رواية وفاء البارت العشرون 20 بقلم آية عبده
 |
| رواية وفاء البارت العشرون 20 بقلم آية عبده |
رواية وفاء البارت العشرون 20 بقلم آية عبده
في المستشفي
خرج خالد من عند وفاء ونفذ طلبها بمغادرته الي منزله ليستريح وعند خروجه رأي منال
وقف بجانبها وتحدث قائلا
انا عارف ان ظلمت وفاء بجوازي منها ، بس انا كنت مأمور
نظرت منال له وقالت
مأمور بايه مش فاهمه ومين ال أمرك
رد خالد مش وقته الكلام ده حضرتك بس كل حاجه هتنكشف بس ده مش وقته كشفها
ردت منال بخوف ليه بتقول كده خوفتني علي وفاء
رد خالد حضرتك وفاء في حمايتي وهحافظ عليها
ردت منال انت ياخالد بتتكلم بالالغاذ ونفسي افهمك علشان استريح بس فعلا مش وقته الكلام في الموضوع ده بعد إذنك
انصرفت عنه قليل ورجعت له وقالت نسيت اقولك عمت محجوزه هنا في المستشفي في الغرفه 22 وانصرفت
ذهب خالد ليطمئن علي عمته
حمدلله علي سلامتك ياخالد
رد خالد الله يسلمك ياعمتي في ايه محجوزه ليه طمنيني عنك
ردت ساميه انا الحمدلله بس تعبت شويه وانت عارف الدكاتره بيكبرو الموضوع وحجزوني هنا
رد خالد سلامتك يعمتي وصمت لثواني واكمل عمتي انا عايز اقولك شئ
ردت ساميه قولي ياخالد
رد خالد انا عايز اطلق وفاء
ردت بهدوء ليه
رد خالد احسن ليها علشان تبقي في أمان واخلصها بقي من راباط الجواز ال مقيدها وموقف مستقبلها
ردت ساميه وفاء امانها ومستقبلها معاك انت ياخالد
رد خالد بضيق ازاي بسببي كانت هتموت ياعمتي فين الأمان ده
ردت ساميه قلت مطلقش وفاء ياخالد وكلمتي تتنفذ
وقف وقال مش بمزاجك المره دي ياعمتي غصبتيها وغصبتيني بالجواز وكنت بنفذ كل طلباتك علشان تفضل علي عصمتي بس انا من حقي اعرف كل ده ليه وفاء دي تبقي ليكي ايه وليه خايفه عليها ولما انتي خايفه عليها اوي كده ليه كنت بتامريني اضربها واخوفها مني ليه ياعمتي اسأله كتيره ولازم اجابه عنها علشان انا ارتاح وهي كمان
ردت ساميه مش وقته لما وفاء تخف هقولك كل شئ
رد خالد انا زهقت انا مش عبد علشان تامريني اتجوز ساره واعيش بسبب رغبتك اعتس انسان وصممتي اتجوز وفاء ومع تصميمك اتجوزتها وفاء ذنبها ايه انا ذنبي ايه
ردت ساميه انت اتجوزت ساره لان مصلحتك مع مال باباها
واما وفاء انا مغصبتكش انت ماصدقت اقولك كده وجريت نفذت عارف ليه ياخالد جريت تنفذ كده لانك ماصدقت كلمه اتجوزها كنت عايز اي حاجه تربطك بيها وتخليها متفرقكش ياخالد انت بتحبها وفاء انت حبيتها طريقتك غيرتك عليها
رد خالد حب ايه وغيرت إيه محصلش دا انا اكبر منها بعشرين سنه عن اي حب ده بتتكلمي ياعمتي
ردت ساميه انت بتكابر يا خالد حتي في حبك ،انت مفكر ان الحب ضعف ،الحب دمار لصحبه
رد خالد بنفاذ صبر عمتي مش انا ال اضعف واحب انا الماده هي لغتي المال عندي ابقي من كل شئ
ردت ساميه مش هتتغير ياخالد هتفضل مكابر
رد خالد بتعلم منك ياعمتي دا انا تلميذك وتركها وخرج
ظلت ساميه تأنب نفسها وقالت عندك حق انت تلميذي بنحب المال اكتر من نفسنا بس مش هسيبك تدمر نفسك لازم انقذك من الوحل ال وقعتك ووقعت نفسي فيه
***************
في منزل سليم
دخل عمر عائد من المستشفي
انت جيت ياعمر
رد عمر لا لسه
خرج من المطبخ ليك نفس تنكت
جلس يستريح وذهب سليم ليطمئن عليه
مالك ياعمر انت كويس
رد عمر الحمدلله يابابا بس النهارده اليوم كله كان زحمه
ابتسم سليم وقال حياه الدكتور مش في ايده حياته بيفنيها لخدمه الناس
