رواية الحربايه والثعبان الفصل التاسع والأربعون 49 بقلم منة محمد
رواية الحربايه والثعبان الجزء التاسع والأربعون
رواية الحربايه والثعبان البارت التاسع والأربعون
رواية الحربايه والثعبان الحلقة التاسعة والأربعون
لقراءة أو تحميل رواية الحربايه والثعبان الفصل التاسع والأربعون : اضغط هنا
لقراءة الرواية كاملة اضغط على : (رواية الحربايه والثعبان)
يجب أن تكتب 5 تعليقات اولًا كي تظهر لك الحلقة.
البارت 48
#الحربايه_والثعبان
✿ قصص منه محمد كاتب ✿
في المستشفي بعد ما الدكتوره كشفت ع دعاء وطمنتها
آمير بحنان عليها: الحمد لله الامور تمام , لازم تاخدي بالك اكتر المره دي , معندكيش فكره عن مدي قلقي اسمحيلي اوصلك
دعاء بتكشيره بدون ما تبصله: لا شكرا انا هروح بنفسي
آمير: مفهمتش ازاي يعني هتروحي بنفسك
دعاء: طول عمري متعوده اركب المواصلات العامه وبتسهل خدمه الركاب في البلد
آمير اتنهد بضيق : دعاء مفيش داعي تبقي صيغه الكلام ما بينا تلقيح كدا, انا قلت كدا في لحظه وانتي فاهمه كويس انا كنت منفعل بسبب مرض جدتي , وقلت الي قلته من غير قصد
دعاء: الانسان اوقات الغضب بيقول الحقيقه , زي السكران بالظبط بيقول كل حاجه جواه
آمير: ارجوكي اتخلي عن العناد, واركبي معايا, لازم تطعيني انا لسه جوزك ثقي في حبي
دعاء: كان عندي ثقه قبل وانت كسرتها مفيش حاجه مهمه بالنسبه لي طريقنا مبقاش واحد
آمير: لاء يا دعاء مش كدا سكتنا مش مختلفه ولا الطريق معتقده مش واثق فيكي ده مش صحيح اطللاقا
دعاء بتتلفت حواليها: اظن لا المكان ولا الوقت مناسب نتكلم في الامور دي وانا اتأخرت بيبو لوحده في البيت واكيد خايف ( كملت كلامها وهو بتبعد عنه) سلام
آمير اخد نفس طويل وقال: دعاء هتجننيني بعنادك
دعاء سابته وكملت طريقها الي قررت تمشي فيه وهو اتحرك بخنقه !
………..قصص منه محمد كاتب………….
في منزل عائله جمال
رحاب طلعت بأجهاد: ازيك يا مامي؟؟!!
ناني: انا الحمد لله بخير بس زعلانه منك ليه خبيبتي عني انك حامل قولتي لجمال فرحان وسعيد ومهتم بيكي عارفه لما أمير عرف ان دعاء حامل موقفه اتغير ده بيبذل مجهود عشان يرجعها البيت وانا الي بمنعه
رحاب اتحركت بنزعاج و نزلت دموعها
ناني: رحاب مالك ليه بتعيطي ياحبيبتي قوليلي
رحاب بصوت باكي: مش عايزه اعيش هنا عايزه ارجع معاكي بيتنا
ناني: ليه اتخانقتي مع جوزك لو فيه مشاكل كنتي لازم ترجعي في اليوم الي جه ابوكي واخوكي عشان ياخدوكي
رحاب هزت لها دماغها ببكاء : مش هقدر احكيلك في الوقت الحالي , بس مش عايزه اعيش هنا خلاص, من فضلك مامي خديني معاكي, من فضلك خديني من هنا
ناني: يابنتي قوليلي في ايه
رحاب مسكت دماغها وبطنها واتألمت
ناني سالتها بقلق : بنتي مالك
رحاب فضلت ماسكه بطنها وبتصرخ من شده الالم , وناني قلبها دق بانفعال وبصتلها بصدمه وجسمها رجف
ناني بفزع : رحاب اعمل ايه جمال وسولا مش هنا هتصل بأبوكي
رحاب جسمها قوته خارت ووشها شحب واصفر
ناني ارتبكت بخوف : فتحي عيونك رحاب
رياض رد: الو يا ناني
ناني: رياض انا في بيت رحاب واغمي عليها انا لوحدي هنا ارجوك تعال بسرعه بسرعه يارياض
ناني حاولت تفوق رحاب لكن للاسف غابت تماما عن الوعي لحد ما رياض وصل واتصل بلاسعاف
…………قصص منه محمد كاتب…………….
