رواية حلمي أنت الحلقة الرابعة 4 بقلم أميرة
 |
| رواية حلمي أنت الحلقة الرابعة 4 بقلم أميرة |
رواية حلمي أنت الحلقة الرابعة 4 بقلم أميرة
ماشيه تكلم نفسها ومره واحده خبطت ف واحد
أميره:اااه اسفه اسفه”وبتبص تشوف خبطت في مين لاقيته واحد قمر وقالت لنفسها”: يالهوي ايه العسل دا
كرم:انا اللي اسف انتي كويسه
اميره:هاا.. اه اه انا كويسه
كرم لنفسه احنا معانا بنات قمر كدا ف الشركه “وقام مادد إيده وبيسلم”:انا كرم انتي شغاله هنا
أميره:اهلا انا اميره لا مش شغاله هنا انا جايه مع سليم
كرم:هتيجي الشركه علي طول
أميره:لا مش عارفه
كرم:هتنوري لما تيجي
أميره:بنورك
..سليم كان طلع من مكتبه وشافهم واقفين يتكلموا مع بعض وراحلهم
سليم:يلا
أميره:ماشي،سلام يا كرم
كرم:سلام خلينا نشوفك تاني
كرم جري ع أيتن بعد ما مشيوا…
كرم:ايتن أيتن
أيتن:نعم
كرم:مين القمر اللي مع سليم
أيتن:مشوفتش قمر معاه
كرم:اخلصي بقي مين اللي معاه دي
أيتن:أميره بتقول انها قريبته ومش عايشه هنا
كرم:طب كويس انها قريبته وبس
..وطلع سليم واميره ركبوا العربيه ووصلوا البيت
سليم:تليفونك
اميره:اها اشتغل
سليم:معرفش
أميره: ايه دا يا سليم مش راضي يشتغل انا هطلع برا
سليم:هتروحي فين
اميره:هشوف المكان اللي جيت منه تاني
سليم:ما احنا روحنا الصبح ومش لاقينا حاجه
اميره :طب حط خطي عندك كدا يمكن يشتغل
سليم خده حطه ف تليفونه..
سليم:مش شغال مجابش ارقام انتي مش حافظه ارقام حد
أميره:مش حافظه ولا رقم
سليم:طب خدي شوفي الاكونتات بتاعتهم
أميره:اه صحيح هات
كتبت اسامي الاكونتات بتاعت اصحابي وكل اللي اعرفه بس مكانتش بتظهر خالص كل اكونت كنت اعرفه اختفي حتي جربت افتح الاكونت بتاعي مش راضي يفتح حاجه غريبه اوي والباب اللي جيت منه مش موجود
اميره بحزن:مفيش حاجه بتيجي انا هقوم ادخل الاوضه
سليم:انا طالع برا وجاي علي طول
اميره:تمام
ودخلت الاوضه نمت ع السرير عماله افكر ف اي طريقه ارجع بيها بيتي اي طريقه اكلم بيها اهلي واصحابي بحمد ربنا اني قابلت واحد شكل سليم او كنت هبقي متلجه ف التلج اللي برا انا عامله زي ما يكون انا ف حلم مش هقدر اقول اني محبتش الحلم بالعكس حبيته وحبيت الاماكن اللي شوفتها وحبيت بيت سليم حبيت لوز بس مهما كان هنا مش بيتي هنا مفيش امي مفيش اصحابي وعيلتي مفيش كليتي ودراستي قعدت اتكلم وافكر مع نفسي لحد ما روحت ف النوم نمت ييجي ساعتين وقومت طلعت لاقيت سليم قاعد مع لوز بيتفرجوا ع التلفزيون روحت قعدت جنبهم
سليم:بقولك
اميره:ايوه
سليم:انا خدت تليفونك اشوف حد يفتحه بس مش راضي يتفتح والخط مش راضي يشتغل وجبتلك تليفون وخط جديد خليهم معاكي لحد ما ترجعي بيتك وسجلت رقمي عندك
اميره: تمام شكرا
سليم:وطلبت بيتزا شويه وهتيجي بتاكليها
اميره:اها بحبها
سليم:تمام
شويه والاكل وصل وكلنا وقعدنا نتفرج ع التليفزيون انا وسليم ولوز لحد الليل
اميره:سليم
سليم:نعم
اميره:هتاخدني الشغل بكره معاك
