رواية فتاة التنمر الفصل الرابع والعشرون 24 بقلم ياسمينا

*في القسم *

سليم كان قاعد مستني هاني طلب انو يشوفو وهاني دخل عليه 

سليم:  اتفضل يااستاذ يامحترم ياأب يافاضل ياصديق يامخلص 

هاني بغضب:  انت عايز ايه

سليم بضحك: جاي ابلغك ان بنتك بين الحياه ولموت ولو عاشت ف هتسجن

هاني بصدمه:  ايييييه

سليم بغضب: انت السبب في تدمير حياتها لو كنت اب عدل كانت نفعت لو كنت ربتها علي الحب وللاخلاص كانت بقت دلوقتي معا مراد ومتجوزين بجد انت احقر انسان اشوفو في حياتي بتقتل اعز صاحب ليك صاحب فتحلك بيتو وحياتو كلها ومراتو الي فضلت جمب مراتك ليه تيتم واحد كان طول حياتو جمب بنتك محسسهاش بعدم وجودك ياشيخ انا لو مكانك هقرف من نفسي دمرت حياة مراد وحياة بنتك بس بسم الله مشاء الله اكنها نسخه منك…

هاني قعد علي كرسي وقال بحزن: وهي عامله ايه

سليم بغضب: هتسجن وعلي ايدي بأذن الله

هاني بغضب: مراد مش هيسبها

سليم بزعيق: عملت ايه لمراد انت……. دانت كنت عايز تقتلو مرتين وموت ابوووه وبنتك عملت زايك كانت عايزه تموتو ولبستو قضيه بس خلاص انا طلعتو منها والبوليس هيروحلها المستشفي 

هاني قام ومسك سليم من هدومو وقال بغضب: مش هرحمك انت وكلب صحبك وابوه يستاهل يموت مليون مره عامل فيها دور الشريف الطاهر ماكل الناس ماشيه في شمال مسك فيا انا ليه

سليم بقرف: الي زايك مفروض يندم علي الي عملو بس انت لا حقير

سليم زق هاني…. وهاني وقع في الارض

سليم: انا ماشي استنا بنتك بقا 

سليم لف وجاي يخرج بس هاني بص علي المكتب ولقه ضفاايه مسكها وقرب من سليم وخبطو في راسو وسليم صرخ من الوجع

هاني بغضب: مش هسبكم وهقتلكم واحد وااااااحد

فجاه العساكر دخلو المكتب وسليم. حط ايدو علي راسو لقها كلها دم

هاني بصريخ:  محدش يقرب مني …

العساكر صوبو مسدسهم علي هاني 

واحد منهم: لو اتحركت هضرب عليك نار 

هاني قرب من العسكري ومسك المسدس وحاول ياخد منو المسدس بس عسكري تاني ضرب هاني بنار…. ورصاصه جت في راسو وسليم ابتسم بسعاده وبعدين بص علي العساكر وقال: كان عايز يهرب يستااااهل……

__”______________________________________

اما عند مراد…. كان قاعد علي مركب وماسك تلفونو وملك بتاكول شوكلاته

مراد بص لي ملك وقال:  خلاص ياحبييبتي هيجيلك السكر 

ملك بغيظ:  احسن ما يجيلي الضغط 

مراد بستغراب:  ليه مالك

ملك بغضب:  لغيت امتا هتفضل خايف علي مليكه هااااا دا اجمل لحظه في حياتنا خربتها بتلفونك ده مراد طلقنييييي 

مراد بصدمه:   مش انتي قولتي  عادي

ملك بغضب: انا عندي مشاعر صح ولالا بجد يامراد انت فاشل 

مراد بضحك:  طب اهدي 

ملك قربت منو وخدت تلفون وبصت فيه  لقتو بيرن علي سليم 

ملك يسخريه:  سليم مبيردش رن علي تنسيم او عمر

مراد:  اوبا يابنت الذكيه هاتي

مراد خد من ملك تلفون وملك كانت واقفه مصدومه

ملك بغيظ:  بكرهك يامراد 

مراد ابتسم ورن علي تسنيم وردت وملك خدت منو تلفون وفتحت الاسبيكر ومراد جاي يرد بس ملك قالت:  مليكه عامله ايه

