رواية أمير الممالك الفصل العشرون 20 بقلم أسماء نبيل

????باستراليا???? بمنزل أمير وهشام  ????

تحديدا بغرفه أمير نجد أمير يجهز حقائبه ليدخل عليه هشام بتعب ويجلس أمامه على السرير.

أمير بلهفه، عملت الي قولتلك عليه.

هشام بارهاق، ايوه حجزت المكان واتصلت ب مالك عشان يضبط الي مطلوب منه وضبط الهدايه .

أمير بحب، شكرا يا صحبي

هشام، بس مش كنت استنيت لبكره

أمير بحب ولهفه، انهارده الساعه ١٢ هكون نفذت الحكم وخلصت المده الي الجن حددها ولازم ارجع واحكي الي قمر كل حاجه واعوضها عن بعادي.

هشام، مدام بتحبها كده الي قطعت اتصالك بكل الي في مصر.

أمير بصدق، مكنتش هتحمل اني اعرف انها زعلانه على فراقي ومحتجاني وأفضل بعيد كنت هضعف ياهروح ليها او هاحكلها وفي الحالتين هكون خلفت الشرط لكن كده أفضل المده خلصت وانا نفذت الشرط وقمر هترجع لحضني ممكن يكون هتعب شويه عشان ترجعلي لكن هي في امان وعيشه بدل مكنت خسرتها فهمت

هشام، ايوه بس قولي جبتلها ايه

أمير بحب وشوق، كل ما كانت حاجه تعجبني كنت اجبها وفي كل مناسبه كان المفروض اكون جنبها وأقدم هديه جبت ليها هديه وقتها وشلتها لحد ما اقدر ارجع واديها ليها فهمت

هشام، ياه هو فيه حب كده.

أمير بصدق، واكتر انا اتخطيط الحب انا بعشقها مش بس بحبها وبعدي كان غصب عني وانت عارف

هشام، عارف يا صحبي ربنا يجمعكم على خير يلا عشان نلحق الطياره.

أمير، يلا

ليخرج هشام وأمير للعوده الي ارض الوطن فامير اقنع هشام بالعوده معه واعطي اداره الشركه الي شخص موثوق فيه وهو مارك فامير قد احبه كثيرا ولمس صدقه واخلاصه في العمل وحرصه على نستقبل الشركه لذلك وثق به.

&&&&&&&

????عند قمر تجلس بغرفتها تدرس فهي بالفرقه الثالثه بكليه الهندسه ليذهب تفكيرها الي أمير لتنفضه بسرعه.

قمر لنفسها، لسه بتفكري فيه ده سابك من ٣سنين عاوزه ايه تاني ده بقالوا ٣سنين مسالش فيكي، طلعيه من دماغك

العقل????، قولي للمتخلف ده.

القلب????، ماتشتمش وبعدين مش يمكن عنده سبب

العقل بسخريه????، اه عنده بيشوف الي في سنه تصدق انت بارد وماعندكش ده ده بقاله ٣سنين مش ٣ايام اصحى زمانه نسيك.

القلب، لا هو هيرجع♥️

العقل????، مش هيرجع حتى لو رجع مالهوش لزمه قمر مش هترجعله هو سابها وراح لغرها وبعدين زمانه عايش حياته ولا سائل يا حمار

القلب. لاهو….

العقل بغضب، اسكت???? اسكت انت????

ليقطع شرود قمر خبط الباب لتسمح للطارق بالدخول لتدخل الخادمه، قمر هانم مالك بيه عاوزك

قمر، حاضر روحي وانا جايه وراكي

&&&&&&&&

????بغرفه المكتب يجلس مالك ومعه موده ????

مالك وهو يمسك يد موده ويجلسها بجانبه على الاريكه، وحشتيني 

موده بخجل، وانت كمان. 

مالك وهو يحتضنها، ياه يا موده اخيرا كل حاجه هتتظبط 

موده، قصدك ايه 

مالك بحب خالص، بعدين خلينا في المهم 

موده، ايه…. 