سليم:لا بس اصحي بدري اعمليلي فطار
اميره:ماشي
بعد شويه سليم قام نام وانا كمان ولوز
…..تالت يوم الصبح…
قومت بدري عملتله فطار وبعد شويه سليم قام خد دش وجيه قعد وفطرنا وقومت عملتله قهوه وقعدت
سليم:هنروح مشوار دلوقتي
اميره:فين
سليم:هقوم اجهز واجي
اميره لنفسها :الاحسن اني مسألش احنا رايحين فين تاني علشان شكلي بقي خرا اما اقوم البس الكوتشي ع ما يجهز
..بعد عشر دقايق…
سليم طلع من اوضته لابس بدله سوده وجزمه سوده ومسرح شعره وحاطط برفانه
اميره لنفسها:خلاص هعيش هنا فعلا مش عايزه اروح
سليم:يلا
اميره:يلا
..وطلعنا ركبنا العربيه وانا قاعده اشمشم ف ريحة برفانه زي الكلبه ومره واحده سليم وقف العربيه
سليم:انزلي
اميره:اوك
نزلنا ومشيت ورا سليم ودخلنا محل ملابس كانت الهدوم كلها اجمل من بعض وانا واقفه هتجنن من جمال الهدوم فجأه سليم قرب عليا وقالي بصوت واطي
سليم:اختاري هدوم اللي انتي عايزاها علشان تلبسيها هنا علي ما ترجعي بيتك
اميره:هاا انا اختار بس كدا كتير انا هسدد ليك كل دا ازاي
سليم:ملكيش دعوة لما ترجعي بيتك مش هتشوفيني ولا هشوفك تاني اخلصي اختاري
اميره:مش هينفع اختار ياعم
سليم:احم تمام زوقها زباله انا هختار…هاخد الجاكت دا والبلوزه دي والبنطلون دا والبلوزه دي ودي ودي…………
…سليم كان بيلف ف المحل وعمال يختار هدوم ليا وانا واقفه متنحه للي بيحصل مش قادره استوعب هو ازاي جميل وبارد وقمر ومغرور كدا ايه الجمال والقرف والعظمه دي قطع تفكيري صوته
سليم:شيلي الشنط
اميره:هااه كل الشنط دي ليا
سليم:بسرعه هتأخر
أميره شالتهم بسرعه وطلعت وراها وركبوا العربيه :هتتأخر علي ايه
سليم:شغلي
اميره بفرحه:هتاخدني معاك
سليم:وفرحتي كدا ليه
اميره:اصل مكنتش عايزه اقعد ف البيت
سليم:اممم
…وصلنا الشركه ونزلنا وسيبت الشنط ف العربيه كان سليم ماشي بسرعه وانا ماشيه وراه واول ما دخل الشركه قابلته أيتن
أيتن:سليم بيه الاجتماع بعد نص ساعه
سليم:تمام والنجم موجود ولا زي كل اجتماع
أيتن:موجود يا سليم بيه
سليم:كويس اعمليلي فنجان قهوه
أيتن:حاضر ، ازيك يا أميره
أميره:الحمد لله كويسه
اميره:النجم مين
سليم:كرم
اميره:كرم اللي شوفته المره اللي فاتت
سليم:ايوه
أميره:بيغني
سليم:اه
اميره:ماشي
بعد شويه اميره وقفت تتصور بتليفونها الجديد في كل مكان ف المكتب وراحت وقفت جنب سليم
اميره:سليم بص للكاميرا
سليم:اسكتي مش فاضي
…دخلت أيتن بالقهوه وشافتها واقفه تتصور جنب سليم راحت تحط القهوه ع مكتب سليم قامت موقعاها عليها
اميره:ااااااااااااااااااااااااه القهوه مولعه حرام عليكي
أيتن بتمثيل:مش قصدي انا انا اسفه
سليم:تعالي نحط عليها مايه
أيتن بسرعه:لا لا خليك انت يا سليم بيه انا هوديها الحمام تحط عليها مايه وهجيب لحضرتك قهوه تانيه
…أيتن خدتني وطلعنا روحنا الحمام وفضلت احط مايه علي البلوزه مكان ما وقعت القهوه واحط ع إيدي علشان جت ع إيدي برضه واحمرت اوي