في المستشفي
رياض راحلها بلهفه: ها يادكتوره طمنينا ع بنتنا, اتمني تكون بخير
د: للاسف بتعاني من انهيار عصبي حاد
رياض شهق : معقول
د: واتضح من حالتها انها بتعاني من ضغط نفسي شديد من ايام بسيطه , وفيه خبر سئ للاسف اجهضت الجنين
ناني انفجرت في البكاء ورياض شهق وحط ايده ع شفايفه
د: الكشف المبدئي بيقول انها اخدت ادويه ضاره , وده هيتضح من خلال نتيجه التحاليل , اهم حاجه ننقذ حياه المريضه
رياض هز دماغه بتفهم: اه طبعا
ناني برجاء وتوسل بقلب ام مكلومه: دكتوره بنتي هتتعافي وحياتها هتتنقذ
د: متقلقيش ادعولها واحنا هنعمل اقصي جهدنا
رياض: الف شكر اهتمي بيها بشكل خاص رجاء
د: من غير ماتقول سيادتك
رياض: الف شكر
ناني: شوفت رحاب عندها انهيار
رياض: ازي ده حصل و ايه الامور , الي وصلتها للمرحله دي
…………..قصص منه محمد كاتب………………
في كافيه
داغر: مالك يا آمير بتفكر في ايه
آمير: حاسس اني تايهه , بعدي بفتره صعبه بكل معني الكلمه, لا راحه ولا طاقه , ولا قوه حتي ايام عامله زي الجبال تقيله ع قلبي جدا
داغر: جمال هو السبب في الالم الي كلنا فيه ؟!
آمير هينفجر من الغيظ: معرفش انه هيطلع وضيع للدرجه, دمر حياتي وحياه دعاء , ورحاب وامي مش بيسمعوني ولا فاهمين وجهه نظري , واختك دي كمان رافضه تكلمني او حتي تسمعني
داغر بهدوء: انت الاول اقنع عايلتك , وحاليا فكر في علاقه رحاب وجمال , والاكيد دعاء وجمال كانوا بيقابلوا بعض بسبب العلاقه دي
آمير بحقد: الكلب بيحب مراتي , وهي للاسف مقلتليش انها ضربته في الكليه
داغر: وللسبب ده اختي مش هترجع بيتك لحد ما تواجهه انت جمال بكل ده
آمير: رحاب بتدافع عنه بدون سبب مقنع , وخايف لما تعرف حقيقته الوضيعه ازاي هتقدر تتحمل الصدمه دي
داغر: رحاب عارفه كل حاجه يا آمير
آمير اندفع بجسمه لقدام: ازاي عارفه
داغر: لما روحت بيتها في اليوم اياه
آمير: استني بابا بيتصل هرد_فتح الخط_ افندم يا بابا
رياض:انت فين يابني عمال اتصل بيك تلفونك مقفول
آمير: كنت مشغول في ميتنج مهم, قفلت موبيلي, انا آسف, هو فيه حاجه مهمه
رياض: تعال حالا ع المستشفي
آمير وقف بنزعاج: مستشفي!! حد جراله حاجه , امي جرالها حاجه؟؟!!
رياض ببكاء: اختك هي الي في المستشفي
آمير: رحاب جرلها ايه؟؟!!
رياض: اختك اجهضت
آمير طلع الفلوس وحطها ع التربيزه بأرتباك: متقلش يا بابا انا جاي حالا مسافه السكه حالا متقلقش سلام
داغر بستفسار: ايه الي حصل لرحاب
آمير بيمد بعجاله: اختي مش كويسه وهي في المستشفي
داغر طلع وراه: جاي معاك
آمير بيجري ع العربيه: يله بينا
……………قصص منه محمد كاتب………………
واقف ساند كتفه ع الحيط وبيلعب في الموبيل
سولا بغضب: ازاي قاعد هادي وبتلعب كمان , رحاب دخلت المستشفي, وحالتها خطيره جدا
جمال ببروده المعتاد: مام انا مش دكتور اقدر اعالجها, و دخولها المستشفي معروف , وانا متأكد ان ابوها وامها هيعالجوها افضل , علاج ع اعلي مستوي
سولا: يابني انت لازم تبقي جنبها , دي مراتك وحياتها مهمه
جمال كشر فيها وكمل بجدية : ملهاش اهميه عندي, بليز متفضليش تفكريني كل شويه بغلطتي
سولا بتهكم : غلطه
جمال: افكورس الجواز منها هي اكبر غلطه في حياتي , ومش رايح المستشفي اوكيه , ده اخر كلامي
جيسي بصتله بضيق: عمتي اعتقد اننا يجب ان نذهب الي المستشفي لرؤيه رحاب, انها تحتاج الينا
سولا بصتله بغيظ وقالت: حسنا , دعينا نذهب, للاطمئنان
…………..قصص منه محمد كاتب…………
آمير داخل بيجري: بابا ماما
ناني جريت ورمت نفسها في صدره: آمير
آمير ضمها عليه اوي: حصل ايه؟؟!!