لتصمت عندما ياخذها  مالك في قبله عاصفه يعبر بها عن حبه وشوقه لها فهو كان بعيد عنها طوال فتره امتحانتها فهو كان يغرق نفسه في العمل ولا يعود إلى على النوم حتى تستطيع التركيز في امتحانتها. 

ليبتعد عنها لتستطيع التنفس يضع جبينه على جبينها بحب 

مالك بشوق، وأخيرا خلصتي امتحانات ده انا كنت هاموت يلا الحمد لله انها عدت على خير 

موده بخجل، انت انت قليل الادب 

مالك بزهول، موده حرام عليكي يا عمري ايه الكسوف ده كله ده مجرد بوسه امال لما نطلع فوق هتعملي ايه 

موده وهي تضربه في صدره برفق  انت بقيت سافل كده أمته 

مالك لخبث، السفاله لسه جايه هو اجنا بنعمل حاجه غلط انت مراتي يا ماما اصحى وبعدين انت وحشاني اوي 

موده بحب، وانت كمان بس َ.. 

مالك، مفيش بس بصي تعالي نسافر يومين انا وانت اي مكان وانا انسيكي الكسوف ده 

كادت موده ان ترد لكن قطعها طرق الباب لتبتعد عن مالك وتعدل ثيابها وشعرها الي بوظه مالك لليساعدها مالك ويسمح للطارق بالدخول لتدخل قمر. 

مالك، قمر عامله ايه 

قمر، الحمد لله انتم عاملين ايه 

موده، الحمد لله يا حببتي 

مالك، قمر انت هتخلصي امتحان بكره  صح 

قمر، ايوه ليه 

مالك، تمام بكره هاتسافر بعد امتحانك مع ادم هو ماعرفش يقولك لان عنده شغل كتير وهايرجع متأخر 

قمر، ليه 

مالك، معرفش المهم تجهزي 

قمر، طب فين

مالك، برده معرفش 

قمر، لا مهو اكيد في سبب انتم بقلكم ٣سنين منعني من السفر إلى أي مكان ودلوقتي جي تقولي هسافر وبكره وكمان معرفش فين 

مالك، قمر انت مش عاوزه تعرفي كل حاجه حصلت من ٣سنين ولحد انهارده 

قمر بجود، ايوه 

مالك، ماشي اسمعي الكلام وروحي مع ادم بكره وكل حاجه هتتحل 

موده، قمر اسمعي الكلام 

قمر، يا موده انا… 

لتقاطعها موده، لوحي مش هاتخسري حاجه 

قمر، ماشي 

مالك، كده تمام اطلعي يلا كملي مذكره ولو وقف معاكي حاجه تعالي اشرحهالك 

موده، هو انت مش هاتشرحلهم انهارده 

مالك، لا احنا مخلصين ماده بكره لكن لو في حاجه قبلتهم اكيد هشرحلهم

قمر، شكرا يا مالك والله من غيرك كنت هضيع انا ومنه والله انت وابيه ادم مطحنين معانا 

مالك، المهم يكون بفيده وبتفهموا مننا 

موده بتذمر طفولي، اشمعنا انا مش بتذكرلي 

مالك، عشان جنابك في طب  مش هندسه زيهم وانا لاسف مهندس مش دكتور فهمتي 

موده بحزن، طب 

مالك، و بعدين ده انا بحفظ معاكي المنهج بس ايام الامتحانات مينفعش عشان هشتت تركيزك ياعمري صح ولا غلط 

موده، صح

مالك، مدام صح عمله مشكله وزعلانه ليه. 

قمر، طب انا هطلع وانتم كملوا سلام 

مالك وموده، سلام 

(????ملحوظه مالك وموده كتبين كتابهم من أربع سنين لكن   اجوزوا من أقل من سنه  بعد موفقه امير ولكنه لم يحضر الفرح وفي حجات تانيه هنعرفها مع الأحداث ????) 

يتبع…..