تسنيم:  خلاص فاقت وبقت كويسه 

ملك:  تمام سلام 

ملك قفلت التلفون وبصت علي مراد وقالت:  كويس كدا

مراد بضحك:  حبييتي الغيوره 

ملك بغضب:  مش هتجوزك علفكره 

مراد مسك ايدها وقال:  دانا هكتفك كدا لغيت يوم الفرح 

ملك بصت علي ترابيزه الي فيها شوكلاته  وقالت:  بس بشرط تعملي حمام سباحه فيه شوكلاته كتير 

مراد بقرف:  نعم ياحبيبتي

ملك بضحك:  يعني بدل ما تحط ميه حط شوكولاته وننزل بقا نعوم وناكول

مراد ساب ايد ملك وقال: مش هنكمل معا بعض لا 

ملك:  طب خلاص مش هناكول هنعوم بس 

مراد بغضب:  اخرسي اقفلي بوقك ده 

ملك غمزتلو وقالت:  ويااااه بقا لو  فستاني يكون ملزوق فيه شوكلاته كتير وبدل بوكيه ورد يبقا برتمان نوتلا ياااااه  هيبقا اسعد يوم في حياتي

مراد بسخريه:  وانا هيبقا اقرف يوم في حياتي 

ملك بضحك:  انا عارفه ان مراد حبيبي هيعمل كل ده 

مراد بصلها بضيق وقال:  خلاص هتزفت 

ملك سقفت وقالت:  ومن غيروووو اصلا مفيش غيروو ملكني بتأثيرو

مراد بغضب:  قولتلك متغنيش تاني 

ملك فضلت تسقف وتقول:  حبيبت واخيرااا جاالي الي سنين اتمنتو… 

مراد:  اه علشان اعملك الشوكولاته يوم فرحك

ملك بضحك:  يس يابيبي 

مراد تلفونو رن وكان سليم وملك فتحت تلفون وقالت: الو 

سليم: عامله ايه ياملك 

ملك بابتسامه: عامله شوكلاته تجي تاكول

سليم بضحك: دانا بعشقها

ملك بضحك: حبيبي

مراد بغضب: نعمممم

ملك بصت لي مراد بخوف وقالت: احمم قصدي شوكولاته

مراد: ليه ياروح امك هي شوكلاته ذكر ولا انثي

ملك: هي ذكر بس عامله نفسها انثي

مراد خد منها تلفون بغضب وقال: اخرسي وانت ياحيوان متصل عايز ايه الواحد ميعرفش يقعد معا مراتو شويه 

سليم بسخريه: اه مراتك الي قالتلي حبيبي 

مراد بص لي ملك بغضب وملك بصت في الارض بخوف

مراد بهمس: دانتي يوم ابوكي اسود استني عليا………وانت عايز ايه

سليم بجمود: هيقبضو علي مليكه بتهمة قتل رحاب واه هاني مات والحمدالله

مراد بصدمه: مستحيل وانت هتسبها 

سليم ببرود: والله مكنتش بنت عمي علشان ابقا جمبها هي تستاهل

مراد بغضب: انت اتجننت

سليم بعضب: الي اعرفو انك اخترت واحده مالك بتانيه ولا انت بقا عجبك العبه دي واتنين يحبوك  ياااه ملك زمااانك حضرتك

مراد بحزن: انا كدا كنت بحسبك صحبي وفهمني انا يااستاذ مبتهونش عليا العشره وانا وانت واثقين ان مليكه مقتلتهاش عن قصد يعني احنا نعرف الحقيقه وعايزني اسكت انا ظابط يااستاذ ومينفعش اسكت ودي اختي لازم اقف جمبها 

مراد بص لي ملك وقال: حتي ملك مش هتخليني اسبها 

ملك بابتسامه: مستحيل اخليك تسبها 

سليم بندم: انا اسف بس خلاص هي هيتقبض عليها لان التهمه لابسها 

مراد: انا نازل القاهره دلوقتي 

سليم: تمام 

مراد قفل التلفون وبص لي ملك وقال بحزن: اسف مش قادره اعيشك في سعاده 

ملك بابتسامه: وجودك جمبي هو اكبر سعاده وانا فاهمه كويس انك بتحبها كاختك وبنكم عشره انا واثقه في يامراد بس بغير بقا يعني خلي بالك 