ناني ببكاء: اختك مش بخير , معرفش جرلها ايه الدكاتره بيقوللنا ان جهازها العصبي انهار وفقدت الجنين
آمير وسع عيونه بدهشه: معقول , انا يما نصحتها انا وبابا ترجع , ده الي كنت عامل حسابه , بس هي عاندت وفضلت حتي بعد ما عرفت ان الوضيع له وش تاني فضلت و كملت
ناني عيونها فيضان دموع : تقصد ايه؟؟!!
آمير: داغر راح كشف كل حاجه لرحاب
ناني اتعصبت عليه بشكل هستيري: يعني انت مسؤل عن حاله بنتي , وخسرت جنينها بسببك انت
رياض شخط فيها : انتي بتقولي ايه يا ناني, ايه ذنبه في كل ده, ده كان لازم يحصل و الحقيقه تتكشف في يوم وكان هيحصلها الي حصل لما تعرف حقيقته
داغر: ثقه بنتك العمياء فيه هي السبب الوحيد ووري وضعها الحالي , استمريغشها ويخدعها ورمي اللوم ع اختي في كل ده, ياعمي انا حزين لانك صدقته _بص لها_ عارف انك بتـالمي لما بتشوفي بنتك كده , بس ارجعي افتكري في اليوم الي طردتي اختي من البيت بعد نص الليل ازاي كانت حالتها وقتها, في نفس الوقت الي عرفت ان امها ماتت لان مفيش انسانيه ولا رحمه في قلوب البشر, ادعي لرحاب انها تقوم من الصدمه متعافيه لما بيتظلم انسان بريئ ربنا بيرجع له حقه , والمجرم بياخد عقابه من انتقام الله انه المنتقم الجبار
ناني
…………قصص منه محمد كاتب
في شقه داغر دخل وحكالها المشده الي حصلت وهو حزين للغايه
دعاء: هم قلقانين ياداغر ورحاب بتصارع حياتها وانت قلت لهم كلام كتير
داغر بضيق: كانت بتتهمني اني السبب في حاله بنتها , هو انا الي عطيت الالم والوجع لرحاب متعمد يعني
دعاء : هي حبيت جمال كتير , واكيد دخلت في حاله صدمه شديده
داغر: لكن مهتمتش بحب راجل غيره وهي في الحاله دي بسبب حبها الاعمي
دعاء: لسه بتحبها
داغر اتنهد: هي دي المشكله ان لسه بحبها, الحب بيخلي البني ادم متسول هنا وهناك, رغم اهانتني كتير واسائت التصرف معايا, لكن اعمل ايه غصب عني قلبي العبيط لسه بيحبها
دعاء حطت ايدها ع كتفه: هترجع لوعيها
داغر: تحبي تزوريها في المستشفي
دعاء برفض: لاء وبعدين هي غايبه عن الوعي , ولو رجعت لوعيها وشافتني قدامها , حالتها بعد ماتشوفني هتسوء اكتر, فبلاش احسن
داغر: عندك حق بلاش وترجع امها تتهمنا
دعاء ابتسمتله: انا هتوضا واصلي وادعلها, ربنا يزيح عنها ويرجعها لدنيتها
داغر بصلها بتعجب: هتدعلها تسترد صحتها
دعاء بصتله بكل بساطة: وايه الغريب انت مش هتصلي وتدعلها , انا عارفه انك بتستغربني وبتقول دي هبله انا كمان ساعات بستغرب نفسي , معرفش يمكن عشان كانت صاحبتي القريبه في اخر سنتين في الكليه , ومره واحده بدئت تغضب مني
داغر : واضح كله بسبب جمال
دعاء: غلطت كتير في حق نفسها , عشان حب وهمي عاشته , وصدقته, وع فكره انا مش زعلانه منها
داغر: ليه ميكنش التسامح الحلو ده لـآمير
دعاء: عشان فيه فرق في طبيبعه العلاقه بين آمير واي حد تاني , انا مكنتش منتظره من رحاب اي حاجه, وكنت متوقعه اي غدر يجيلي منها , لكن آمير توقعت واستنينت منه كتير
داغر : مفيش امل تغفريله وتسامحي
