرود:نفس اللي هتستفاد يا خالي بس هقولك بعيدا إن صاحب ديفيد بس انا عاوزه انتقم 

حازم:من مين 

ريان بكره:من رودينا 

عادل:مرتك ؟

ريان:ايوه 

حازم:متقولش انها كمان شغاله معاكم 

ريان بضحك:دي هي القائد 

عادل:وعاوز تنتجم منها ليه هي كومان 

ريان:مفيش فازت عليا في سباق وخلت عيل ميسواش يتريق عليا ودي عمرها ما حصلت في تاريخ ريان الحديدي

حازم:تمام خلينا في المهمه واحكلنا بالظبط اي اللي تعرفه 

ريان:دلوقتي رودينا عرفت إنكم متورطين مع ديفيد ومعرفش ليه لحد دلوقتي مخدتش اي خطوه بس اكيد هتقولي علي كل خطوه واحنا هناخد حذرنا وشحنة السلاح هتتسلم في ميعادها بعد اسبوع والفريق انا هتعامل معاه 

عند الفريق كانوا بيسمعوا وملامح الصدمه والغضب علي وشهم رودينا بصتلهم بهدوء 

رودينا:في اي ياجماعه مالكم ساكتين كدا ليه 

غيث بحزن وغضب:مش شايفه يعني اللي حصل دا واحد خاين ومايستاهلش يعيش وانا هبلغ سيادة اللواء 

أريج بدموع: مش مصدقه إن الشخص اللي رباني يكون بالحقاره دي 

رودينا:خلصتوا انت يا غيث ريان صاحبك عمرك شوفت منه حاجه وحشه؟عمره قالك كلمه ولو بالغلط تأذي مشاعرك 

وانتي يا أريج عمرك شوفتي حاجه وحشه من ريان علشان تقولي عليه كدا قصر معاكي في حاجه عمره حسسك بالنقص عمرك شوفتي تصرف غلط منه 

مراد بإستغراب:لسه بتدافعي عنه ياصقر بعد كل اللي قاله وسمعتيه بودنك

رودينا بهدوء:ايوه لأنه جوزي وانا بثق فيه حتي لو شوفت اللي حصل قدامي صح واكيد فيه حاجه حصلت وملحقش يقولنا كل واحد دلوقتي يروح علي اوضته ولما يرجع ريان أتصرفوا عادي ومش عاوزه حد يبين حاجه وانا هعرف اللي حصل تمام

غيث وأريج ومراد:تمام ياصقر خلي بالك من نفسك 

رودينا بعد ما خرجت من عندهم رجعت ألا وضه بتاعتها شويه وريان رجع 

ريان : صاحيه لحد دلوقتي ليه 

رودينا بهدوء : مستنياك أتاخرت أوي   

ريان:معلش كان عندي حاجه مهمه بعملها انتي كنتي عاوزه حاجه 

رودينا:انت مخبي عليا حاجه

ريان اتوتروضحك:هخبي عليكي اي ياصقر 

رودينا:أول مره تقول ياصقر مش رودينا 

ريان راح عندها ومسك أيدها:مش هينفع أقولك مخبي اي بس ممكن تخلي عندك ثقه فيا لحد ما اجي اقولك كل حاجه 

رودينا بإبتسامه: وأنا هستناك 

ريان:يلا روحي نامي عشان نصحي نصلي ولا نسيتي 

رودينا بإبتسامه أوسع:لا منستش يلا 

عند أريج ومراد بعد ماخلصت كلام مع رودينا رجعت اوضتها تجري وراح وراها مراد 

مراد:انا عارف إنه اللي حصل جوا زعلك بس انا عاوزك تثقي في كلام رودينا اكيد في حاجه غلط انا متعاملتش مع ريان كتير بس عارف لو رودينا وثقت في حد يبقي الحد دا قد الثقه 

أريج وهي بتمسح دموعها:بجد 

مراد بإبتسامه :بجد

عند غيث كان مضايق من ريان ومتعصب وهو بيكلم

غيث:كدا ياريان الزفت ماشي مش متفقين لو عندك حاجه تيجي تقولي علي طول بدل ما تضيع نفسك 

غيث عمره ما يشك في ريان وخصوصاً إنه عارف إنه بيحب رودينا  بجد الشخص اللي اللي كان عاوز يستقيل بس عشان يبعد عن الانسانه اللي بسحبها وميأذهاش عمره ما يكون عاوز يأذيها ممكن كان يصدق إنه يخون البلد بس لما قال رودينا عرف أتاكد إنه برئ

