رواية عشق حياة الفصل الحادي والعشرون 21 بقلم زوزة

في منزل محمد الصافي .

وبالفعل ذهبوا إلي فوق وعندما دخلوا ذهب محمد لكي يحضن أباه ولكنه ضربه كف علي وجهه .

ابراهيم الصافي بعصبيه : بجا انت يا محمد تاخد مرتك وبناتك وتطفش من البلد وتركبنا الغلط جدام الناس بجا انا ربيتك علي إكده .

محمد الصافي : اتوحشتك جووي يا ابوي .

ابراهيم الصافي بحده : ولساك بتعرف تتكلم زينا اياك .

محمد الصافي وهو يبوس يده : اتوحشتك كتير يا بوي سامحني عشان خطري .

ابراهيم الصافي بعصبيه: بعدت عنينا ليه يا محمد هملتنا ومشيت .

محمد الصافي بدموع : كانوا هيخدوا البت مني بعد ما انا ومني اتعلجنا بيها ده كان روح مني فيها وانا روحي في مني يا ابوي انت عارف كيف انا كنت بعشج مني .

ابراهيم الصافي بحده: بس الأمور متتخدش إكده يا ولدي .

محمد الصافي بدموع : مني كانت هتخدها وتهملني يا ابوي كانت هتاخد مني وتوهرب وتهملني وانا مجدرتش لما عرفت  إكده فمشينا سوا .

احمد الاسيوطي وهو يتدخل : خلاص يا حاج ابراهيم إلى فات مات واحمد ربنا أنه جدامك اهو ثم أكمل بحزن عايزك تدلني يا محمد علي جبر بتي .

محمد بحزن : حاضر ياعمي. 

حياه وهي تحضن والدها : وحشتني كتييير يا بابا .

محمد الصافي: وانتي وحشتيني كتير يا جلب ابوكي بس خودي اختك عهد وفهميها أن دول اجددكوا واعملي ليهم حاجه واحنا هنقعد نكلم شويه .

حياه بابتسامه : حاضر ثم ذهبت وأخذت اختها وقصت له كل شئ ماعدا جوازها من كنان و موضوع هربهم من البلد بسببها فقالت لها أنهم لديهم عائله وعرفوها من الشبه .

عهد بذهول : يعني احنا لينا عيله كبيره .

حياه : ايوه يا عهدي وطيبين اوووووي .

عهد بابتسامه : يعني اللي برا دول جدودي .

حياه : ايوه. 

عهد بفرحه : انا فرحانه اوووي .

حياه وهي تحتضنها : وانا فرحانه لفرحتك يا احلي اخت في العالم كله .

في الخارج .

كنان : هقوم انا يا عم محمد وهجيلكوا شويه كده باليل انا وعيلتي نواعد علي الفرح .

احمد الاسيوطي: مش عملتوا فرح يا ولدي هتعمل تاني. 

كنان بابتسامه : ايوه يا حاج هنعملها فرح تاني هنا وهفرحها هنا وانت هتعزم كل العيله هناك اللي كانوا عارفين أن احنا لسه متجوزين .

ابراهيم الصافي : انت ولد أصول يا ولدي يبجا تعال وهات اخواتك معاك احنا حبينهم جوووي .

كنان : حاضر يا حاج ثم قام وقال عن اذنكم انا يا جماعه همشي دلوقتي ثم تركهم وذهب الي بيته .

احمد الاسيوطي : كنان ده ولد أصول جووي يا محمد زين ما اختارت لبنتك .

محمد : اه اه ياعمي هو إكده.

ابراهيم الصافي : وهيحب بتك كتير ده لما كانت في المستشفي كان هيموت وراها .

احمد الاسيوطي وهو ياكد علي كلامه : ايوه وكان بيعيط عليها بدموع كان جلبه هو اللي هيوجف مكانها وهو اللي نقذها .

محمد الصافي من بين أسنانه : ايوه هو بيحبها كتير .

احمد الاسيوطي : وراجل صوح مسمحش لحد من عيله الدهشوري يمسها ولا يجرب منيها .