دعاء: ممكن اغفر اي حاجه الا اني اهون عليه هو فيه ابشع من اني اهون عليه , وصدقت ووثقت في كلامه انه احن الناس عليا من الجميع, عشان كدا مستحيل اسامح حد هنت عليه وهان عليه يوصلني لمرحله انه تصعب عليا نفسي بالشكل دا, داغر الراجل لما بيكسر ست بتحبه بتحتاج لسنين كتير اوي عشان تقدر تقف ع حيلها من اول وجديد
داغر حط ايده على كتفها و قال بنبرة هادية : سلميها لله
دعاء: انا مش معترضه ع امره , و كل سجده بطلب منه القوه الي تخليني اتحمل واكمل
……………قصص منه محمد كاتب………………
في المستشفي آمير راح يطلب لهم كوفي
رياض: اسمعي لو شوفتي جمال في المستشفي بلغيني ع طول
سولا قربت بهدوء: السلام عليكم
ناني بعصبيه : عندك الجرئه تيجي لحد هنا
سولا: رحاب عامله ايه دلوقت الدكاتره قاله ايه وحالتها حصلت من ايه
رياض: احنا الي المفروض نوجهلك السؤال ده يا مدام, بنتي بتموت جوه , عملتلها ايه انتي ولا ابنك , ووصلتوها للحاله دي
سولا: صدقني يارياض انا مش مسؤله عن حالتها , وكنت بنصحها بلاش تتوتر
رياض بحده وصوت عالي : منا عايز افهم ايه نوع التوتر الي بتعاني منه
سولا: كان فيه خناقه بينها وبين ابني , واظن انت عرفت السبب
رياض بوعيد: الي اعرفه لو جري لبنتي اي حاجه لاسمح الله مش هسيب ابنك
ناني صرخت فيها بقوة: من فضلك امشي من هنا
سولا بنظرات رجاء: سبوني اشوف رحاب لمره واحده وهمشي بعدها
رياض بنرفزه: احنا وبنتتنا مش محتاجين لحد وبلغي ابنك اياك يظهر قدامي تاني بعد الي حصل ووضع بنتي الصحي مبقاش ليها علاقه بجمال من فضلك امشي من هنا
سولا بصتلهم شويه ومشت مقهوره
رياض بقهره: ولادنا بيمروا بأوقات عصيبه
ناني بعياط شديد: رياض انا متهمتش حد انا اتكلمت عن الامور الي شوفتها بتحصل قدامي
رياض: واتصرفتي انت وبنتك بأسلوب همجي مع دعاء , وحذرتك وقولتلك وفهمتك رحاب مش عاقله بما فيه الكفايه, لكنك دعمتيها في الغلط والظلم وعبيتي سم اسود ان آمير يتجوز واحده تانيه
ناني بنرفزه : كفايه بقي انا قلبي محروق ع بنتي , وانت بتهني
رياض نزلت دمعه مؤلمه: مش هنسي جمال , دمر حياه بنتي’ شربها جرعات الالم, لاحظتي انه مجاش ولا مره يزورها في المستشفي, لانه المسؤل الوحيد عن حالتها
ناني: مش كفايه اتعرضت لضغوطات نفسيه شديده لما تعرف انها اجهضت كمان(بكت بحرقه)
رياض بغصه ومرار : الاول تسترد وعيها , والباقي مقدرور عليه, لسه فيه وقت ياناني في سبيل الله رجعي دعاء بكرامتها, حاله بنتنا ذنب الالم الي عاشته دعاء بسببنا
ناني: الاول رحاب تسترد وعيها واكلمها لمره واحده , وهقنع دعاء بنفسي واطلب منها السماح والغفران وهرجعها بكرامتها , بس بنتي ترجع للدنيا
آمير بنبره مخنوقه: بابا قهوه
رياض اخدها منه: شكرا
آمير بتنهيده طويله : رحاب هتتعافي قريب , عندها اراده قويه, ومش هتطلبي الغفران من دعاء لاني متأكد انها لايمكن تخليكي تعتذرلها , وهرجعها بطريقتي قريب جدا, اشربي ياماما القهوه_طبطب عليها بحنيه _ متقلقيش كل الامور هترجع تمام
…………قصص منه محمد كاتب…………….
