رواية وكنت لي طوق النجاة الفصل الخامس 5 بقلم مريم مصطفى

قاعده شارده لوحدها ذكريات كتير عماله تهاجمها قطع حبل أفكارها خبط علي الباب

حلا: ادخل 

دخلت زينه ومعاها شكولاتات وعصاير 

زينه:ايه ياست حلا عجبتك قاعده المستشفي ولا ايه

حلا والدموع اتجمعت في عينيها: هروح فين انا دلوقتي لا ليا أهل اروح عندهم اتحامي فيهم ولا ليا صاحبه تشيل عني همي وتقف جنبي ولا معايا فلوس اعمل ايه ياربي وبدأت في العياط

زينه بحزن عليها : طب هو انتي مش قولتيلي إن ابوكي كان عنده شقه صغيره أجرها وكتبها بإسمك قبل مايموت؟

حلا بإستخفاف: ابويا؟ثم أكملت بحزن شديد وشرود انا مبقتش فاهمه حاجه 

زينه بتساؤل: إزاي مش فاهمه

حلا:بتركيز انتي عارفه اني اديت الشقه دي لماما كوثر تعيش فيها لحد مانلاقي مشتري للبيت واخد نصيبي منه

زينه بتفكير:, خلاص انا عندي فكره قومي غيري علي ماروح ادفع مصاريف المستشفى واجي

حلا بشكر: مش عارفه اقولك ايه غير اني الله اعلم من غيرك كان زماني فين دلوقتي ولا عامله ازاي 

زينه بمحبه: متقوليش كدا انتي زي اختي الصغيره

في قريه أخري 

تحديداً في بيت احمد الشربيني (والد حلا)

قاعد في مكتبه بيراجع ورق الصفقه الجديده اتفتح باب مكتبه بقوه مره واحده 

أحمد برفعه حاجب وغضب: هي زريبه يابابا

حازم ببرود: مش عايز تعرف بنتك فين

أحمد بلين وهدوء حاول يمسك أعصابه: انا معنديش بنات

حازم بخبث: بس انت عارف ومتأكد إن زينب (مامت حلا) عمرها ماتعمل حاجه زي كدا 

أحمد ببرود: دا شئ ميخصكش وزي ماقولتلك من شويه هقولك تاني انا معنديش بنات واتفضل برا من غير مطرود

خرج حازم 

حازم: دانت راجل غريب والله ثم ابتسم بخبث بس بكره تندم وترجع تدور عليا تاني ثم رحل

عند حلا وزينه

زينه: اتفضلي يا حلا متخافيش انا عايشه هنا لوحدي مع ماما وانا حكيتلها عنك وهي متحمسه أنها تقابلك 

حلا بإبتسامه: حبيبه قلبي هي فين طنط عشان اتعرف عليها

ساميه: وانا بقول البيت منور ليه حمدالله علي سلامتك يا بنتي عامله ايه طمنيني عليكي

حلا : الله يسلمك ياست الكل انا بخير الحمدلله انتي اخبارك ايه انا حقيقي مش عارفه اقولكوا ايه بس حقيقي انا اسفه علي الازعاج دا وانا هنزل من بكره إن شاء الله ادور علي شغل

ساميه بتكشيره: زينه حكيتلي حكايتك انتي من انهارده دا بيتك مفيش مشيان انتي ركزي في دراستك ومستقبلك اهم حاجه والشغل دا بعد ماتتخرجي أن شاء الله قوليلي بقي انتي جامعه إيه 

زينه بمقاطعة: طب ايه رأيك يا ست الكل نغير هدومنا بس كدا ونتغدا وتقعدوا تحكوا براحتكم

ساميه بشهقه: يا خبر اسفه يا بنتي الكلام خدني ادخلوا انتوا غيروا هدومكوا كدا واغسلوا ايديكوا علي ماحضر السفره دانا محضرالكم شويه أكل هتاكلوا صوابعكم وراه

حلا بضحكه: اكيد طبعا يا طنط دا كفايه أنه من ايدك هستأذنك بس اغير هدومي واجي اساعد حضرتك علي طول 

ساميه بحب: خدي راحتك يا حبيبتي 

عند كوثر

كوثر بشرود قاطعها صوت بنت 

شهد: يلا يا أمي عشان تاخدي الدوا بتاعك وتاكلي

كوثر: لا يا شهد مش عايزه مليش نفس دلوقتي خليها كمان شويه

شهد بإبتسامه: مينفعش والله لازم تاكلي كويس وتاخدي بالك من نفسك وصحتك 

(نسيت اعرفكوا ب شهد 

شهد الممرضه بتاعت كوثر عندها 23 سنه شعرها بني فاتح قصير بشرتها قمحيه وعينيها خضرا ❤️)