أيتن لنفسها:تستاهلي علشان تبقي تقفي تتصوري جنب اللي بحبه تاني عيله لازقه انا لازم احذرها بطريقه مباشره علشان متقربش منه تاني ولا تفكر انها تحبه
أيتن:اسمعيني يابت انتي اي كان انتي مين إياكي تحاولي تخلي سليم بيه يحبك ولا تجربي انك تحبيه هقتلك ساعتها انا بحبه فاهمه
اميره استغربت من طريقة كلامها ومن نبره صوتها اللي اتغيرت فجأة: انتي متخلفه ايه اللي بتقوليه دا انا ولا بحب سليم ولا عايزاه يحبني ومن كلامك دا افهم انك انتي اللي وقعتي القهوه عليا بقصد
أيتن:طلعتي بتفهمي بسرعه اهوه اجري قولي لسليم بيه بقي
اميره:انا مش هقوله حاجه بس مش علشان خايفه منك انا مش هقوله علشان انا مش عايزه اوجع دماغي بمشاكل
أيتن:شطوره يا حلوه
..أيتن طلعت وسابت اميره واقفه تنضف هدومها واميره وقفت تكلم نفسها :إنسانه مريضه جتها القرف قال هخلي سليم يحبني قال هوف هطلع ازاي كدا وهدومي مبلوله منك لله يا شيخه نشفت هدومي شويه وخدت مناديل وفضلت امسح ع هدومي وانا طالعه
كرم:اااااه
اميره:دانا اللي اااه جالي ارتجاج ف المخ ياعم
كرم:انتي تاني انتي بتمشي مغمضه ولا ايه
اميره:بمسح هدومي بس
كرم:حصلك ايه هدومك مبلوله
اميره: واحده عاميه وقعت القهوه عليا بدل ما تحطها ع مكتب سليم
كرم:العاميه دي تبقي أيتن تقريبا
اميره:عرفت ازاي هي وقعت قهوه عليك ولا ايه
كرم:لا احساسي قالي ان هي
اميره:احساسك ف محله يا نجم
كرم:عرفتي اني نجم
اميره:اها عرفت من شويه
كرم:تمام انا همشي بقي علشان عندي اجتماع سلام
اميره:سلام
مشي كرم واميره راحت عند مكتب سليم وقعدت
سليم:انتي كويسه
اميره:اممم كويسه خالص
سليم:مالك
اميره:مفيش حاجه
سليم:ماشي
سليم:ادخلي
أيتن:سليم بيه الكل بقي ف قاعه الاجتماع ومستنيين حضرتك
سليم:تمام يلا بينا..وطلعوا برا المكتب
اميره بتتريق ع صوت أيتن:سليم بيه الكل بقي ف قاعه الاجتماع ومستنيين حضرتك
…عدا وقت والاجتماع خلص
سليم: كويس مش اعترضت ع كلامي المره دي
كرم: كان كلامك صح وفيه مصلحه ليا فوافقت
سليم:طب كويس اننا اتفقنا اخيرا
..وراح سليم ع مكتبه ووراه أيتن علشان تقوله علي ترتيب الشغل الفتره الجايه ولما دخلوا المكتب لاقوا اميره نامت كانت سانده دماغها ع المكتب وايديها تحت دماغها وقاعده ع الكرسي
أيتن لنفسها:ياريت تكون ماتت مش نايمه
سليم:اميره..اميره
اميره:ايوه
سليم:قومي اغسلي وشك
اميره فاقت :انت خلصت شغل
سليم:اه قومي اغسلي وشك وتعالي
اميره:تمام
سليم:تمام يا أيتن اتفضلي انتي
اميره راحت غسلت وشها ورجعت ع مكتب سليم
اميره:انت اتاخرت اوي ف الاجتماع ليه
سليم:كام مهم…قومي يلا
اميره:هنروح فين
سليم:الكافيه نشرب حاجه
اميره:يلا
…ف الكافيه…
سليم:تشربي ايه
اميره:نسكافيه سكر زياده
سليم:لو سمحت نسكافيه سكر زياده وواحد قهوه ساده
اميره:الشريط بيعيد نفسه
سليم:يعني ايه
أميره:لما جيت انا وايتن هنا طلبنا كدا برضه نسكافيه وقهوه
سليم:طيب
اميره:بس انت لو حللوا دمك هيلاقوا نسبه القهوه اكبر من الدم
سليم مردش وبصلها من تحت عنيه????