الساعه 5 الفجر عدي رن علي سرين هو عارف إنها في الوقت دا بتصحي علشان تصلي الفجر وبعدين تنام شويه كان عاوز يعرف هي مسامحاه ولا لسه زعلانه منه رن عليها واستني دقيقه وردت 

عدي: السلام عليكم

سرين: وعليكم السلام ورحمة الله وبركاته

عدي:عامله اي ياسرين 

سرين:بخير وأنت

عدي:بخير طول ما روحي بخير 

سرين سكتت ومردتش

عدي:لساتك زعلانه مني يابت عمتي 

سرين بصدق:وهزعل منك ليه يا واد انت مهجدرش أزعل منك أنا كنت زعلانه علي اللي حوصل عارفه إنه كان غصباً عنيك بس انا مهستحملش أشوفك مع واحده تانيه 

عدي بمشاكسه:وي وي بتغيري عليا ياسرين 

سرين بخجل:وه انت جوزي عادي اقفل 

عدي: خلاص خلاص انا كنت عاوز اطمن إنك مش زعلانه مني بس يلا سلام 

سرين بإبتسامه:سلام 

في اليوم التاني الكل اتجمع علي الفطار والكل  ساكت 

غيث كان بيبص علي ريان بعتاب وأريج كانت بتبص علي ريان نظرة مش عرف يفسرها واستغربهم بس لما بص علي رودينا ولاقي عينيها مبتسماله أطمن وكمل فطار بعدين أستأذن منهم وخرج غيث بص في أثره بحزن وخوف عليه إنه يأذي نفسه وأحلام ومحمد بيحاولوا يعوضوا أيام البعد اللي ما بينهم وعادل وحازم مكملين شغلهم في الخفاء

عدي وسرين كانوا بيبصوا لبعض بحب وخجل من سرين

واعتكاف فطرت وراحت الشغل فهي بقت واحده من العيله بسبب طيبيتها واحترامها بعد ما مشي حازم وعادل وريان ومراد وأريج راحوا بيت عيلته يفطروا هناك عشان يعرفها علي عيلته لأنهم أصروا عليه  فضل عدي وسرين ورودينا وغيث وأعتكاف اللي كانت قايمه

رودينا وهي ناسيه نفسها:رايحه فين يابت ياعكوف

أعتكاف بغيظ:بت احترمي فرق السن حتي هقوم اروح الشغل 

رودينا:اوبس خلاص نسيت المهم هتروحي لوحدك؟

أعتكاف :اه هاخد اي مواصله من هنا للمكان مش بعيد 

رودينا:عيب عليكي تقولي كدا واحنا موجودين بعدين بصت لغيث بقولك ياغيثو 

غيث:متقوليش أتفضلي يا أنسه أعتكاف وانا هو صل حضرتك 

أعتكاف بخجل من تحت النقاب:لا مش عاوزه أتعب حضرتك يا أستاذ غيث 

غيث عشان ميحسسهاش بأحراج:لا ولا تعب ولا حاجه انا اصلا معنديش حاجه وبالمره اشوف البلد 

رودينا:اهو ياستي الاستاذ غيث بنفسه هيوصلك كل يوم بنفسه 

غيث بصلها بصدمه خفاها بسرعه قبل ما أعتكاف تشوفه 

وأعتكاف كانت عاوزه تضربها لولا الموجودين 

شويه ومشيوا ورودينا طلعت اوضتها 

عدي بعد ما الكل مشي 

عدي:بجولك ياجدي

وهدان:جول ياولدي 

عدي:انا كنت بفكر افتح اوضتي علي اوضة سرين ونعمل اوضه كبيره اي رايك 

وهدان:فكره حلوه ياولدي بس هتلحج في الشهر دي 

عدي :ايوه ياجدي هجيب ناس كتير واخليهم يخلصوها بسرعه جولت اي 

وهدان:هجول اي اعمل اللي يريحك ياولدي 

عدا يومين كمان والأحوال ما هي كل واحد بيعمل شغله ريان لسه ما قال لرودينا حاجه وغيث بيوصل أعتكاف كل يوم وعكس ما كان متوقع مش بيحس إنه مضايق خالص وهو بيوصلها دا العكس بيحس إنه فرحان جدا رودينا بتحاول توصل لاي معلومات او حاجه جديده ومراد وأريج كذالك ومش مبينين لريان حاجه وسرين وعدي الفرحه مش سعياهم فحلم حياتهم من صغرهم بيتحقق