رد عمر تعرف ساعات بندم علي المهنه دي كلها تعب ومسؤوليه
رد سليم طالما قلت كده يبقي لازم تفصل
رد عمر باستغراب افصل ازاي مش فاهم
رد سليم يعني تأخذ اجازه تبعد شويه تغير روتينك اليومي اكيد لازم يحصل ملل من ضغط الشغل
رد عمر صعب يابابا الحالات والعمليات مينفعش تتأجل
رد سليم خلاص في اقرب وقت خد اجازه وابعد شويه علشان تستعيد نشاطك من تاني
رد عمر ان شاء الله
رد سليم هاابقا مالك ايه ال مزعلك
رد عمر بابتسامه مفيش في حاله كده اكتشفت ان عندها ورم في المخ
رد سليم ياربي ربنا يشفيها وحالتها متقدمه
رد عمر للاسف شكله متقدم الورم في مكان حساس جدا في قاع المخ
رد سليم طيب وليه التأخير انت جراح ممتاز اتدخل جراحيا فورا طالما متقدم
سرح عمر لثواني اشار له سليم ايه رحت فين
رد عمر هاا لا ابدا الست دي غريبه حاسس اني شفتها قبل كده تصور يابابا لووقفت اكلمها بحس انها خايفه او عايزه تنهي الكلام معايا بسرعه بحسها عايزه تهرب
رد سليم غريبه مايمكن انت ال متصور كده
رد عمر لا ابدا الست دي غريبه حاسس انها عايزه تقولي شئ
رد سليم ياااه وهي تعرفك منين
رد عمر معرفهاش هي تبقي قريبه الحاله ال عملت ليها العمليه اول لما استلمت شغلي وكمان تقريبا تبقي عمه خالد ال انا كنت بدلي باقوالي عنه النهارده في النيابه
رد سليم انت بس ياعمر ال زعلان علشانها يعني موضوع عاطفه مش اكتر أنها صعبانه عليك وهي رد فعلها ايه
رد عمر مفيش لسه معترفتش بمرضها هعيد ليها الاشاعات والتحاليل ذياده اطمئنان وتأكيد علي كلامي ولما أتأكد هقولها
رد سليم ربنا يشفيها ياابني ها فكرت في موضوع امبارح
رد عمر موضوع ايه
رد سليم موضوع يسرا بنت الدكتور مازن
رد عمر يسرا مين والدكتور مازن مين
رد سليم انت نسيت ياابني موضوع الجواز
رد عمر اه وقام وقف مش قلت هتااخذ من صاحبك معاد
رد سليم ايوه وخلاص اتحدد
رد عمر طيب وبتسئلني ليه يابابا قولي المعاد وانا هبقي موجود
قام سليم وقف هو ايضا وقال شكلك رجعت في كلامك
رد عمر لا ابدا يابابا انا بس مضايق شويه وهبقي كويس هدخل اوضتي ااخذ شاور عايز افوق
رد سليم تمام هكون حضرت العشا
دخل عمر اوضته
قعد علي كرسي مكتبه وقال انا مالي مضايق كده مش لازم الحالات ال بشوفها تأثر عليا كده بس ليه هيا اوووووف ثم تذكر كلام اسماء فابتسم وقال كائن غريب البنت دي هه لا انا بجد مش طبيعي فيا ايه من اقصي الزعل ابتسم شكرا يااخت هو كان اسمها ايه اه اسماء هه بس لطيفه ثم تغيرت معالم وجه بس لسانها طويل انا هقوم اخذ شاور قبل مااحس بالهبل اكتر من كده دا انا بكلم نفسي
*************
في منزل ساميه
يدخل خالد ويجلس يستريح ويمسك رأسه ويقول ليه ياعمتي مش عايزني اطلق وفاء ايه صلتك بيها وفاء انسانه طيبه وبريئه متستحقش ال حصلها
سرح وتذكر اول مره شافها فيها
فلااااااش بااااك
دق جرس مكتبه دخلت مسرعه نعم حضرتك
رد خالد لسه في حد بره من ال متقدم للوظيفه
ردت ايوه في لسه واحده بس هي
رد خالد بس هي ايه
ردت ده دوسيها حضرتك
اخذه وفتحه وقال ايه ده مفيش غير شهاده الثانويه وصور كارنيه كليه تجاره واكمل النظر في دوسيه وفاء وقال دا حتي مفيش اي كورسات هعمل بيها ايه دي وهي بتدرس
ردت تحب امشيها يافندم بس هي مستنيه معادها من الصبح
رد بنفاذ صبر دخليها
خرجت السكرتيره اتفضلي ادخلي
دقت الباب
قال خالد اتفضل
دخلت ظل ينظر لها من فوق لتحت وقال ايه دي، ثم قال اتفضلي اقعدي
