رواية هنديان وجدعنة السلطان الفصل الثالث والعشرون 23 والأخير بقلم آية حسن

سلطان ف اوضته وتليفونه رن ورد 

سلطان: الو .. 

سلطان ظهرت علامات الصدمة ع وشه: ايه!!! ازاي ؟ .. طب خليك وراها اوعى تغيب عنك لحظة .. تمام 

سلطان نزل بسرعة وبيدور ع هنديان وملقهاش .. خرج برة لقاها قاعدة مع زهرة ف التراس وبيضحكوا

سلطان: Hey! انتوا هنا؟

زهرة: خير يا حبيبي 

سلطان: ف حاجة حصلت بس يا ريت متتصدموش 

الاتنين وقفوا بقلق وسلطان تابع بعد ما اتنهد: قمر اتقتلت

هنديان حطت ايدها ع بوقها بصدمة .. وزهرة علامات الدهشة بانت عليها

هنديان بدموع: ازاي ومين عمل فيها كدة

سلطان: كنت مكلف بلال يراقب مرام .. وهي طبعاً بعد اللي حصل راحتلها وواضح حصل ما بينهم مشادات ولقوها مقتولة ع الطريق 

هنديان قعدت بحزن وفضلت تبكي وزهرة قربت منها ومسحت ع دراعها بعد ما حاوطتها

زهرة: ملك ، يا قلبي متزعليش هي اللي عملت كدة ف نفسها 

سلطان قعد جنبها ومسك ايدها: كفاية دموع .. متستحقش تنزليهم عشانها .. كل دة كان جزاء طمعها

زهرة: عندك حق يا سلطان .. انتي اتعذبتي بسببها هي وربنا خدلك حقك 

صفية ف المستشفى مع زينهم وأولادها وعماله تصرخ وتصوت وتبكي ع موت بنتها 

صفية بصراخ: قمرررر يا بنتي .. سبتيني ليه 

زادت ف صرخاتها وبتقطع ف هدومها بحرقة: ااااااه .. ليه يا رب .. خدتها مني لييييه ااااااه

زينهم ببكاء: قمر ماتت بسببك .. انتي السبب يا صفية .. ضيعتيها بسبب طمعك .. ياما حذرتك وانتي مسمعتيش كلامي .. شوفي آخرة ظلمك للبنت اللي سترتها ف الدنيا .. ربنا حرمها منك ومني .. وكفى هنديان من شرها

صفية بدموع: حرام عليك .. انا ف ايه ولا ف ايه .. بسبب حبك لهنديان بنتي جرالها اللي جرالها .. طول عمرك بتفضلها عليها .. انت اللي زرعت الكره دة فينا من زمان ..

وتابعت بانفعال: انت السبب ف اللي حصل لبنتي .. أيوة انت السبب

زينهم حرك راسه بحزن وضرب كف ع الاخر بقلة حيلة وسابها ومشي 

ف المكان اللي فيه شاكر .. دخل محمود عنده وكان شاكر بيجهز شنطه وشكله خلاص هيسافر 

شاكر: جبت العربية يا محمود 

محمود: أيوة .. هو انت هتروح المطار لوحدك 

شاكر: مش لازم حد يشوفنا مع بعض … هات الماسك 

محمود اداله شنطة صغيرة وطلع منها دقن وشنب وماسك منحوت ع وشه وشاكر لبسهم وشكله اتغير عشان طبعاً محدش يعرفه .. ويقبض عليه 

محمود: واتفضل الباسبور الجديد أهو 

شاكر خده منه ومسك شنطته: يلا بينا 

خرج شاكر ومعاه محمود وركب العربية مع سواق ومحمود وراه بعربية تانية عشان يطمن عليه 