في منزل عائله جمال
جيسي بالطبطبه: توقفي عن البكاء لما تبكي
جمال قرب من قوه الصوت وبسؤال: ايه الموضوع ؟؟ جيسي لماذا مام تبكي
سولا صرخت بقهر : بعيط بسببك انت المسؤل عن حاله رحاب جيسي اطلبي منه ان يذهب من هنا لا اريد ان اري وجهه
جمال: بتبعديني عشان خاطر رحاب
سولا بنفعال: بسبب افعالك المشينه , الاهل بتحس بالتباهي بتربيه اولادهم, راسهم مرفوعه بالفخر بسبب افعال اولادهم الجديره , وانا بواجهه الخزي والاحراج بسببك للمره التانيه رفضوا اطمن ع رحاب
جمال بسخريه: هو انتي قلقانه اوي عليها دي واحده انانيه مغروره طايشه مش قادر افهم هي مكنتش بتحترمك ابدا انتي ليه قلقانه عليها
سولا كانت بتغير من نفسها وتغير ذاتها كسرها وانت معندكش اي ندم اجهضت طفلها بسببك وكل ده مش حاسس بالندم
جمال شوحلها بعدم اهتمام: انا مش مستعد عقليا
سولا: ايوه لانك عايز تخلص منها , وقلت ترجع لحياتك القديمه, جيناتك سيطرت ع تربيتي عملت نفس الي عمله معايا ابوك , سابني
جمال : مام بليز متقرنيش حكايتك مع رحاب اوكيه , انتي مش عارفه حقيقتها هي خبيثه, انانيه مش بتطيق تشوف حد سعيد, حتي متحلمتش اخوها الوحيد يستقر في حياته, الاخ الي اعتبرها اهم واحدة في حياته , هي بس طول الوقت عايزه تثبت اهميتها وتمشي كلمتها ويولـ ع الغير والاولويه هي حياتها وبس
سولا: انت كنت مهم بالنسبه لها البنت دي لو حصلها حاجه انا مش هسامحك ابدا
جمال بصلها بضيق وسابها ومشي بكل هدوء
جيسي ضمتها: كوني قويه من فضلك
سولا بكت في حضنها: كم سعدت بعد سماع هذا الخبر السعيد ولكن
جيسي طبطبت عليها: سيتم اصلاح كل شئ
سولا بمراره : كلا جيسي لن يتم اصلاح اي شئ الان, كل شئ تدمر تحطم لحطام
………قصص منه محمد كاتب……………
ع الموبيل
دعاء: رحاب عامله ايه حاليا؟؟!!
آمير ملامحه اتحولت لحزن عميق: حالتها خطيره جدا دعاء عارف قلبك شايل منها بلاش تدعي عليها من فضلك هي محتاجه الدعوه
دعاء انا عمري ما شمت في حد لانه مش من اخلاقي
آمير ببكاء: دعاء اختي في حاله سيئه جدا, في الوقت الراهن انا وبابا وماما كلنا قلقانين عليها جدا, تقدري تيجي هنا انا بجد محتاجلك
دعاء: رحاب مينفعش تشوفني قدامها
آمير: بس هي غايبه عن الوعي انا الي محتجالك تكوني جنبي, والدكاتره قالو كلها ساعات قليله حرجه جدا , ولو مرجعتش لوعيها هتدخل غيبوبه
دعاء بصوت جامد: بأذن الله هتسترد وعيها
آمير مسح دموعه: يعني مش جايه
دعاء سكتت عن الرد تماما
آمير: اسمعيني يادعاء لو عايزني اجيلك لحد عندك اعتذرلك , انا معنديش اي مانع
دعاء بدون اي رد قفلت السكه في وشه وهو حس انها ترجعله امر شبه مستحيل والبعد والجفاء عمال يزيد!!!
استوب ورايكم هل دعاء هتوافق ترجع لـ آمير ولا بقي مستحيل
ياتري الاحداث القادمه هتاخدنا لفين هقولكم البارت الجديد وكل يوم حدث مهم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