في اليوم التالت الفريق كله أتفاجأ برساله من ريان بتقولهم يروحوا كلهم المكتب بتاعت جده فكلهم بعتوا لرودينا فرودينا بعتتلهم :كلوا يسمع الكلام ويروح وهنشوفه عاوز اي تمام 

الكل سمع كلام رودينا وراح وهي لبست النقاب ونزلت خصوصاً إن الوقت كان باليل 

كلهم راحوا المكتب لاقوا ريان معاه جهاز وبيدور بيه في اوضة المكتب غيث كان لسه بيتكلم رودينا فهمت ريان بيعمل اي فقالتله يسكت 

ريان بعد ما خلص:منورين ياشباب اقعدوا

رودينا وهي عامله نفسها مش فاهمه :انتي كنت بتعمل اي ياريان 

ريان:كنت بشوف لو في أجهزة تصنت ولا حاجه 

أريج بسخريه مقدرتش تتحكم فيها:علي أساس إنك خايف علينا اوي 

ريان:قصدك اي 

رودينا بسرعه:مش قصدها حاجه 

ريان بحده:قصدك اي يا أريج 

رودينا:طب ممكن تقولنا جايبنا ليه وهقولك كل حاجه 

ريان بص لأريج بعدين:انا جمعتكم هنا علشان نتكلم في المهمه طبعاً كلكم استغربتوا إنه مكنتش معاكم الفتره اللي فاتت وإني بطلع الصبح برجع في وقت متأخر المهم إني أنا كنت بجمع كل حاجه عن المهم 

رودينا بإنتباه:أزاي واشمعنا جمعتنا دلوقتي 

ريان:جمعتكم ليه بقا علشان الباقي هيعتمد بدرجه كبيره عليكم إنما أزاي هقولكم الحكايه ابتدت من ٥ سنين وانا في أمريكا أو بالأصح قبل ما اسافر أمريكا اللي حصل إنه المهمه دي شغاله من ٥ سنين مش من سنه زي ما أنتوا فاهمين 

مراد:مش فاهم قصدك اي 

ريان:من ٥سنين أتفقنا انا وسيادة اللوا وسيادة العميد إنه لازم نحط حد للي بتعمله إسرائيل وقولنا لازم نزرع حد بينهم وفعلاً حصل وكنت أنا الحد دا وكانت البدايه إنهم يتهموني بخيانة بلدي في الوقت دا انا كنت عارف إن ديفيد ابن افيخاي ادرعي بينزل مصر كل فتره واستغلينا النقطه دي أنا روحت المكان اللي بيسهر فيه وكنت بمثل إن الغضب مالي عيني علي مصر كلها بسبب اللي حصلي وديفيد اول ما شافني قالي إنه اسمه ماجد اتعرف عليا وبقينا صحاب وانا مكنتش بطيقه بس حكم القوي بعد مده قولتله إنه عرفوا إني برئ بس انا مش هرجع وإني عاوز أنتقم منهم علي اللي عملوه فيا

رودينا بمقاطعه:طب مش كان ممكن يدوروا ويعرفوا إنك بتكذب

ريان بإبتسامه :بس انا مكنتش بكدب اللي حصل كان قدام كل اللي في مبني العمليات الخاصه غير الاهانه اللي اتعرضتلها عشان الموضوع يبان بجد وبعد كدا أقنعت ديفيد إن مش عاوز ارجع ولو رجعت يبقي لازم أنتقم منهم 

بعدين روحت أمريكا وأشتغلت هناك ديفيد بدأ يثق فيا ويقولي عن نفسه وكان بيخليني أسربله معلومات وكلها كانت صح بس وبطريقه كنت بعد ما اخد المعلومات وتسلمها احاول ابوظ العمليه بطريقه مش يشكوا فيها وكنت كل مره ببين لديفيد إنه نفسي الفرصه تجيلي عشان أنتقم من اللي أهانوني لحد ماجالي من سنه ونص وعرفني إنه لازم أرجع مصر وعاوزني في مهمه كبيره هتخليني أنتقم منهم وحصل ورجعت وكنت بنقلهم معظم المعلومات 

أريج بمقاطعة:وليه قولت لعادل  إنك عاوز تنتقم من رودينا علشان السباق 

رودينا بصتلها بحده

ريان بصلها بصدمه واستغراب:انتي عرفتي الكلام دا منين 

غيث:اصل تاني يوم كنا هنا …….حكاله اللي حصل بالتفصيل

ريان بص لرودينا:وانتي لسه مصدقاني حتي بعد ماسمعتي بودنك

رودينا:انت ممكن تقدر تخدعني بس مستحيل تخدع ربنا الشخص اللي فضل يدور علي حد لمدة سنه ومملش مستحيل يقدر يأذي الشخص دا 