سلطان: يعني ايه يا فندم الكلام دة 

الظابط: يعني لازم نعمل كمين لـ سراج عشان يظهر ونعرف نقبض عليه

سلطان: طيب الحفلة دي مش فيها خطر علينا 

الظابط: متقلقش احنا هنحميكم، لأن طبعاً هنبقى مأمنين كويس المكان

سلطان: تمام .. اتمنى تقبضوا عليه من غير مشاكل 

الظابط: ان شاء الله .. بعد اذنك 

الظابط مشي وزهرة وهنديان اتقدموا عليه

زهرة: سلطان .. انت ناوي تعمل كدة فعلاً

سلطان: لازم يا ماما .. عشان نخلص من الحكاية دي بقا ونعيش ف سلام 

زهرة: ربنا يستر … يلا خد ملك وشوف هتعملوا ع ايه وهتجهزوا الحفلة ازاي 

شاكر وصل المطار بشكله المتنكر به ووقف قدام شباك الجوازات .. والظابط مسك الباسبور وبيبص للي ف الصورة ولـ شاكر .. ولسة هيختمله فجأة ظابط دخل وقال

الظابط: انت مقبوض عليك يا شاكر يا شافعي

شاكر ارتبك وبعدين قال بتمثيل: What!! ، I don’t speak Arabic

“ايه!! انا مبعرفش اتكلم عربي”

الظابط خلع نظارة شاكر والقناع: بس احنا بقا بنعرف

شاكر بان ف عنيه التوتر وفجأة زق الظابط وجري بسرعة لبرة المطار وركب تاكس والظابط وراه 

مرام بتتكلم ف التليفون: ألو .. أيوة يا بابا انا بلغت عن شاكر وزمانه مقبوض عليه دلوقتي .. خلص انت مهمتك وكلمني عشان نتقابل .. باي 

“مرام كانت بتراقب محمود زي ما قالها سراج وعرفت مكان شاكر وبلغت عنه”

بالليل ف الحفلة .. هنديان جهزت ولبست فستان جميل جدا وكذلك سلطان لبس بدلة شيك واتقابلوا ع السلم وهم بيبصوا لبعض بابتسامات .. سلطان مد كفة ايده ليها .. وهي بعد تفكير بسيط حطت ايدها ف ايده .. ونزل بيها .. وخرج للحفلة وكان فيها ناس كتير وبلال والشلة بتاعته .. وفضلوا يمارسوا طقوس الحفلة كإنها حقيقي .. وشد هنديان لحضنه وبيرقص معاها

هنديان بخجل: سلطان انت بتعمل ايه

سلطان وهو بيرقص معاها: ايه رأيك نعلن خطوبتنا دلوقتي 

هنديان: بطل بقا يا سلطان احنا ف ايه ولا ف ايه

سلطان: بتكلم بجد

هنديان: ع فكرة انت بتستغل الظروف 

سلطان: وحد يلاقي حاجة تقربه من حبيبه وميستغلهاش

هنديان زقته وهي بتضحك: طب اوعى بقا .. انا أصلا مش موافقة 

سلطان: بقاااا كددددة .. طب تعالي بقا 

جريت هنديان بسرعة وهي بتضحك لغاية ما وصلت لوالدتها واستخبت وراها

زهرة: انتوا بتلعبوا!

سلطان: جوزيني بنتك بقا يا ماما 

هنديان طلعتله لسانها: لأ 

سلطان بتحدي وتوعد: كدة؟ طب استني 

سلطان بص ع المعازيم ونادى بصوته: Hey guys! ركزوا معايا هنا .. النهاردة خطوبتي انا وبنت عمي القمر دي 

بص ع هنديان اللي فاتحة عيونها بدهشة من جنانه وزهرة مبسوطة بتصرفه .. مسك أيدها وشدها له .. وصحابه وكل اللي ف الحفلة صقفوا واطلقوا الصفير بفرحة ..

سلطان بهمس: ايه رأيك بقا 

هنديان بابتسامة: مجنون 

مرام راكبة عربيتها وف طريقها لجنة وقفتها

الظابط: انتي مرام الحوتي

مرام بتوتر: أ… أيوة .. ف ايه 

الظابط: مطلوب القبض عليكي بتهمة القتل العمد

بعد شوية .. الحفلة شغالة عادي .. دخل واحد ف وسط الزحمة وطلع سكينة وهجم ع سلطان اللي كان مدي ضهره للشخص من غير ما ينتبه له .. وهوب رفع السكينه عليه بس قبل ما يضرب سلطان الشخص اضرب بالنار … 

وطبعاً كان سراج .. الكل فضل يصرخ .. وهنديان وزهرة خافوا ع سلطان .. وبصوا لقوا شاكر واقف ماسك مسدس ف ايده .. البوليس كان متنكر ف زي عادي عشان محدش يعرفه .. 