وظلوا يحكوا معه عن ما فعله كنان مع ابنتهم وهو في حاله ذهول ثم أخذ يحدث نفسه ويقول بفخر : من كتر دعاوي امك يا حياه وانا ربنا رزقك بواحد زي كنان هو صحيح نصيب وقدر حطكوا في طريق بعض بس من اللي سمعته ده هو هيسعدها وفرح بداخله وأكمل حديثه مع والده وعمه …

~~~~~~~~~~~~~~~~~~~~~~~~

في قصر الشناوي 

مؤيد وهو يدخل بمرح : جدو حبيبي عامل ايه .

خالد الشناوي : بخير يا حبيبي طمني عليك وحليت المشكله اللي كانت في المصنع .

مؤيد بفخر مزيف : طبعا طبعا .

عدي وهو يدخل : جدو عامل ايه وحشتني جداا.

خالد الشناوي وهو يحتضنه : وانت ولله وحشتني كتييير عامل ايه طمني عليك وعلي شغلك والصفقه .

عدي بخزي : الصفقه خسرناها .

خالد الشناوي: امال طولت هناك ليه .

عدي : ماهو كنت بخلص شغل تاني وكده وقولت أخد فتره راحه .

ثريه وهي تدخل في الحديث : ايه ده مش هتسلم علي عمتك يا عدي انت ومؤيد والا ايه .

عدي وهو يسلم عليها : ازيك يا عمتو ثم وجه حديثه الي البنات وقال ازيكوا يا بنات عمتي .

مايا بمياعه: وحشتنا ولله يا عدي القصر كان وحش اووي من غيرك .

عدي بقرف : اه اه .

ثريه بغل : امال كنان اتاخر عن ميعادنا ليه يا بابا .

كنان وهو يدخل : انا جيت ازيك يا جدو وحشتني .

خالد الشناوي وهو يحتضنه : وانت ولله وحشتني عامل ايه طمني عليك .

كنان بابتسامه : الحمد لله بخير .

ثريه بغل: ايه يا كنان مش هتسلم علينا والا ايه .

كنان دون النظر إليهم : ازيك ياعمتو.

ثريه بغل : وبتقولها بقرف كده ليه .

كنان بهدوء : ولا قرف ولا حاجه عن اذنكم هطلع انا أغير واجي اتكلم معاك في موضوع مهم يا جدو .

ثريه بغل : ومينفعش تتكلم قدامنا .

كنان بهدوء : لا موضوع بيني وبين جدي ثم قام ليذهب إلي غرفته دون حتي النظر إلي تالا .

تالا بدموع تمثيل : ازيك يا كنان وحشتني جدا .

كنان دون أن يتحدث قام لكي يصعد فذهبت تالا ومسكت يده فنفضها بعصبيه وقال بحده : اياكي ثم اياكي تلمسيني تاني يا تالا فاهمه والا لا .

تالا بدموع تمثيل : انا عملتك ايه لكل ده قولي.

كنان بحده ؛ ملكيش دعوه بيا ثم ذهب كي غادر فنادي عليه خالد الشناوي بعصبيه وقال : كنااان .

كنان بهدوء ؛ نعم يا جدو .

خالد الشناوي بعصبيه: تعالي هنا واقعد عايز اتكلم معاك في موضوع .

ذهب كنان إليه بكل احترام وقال : نعم يا جدو خير حضرتك تعبان .

خالد الشناوي بعصبيه: اقعد واسمع كلامي للآخر .

كنان بهدوء بعد انا جلس : خير يا جدو حضرتك متعصب ليه .

خالد الشناوي بهدوء شديد في وقت دخول المأذون : كنان هتتجوز تالا .

كنان بعصبية : ايه اتجوز مين .

عدي بعصبيه : مين اللي جاب المأذون ده .

خالد الشناوي بعصبيه : انا اللي جبته عشان يكتب كتب كتاب كنان وتالا .

تالا بفرحه : هطلع اجيب بطاقتي بسرعه يا جدو.

كنان بعصبية : ومين قال إن كنان هيتجوزها بقا .

خالد الشناوي بغضب : انا اللي قولت يا كنان وكلامي يا هيتنفذ .

كنان بغضب : اعذزني يا جدي بس انا مش هقدر انفذ كلامك .

خالد الشناوي بعصبيه شديده : لا هتنفذه وغصب عنك يا كنان هتتجوز تالا ودلوقتي اهو وحالا.

ثريه بغل : بقا طولت السنين اللي عدت دي كنت عايزها اشمعنا دلوقتي لا بنتي كانت هتموت بسببك .

كنان بعصبية : تموت والا متموتش انا ماليش دعوه انا مش هتجوز حد .

عدي بعصبية : في ايه يا جدو من امتا وانت بتغصب حد علي حاجه .