نرجع تاني لقصتنا 

كوثر بإبتسامه : تمام

عند حازم 

حازم: ايوه يا سليم 

سليم: كنت عايزك في موضوع مهم

حازم:خير في إيه 

سليم : هو خير إن شاء الله انا قررت أخطب

حازم : الف مبروك يا صاحبي ياتري بقي مين دي اللي امها داعيه عليها ومصلحه ولا حب

سليم: لما اقابلك هحكيلك كل حاجه

حازم: خلصانه يا زميلي

عند حلا 

حلا في المطبخ مع ساميه 

حلا بمرح: ايه الريحه القمر دي

ساميه :ايه رأيك بقي بصي سيبيلي انا هغرف الرز وانتي اعملي السلطه بسرعه

حلا: حاضر يا ست الكل

دخلت زينه

زينه: ايه دا الله محشي ورق عنب هاتي كدا صباع ادوق في السريع

ساميه : بألف هنا يا حبيبتي خدي الاطباق دي رصيها علي السفره 

زينه بحب: عنيا حاضر

علي السفره

ساميه : خلاص الدراسه قربت يا حلا انتي جامعه إيه؟

حلا: انا طب عين شمس

زينه: اوعا بقي صاحبي الجامد جموده دا انتي تتخرجي وتيجي معايا نشتغل سوا 

حلا بضحك: ياستي قولي يارب اتخرج علي خير بس 

ساميه : بسم الله ماشاء الله ربنا يوفقك يابنتي انتي قسم ايه بقي

حلا:انا جراحه بردو 

عند سلمي

سلمي بحب مسكت أيده: وحشتني أوي

مجهول: وانتي كمان وحشتيني اوي  

سلمي: هنعمل ايه دلوقتي 

مجهول:…..

سلمي بتفكير: اعتبره حصل 

عند حلا وزينه

حلا: زينه انا هنزل شويه عايزه اشم هوا وأدور علي شغل

زينه: يابنتي بقي ماتشيلي موضوع الشغل دا من دماغك هو انتي ناقصك حاجه ؟

حلا بسرعه: لا لا والله ابدا بس انتي فاهماني يعني حابه انزل واضيع وقت شويه 

زينه بقله حيله : طيب يا حلا بدال الموضوع دا هيريحك اللي تشوفيه 

حلا بإبتسامه : ماشي يا حبيبتي 

زينه بتسرع:حلا هو حازم سابك ليه 

حلا بإبتسامه وجع : عشان مبخلفش

زينه: انا اسفه انا مكنتش اعرف

حلا : لا عادي ولا يهمك المهم انا هنزل انا بقي يلا لا اله إلا الله

زينه : محمد رسول الله

عند أحمد الشربيني

ماجده ( مراته): مالك يا أحمد

احمد بتنهيده تعب : مش عارف يا ماجده حاسس اني تعبان 

ماجده بقلق: مالك فيك ايه 

احمد : انا ظلمت زينب وجيت عليها اوي

ماجده بحقد: انت لسه بتفكر فيها وانت ايه اللي يضمنلك أنها بنتك فعلا انت غيبت كتير 

احمد بتفكير: سيبيلي الموضوع دا 

ماجده بقله حيله: براحتك انت حر

عند حلا 

بتتمشي وبتسمع اغاني 

شريط حياتها عمال بتعاد قدام عينيها حياتها مع حازم وسلمي وكوثر وامها أيقنت قد إيه العالم دا قاسي جدا وأنها مهما قابلت في حياتها ناس يحبوها عمر ما حد هيحبها قد امها الله يرحمها بس كانت مؤمنه بعوض ربنا وأنه هيجبر خاطرها بس الموضوع كله مسأله وقت 

حلا بينها وبين نفسها : قد إيه كنت مغفله وسهل يضحك عليا

حازم بمقاطعة: سرحانه في ايه

حلا بغضب: انت ايه اللي جابك هنا انت بتراقبني

حازم:وانا هراقبك ليه دا كان صدفه كنت نازل اقابل واحد صاحبي ومروح شوفتك سرحانه قولت اما اجي اسليكي 

حلا:لا تشكر مش عايزه حد يسليني

حازم : براحتك انا ماشي

حلا : حازم 

حازم بإستغراب: نعم؟

حلا: امي راحت فين بعد ما استاذ احمد طلقها

حازم بتعجب: استاذ احمد؟؟

حلا ببرود: جاوب علي سؤالي

حازم: امك فضلت تلف كتير اوي وتدور علي شغل لحد ما اشتغلت عامله نظافه في مول المرتب كان شبه كويس يعيشكوا أجرت شقه اللي كنتوا عايشين فيها وفضلت تحوش تحوش لحد ماشتريتها وكتبتها بإسمك انا معرفش هي قالتلك إيه علي الشقه دي بس لما قولتلي لماما كوثر أن باباكي كان كاتبلك شقه بإسمك استغربت واستغربت اكتر انك مجبتيش سيره انك كنتي عايشه فيها كلامك مكنش بيوحي بكدا خالص 

حلا: لاني فعلا مكنتش قاعده في الشقه دي او يمكن انا مش فاكره اي حاجه عنها كمل

حازم: أمك حكت لامي كل حاجه وطلبت منها اني اتجوزتك عشان كانت تعبانه وحست أنها خلاص قربت تودع

حلا بدموع: وبعدين

حازم :اتجوزتك بعد ما خلصتي تالته ثانوي و

حلا بمقاطعة : بس خلاص انا عرفت الباقي ملوش لزوم تكمل 

شخص ما من بعيد صورهم سوا وابتسم بخبث 

حلا سابته وطلعت تجري مستنتهوش يكمل 

جت عربيه سودا وقفت قدامها وخرج منها اتنين بادي جارد وخدروا حلا وخدوها ومشيوا

حازم : حلااا!!!

يتبع….