رواية أحببت رائد الفصل الثاني والعشرون 22 بقلم ريم متولي
 |
| رواية أحببت رائد الفصل الثاني والعشرون 22 بقلم ريم متولي |
رواية أحببت رائد الفصل الثاني والعشرون 22 بقلم ريم متولي
بتفتح مكه الورقه لقت مكتوب فيها *لو رجعت بعد المهمه دي عاوز اعترفلك بحاجه مهمه قوي اشوف وشك بخير*
قرأت المكتوب حست ان فيه حاجه مش كويسه حست للحظه انه مبقاش موجود في حياتها حست انها بتضيع
__
محمود:مالك يا جاسر
جاسر وهو باصص للسما:مليش
محمود:متحاولش تخبي عني انا عارفك كويس
جاسر:عاوز اي من واحد رايح شغله مش عارف هيرجع عايش ولا ميت
محمود:مش دا اللي شاغلك ياما دخلنا مهمات اصعب من كدا فرص الموت فيها كانت اكيده وربنا نجانا
جاسر بص للسما تاني ومردش
محمود:بتحبها!
جاسر:مين
محمود:متحاولش تخبي عيونك فاضحاك يادوب قولت بتحبها عيونك لمعت
جاسر:اتأكدت اني بعشقها
محمود:وانت خايف متشوفهاش تاني صح
جاسر:انا خايف عليها هي
محمود:خير يا صاحبي متخافش
__
مكه انتهت من صلاة فرضها وفضلت تدعي لجاسر ان ربنا يرجعه بالسلامه هي متعرفش فيه اي بس قلبها بيقولها انه في خطر دخلت اوضته تاني وطلعت قميص وبنطلون من هدومه ولبستهم وحضنت المخده بتاعته ونامت
__
اللواء محمد:جاهزين يا شباب
الكل:ايوة يافندم
اللواء محمد:ربنا معانا
اتجهو للمكان اللي هتم فيه الصفقه المكان عبارة عن بيت قديم علي البحر والصفقه هتيجي علي سفن عن طريق البحر
اللواء محمد خد فرقته ووقف في المكان اللي اتفقو عليه وجاسر ومحمود كذلك *«بعد نص ساعه»*
*«عن طريق اللا سلكي»*
جاسر:السفن ظهرت يافندم
اللواء محمد:جميع الوحدات تركز محدش يهجم غير بأمر مني
السفن رست ع الشط والرجاله اللي شاغلين مع تاجر المخدرات والاسلحه نقلو كل البضاعه من السفن علي عربيات
اللواء محمد:باين ان رئيسهم بعتهم لوحدهم اكيد هياخدو البضاعه دي ليهم محدش يهجم احنا هنتبعهم
جاسر:عُلم يا فندم
خلصو نقل البضاعه وبالفعل اتوجهو للمكان اللي رئيسهم قاعد فيه
محمود:العربيات دي متجهه علي مصنع الدهشوري يعني مصنع يوسف زميلنا ووالده
جاسر:مستحيل طبعا فيه حاجه غلط
اللواء محمد:انا مش عاوز اي ردة فعل غبيه كل حاجه هتبان دلوقتي
وصلو للمصنع والقوات العسكريه داهمت المكان مفيش غير اللواء محمد وخمسه من فرقته وكذلك جاسر ومحمود وخمسه من فرقة كل واحد فيهم دخلو المصنع
جاسر:انا هتحرك شوية لقدام عشان اشوف هما مين بالظبط
اللواء محمد:تمام
تحرك جاسر وفجأه وقف من الصدمه مبقاش عارف يعمل اي ورجع مكانه تاني
اللواء محمد:شوفت مين