ريان بصدمه:انتي عرفتي ازاي 

رودينا بخجل وثقه:انا الصقر يابني 

ريان:بجد عاوز أعرف 

رودينا:ابقي اقولك بعدين 

ريان بص لاريج بحزن وعتاب وكمل:أنا قولت كدا عشان يصدقوا إني الانتقام اتجدد جوايا ومنستهوش انا ممكن أذي العالم كله ولا اقدر أذي رودينا 

غيث بهزار:اي ياعم الحنين كمل لا حد يصحي ويقفشنا 

ريان: متخافش محدش هيصحي حطيت منوم للكل المهم دلوقتي المهمه إن أحنا هنجمع أكبر عدد من الضباط ورئساء من الجيش ووزراء وهنفجر المقر بتاع اجتماعهم

الخطه الاول لما فكرنا فيها لاقنا إن أحنا مش هنستفاد لما نقبض علي  ديفيد وممكن يخرج أو أفخاي بنفسه يقتله دا واطي اصلا 

رودينا:وهنعمل كدا ازاي 

ريان:اول حاجه أنتي هتكوني أهم عنصر في دا كله لو حاجه باظت المهمه هتبوظ 

رودينا:أزاي 

ريان:الخطه إنه أحنا هنبعت لأفخاي الواطي  من لاب توب أبنه إنه لاقي حاجه مهمه ممكن بيها يسيطروا علي مصر بسهوله ولازم يجمع كل رئساء الاقسام الجيش الإسرائيلي وأهم ناس في إسرائيل لأجتماع هام وعاجل وهيبقي مرفق بتسجيل صوتي ليه عشان أفخاي يصدق 

وفي نفس الوقت هنبعت من لاب توب أفخاي لديفيد نقوله إنه يجيب الشنطه اللي هدهاله من غير ما يفتحها ويروح علي المقر في اسرع وقت ممكن ومعاه شحنة السلاح 

أريج بغباء:وهنجيب لاب توباتهم منين 

رودينا:قصدك إن أنا اللي مفروض هعمل الاختراق لاجهزتهم وهغير من الصوت وابعت الرسايل وبعدين أمسحها من جهاز كل واحد صح

ريان:بالظبط كدا هتعرفي تعملي كدا ولا 

رودينا بثقه:عيب عليك انا الصقر اللي رؤساء العالم كلهم يعرفوني إمرأة المهمات المستحيله 

ريان بضحك: طبعاً ودا اللي كنت متأكد منه 

رودينا:تمام كدا فهمنا الجزء الاول الجزء الثاني هتعمل فيه اي 

ريان:الجزء التاني هيكون علي غيث ومراد هما اللي هيصنعوا القنابل والمتفجرات وهيصنعوها بحجم صغير وقوي تقدر تفجر نص اسرائيل هتقدروا يارجاله 

غيث ومراد:عيب عليك 

ريان وهو بيبص لأريج بجمود:وانتي مهمتك تراقبي حازم وعادل كويس وانا اللي هسلم الشنطه لديفيد وعربية الاسلحه من غير ما حد يحس 

كل واحد راح نام وتاني يوم بدأو ينفذوا اللي قال عليه  ريان وفضلوا ٣  ايام زي خلية النحل وكانوا بيشتغلوا بدقه عاليه ونفذوا علي اكمل وجه رودينا قدرت تخترق أجهزتهم وعملت المطلوب بدقه ومراد وغيث نفذوا المطلوب منهم ودا الوقت اللي المفروض غيث هيروح يسلم الحاجه لديفيد والكل كان قلقان عليه 

رودينا بقلق وخوف :خلي بالك من نفسك وابقي اقرأ آية الكرسي كتير 

غيث:أنت قدها يابطل تروح وترجع بالسلامه 

أريج وهي بتترمي في حضنه: متزعلش مني ياريان أنا انصدمت بس لما سمعت 

ريان:ياعبيطه أنتي أختي وأنا عارف هبلك ومش زعلان

ريان ودعهم ومشي  وبعد ٨ ساعات وصل القاهرهوراح سلم العربيه لديفيد في القاهره وقالهم دي الشنطه لأفخاي بيه وديفيد سلم عليه واتكلم معاه شويه وسألوا علشان ميعاد سفره ومنتبهش للحاجه اللي حطها ريان في  رقبة الجاكت  

