رواية ملاكي الفصل الحادي والعشرون 21 بقلم نيللي ياسر

…. ” أميره بدأت تلبس بس حكت لابوها كل حاجه علشان بتحبه اوي ولبست وامها طلعت بس مهتمتش بوجود اميره والباب خبط وابو اميره فتح وكان حازم وأبوه وطبعاً هو فاهم كل حاجه ف دخله ودخل المطبخ لمراته و حكي ليها ومراته لما عرفت ان هو غني باعت محمدو واختها???? ودخلت جابت اميره وجت اللحظة المنتظره”

   ” أميره بمجرد ما شافت حازم انبهرت بجماله بس المجنون جري حضنها قدام أهلها ولف بيها كتير وهي بتضحك من قلبها بجد وبعد كده قعدو”

كامل: انا يشرفني اني اطلب ايد الانسه أميره لابني حازم.

عدلي: طب مش ناخد رأي العروسه.

حازم: ها يا اميره ( بيغمز ليها).

اميره بكسوف: اللي تشوفه يا بابا.

عدلي بتمثيل: طب انا شايف أنه مينفعش انا مش موافق.

اميره وقفت: نعممممم يا حج انا هتجوزه يعني هتجوزه.

       ” الكل انفجر في الضحك وهي اتكسفت جدا وقعدت مكانها و قرأو الفاتحه وحازم طلع علبه شيك ولبسها الدبله وهي كذالك والكل مبسوط حتي امها الحربايه وبعد كده حازم قرب من عدلي واتكلم بهمس”

حازم: ممكن اخد اميره منك شويه.

عدلي: امممم علي فين.

حازم: هخطفها.

عدلي: انا معنديش مانع بس ترجع الساعه9 .

حازم: حاضر باي يا دودو.

عدلي ضحك: جوز مجانين والله.

   ” حازم شد ايد اميره بدون مقدمات وطلع يجري بيها في الشارع لغايه لما وصل لعربيته وركبو.

اميره: في ايه حازم شدتني كده لايه واحنا رايحين فين.

حازم: هخطفك عندك مانع.

اميره: لو الخطف هيبقي معاك انا معنديش مشكله.

حازم: وسط البلد.

اميره بانبهار: انا طول عمري بحب وسط البلد باليل برتاح فيها اوي متقولش انك هتوديني.

حازم: ( هز رأسه بمعني أيوه)

اميره:( لا إراديا باسته من خده وهو ضحك وساق العربيه).

……. ” عند مصطفى وكارلا”

     ” مصطفى قاعد بيلعب في الفون وكارلا مدايقه جدا”

كارلا: مصطفى.

مصطفى من غير ما يبص: نعم.

كارلا: انا زهقانه أوي.

   ” مصطفى رمي الموبيل وبصلها نظره بتموت”

مصطفى: انتي مش من شويه قولتي زهقانه ولعبت معاكي.

كارلا: ده هو دور كوتشينه.

مصطفى: وايه كمان.

كارلا بكسوف: ودورن ببچي.

مصطفى: وايه كمان.

كارلا: و استغمايه.

مصطفى: وقولتي جعانه.

كارلا بضحك: ايوه هههه وكنت عايزه…احم…..

مصطفى: كنتي عايزه ايه.

كارلا بكسوف: رنجه و فسيخ.

مصطفى: وجبتلك وكالتي ده غير اللعب في الأدوية والجري في المستشفى زي الاطفال وتخبطي علي الاوض وتجري وتنفخي الجوانتي الطبي وتضربي الممرضه.

كارلا بعناد طفولي: ما هي اللي ممرضه بارده.

مصطفى: الممرضه بتقولك حضرتك بقيتي كويسه و ممكن تمشي تقوليلها وانا قاعده في بيت أهلك و تضربيها.

كارلا: خلاص يا مصطفى العب في الفون مش عايزه حاجه.

مصطفى بنفاذ صبر: اااااه…قولي عايزه ايه.

   ” كارلا ابتسمت وقربت من ودنه واتكلمت”

كارلا بفرحه: الملاهي!!.

…….” عند ملاك وادهم”

    ” ملاك نايمه في حضنه وبدأت تصحي واتخضت جامد لما لقت نفسها في حضنه وكده يعني..بس بدأت تفتكر وحطت اديها علي بوقها بكسوف وبعد كده دخلت الحمام وخدت شاور ولبست فستان لبني جميل  قصير وتحفه فيها وسرحت شعرها ولسه ادهم نايم .. قعدت جنبه وبتبص ليه بحب لغايه لما صحي.

ادهم: صباح الخير.

ملاك: صباح النور.

ادهم: انتي صاحيه من بدري.

ملاك: لا من شويه بس.

ادهم: انا شايفك غيرتي هو احنا لسه خلصنا كلامنا ( بيغمز).

ملاك بكسوف: انا … احم انا جعانه.

ادهم: بس كده يا ستي ماشي هغير وننزل ناكل.

ملاك: ماشي يلا.

…… ( عند حازم واميره قعدو يجرو وياكلو ويلعبو لغايه لما الوقت أتأخر وحازم راح يوصلها)

حازم: انا انبسط النهارده اوي.

اميره: وانا برضو…لا انا منبسطش.

حازم: لايه يعني ده اليوم كان حلو.

اميره: انا كنت عايزه ايس كريم شوكولاته وانت جبت فانيليا.

حازم: انتي مجنونه صح.

اميره: الله بدأنا نكد الخطوبه ايوه ايوه بأن علي حقيقتك.

حازم: انا عملت مصيبه وضميري بيأنبني.

اميره: الحمدلله أن حسيت بغلطتك.

حازم: غلطه ايه.

أميره: الايس كريم طبعاً.

حازم: اااانزلي يا أميره.

اميره: حاضر باي.

….. ( عند مصطفى وكارلا)

مصطفى: نعم يا أختي.

كارلا: في ايه يا صاصا.

مصطفى: انتي عبيطه الساعه 12 ونص و بتقولي ملاهي؟!.

كارلا: وفيها ايه يعني في أمريكا عادي.

مصطفى: احنا في مصر تمام.

كارلا: لو مروحتش دلوقتي انا هسيب المستشفى وامشي.

مصطفى: ماشي يا كارلا قومي البسي.

كارلا: ربنا يخليك ليا يا صاصا.

…..( عند ساره اللي بتحب تامر)

ساره بتكلم صاحبتها: شوفتي البت ملاك اتجوزت مين.

ناهد صحبتها: اه اتجوزت ادهم السويدي بذات نفسه.

ساره: وقعت واقفه.

ناهد: المهم انك هتشبعي ب تامر لوحدك.

ساره: لا تامر ايه انا عايزه ادهم….