خالد الشناوي بعصبيه شديده : انا عارف مصلحته مع تالا وهو هيتجوزه وغصب عنه .

كنان بغضب : لا مش هتجوزها وعمري ما افكر حتي اتجوزها .

خالد الشناوي بغضب شديد : لو متجوزتهاش يا كنان لا انت حفيدي ولا اعرفك وهتبرا منك ليوم الدين .

كنان بهدوء : هتتبرا من كنان حبيبك يا جدو عشان عايز تغصبه علي جوازه هو مش عاوزها .

خالد الشناوي بعصبيه : نفذ اللي بقولك عليه وانت تبقي حفيدي .

كنان بعصبية : مش هتجوزها أنا مبحبهاش بكرهها بكررررهها بكرررررههااا .

خالد الشناوي بغضب شديدد ؛ يبقي يا تتجوزها يا تنسي انك من عيله الشناوي وكل مليم ليك من عيله الشناوي هيروح منك حتي العربيه اللي انت راكبها مش بتاعتك وهحرمك من ميراثك وهيكون اسمك كنان بس .

ثريه بغل : ويبقي خلي شغل المستشفي الحكومي ينفعك ده بنتي مش عارفه هتموت عليك ليه. 

كنان بغضب شديد : مش هتجوزها يعني مش هتجوزها أنا بكرهها وبغضب أشد وكنت عايز اقولك اني متجوز اه اتجوزت يا..يا…خالد يا شناوي .

عدي بعصبية : مينفعش كده يا جدي وكنان متجوز واحنا حضرنا فرحه .

ثريه بغل وكره : ازاي متجوز وبنتي اللي معشمها دي اللي موتت نفسها عشان .

كنان بغضب : انا معشمتش حد واتجوزت واحده بحبها وبتحبني ومش عايز فلوس وهي راضيه بيا كده وحبه اني شغال في مستشفي حكومي وقام لكي يذهب لغرفته.

عدي قام خلفه : اهدي يا كنان جدي اكيد مش قصده كده وهو عرف انك متجوز يعني مش هيغصبك علي حاجه .

تالا بدموع مزيفه : عملتلك ايه انا لكل ده قولي ليه وهمنتني بالحب وروحت اتجوزت واحده تانيه عملتلك ايه انا .

كنان بغضب : اقول عملتي ايه اقول انتي ملكيش كلام معايا نهائي فاهمه والا لا .

خالد الشناوي بغضب شديد : ازاي اتجوزت من غيري ما تقولي وتالا بنت عمتك اللي انت عشمتها .

كنان بغضب : انا معشمتش حد ولا حبيت حد انتوا اللي وهمتوني من وانا صغير ان كنان بيحب تالا بس طلع العكس انا بكرهها بكرهها .

خالد الشناوي : طول ما البت اللي انت متجوزها دي علي ذمتك انت لا حفيدي ولا اعرفك وملكش عندي مليم .

كنان وهو يذهب باتجاه غرفته لكي يأخذ ملابسه .

ثريه بغل : ولا حتي هدومك انت معتش من عيله الشناوي لما روحت واتجوزت من ورانا .

خالد الشناوي بعصبيه شديده: كل حاجه من ميراثك هتروح لتالا يا كنان .

كنان بغضب : مش عايز حاجه ترك مفتاح سيارته وأخذ هاتفه وخرج .

مؤيد بدموع : ليه كده يا جدو ليه ثم ركض خلف أخاه .

عدي وهو يشير إلي تالا وبغضب قال : هفضحك قدام جدك يا تالا اوعدك اني هفضحك قدامهم .

ثريه بغل : ايه ياعدي بتهدد بنتي قدامي .

عدي بغضب شديد : وبهددك انتي كمان هفضحكوا كلكوا ثم نظر إلي جده وقال طالما كنان مش حفيدك يبقي احنا التلاته مش احفادك احنا هنشتغل في شغلنا احنا ومش عايزين حاجه من الورث ممكن تدي شركتك والورث كله لعمتي وبناتها احنا مش عايزين حاجه بس إبعدهم عننا ثم قال بغضب : هتندم اووي يا جدو وتركه وخرج خلف اخاه .

خالد الشناوي بحسره : خسرت احفادي التلاته.

ثريه بكره : هما اللي مصدقوا وباعوك يا بابا بس احسن احرمهم كلهم من الثروه احنا أولي بيها .

خالد الشناوي بغضب : ده حق ابوهم وهيفضل حق ابوهم .

تالا بكره : بقا كنان اتجوز عليا انا هندمه في الساعه اللي فكر فيها كده ثم ذهبت الي غرفتها .

مايا : يلا انا هخرج يا مامي وتركتهم وخرجت .

ثم ظلت ثريه مع والدها تقول له كلام عن كنان وإخوته وأنه يكرهونه …..