مراد حضنها وقال: معقول تغيري من حد انتهي من حياتي 

ملك: اممم طيب هننزل القاهره بس بشرط تعملي فرح بشوكلاته

مراد بغيظ: صبرني ياارب ماشي يلا بينا بقا 

ملك بسعاده: ماشي 

مراد وملك نزلو من المركب وركب العربيه وتحركو… 

_________________________________________

عند مليكه كانت خلاص فاقت وسليم كان قاعد قدامها هو وتسنيم 

مليكه بتعب:  مراد فين

سليم بضيق:  جاي

مليكه. بصت علي راس سليم الي ملفوفه بشاش

مليكه بفضول:  من ايه ده

تسنيم:  احم حاد

سليم قطعها وقال:  ابوكي هو الي عمل كدا الله يرحمو بقا 

مليكه بصدمه:  نعم الله يرحم مين

سليم جاي يرد بس تسنيم قالت: الاعمار بيدي الله ياحبيبتي

مليكه بصريخ: قتلتووووه

سليم بغضب: هو الي قتل نفسو

مليكه بشر: والله ما هرحمكم

سليم: هتعملي ايه يعني تعرفي انك نزلتي من نظرنا اوي فين مليكه الهاديه.الطفله 

مليكه حاولت تقوم من علي سرير بس مقدرتش وتسنيم قربت منها علشان تسندها بس مليكه مسكتها من شعرها وزقتهاااا

مليكه بوجع: مش هرحمكم وهتقلكم واولكم مراااد الخااااين 

سليم بسخريه: ياعيني عليك يامراد البت دي ابوها قتل ابوك ومش بس كدا كان هيقتلك ومش بس كدا بنتو كانت عايزة تقتلك كمان وانت لسا خايف عليها

مليكه بغضب: خايف عليا اهاا مهو واضح

سليم: اصلا اصبتك سطحيه والبوليس هيجي يخدك ونخلص من قرفك بقا

تسنيم  : سليم

سليم: بلا سليم بلا زفت بقا سكتنلها كتير وهي عماله تأذي مراد في ايه بقا هي مفكره نفسها مين 

مليكه قامت من علي سرير بتعب وقالت: بكرهم براااا يلا وصدقني مش هرحم مراد بتاعك ده 

سليم بصلها بقرف وبعدين مسك ايد تسنيم وطلعو برا الاوضه

سليم: هنفضل واقفين كدا علشان متهربش

تسنيم: طيب……..

________________________________________

*وبعد ٤ سعات مراد اخيرا وصل قدام المستشفي 

مراد: يلا 

ملك بقلق: مش مطمنه

مراد جاي يرد عليها بس ملك قالت: مراد بص البوليس الي داخل المستشفي ده

مراد بص لقه البوليس داخل المستشفي 

مراد: تعالي بسرعه 

مراد وملك نزلو من العربيه ودخلو ورا البوليس المستشفي وبعدين طلعو الدور تاني ووقفو قدام اوضه مليكه

سليم: احم اتفضلو هي جوا

الظابط: تمام هندخل ونشوف حالتها 

مراد جاه من وراه وقال: حالتها مش هتسمح انك تاخد اقوالها هي تعبانه

الظابط بص لي مراد وقال: حضرتك مين 

مراد: اخوها وكمان ظابط

الظابط: احم احنا اسفين طبعا بس لازم نشوفها

الظابط فتح باب الاوضه ودخل ومراد وملك دخلو وراه وباقي العساكر كانو برا واول مادخلو شافو مليكه واقفه جمب السرير

الظابط: مانتي كويسه اهو

مليكه بصت لي مراد بشر وبعدين قالت: ممكن اقولك حاجه ياحضرت الظابط

الظتبط بستغراب: عايزة ايه 

مليكه بهدوء: قرب 

ملك كانت مش مرتاحه من طريقه مليكه وكانت مركزه معاها اووي 

الظابظ قرب منها وهي بصت لي ملك وبعدين بصت علي ظابط وفي لمح البصر مد ايدها في جيب الظابط وخدت مسدسو وصوبتو علي ظابط

مليكه بسخريه: لما تجي تدخل علي مجرمه اتعلم تبقا ماسك المسدس في ايدك

مراد قرب من مليكه بس ملك بعدتو تاني وقالت: مراد ارجع

مليكه بصت علي مراد وقالت بشر: مش هتردد لحظه اني اقتلك 

مليكه صوبت المسدس علي مراد وملك بصت لي مراد بخوف

مراد بغضب: انتي مش هتتغيري ابدا 

مليكه: لا وهموتك

مليكه ضغطت علي زناد وضربت نار نحيه مراد بس ملك زقت مراد بعيد…. وطلقه جت في الحيطه ومليكه بصت لي ملك بغضب وضربت نار عليهااااا……

مراد بصدمه: ملككككككك….. وهنعرف في اخر فصل ❤❤