ورجع الصعيد تاني والكل كان مستنيه بلهفه 

رودينا:ها عملت اي 

ريان بإبتسامه:كله تمام ناقص نراقب اللي هيحصل 

غيث:هنعمل اي في خالك وابنه 

ريان بغضب:هنقبض عليهم متلبسين بس بعد فرح عدي وسرين علشان الدوشه

أريج بحماس:زمانه وصل دلوقتي هنعمل اي 

ريان:تعالو ورايا 

كلهم راحوا وراه وهو راح اوضته هو ورودينا وكلهم دخلوا وقعدوا وهو كان بيجيب الاب توب وحط فيه حاجه واشتغل

شويه وظهر صوت ديفيد وافخاي بيتكلموا وصوت زعيق 

رودينا:دلوقتي 

كل واحد كان ماسك جهاز في أيده وكلهم داسوا في نفس الوقت بعدين الصوت انقطع وبصوا لبعض بإنتصار قعدوا شويه ولاقوا الصوت تحت عالي نزلوا كلهم شافوا اللي حصل في التلفزيون والكل بيحكي عنه بصوا لبعض وابتسموا وخلصت مهمتهم علي كدا علي اكمل وجه 

عدت الايام بروتنيه غيث كان بيوصل أعتكاف كل يوم والي اكتشف إنه شغلها في الصعيد لشهر واحد وهترجع معاهم القاهره ودا فرحه جدا ورودينا وريان كل يوم يقربوا من بعض أكتر وبقوا يحبوا بعض ورودينا كانت كل يوم تعرفه حاجه عن دينه وبقوا يعاونوا بعض علي طاعة الله أريج ومراد بدأوا يتقربوا من بعض ومشاكساتهم مش بتخلص 

وانهارده آخر الشهر وفي نفس الوقت فرح سرين وعدي اللي الكل حضر فيها والاتنين كانوا شكلهم قمر الفرح كان في قاعه في المحافظه عشان كدا كان مختلط وفيه أغاني رودينا وريان كان شكلهم حلو اوي بالبدله والفستان بتاع رودينا ونقابها راحوا الفرح وسلموا وقعدوا شويه جمب أعتكاف اللي كانت زي الملكه بفستانها ونقابها

غيث أول ما شافهم راح ناحيتهم وبدون مقدمات بص ناحية أعتكاف

غيث:تتجوزيني

أعتكاف بصدمه:ها

غيث:بقول تتجوزيني

أعتكاف نزلت راسها بحزن:انا مطلقه 

غيث:واي يعني تتجوزيني

أعتكاف:انت عارف أطلقت ليه 

غيث:ماليش دعوه تتجوزيني

أعتكاف:حتي لو عرفت إني ما بخلفش 

غيث:انتي هتتدخلي في حكمة ربنا ما تقولي حاجه ياست رودينا وبعدين انا حبيتك أنتي ولو علي العيال ممكن نتبني حد ها 

رودينا بتدخل:العوض جالك بعد ما صبرتي يا أعتكاف ما ترفضيش عوض ربنا عوض ربنا بيجي يطبطب علينا 

أعتكاف بخجل:موافقه بس اسأل بابا الاول

غيث طار من الفرحه اول مره يحس بالفرحه دي كلها 

الفرح انتهي وكل واحد رجع أوضته علشان يسافروا الصبح

في اوضة رودينا وريان دخلوا غيروا بعدين قعدوا يتكلموا شويه 

ريان: صحيح يارودي ليه مشكتيش فيا لما سمعتي التسجيل 

رودينا:اول حاجه لازم العلاقه تبقي مبني من الأول علي أساس قوي وهو الثقه حتي لو شوفتك بعيني بتقول كدا هستناك تبررلي الشك بيهدم اي علاقه تاني حاجه سمعتك بالصدفه في يوم بعد ما خلصت صلاة القيام بتدعي إن ربنا وإنه ابقي زوجتك في الجنه وتقدر تحافظ عليا فلو هتكدب عليا مش هتقدر تكدب علي ربنا صح ولا اي

ريان بإبتسامه:صح يا رفيقة دربي يلا ننام عشان منتأخرش علي القيام

ناموا وصحيوا الساعه 2 اتوضوا وصلوا ورودينا مسكت المصحف وهو كان جمبها وبيسمع قرآتها المتقنه وتلاوتها العذبه

 كانت تقرأ له القرآن بصوتها وهو يستمع لها .. 

وحين وصلت للآية: {مثنى وثلاث ورباع } أخفضت صوتها

فابتسم هو وقال أنتِ مُثناي وثلاث ورباع

تمت