~~~~~~~~~~~~~~~~~~~~

في قصر المعز .

وعد وهي تجلس في حضن والدتها : يا ماما اهدي بقا ولله دي كانت حدثه علي بسيط كده وبقيت كويسه ومردتش اجيلك وانا تعبانه قولت اخف واجي .

فوفا بدموع : بقا تقلقيني عليكي كده يا وعد انا كنت هموت من القلق عليكي يابنتي .

وعد : ولله يا ماما انا كويسه قدامك اهو.

سجده وهي تضحك : خلاص بقا يا فوفا هي زي القرده اهي وقالت اريح شويه وتسيب الشغل عليا .

وعد بضحك : اه قولت اريح شويه .

عشق وهي تحضن وعد ؛ وحشتيني اووي يا وعد .

وعد وهي تضمها الي حضنها أكثر : وانتي اكتر يا قلب وعد طمنيني عليكي .

عشق بابتسامه : بخير يا حبيبتي طول ما انتي بخير .

وعد بابتسامه : حبيبه قلبي .

ثم نظرت إلي والدتها وقالت : بلاش دموع بقا يا ماما والله انا كويسه اهو .

فوفا بدموع : وحشتيني اووي ياقلب امك .

عشق بابتسامه : وانتي اكتر وعلي فكره وحشني ورق العنب بتاعك .

سجده : وانا يا فوفا نفسي وخداني علي المكرونه بالبشاميل بتاعتك .

وعد بضحك : يعني يا فوفا بطلي عياط بقا وقومي عشان هندخل المطبخ كلنا ونعمل اكل سوا .

عشق بفرحه : ايوه بقا انا بحب قعدت المطبخ دي اوي .

فوفا : طب اطلعي غيري يا بنتي وانزلي وهندخل كلنا المطبخ .