قعدت وفاء نظر لها وقال في نفسه طب دي اقولها ايه
الحقيقه دوسيهك قاطعته
مفيهوش اي ميزه توظفني
رجع بكرسيه للخلف وقال تقريبا دا الكلام ال كنت هقوله
قالت وفاء بثقه بس حضرتك هتقبل توظفني
رد خالد باستغراب ايه الثقه دي
ردت وفاء هه ماهي دي ميزتي ثقتي في نفسي
رد خالد وانا هعمل ايه بثقتك دي عايز افهم
ردت وفاء معرفش بس عندي احساس انك هتوافق
رد خالد احساس ياانسه انتي جايه تقدمي علي وظيفه ولا جايه تخمني احساسك وثقتك
ردت وفاء وبعرف اتكلم انجلش وفرنساوي لهلوبه
فتح عينه وفمه قائلا لهلوبه مين دي
ردت وفاء انا حضرتك
رد خالد انت فعلا الختام المسك ال بيقوله عنه هختم بيكي
ردت وفاء بتعجب مش فاهمه
رد خالد تمام الانترفيو خلص يالهلوبه وهنبقي نبلغ حضرتك بالنتيجه مع السلامه واتجه بكرسيه المتحرك الي الجهه الاخري
قالت في نفسها ايه قله الذوق دي ،ده ياست ماما ال بتقولي هيوظفني وخرجت غاضبه وبعدها بقليل خرج خالد واتجه الي منزل عمته ساميه
في منزل ساميه
عملت ال قولتيلي عليه اهو ممكن بقا افهم ليه خلتيني اطلب سكرتيره وانا مش محتاجها اصلا
ردت ساميه في بنت اسمها وفاء قدمت علي الوظيفه النهارده
رد خالد وفاء وفاء مش عارف كانو كتير وفجأة تذكر وقال لهلوبه
ردت ساميه بتعجب لهلوبه ايه
رد خالد ها مفيش ايوه فعلا في بنت اسمها وفاء قدمت علي الوظيفه
ردت ساميه كده تمام وافق بقا عليها
رد خالد اوافق علي مين علي دي دي لسه متخرجتش اوعي تكوني عامله فيلم اعلان الوظيفه علشان دي
ردت ساميه ومالها وفاء مش فاهمه
رد خالد مالها ايه طريقه كلامها لبسها دي عندها ثقه غريبه علشان بتتكلم انجليزي وفرنساوي دي تبقي سكرتيره خالد عمار استحاله ده يحصل علي جثتي
تاني يوم
رن هاتفها ترد
السلام عليكم مين
وعليكم السلام انا خالد عمار
ردت وفاء خالد عمار مين
رد خالد بغضب في حد ميعرفش مين خالد عمار
ردت وفاء ايوه انا مين انت وعايز ايه
رد خالد الللهما طولك ياروح انا ابقي صاحب الشركه ال انتي قدمت علي وظيفه فيها
ردت وفاء وجبت رقمي منين وتكلمني ليه
نفذ صبر خالد بكلمك علشان اقولك يالهلوبه ثقتك واحساسك صح قبلتك في الوظيفه هتستلمي شغلك من بكره
قامت وقالت هيييييي والنبي بجد
رد خالد لااااا كده كتير اومال يعني متصل عليكي ياانسه علشان اهزر معاكي
ردت وفاء ماعلينا شكرا مع السلامه بكره هكون في الشركه
واغلقت الهاتف في وجه خالد
يابنت.الايه تقفلي السكه في وشي مين دي ال تتجرء تعمل كده معايا والله لهوريكي الله يسامحك ياعمتي طب دي هتعامل معاها ازاي
في منزل منال تخرج من غرفتها فرحانه ياقطه ياقطه ياقطه
تنزعج منال اوعي تقربي مني هلسعك من بعيد عايزه ايه ومالك فرحانه ليه خير
اقتربت منها وفاء ومسكت وجهها وظلت تقرصه وقالت انا اتقبلت في الوظيفه ياقطه
ردت منال ابعدي عني هلسوعك بالملعقه
قبلتها وفاء وجرت مش هتقدري لانك بتموتي فيا بس ايه اشكريلي صاحبتك دي ياقطه
ردت منال انا قطه ياخنفسه ثم اكملت عمل الاكل
ثاني في الصباح قامت وفاء،مسرعه ارتدت فستان ابيض منقط اسود وطرحه لونها ابيض وذهبت لاستلام عملها
دخلت مبتسمه فهي منتصره علي جميعهن بالامس
عندما دخلت الشركه قالت ايوه كده الشركه دي،هتنضف علي ايدي
دخلت ال السكرتيريه
اتفضلي خير
يتبع..
لقراءة البارت الحادي والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية فرحة العمر للكاتبة منة علي