جريوا ع شاكر وقبضوا عليه .. وسراج اللي واقع ف الأرض كان ميت .. سلطان بص ع أبوه بحزن قبل ما ياخدوه ويمشوا .. وزهرة وهنديان قربوا منه وزعلانين عليه 

بعد كام يوم سلطان قاعد ع الكنبة ومايل لورا ومغمض عينه بتعب .. هنديان قربت منه وقعدت جنبه

هنديان: انت زعلان عشان عمي شاكر

سلطان فتح عينه: هو مهما كان ابويا يا هنديان .. وزعلان ع اللي عمله واللي وصله لكدة

هنديان حطت ايدها ع كتفه: متسيبهوش يا سلطان روحله

سلطان اتعدل وهو بيبصلها بدهشة: بتقولي ايه

زهرة قربت منهم لما سمعتهم: عندها حق يا سلطان .. دة ابوك يعني لازم تقف جنبه ف محنته 

سلطان سكت شوية واتنهد .. وبعدين زهرة تابعت كلامها: وكمان عشان تسافر انت وهنديان عشان العملية 

هنديان بدهشة: عملية؟ عملية ايه

زهرة: وشك يا حبيبتي .. انتي من حقك تعيشي طبيعي زي الناس لأنك ف الأصل جميلة 

سلطان: فعلاً يا ماما .. انا كلمت الدكتور اللي ف أمريكا وحدد معايا معاد بعد أسبوعين

هنديان بخوف: بس… بس انا عندي امتحانات 

سلطان: عادي .. هتخلصي ونمشي .. بس انا ليا طلب عاوز نكتب الكتاب قبل ما نسافر وبالمرة نقضي شهر العسل هناك

هنديان: ايه يا سلطان انت مستعجل أوي كدة ليه .. لا أجل الجواز بعدين 

سلطان بضجر: ليه بس .. بعد كل دة عاوزاني أأجل جوازنا

هنديان: عشان خاطري .. خليني ع راحتي 

سلطان اتنهد: ماشي .. اللي تشوفيه

بدأت هنديان امتحاناتها وسلطان بيذاكر لها ومعاها خطوة بخطوة .. بتشوف زينهم برة ف اي مكان لأن سلطان حذرها تروح عندهم تاني بعد اللي حصل .. مصطفى طبعاً بيزورها ع طول وساعات بيبات معاها .. وطلبت من سلطان ينقله لمدرسة أحسن بعد السنة دي عشان هو نفسه يبقى حاجة كبيرة ف المستقبل .. 

صفية من بعد اللي حصل لقمر دخلت ف نوبة اكتئاب وزعل ومنعزلة تماماً .. زينهم بيحاول معاها بس هي مش قادرة تتأقلم .. انكسرت بعد موتها .. هنديان زعلانة عليها جداً وبرغم اللي عملته معاها بس صعبانة عليها حالتها وقالت لزينهم يعرضها ع دكتور وهي هتتكلف بالعلاج 

أحمد مع سارة ف الكافيه

سارة: معقول انت ياحمد يطلع منك كل دة؟

أحمد بانكسار: مكنتش اعرف انها كانت بتضحي عشانا

سارة: اللي يتخلى عن واحدة كانت ف يوم أخته صعب حد تاني يآمن له .. دة انت خلتني افتكرها شحاتة ومحاولتش تفهمني! .. وكمان بعد اللي عملته لأختك محاولتش برضو تفهمها الصح وسبتها تغرق نفسها ف الكره ناحيتها…

سكتت شوية وتابعت: وانا لما شوفتها يوم فرح قمر كنت حاسة اني اعرفها أو قابلتها قبل كدة .. وانت طبعاً مكنتش عايزني اعرفها بسبب كرهك انت كمان لها