وبعد فتره دخلوا المطبخ سويا وظلوا يعملوا لهم اكل وسط ضحكاتهم ولعب سجده وعشق بالدقيق …

~~~~~~~~~~~~~~~~~~~~~~

في حديقه قصر الشناوي 

مؤيد بدموع : استني يا كنان انا جاي معاك .

كنان بهدوء : ارجع يا مؤيد عند جدك مينفعش تسيبه عيب .

مؤيد بدموع : لا مش هسيبك انا هاجي معاك .

عدي وهو يأتي إليهم : وانا معاكوا ثم احتضنهم وقال انتوا اخواتي الصغيرين وانا مقدرش اسيبكوا.

مؤيد بدموع : بس هنروح فين احنا معندناش بيت .

عدي وكنان بضحكه سويا : هو انت مفكرنا فقرا .

مؤيد : ماهو جدك سحب كل حاجه مننا ده انا حتي مفتاح عربيتي مجبتوش وسيبته زيك .

عدي بضحكه: طب يلا علي عربيتي دي جايه من فلوسي انا .

ثم ذهبوا الي سياره عدي وذهبوا الي مكان به ثلاث قصور بجنب بعضهم البعض لهم بوابه واحده ولكن كل واحد منعزل عن الثاني .

مؤيد بصدمه : بتاع مين ده .

عدي بضحك : قول بتوع مين .

كنان بهدوء : واحد بتاعك واحد بتاعي واحد بتاع عدي .

مؤيد بصدمه : انا اول مره اشوفهم مين جابهم .

عدي بهدوء : تعالي ندخل اول واحد ده مفروش ده بتاعي لما بحب ارتاح باجي هنا .

مؤيد بصدمه : يعني انتوا لما كانت عمتي تجلنا وتحبوا تختفوا تيجوا هنا .

عدي وكنان : ايوه .

مؤيد بصدمه : طب مين عملهم دول احلي من اللي احنا قاعدين فيه.

عدي بهدوء : هحكيلك بص مش انا وكنان كنا من واحنا صغار نشتغل في الشركه مع بابا اي شغل وكنا بنشتغل زينا زي اي موظف مع تعليمنا .

مؤيد : ايوه كانوا بتشتغلوا تقريبا من وانتوا عندكوا 15 سنه او اقل كمان .

كنان بهدوء : كنا بنتشغل كتير مع تعليمنا انا لغايه دلوقتي بشتغل في الشركه .

مؤيد بصدمه : امتا وازاي .

عدي بهدوء : مش انا عملت شركات منفصله ليا عن شركه بابا وشركه جدي .

مؤيد : ايوه .

عدي بابتسامه : بس مش انا لوحدي انا وكنان كنا ديما نعملهم سوا ونحوش مع بعض ونلم فلوسنا علي بعض وكل حاجه في الشركات باسمنا احنا التلاته ايوه احنا كنا بنحط نصيبك زينا ما انت مش اخونا انت ابننا .

مؤيد وهو يحتضنهم: انا بجد فخور بيكوا اووي بس ازاي قدرتوا تعملوا كل ده وانتوا لسه صغار .

عدي بابتسامه : انت متعرفش عننا حاجات كتيره واولها اني ظابط .

مؤيد بصدمه : نعم احلف ازاي ده انا اعرف انك مهندس برمجه ثم نظر الي كنان وقال وانت دكتور والا ايه نظامك .

كنان بضحك : ايوه انا دكتور يا سيدي ومحدش يعرف أن عدي ظابط غير انا وابوك الله يرحمه وحازم  .

مؤيد. بذهول : ليه ده حتى جدو ميعرفش.

عدي بهدوء : مؤيد بص انا ظابط اه بس ظابط مخابرات يعني محدش يعرف عن شغلي حاجه .

كنان : وانا يا سيدي دكتور بس كنت علي طول شغال مع اخوك في الشركات عدي ماسك الفرع الرئيسي وانا ماسك الفروع التانيه بمر عليهم علي طول وبخلص شغلي ساعات وانا في المستشفى .

مؤيد بذهول : يعني واحد طلع مهندس وظابط وانت طلعت دكتور وعندك شركات ازاي .

عدي : بابا الله يرحمه كان معلمنا ازاي نشتغل في الشركه وعلمنا ازاي نعرف نعمل الصفقات وازاي نفوز بيها وقدرنا نكبر الشركه وماما الله يرحمها كانت عمله لينا مبلغ كبير في البنك باسمنا احنا التلاته ومكنتش قائله لحد عليه فاحنا صحبنا الفلوس دي وانا كان عندي 21 سنه ثم كملنا من الفلوس اللي كنا بنشتغل بيها وعملنا اول شركه لينا من سبع سنين وبعدين بقا الشركه دي كبرت وبقت مجموعه شركات وكلهم متقسمين بالتساوي بينا احنا التلاته والقصور التلاته دول احنا صممناهم لينا احنا التلاته اللي احنا قاعدين فيه ده اول واحد بتاعي انا وده المفروش وتأني واحد بتاع كنان وتالت واحد بتاعك انت بس بتاعك وبتاع كنان مش مفروشين .

كنان بهدوء :في هدوم فوق يا عدي .

عدي : ايوه في اوضتك .

مؤيد : طب انا ليا اوضه زيكم وهدوم والا لا .

عدي بضحك : ليك اوضه بس هدوم لا هنبقي ننزل ونجبلك هدوم .

كنان بهدوء : هنروح لاهل حياه بالليل انا قولت لابوها .

عدي بابتسامه : طب تعالي في حضني ولو عايز تعيط عيط .

كنان وهو يحتضنه ولكن لا يبكي : انا مصدوم اوووي يا عدي مصدوم في جدك اوووي .

عدي بهدوء : اهدي هما اكيد عملوا حاجه واحنا هنفهم ونفهم جدك .

كنان وهو يعتدل : انا طالع فوق ثم تركهم وذهب الي غرفته …