اميره:طب اضحك جاملني حتي
سليم:أيتن سألتك عايشه فين
اميره:ايوه قولتلها اني بنت عمك واني عايشه ف تركيا
سليم:تمام
اميره:قولي يا سليم
سليم:ايه
اميره:انت مش مرتبط
سليم:عايزه ترتبطي بيا
اميره:لا مستحيل انت مش نوعي المفضل
سليم:انتي متطوليش اصلا
اميره:احسن مش عايزه اطول اصلا …رد بقي ع السؤال
سليم:مش مرتبط
اميره:مفيش حب ولا خطوبه ولا جواز ولا اي حاجه
سليم:مش فاضي واتعودت ع الوحده
اميره:اممم
*اتفضلوا القهوه والنسكافيه
اميره:شكرا
…شربوا وقام سليم راح ع مكتبه وخلص شغل ع اخر النهار وقامو مروحين
…ف البيت…
سليم:اعملي اكل
اميره:ما تطلب اكل الله يخليك
سليم:هدخل اغير هدومي تكوني عملتي اكل
اميره بغضب:طيب
…راحت عملتله اكل وكلوا وخلصوا واميره دخلت اوضتها وسليم فضل قاعد.ف الصاله شغال ع اللابتوب بتاعه لحد ما بقوا بالليل
سليم لنفسه:هي بتهبب ايه جوا مطلعتش من بدري
سليم بصوت عالي:اميراااااااااااااااااااااااااااااه
اميره:نعااااااااااااااااااام
وفتحت باب الاوضه شويه وطلعت دماغها بس :عايز ايه
سليم:تعالي هاتيلي اشرب
اميره:سليم انت بتهزر المايه جنبك اهيه
سليم بص ع الطرابيزه قدامه شاف المايه
سليم:احم مخدتش بالي
اميره:تمام تمام …ودخلت وقفلت الباب
..بعد شويه
سليم:اميراااااااااااااااااااااااااه
اميره فتحت الباب:يانعم
سليم:اعمليلي قهوه
اميره:قوم نام يا سليم
سليم:اخلصي
اميره:ع فكره لو شربت قهوه مش هتعرف تنام وانت عندك شغل بدري صح
سليم:مش هقولك تاني تعالي اتزفتي اعمليلي قهوه
اميره بابتسامه مزيفه:حاضر يا سليم بيه
..طلعت عملتله القهوه …
اميره:اتفضل
سليم:اقعدي
اميره:قعدت
سليم:انقلي الكلام اللي موجود ف الملف دا ع اللابتوب
اميره بصدمه:نعم!!
سليم:بسرعه
اميره:سليم الملف كبير اوي
سليم:يبقي تبدئي بسرعه علشان تخلصي
اميره:بس..
سليم:خلصي
اميره:طيب
…اميره قعدت تنقل الملف ع اللابتوب وسليم شرب القهوه وقام نام وسابها قاعده
…رابع يوم الصبح صحي سليم وطالع من اوضته لاقي اميره نايمه ف الصاله ورافعه رجليها ع الطرابيزه وجسمها ع الارض والملف محطوط ع وشها قعد يضحك ع شكلها وراح يقومها
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية الخادمة والأمير للكاتب محمود حماد.