أحمد: ورجعت لأهلها بسبب اللي عملناه وهي دلوقتي بقت أحسن

سارة: لما بعدت عنكم بقت أحسن .. حقيقي البنت دي صعبانة عليا .. داقت العذاب ألوان ومع ذلك كانت بتحاول تخفف عنكم 

أحمد بصلها بأسى وهي قامت

أحمد: رايحة فين؟

سارة: آسفة ياحمد انا مقدرش ءآمن لنفسي معاك بعد كدة .. مش يمكن ف يوم تتخلى عني زيها كدة من غير ما توقفني 

أحمد: سارة بس…

وقبل ما يكمل سابته ومشيت وهو زعل 

بعد ما خلصت امتحانات هنديان مع سلطان ف الطيارة وشكلها خايف .. وهو بيضحك عليها

هنديان بزمجرة: انت بتضحك ع ايه

سلطان بضحك: أصل منظرك يجنن وانتي متبتة فيا كدة 

هنديان سابت ايده بضيق وكشرت: طبعاً منت مقضي نص عمرك ف الطيارة

الطيارة بدأت تطير وهوب كلبشت فيه بسرعة وهي متوترة 

هنديان بصراخ: عاااااا .. هنموووت

سلطان فضل يضحك عليها وهي تصرخ 

بعد شهر .. الباب خبط ع الفيلا والعاملة راحت تفتح .. وكانت واحدة جميلة جدا واقفة ولابسة نضارة 

العاملة: حضرتك عاوزة مين!

زهرة من وراها: مين يا لبنى 

واتقدمت زهرة وشافتها بعد ما خلعت النضارة .. وبان ع ملامح زهرة الدهشة .. هي تعرفها أيوة نفس العيون والملامح الهادية الجميلة والإبتسامة الجذابة .. هي هنديان بنتها ضي عيونها ..

زهرة بلهفة وشوق: بنتي حبيبتي 

هنديان دخلت ف حضنها بسرعة: ماما .. وحشتيني 

زهرة: يا روحي 

زهرة فضلت تتلمس وشها بفرحة .. وبتبص عليها وهي مبسوطة بيها وبالتغيير الجميل اللي اكيد السبب ف سلطان ..

زهرة بانتباه: صحيح فين سلطان

سلطان من وراهم بزعل: دلوقتي افتكرتوني 

زهرة حضنته: متقولش كدة .. دة انت وحشتني أوي

سلطان باسها: حبيبة قلبي

بعد شوية وهم قاعدين

زهرة: قولولي بقا ناويين تعملوا ايه؟

سلطان: نتجوز طبعاً

هنديان بسرعة: لا

سلطان رفع شفايفه: نعم!!!

هنديان بتلعثم: احم اقصد المسابقة يا سلطان انت نسيتها ولا ايه

سلطان وقف ومسك ايدها شدها ليها: طب وحياة امك بقا فرحنا يوم الخميس اللي جاي هو بعد بكرة

زهرة ضربته بخفه ع خلفية راسه: يا قليل الأدب

سلطان بإحراج: آسف

كلهم ضحكوا عليه

يوم الخميس بعد الفرح .. سلطان دخل مع هنديان اوضتهم .. وكانت لابسة فستان جميل جداً .. كان سلطان مشتريه من امريكا عشانها .. طبعاً هي كان نفسها تفصله بنفسها بس من ضغط الامتحانات والعملية مقدرتش .. فخلى حد مشهور يصممهولها

سلطان حاوطها من وسطها وشدها له

هنديان بكسوف: سلطان بقا 

سلطان: قلب سلطان انتي … قوليلي بحبك

هنديان: لا 

سلطان بضجر: قولي بقا دة انتي مدوباني 22 حلقة حرام عليكي 

هنديان ضحكت: برضو لا

سلطان: طب هاتي بوسة 

هنديان بزمجرة: بطل قلة أدب 

سلطان: الليلة دي مسموح فيها قلة الأدب هههه

هنديان بتحذير: سلطاااان

سلطان: بس ايه الجمال دة يا بنت الايه .. طلعتي سوستة أوي 

هنديان بتعجب: سوستة؟

سلطان: آه .. يعني gorgeous “رائعة الجمال”