~~~~~~~~~~~~~~~~~~~~~~~~

في المساء 

في منزل محمد الصافي .

اتي كنان ومعه مؤيد وعدي ثم بعد ترحاب جلسوا سويا .

عدي : انت اكيد عرفت ياعم محمد أن هما كتبوا كتاب في الصعيد .

محمد الصافي: ايوه .

عدي : واحنا عايزين الفرح علي اخر الاسبوع احنا جبنا ليها قصر بس لسه هنفرشه وعلي اخر الاسبوع هنعمل فرح وبكرا هناخدها ونجيب شبكتها .

محمد بذهول : انتوا مش جبتوا ليها شبكه في الصعيد .

كنان : ايوه ياعمي بس احنا هنجبلها شبكه تاني وهي هتخترها ومعها شبكتها بردو .

محمد الصافي: بس كده كتير .

عدي : لا ياعمي بنتك تستاهل اكتر من كده واحنا أن شاء الله علي اخر الاسبوع هنعملها فرح كبير .

احمد الاسيوطي: بس معلش يا ولدي سيبونا احنا نفرش البيت طالما انتوا اشتريتوا ليها واحد لحالها.

كنان : بس ياعمي احنا هنفرشه واتفقنا مع الناس قبل ما نيجي .

ابراهيم الصافي: عيبه في حجنا يا ولدي بيت بتنا ونفرشه احنا هنفرشه واحسن فرشه كمان وجبل الاسبوع ما يخلص هيكون مفروش .

محمد الصافي : وانا عاينلها نصيبها هي واختها .

احمد الاسيوطي : لا يا ولدي فلوسك اللي انت شايلها علي جمب خليها ليهم أو حطها ليها في البنك واحنا حطينا ليها بردو .

كنان بهدوء : والمهر اللي تطلبه ياعمي .

محمد الصافي: بس انت جبتوا مهرها يا ولدي .

كنان بابتسامه : ما احنا قولنا هنعمل فرح تاني وهنجبلها مهر تاني قد اللي ودناه هناك .

عدي : ايوه واللي انتوا عايزينه هنعمله وهناخدكوا بكرا نجيب شبكتها وناخدها لمصممه عشان الفستان واي حاجه تطلبوها احنا هنعملها 

محمد الصافي بفرحه : الف مبروك يا ولاد .

احمد الاسيوطي: بس فرش البيت علينا وده اخر كلام .

عدي بهدوء : حاضر ياعمي هنخدكوا بكرا نوريكوا البيت .

ثم نادي محمد علي حياه وقال لها أن تأتي لهم بمشروب .

فاتيت حياه باكواب تحملها بخجل وخلفها عهد .

مؤيد بصدمه : انتي ..

عهد بصدمه : انت ..