هنديان ضحكت: اسمها موزة ع فكرة 

سلطان: ياااه دة انتي قديمة أوي .. تعالي هحكيلك نكتة الجواز 

وغمزلها بخبث وهي جريت منه 

سلطان فرك ايده بحماس واتنهد: هااه قوينا يا رب 

بعد كدة هنديان دخلت المسابقة العالمية للأزياء وكسبت .. وعرفت باللي حصل لأحمد وسارة من مصطفى وخدت رقمها وكلمتها وقالتلها انه اتغير وطلبت منها ترجعله وسارة وافقت عشان بتحبه .. وكمان هنديان بعد ما يتخرج هتشغله ف الشركة بعد اذن سلطان اكيد وهو وافق رداً لجميل زينهم واللي عمله معاها 

سلطان نايم ع السرير ودخلت بنت صغيرة جميلة شكلها 4 سنين وبتصحيه

: بابي بابي ، hey اصحى بقا كفاية نوم

سلطان بنعاس: ف ايه يا حور 

حور بطفولية: وحشتني .. عاوزة اتكلم معاك

سلطان اتعدل وباسها وخدها ف حضنه: امال مامي فين؟

دخلت هنديان عليهم وقعدت ع طرف السرير: مش هتبطل كسل بقا .. الساعة داخلة ع 11 والنهاردة حفلة إطلاق الكتاب بتاعك “هنديان في مملكة السلطان”

سلطان بتهكم: هو انتي عشان بقيتي سيدة أعمال هتتنططي علينا

هنديان ضحكت: آه بقا 

سلطان انتبه للي لابساه: ايه الجيب القصيرة دي؟ انتي عبيطة يا بت

هنديان بزمجرة: يووه هو انت شايفني خرجت بيها يعني 

سلطان: الحاجات دي متتلبسش غير ليا أنا وبس 

حور بطفولية: يوووه انتو ع طول ف خناق كدة .. ارحموني 

سلطان: روحي لأمك بقا … وانتي يلا غيري الزفت اللي لابساه دة 

هنديان رمت عليه المخدة وقامت تغير ولبست فستان طويل ونزلت .. وهو بعد شوية حصلها

مصطفى وزينهم جم يياركوا لـ سلطان .. مصطفى ف آخر سنة ف كلية الطب كبر وبقا شاب زي القمر وخطب بنت زميلته ف الكلية .. صفية بتتعالج لسة ف المستشفى وزينهم بيزورها ع طول …

أحمد وسارة كمان وصلوا .. اتجوزوا وسارة حامل .. 

بلال اعز صاحب لسلطان كمان وصل مع مراته وابنه ع دراعه .. سلطان رحب بيهم كلهم وحضن صاحبه اللي كان فرحان بنجاحه 

زهرة فرحانه بلمة ولادها وحفيدتها حواليها .. وبصت لصورة “حسن” جوزها اللي متعلقة ع الحيطة وهي مبتسمة 

زهرة: الحمد لله يا حسن ربنا طرح البركة ف نطفتنا واتجوزت سيد الجدعان وبقا عندهم بنت زي القمر .. اكيد انت مرتاح دلوقتي .. ربنا يجمعني بيك ع خير يا رب 

سلطان وهنديان باسوها ف خدها مع بعض 

هنديان: ربنا يبارك لنا فيكي يا ست الكل 

ربتت ع خدهم بحنان وسلطان بص ع هنديان بحب: متجيبي بوسة 

زهرة بحدة: ولد

كل اللي موجود فضل يضحك وسلطان حضن هنديان بقوة 

سلطان: لو عشت عمري كله احب فيكي مش هيكفيني .. عمري هيخلص بس حبي ليكي انتي باقي للنهاية

تحت مقولة “وإن كنت لي نجاة فأنا لك حياة”

#تمت